(((((السكة شمال ٢))))))
#لولو_محمد
الحلقه ٩١
مازن / شكلك لسه زعلانه و عوزانى اصالحك
مرام / لا مش زعلانه
مازن / طب انا زعلان صالحينى يلا
مرام / قولتلك اسفه
مازن يديها خده مرام تاخد نفس عميق و تغمض عنيها و تكتم الغيظ جواها ووشها يبقى احمر زى الطماطمايه
مازن / صالحينى اول باول بدل ما الزعل يكبر و تضطرى تعملى حاجات اكتر من كدا عشان تصالحينى صالحينى يلا
مرام تقرب منه و تبوسه يمدلها الخد التانى
مرام / لا بقى
مازن / هاااااه
مرام تبوسه و تنفخ
مازن / كفايا عليكى كدا لتطرشقى شوفى تحبى تنامى فين و نامى
مرام تسيب المكان و تقوم تروح تنام فى الاوضه التانيه و هو منشكح
........................
فى شقه شريف تانى يوم الصبح
شريف يصحي على صوت دربكه و رجلين رايحه جايه يفتح باب الاوضه يلاقي امه و اخواته بيجروا فى الشقه و نازلين تنضيف
شريف / صباح الخير يا جماعه
فاطمه / صباح النور يا حبيبي كويس انك صحيت بقولك كنا عاوزين ننقل السفره دى اوضتك عشان نوسع مكان
شريف / انا لسه فاضلي النهرده وسطيكوا على فكره الاحتلال دخل بدرى ليه
تقى / يا ابيه عاوزين نرقص و ننبسط
شريف / و هو عشان تنبسطوا ضهرى انا يتقطم دا انا حتى ما فطرتش عشان اشيل و احط
شيماء / بس كدا ادخل انت الحمام و اتشطف كدا و اغسل وشك و انا هحضرلك احلى فطار و احلى فنجان قهوه تشربهم في اوضتك على السفره بعد ما تدخلها
رؤي / على فكره اصلا سعد في الطريق
فاطمه / هو انا مش قولتلك ما تكلميهوش يقول علينا ايه
رؤي / نعمل ايه يعنى و بعدين هو اللى عرض
شيماء / عيب برده
رؤي / الله هو سعد غريب
شريف / بااااااااس لا سعد و لا غيره انتوا عاوزين ايه
رؤي / عاوزين نفضي الليله دى كلها عشان ناخد رحتنا في الرقص
شريف / هاتيلى موبايلي من جوه يا توته على ما ادخل الحمام اغسل وشي و ياريت قهوه يا دكتوره
شيماء / من عنيا حاضر
شريف يدخل الحمام
رؤي / انا بقول نحط السماعات في البلكونه
شيماء / بلكونه ايه و الجيران تشوفنا و احنا بنرقص فكك لا طبعا
تقى / احنا نحطها هناك عند الباب و نعمل كراسي دايره كدا
فاطمه / بطلوا رغى و خلصوا تنضيف دا لو عاوزين تروحوا للكوافير النهرده
رؤي / ما احنا شغالين من النجمه اهو نعمل ايه يعني
فاطمه / اشتغلى بايدك مش ببقك يا لمضه و انتى ياختى روحى اعملى القهوه و اياكي ثم اياكي تفوريها و تبوظى البوتجاز انا لسه دعكاه
شيماء تدخل و هى بتبرطم
شيماء / انتى بتدعكيه كل يوم اصلا
فاطمه / سمعتك
شريف يطلع من الحمام تقى تجري تناوله الموبايل يتصل بحد
شريف / صباح الخير ... صاحيين و لا نايمين ... اطلعولى افطروا ... اه اطلعوا الشقه امال هتطلعولى القمر اطلعوا تعالوا
شريف يقفل
رؤي / مين دول
شريف / بطه لمى كتاكيتك و على المطبخ عاوز فطار محترم للناس اللى هتشيل دى
فاطمه / من عنيا قدامى على المطبخ يا بنات و كل واحده تجيب اسدالها في ايدها
فاطمه تاخد البنات و تدخل المطبخ و شريف يروح يفتح الباب لاربعه بدى بيلدينج
شريف / انقلولى ترابيزه السفره دى للاوضه اللى فى الوش و استنونى جوه
الرجاله تتحرك و تبدا تشيل
.....................
فى شقه مازن
مازن يقوم يتمطع و يقوم يطلع من الاوضه يسمع صوت عياط من اوضه مرام يدخل بالراحه يلاقيها قاعده على السرير و مدياله ضهرها و بتعيط و بتتنفض يروح يقعد جنبها تتفزع
مازن / اهدى اهدى دا انا يا قلبي انا
مرام تترمى في حضنه يحضنها اوى
مازن / فى ايه مالك فى حاجه بتوجعك
مرام / شوفت كابوس وحش اوى شوفت كابوس وحش اوى يا مازن انا خايفه
مازن / من ايه بس دا مجرد حلم اهدى اشربي شويه مايه
مازن يقوم يناولها الكبايه من على الكومدينو و عينها معاه و ماسكه فيه تمسك الكبايه و ايدها بترتعش و هو ساندهالها تشرب
مازن / اهدى دا كان مجرد كابوس ما تخافيش
مرام تمسح دموعها و تعيط تانى
مازن / هو كان صعب اوى كدا
مرام تهز راسها اه
مازن / قومى معايا تغسلى وشك و نتوضى و نصلى ركعتين دا انتى طلعتى خفيفه اوى كابوس يعمل فيكي كدا طب دا المفروض الاكشن اللى شوفتيه فى حياتك ينشفك مش يخليكي توتو كدا
مازن يقوم و هو ماسك ايد مرام و هى بصاله و بتعيط يقعد تحت رجليها
مازن / انا وعدتك طول ما انا عايش ما فيش مخلوق هيقرب منك و لا من ملك و ما فيش قوه في الدنيا هتحرمك من ملك ايه تاني ممكن يخوفك
مرام تترمى فى حضنه ياخدها و يقعد في الارض و هو مبسوط و هى بتعيط يشوفها بتعيط يضايق
مازن / و لما ازعل دلوقت و اقولك تصالحيني هتنبسطي عياطك بيزعلنى ازعل لو زعلت والله ما هقبل باقل من عشر بوسات
مرام / هههههههههههههههههه
مرام تسيبه و تقعد في الارض و تسند ضهرها على السرير و تمسح دموعها و تبتسم
مازن / انتى بقالك قد ايه قاعده كدا بتعيطي
مرام / معرفش
مازن / طب الوقت الضايع ده مش كنتى جيتي في حضني احسن
مرام تبتسم و تحاول تقوم يقوم و يسندها
مازن / قل لن يصيبنا الا ما كتب الله لنا انسي و سبيها على الله هو انا اللى هقولك
مرام تبصله
مازن / ايه هتقولى شيخ مازن و تالسي تانى و الله ازعل و انا بتلكك بصراحه
مرام / هههههههههههههههههه وسع خليني اخش الحمام
مرام تدخل و تيجي تقفل الباب
مازن / طب لحسن العفريت يطلعلك جوه و لا حاجه اجى اونسك
مرام تبتسم بسخريه و تقفل الباب
مازن / عووووووووو
صوت مرام / بس يلا
مازن / شكلك كدا عوزانى ازعل
مازن يقف ثوانى و يروح المطبخ
..................
فى شقه شريف
شريف لابس كاجوال يدخل المطبخ فاطمه بتصب شاى
شريف / انا نازل احلق هتعوزى حاجه
فاطمه / وصيت على الجاتوه
شريف / الجاتوه و الساقع و السندوتشات و الدى جاