((((((السكة شمال ٢)))))))
#لولو_محمد
الحلقه ١٢٧
لبنى / انت فاكر انك لما توقع المنافسين هتوصل ما هيطلع غيرهم لو ركزت فى طريقك و ما بصتش وراك عمرهم ما هيحصلوك
زياد / هيحصل
لبنى / يووووه بقى هو انت مش بتسمعنى خالص
زياد / خلاص خلاص اهدى تمام تمام اللى انتى عوزاه هعمله
لبنى / كلام بتريحنى و خلاص
زياد / لا والله مش كلام و انتى من بكره هتبقى معايا فى الشركه و البيت و كل حته و هتشوفى بنفسك اى كان اللى هيريحك هعمله
لبنى / اوعدنى
زياد / وعد خلاص اهدى
لبنى تبصله و تهز راسها
...................
فى شركه مازن تانى يوم
محمود و مازن و شريف قاعدين فى مكتب و شريف فطسان ضحك
محمود / مالك يا عم هو انا قولت نكته
شريف / ابدا ابدا هههههههههههههههههه
محمود / و انت يا عم متنح ليه كدا
شريف / دا من فرط الفرحه هههههههههههههههههه
محمود يبص لمازن و يبص لشريف
محمود / انتوا شاربين حاجه على الصبح في ايه الله
مازن /يا ابني سيبك منه دا عبيط
شريف / هههههههههههههههههه اوى عبيط اوى
مازن / ما خلاص بقي يا عم ما تخلينيش اعملها معاك
شريف / لا اوعى هو انا قدك اموت في ايدك علاطول هههههههههههههههههه
مازن / اللهم طولك يا روح ما تتلم ياله الله
محمود / انا مش فاهم حاجه هو فى ايه
شريف / فى ان مازن امبارح كوارع و النهرده سى فود و بكره حمام تفهم من كدا ايه
محمود / قلبي عندك يا ابني والله هو الحاله ادهورت اوى كدا انت اتحسدت اكيد اتحسدت
مازن / انتوا هتحفلوا عليا مش انت اللى مراتك طلبت الجمبرى و السيفود هاه قولتش حاجه انا
شريف / هى طلبت اكله ما بتعرفش تعملها لا هى و لا امى اوعى شطانك يلعب بيك بس
مازن / يا راجل طب و انت يا محمود بيه مش انتوا اللى اخترتوا الحمام و لا انا
محمود / يا مازن انت زى اخويا الكبير الحاجات دى ما فيهاش احراج و الطب دلوقت اتقدم خالص في الحاجات دى
مازن / طبعا ما انت مجرب و عارف
شريف / بوم بوم بوم اين الجبهه انا لا اراها
تليفون مازن يرن
مازن / يلا ياض انت و هو كل واحد على شغله انا مشغلكوا معايا تقرفونى يلا ياض بره يلا صحاب عرر انا ناقصكوا
محمود و شريف يطلعوا بره و هما بيدحكوا
شريف / لا بس خرسك هو
محمود / معزور يا عم الجرح عميق
شريف و محمود يقفلوا الباب و مازن ماسك نفسه من الدحك يرد
مازن / قلبي يا ناس اخبارك
مرام / واحشني جداااااا
مازن / اهى دى الاصوات اللى الواحد يسمعها و دا الكلام اللى يطول العمر مش شويه الجديان اللى الواحد كان قاعد معاهم
مرام / هههههههههههههههههه مين دول
مازن / محمود و شريف
مرام / هههههههههههههههههه هتيجي امتى
مازن / انا شخصيا فاضي ممكن اجى دلوقت لو تحبي
مرام / احب اوى
مازن / هههههههههههههههههه خلاص هاجى هو الاكل جه و لا لسه
مرام / صافى قيلالهم يوصل الساعه تلاته و هى هتجيب ماما بطه و البنات في عربيتها و هتيجي كمان شويه
مازن / دا على كدا يادوب اجيب الحيوان شريف و اجى
مرام / هههههههههههههههههه حرام عليك ليه كدا
مازن / لما اجى هحكيلك
مرام / تمام هستناك اوعى تتاخر
مازن / لا يا قلبي مش هتاخر سلام
مرام / سلام يا حوبي
مازن يقفل و يتصل بشريف
مازن / يلا يا ابنى عشان نمشي ... ماشي مستنيك انجز و تعال يلا
...........................
فى شركه زياد
زياد قاعد على ترابيزه الاجتماعات و جنبه لبني و حواليه موظفين كتير
زياد / احنا لو استمرينا بالاداء ده يبقي نقفلها احسن الشغل ده لازم يتسلم فى معاده مش موظفين حكومه انتوا الفتره الجايه دبل شيفت لحد ما الشغل يخلص و ما فيش اوفر تايم عشان تعرفوا تدلعوا كويس و لو ما اتسلمش فى معاده يبقي تشوفولكوا شغل تانى و تسيبوا مكانكوا لناس تعرف تشتغل مش فاتحينها تكيه هنا يلا اتفضلوا
الكل يقوم و يمشي لبني تقوم تقعد على الترابيزه قدام زياد
لبني / اهدى يا حبيبتي الموضوع مش مستاهل كل ده
زياد / انتى مش شايفه البرود اللى هما فيه
لبني / اهدى بس اهدى
لبني تقوم و تلف وراه و تعمله مساج فى رقبته يمسك ايدها و يبوسها
زياد / ربنا ما يحرمنى منك و لا من حنيتك عليا
لبني / الناس دى هتفضل تستفزك ببرودها و انت اللى هتطلع خسران فى الاخر لازم تبقى هادى عشان تعرف هتتعامل معاهم ازاى
زياد / انتى اصلك ما تعرفيش حاجه الكلاب دول بيشفونى على انى موظف هنا زيى زيهم من قدامى بيضربوا تعظيم سلام و كل اتنين من ورايا بيتودودوا اللى يقول فاكرها تكيه ابوه و اللى يقول امال لو شركته كان عمل فينا ايه
لبنى / مش اتفقنا نرمى الناس ورا ضهرنا و ما نبصش ورانا هما بيعملوا كدا عشان منكادين منك تعرف انت بقى لو طنشتهم خالص و ركزت فى شغلك هتفرسهم اكتر و تقهرهم على حالهم يا زياد هو انا كل شويه هقولك من يضحك اخيرا يضحك كثيرا
زياد / بكره لما كل ده يبقى بتاعى
لبنى / انساهم انساهم ركز فى بكره و ازاى توصله مش هتعمل ايه لما توصله و اهدى .. اهدى
زياد يغمض عينه و يستمتع بالمساج
......................
فى الريسبشن قرب البوابه
مازن و شريف ماشيين خارجين اول ما يطلعوا من باب الشركه يقابلوا محمود داخل بيجرى
محمود / انتوا ماشيين بالسرعه دى
مازن / فى حاجه و لا ايه
محمود يقرب عليه اوى و يحطله شريط دوا فى ايده
محمود / الواد الصيدلى شكرلى فيه اوى قالى بيجيب من الاخر
مازن يبص فى ايده و يبص يمين و شمال و يمسك فى محمود و محمود بيدحك و شريف بيفصل بينهم و بيدحك هو كمان
مازن / يا حيوان يا جزمه دا انا
شريف / بس بس يعنى الحق عليه يعنى
محمود /ايوه اتعصب اتعصب خلى الشركه تتلم و يقولوا بيتخانقوا ليه و بدل ما نلمها نوسعها
شريف / اسكت يخربيتك هينفخك
محمود / الحق عليا انى بساعده
مازن / تساعد مين يا جزمه خد ياض انا مش بتاع الحاجات دى خليها يمكن تنفعك
محمود / وفرت انت عارف ده بكام
مازن يجى يمسك محمود تانى شريف يحوش
شريف / ما خلاص بقى بيهزر معاك يا عم فكها
محمود / خلاص هروح ارجعه اصلا انت الخسران
محمود يجى يمشى
مازن / محمود
محمود يبصله
مازن / تعال هسال فى حاجه
محمود يرجع و هو منفوخ
محمود / ما كان من الاول لازم يعنى الشويتين دول
مازن / ياض بلاش انا هتزعل
محمود / عاوز ايه
مازن / انت دخلت الصيدليه قولت للراجل ايه و لا عملتها ازاى دى
محمود / يا عم ليك فيه انت مش ليك مصلحتك قضيت
مازن يجى يضرب محمود بالرجل محمود يرجع ورا و شريف قافش فى مازن
محمود / ههههههههههههههههههههههه احنا فينا من كدا
شريف / هههههههههههههههههههههه اقسم بالله الموظفين بيتفرجوا علينا فضحتونا عليكوا و على هزاركوا
محمود / مش شايف يا عم
مازن / غور ياض غور بدل ما والله
محمود / يا عم ما كنت مشيت انت اللى ناديتنى و على العموم خلاص حقك عليا و ادى راسك ابوسها خلاص
محمود يبوس راس مازن و من غير ما يحس يدى الشريط لشريف شريف يحطه فى جيب مازن
محمود / بهزر معاك يا عم انت زى الفل يا عم دا انت اسطوره
مازن / يلا يا شريف يلا
شريف / سلام يا حوده
مازن و شريف يمشوا
محمود / الف هنا يا رجاله مطرح ما يسرى يمرى هاه بس ابقوا افتكرونا يعنى اللى ياكل لوحده يشبع هاه
محمود يدخل الشركه يقابل سعد
سعد / فى ايه يا عم بتتخانقوا و لا ايه
محمود / ما فيش يا عم كنا بنهزر والله تعال هحكيلك تعال
سعد / تعال
محمود و سعد يدخلوا جوه
............................
فى شقه محمود
مروه قاعده بتساعد مديحه فى حشو الحمام
مروه / و هو كل ده عشان مازن و مرام بس
مديحه / الله و انتى و انا و محمود ايه مالناش نفس ناكل و نبر روحنا و لا ايه
مروه / ما اقصدش بس كتير برده يعنى هى مرام و لا مازن هياكلوا قد ايه يعنى واحده اتنين
مديحه / يا بنتى يا حبيبتى الواحد لما يعمل بزياده ياكل و يشبع و لو اتبقى حاجه اهى لتانى يوم ما تخسرش لكن لما الاكل يخلص قدام الضيوف ينفع يعنى
مروه / لا طبعا ما ينفعش
مديحه / و بعدين ما تنسيش اننا معزمناش مرام و مازن عندنا خالص و لا حتى نقطناهم هى مالهاش اهل غيرنا لازم نشرفها قدام جوزها و لا ايه
مروه / طب ما هى ما عزمتناش هنا خالص انتى عارفه انها النهرده عازمه اهل شريف كلهم
مديحه / عارفه قالتلى فى التليفون لما كلمتها اعزمها و قالتلى شوفى يناسبك امتى يا عمتى و هاتى مروه و محمود و تعالوا و شوفوا نفسكوا تاكلوا ايه يا عمتى لو صبر القاتل على المقتول كان مات لوحده يا مروه و بعدين يعنى الناس هيعملوا معانا ايه اكتر من كدا هو المشروع اللى فوق ده اللى احنا عايشين من خيره ده مفتوح باسم مين مش مرام و بفلوس مين مش فلوس مازن اتكلمت و قالت حاجه قالت شغلوه و ما اتكلمتش فى جنيه لا هى و لا هو الشقه الحلوه الشرحه البرحه اللى ربنا كرمك انتى و جوزك بيها مين ادهالكوا مش مازن
مروه / لا بقى يا ماما مش مازن دا محمود جايبها من تعبه و شقاه و بيقسط فى تمنها
مديحه / لا يا شيخه و هو محمود كان جاب مقدمها منين يا ست الحسن و الدلال مش من الميه الف جنيه اللى مازن ادهموله يوم موت الحجه سميحه الله يرحمها
مروه تبص الناحيه التانيه
مديحه / بلاش دى و هو القسط اللى محمود هيدفعه هيدفعه منين مش من المرتب الكبير اللى مازن مديه لمحمود اللى لسه خريج كبير
مروه / انتى اللى بتقولى كدا يا ماما مش انتى اللى طول الوقت تقولى محمود هو اللى موقف الشركه على رجل محمود هو اللى ممشى الدنيا محمود شاطر و ما يستغنوش عنه
مديحه /حصل بس برده محمود لسه خريج جديد و ما حدش بيعين خريج جديد بمرتب زى ده و بعدين يا ستى سيبك من كل ده هو فى حد بيدى لحد شقه متشطبه سوبر لوكس و يقوله سدد براحتك من غير حتى ما ياخد منه جنيه واحد فايده
مروه / شريف اللى عمل كدا
مديحه / و دى كانت فلوس شريف و لا فلوس مازن
مروه / الله بقى انتى عاوزه ايه يعنى نوطى على ايد مازن باشا و نبوسها يعنى و نقدم فروض الولاء و الطاعه و لا ايه بالظبط
مديحه / هتعيشى و تموتى غشيمه و لا عمرك هتتنصحى ابدا يا بنتى اوصلى الود و فى الاول و الاخر مرام دى مننا و علينا و اولى بالمعامله الحلوه من الغرب و عمرنا ما قصدناها فى حاجه و اتاخرت
مروه / ما انتى كمان اللى ربتيها و خيرك عليها و لا ايه
مديحه / و هى عمرها ما نكرت و لا نسيت بالعكس شالتنى طول السنين اللى فاتت فوق راسها و عمرها ما اشتكت و لا اتكلمت
مروه / هتعملى ايه جنب الحمام
مديحه / والله لسه مقررتش مازن بيحب المكرونه البشاميل ايه رايك
مروه / ايه رايك بطاجن عكاوى باللسان العصفور انا بعمله حلو اوى بابا الله يرحمه ما كانش ياكله الا من ايدى ايه رايك
مديحه / اعملى و ندوق
مروه / تمام
.........................
فى شقه مازن
مرام و مازن و عيله شريف حوالين السفره و قدامهم اكل كتير جدا
رؤى / انا اخر مره شوفت جمبرى بالكميه دى كانت فى فيلم هانى رمزى عايز حقى
مرام / والله يا بنتى الحال من بعضه البركه فى صافى بقى جيبالنا اكل تزلنا بيه
صافى / الله هو اكل و بحلقه دا بدل ما تقولوا ميرسى لصافى
مازن / ميرسى طبعا امال ايه
مرام / بصراحه مش هنكر الاكل حلو اوى بس اللى احلى من الاكل اللمه الحلوه الواحد بجد مفتقد الموضوع ده من زمان اوى
مازن / هو فى حاجه بتفتح نفس الواحد على الاكل غير اللمه الحلوه
فاطمه / تزيدوا ما تنقصوش ابدا يا ولادى و يبارك فيكوا و يجمعكوا على الطاعه
شريف / امين
مازن / امين
صافى / بيبى انت مش بتاكل ليه
شريف / شبعت على الاخر يا قلبى ميرسى
مازن / مش اكلتك يعنى فى ايه مالك
شريف / يا عم بص لنفسك قاعد عمال تنضف للى حواليك بقالك ساعه ما دخلش بقك تلت اربع جمبريات على بعض و انا مخلص طبقين شوربه سى فود و يجى تلاته كيلو جمبرى مقلى لوحدى
مازن / ههههههههههههههههههه انت هتعد على نفسك الف هنا مطرح ما يسرى يمرى
مرام / صحيح يا مازن انت ما اكلتش خالص
شريف / ما تضغطيش عليه الحاجات دى بتتعبه الفتره دى
مرام / مازن
مازن / شريف يا جماعه عادى يعنى ... حدفك بالكابوريايه دى فوشك
شريف / نضفها الاول و انا هفتح بقى اهو هتعرف تنشن و لا هتفضحنا
مازن / والله مستحملك عشان خاطر امك بس
فاطمه / ههههههههههههههه تعيش يا ابن الاصول و انت يا وله اتلم و اعقل مالك النهرده فيك ايه
مازن / مبلبع شكله
شريف / عيب عليك يا عم و انا بتاع الحاجات دى برده
مرام / هقوم اعلق على الشاى عن اذنكوا
مرام تقوم
فاطمه / شيلوا مع اختكوا يا بنات لو كلتوا على ما اغسل ايدى
رؤى و البنات يقوموا يشيلوا الاكل و فاطمه تدخل الحمام و مازن و شريف بس على السفره و شريف بيبص لمازن بانشكاح
مازن / قسما بالله لولا اهلك معاك ما كنت خرجت من هنا سليم
شريف / ما تحلفش بس
مازن / تحب تش...
تقى تطلع تشيل طبقين و تدخل تانى
مازن / ليك روقه
شريف يحدفله بوسه و يلعبله حواجبه مازن يضرب كف على كف
...............................
فى مطعم
زياد / كانت فكره حلوه اوى منك اننا نتغدى هنا بعيد عن الشركه و قرفها فرقت معايا اوى على فكره
لبنى / الحمد لله
زياد / لبنى انتى عامله ايه
لبنى / ايه السؤال ده الحمد لله كويسه
زياد / يارب دايما بس اقصد يعنى انتى مش محتاجه تتكلمى مع دكتور نفسى بخصوص الفتره اللى فاتت لبنى مش عاوز اتخدع فى هدوئك و دحكتك و الاقيكى بتغفلينى و تكررى اللى عملتيه تانى
لبنى / انا كويسه يا زياد و ما افتكرش ان هيبقى عندى الشجاعه انى اكرر اللى عملته تانى
زياد / دى مش شجاعه ده جنون
لبنى / انا كويسه و بعدين ما تقلقش انا هبقى جنبك طول الوقت دلوقت فا اكيد مش هلاقى فرصه اكرر اللى حصل تانى
زياد / ان شاء الله بفكر اجيب حد يجدد الجيم اللى فى البيت و يغير الاجهزه بما ان ما عدش عندى وقت اروح الجيم ما فيش مانع الواحد يتمرن فى البيت شويه
لبنى / تمام ما فيش مشكله
زياد / و هرجع اعمل دايت تانى
لبنى / اللى يريحك
زياد / انا عاوزك مبسوطه معايا مش عاوز حاجه تانى
لبنى / انا مبسوطه معاك و سعيده انك بتحاول تتغير و مركز على نفسك استمر انت بس عشان صدقنى لو رجعت فى كلامك انا هزعل منك اوى
زياد / و انا مقدرش على زعل القمر ده
لبنى تبتسم و تاكل
................................
فى شقه مازن
مازن فى الحمام بياخد شاور و مرام في الاوضالاوضه ماسكه بدلته متعلقه على الشماعه و بتنضفها بفرشه الهدوم و تطلع اللى فى الجيوب و تحطه على الترابيزه تشوف الشريط تستغرب و تمسكه تقلب فيه و ترتبك تسمع صوت باب الحمام بيتفتح و مازن خارج بيغنى تحط الشريط فى البدله بسرعه و تعمل لسه بتنضفها مازن يدخل لابس البرنص يبوس راسها و هى بتبصله بارتباك و ابتسامه مجامله
مازن / و البت بيضه بيضه بيضه و البت بيضه و انا اعمل ايه
مازن يروح يقف قدام المرايه و يسرح شعره
مرام / يا مزاجه
مازن يبصلها و يبتسم
مازن / الفضل يرجعلك
مرام / انا هروح اعمل نسكافيه اعملك
مازن / ياريت اكون شاكر جدا لافضالك
مرام تحط الفرشه في ايد مازن
مرام / هتعبك تكمل مكانى و تعينها مكانها على ماجى تمام
مازن / دا انتى تؤمرى يا خبر هههههههههههههههههه
مرام تبتسم و تمشي مازن يروح ينضف البدله بالفرشه
مازن / البت بيضه بيضه بيضه البت بيضه و انا اعمل ايه
مازن يمد ايده يفضي الجيوب يطلع فلوس و ورق و يمد ايده في جيب تانى يطلع الشريط يمسكه و يبص على الباب بسرعه
مازن / اه يا محمود الكلب دا انا لو شوفتك هنفخك هنفخك ايه دا انا هخليك عبره لمن يعتبر
مازن يشوف مرام جايه فى التورقه يرجعه فى جيبه على طول
مرام / انا هشربه بلبن تحب اعملك بتاعك بلبن و لا كريمر زى كل مره
مازن / اى حاجه انا معاكى في اى حاجه
مرام تبص على الترابيزه و على مازن و تبتسم و تمشي و تبص عليه تانى متابعها
مازن / شافته اقطع دراعى من هنا هو شافته ما بدهاش بقي
مازن يمد ايده فى جيبه و يطلع الشريط و يروح يدخل المطبخ لمرام يرمى الشريط جنبها على الرخامه مرام تبصله
مرام / ايه ده
مازن / محمود بيه قرر يساعدنى بما انى راحت عليا و كدا
مرام تتعصب
مرام / مش فاهمه و هو محمود يعرف منين انك راحت عليك و لا مراحتش و لا يهزر معاك فى حاجه زى دى بمناسبه ايه اصلا و لا هى دى حاجه يتهزر فيها انت حاكيلهم ايه بالظبط عننا
مازن / والله العظيم ما حاكى حاجه والله
مرام تسيب مازن و تمشي مازن يجري وراها تروح تجيب الموبايل
مرام / انا هعرفه يهزر كويس
مازن يشد منها التليفون و هو بيدحك
مازن / اهدى بس هههههههههههههههههه اهدى بيهزر
مرام / ما حدش يقل من جوزى و يبقي بيهزر قطع لسان اللى يتكلم عن جوزى نص كلمه و بعدين يروح يتشطر على نفسه ماله بينا
مازن / قلبي يا ناس اهدى الموضوع مش زى ما انتى فاهمه و الله
مرام / انت اصلا حسابك معايا بعدين انتوا بتتكلموا فى الحاجات دى حياتنا الخاصه مشاع
مازن / والله ابدا اصبرى بس هو الموضوع على الاكل بس امبارح كوارع و النهرده جمبرى و بكره حمام
مرام / و انا مالى بكل ده
مازن / قلبي يا ناس افهمى ما كل الاكلات دى لما تيجي فوقت واحد بتبقي مؤشر على ناقوس الخطر فهو كان بيهزر والله
مرام / و انت ما صدقت منه الشريط صح على فكره الحاجات دى غلط مع الوقت جسمك هياخد عليها و مش هتجيب نتيجه و بعدين انت لسه صغير
مازن / يلاااااهوى انتى فهمتى ايه انا ما اخدتوش منه
مرام / امال بيعمل ايه معاك
مازن / ما اعرفش والله انا قولتله يرجعه ما اعرفش حطه فى جيبي ازاى والله ما اعرف انا حتى اتفاجئت لما شوفته حتى ارتبكت لما انتى دخلتى و بعدين بالعقل كدا هاخده ليه دلوقت مش لما تخلصي ام زفت المليونين اللى انتى فيه
مرام / مليونين !!!
مازن / ما انتى فى اطول اربعين فى الدنيا اعمل ايه يعني
مرام تبصله و هو كاتم الدحك
مرام / انت بتدحك على ايه
مازن / ما حدش يقل من جوزى يخربيت عسلك تتاكلى كدا والله تتاكلى
مرام / و دا وقتك انت كمان انا بغلى و هو بارد مستفز اوووف
مرام تدخل المطبخ
صوت مرام / اووووف بقي اللبن فار على البوتجاز ايه النحس ده يا ربي
مازن بيدحك و يدخلها
......................
تانى يوم فى دبى
فريده / شوفت عشان اما اقولك كلمه تكلمه
ابراهيم / يمكن بيهاديهم و لا حاجه يا فريده ما انتى عارفه مازن ايده فرطه و كريم
فريده / يا ابراهيم ما تغميش عنيك انت بجد مش شايف اللى بيحصل هو سعد و محمود دول دخلوا حياه مازن ازاى مش دول جيران مرام من الاول و اصحابها عملوا ايه لمازن عشان يهادى كل واحد فيهم بشقه يعني هاه عملوا ايه و بعدين سى محمود ده مش اللى مازن لسه جايبله عربيه فى عيد ميلاده
ابراهيم / كل واحد بيهادى بمقامه امال هيجيبلهم ايه يعني
فريده / و معيناهم فى الشركه و ممسكاهم مناصب اداريه كبيره و حساسه دا شريف بذات نفسه قعد سنين على ما وصل للى هو فيه ده انما دول شغالين من حتى قبل ما يتخرجوا طبعا ما هى لازم تزرع لنفسها عنين جوه الشركه عشان تعرف كل صغيره و كبيره بتحصل امال انت فاكر ايه
ابراهيم / يبصلها
فريده / لا يا قلبي انا مش عاوزه حاجه يقوم جايبلها طقم سولتير لا يا يروحى كفايا يقوم جايبلها شقه ترمح فيها الخيل انت مش حارمنى من حاجه يا حبيبي يقوم كاتبلها الشقه مهى عيشاله فدور العفيفه الراضيه و مفهماه ان احنا اهله اللى طمعانين فى فلوسه انما هى و حبايبها ملايكه بترفرف حواليه بجناحات
ابراهيم / كل ده عشان شقه
فريده / شقه ايه يا ابراهيم فوق و اللحق المركب قبل ما تغرق هو الموضوع لو كان على شقه كنت اتعصبت بالشكل ده البت بتسحب ابنك و بتقصقص ريشه هى و حبايبها عالهادى هادى ده طب هادى ده طب هاديني طب اكتب ابمصانع و القريه باسم ملك مهو كلو لبنتنا فى الاخر طب اكتبلى حاجه للزمن اصل اهلك ديابه و ما ينضمنوش طب مسك محمود اداره ايه طب مسك سعد اداره ايه و هو نايم فى العسل لحد ما يصحى نفسه ما حلتوش حاجه و هى و حبايبها خدوا منه كل حاجه و يقسموا مع بعض بقي
ابراهيم / مازن مش بالسذاجه دى يا فريده مش معقول
فريده / دا كاتبلها وديعه بخمسه مليون جنيه فى البنك غير الالماظات اللى كل يوم و التانى يشتريهالها و العربيات و الشقق اللى بيهادى بيها حبايبها البنت دى لما بطنها تتملى و تشبع هتخلعه و تاخد ملك و تخلع و ساعتها هيبقي لا طولنا بلح الشام و لا عنب اليمن
ابراهيم / تخلع تروح فين يعني
فريده / اى حته عشان تقهرنا و تقهر قلبنا على البنت دى كياده و مش سهله انا عارفه الاشكال دى كويس شوفت جت البيت ساعه زمن خلت لبني تقطع شراينها الله اعلم دلوقت عماله تسخنه علينا تقوله ايه ولا بتقنعه يكتبلها ايه و لا هتاخد منه ايه اللى غايظنى انه لسه مصدق انها مش طمعانه فيه امال لو طمعانه كانت خدت منك ايه يا مازن دا انا متجوزاك شوف من كام سنه ما جبتليش كل الهدايا دى فى الفتره الصغيره دى دا ميا قالتلى ان لبني حكتلها انه جبلها طقم سولتير مقابل تعبها انها طبختله مره انت متخيل السفه اللى هو عايش فيه يعني فطار و غدى و عشا كل واحد بطقم و كوشي يا مرام و املى كرشك يا مرام و كلو على حساب العبيط اللى هى منيماه
ابراهيم / انا مش مصدق اللى بسمعه معقول مازن فعلا بيعمل كدا
فريده / احلفلك بايه عشان تصدق اسال زياد مهو كان موجود و لا لبني و لا شوف صورها هتلاقي فى كل مناسبه لابسه طقم شكل و لا الفيديو اللى نزله و الهدايا اللى جايبهالها عشان تقولى مهادى بشقق طب دا الشقق دى اقل حاجه انا لما قولت يتحجر عليه ما كنتش بظلمه دا انسان سفيه و مش مسؤل و هيضيع تعبك و شقاك على الست مرام بتاعته و بكره لما تفلسه هترميه و تيجي تطلعلنا لسانها الست هانم بنت السباك
ابراهيم قاعد بيفكر فريده تبصله
فريده / انت لازم تعمل حاجه لازم تتحرك بسرعه قبل ما تخسر كل حاجه لازم تحميه من نفسه و من غروره ايوه غروره اللى مصورله انه ذكى و فاهم كل حاجه لازم توعيه و تشيل الغشاوه اللى على عنيه لازم يفوق باى تمن
ابراهيم / يعني اعمل ايه
فريده / زى ما اى اب ابنه بيكسر فى لعبه و مش بيحافظ عليها الاب بيلم لعبه كلها و يحرمه منها خليه يشوف بعينه معامله مرام هتتغير معاه ازاى لما يبقي معاهوش فلوس خليه يفوق لحقيقتها خليه يعرف انك الوحيد اللى خايف على مصلحته انقذ مازن منها قبل ما تاخد اللى وراه و اللى قدامه هو نفسه لما يلاقي نفسه ما حلتوش هيجيلك جرى و هيطلقها مش هيستحمل الفقر يومين على بعض توف لوف يا ابراهيم توف لوف ياما اهلينا قسيو علينا عشان يربونا احنا كمان لازم نعمل وقفه مع عيالنا عشان نربيهم لازم تعمل حاجه يا ابراهيم لازم تتحرك
ابراهيم يهز راسه ايوه
فريده / هكلم المحامي يجهز العقود
ابراهيم يهز راسه ايوه فريده تبتسم و تمشي
......................
فى شقه مديحه
مرام قاعده جنب مازن و كل شويه تبص لمحمود بغيظ مديحه تحط حمامايه فى طبق مازن
مديحه / كل دى كمان يا حبيبى الف هنا ايه يا مرام طبق جوزك بيفضى مش تزوديه و لا هتتعاملى معانا على انكوا ضيوف بقى و كدا والله ازعل منك
مرام / ابدا يا عمتى ما تقوليش الكلام ده مازن كمان مش ضيف و لا ايه يا مازن
مازن / طبعا يا عمتوا تسلم ايدك
مروه / دوقتى العكاوى يا مرام انا اللى عملاها
مرام / حلوه اوى تسلم ايدك
مروه تغرف لمحمود
مروه / تاخد حته كمان
محمود / تسلم ايدك حلوه اوى
مرام / احطلك حاجه يا مازن
مازن / تسلمى يا قلبى انا اصلا شبعت
مروه / شبعت ايه امال مين هياكل كل ده دا انا تعبت فيه اوى
مرام / البركه فى محمود غذيه شكله هفتان عن اذنكوا
مازن و مرام يقوموا و مازن كاتم الضحك بالعفيه و يروحوا الحمام
...........................
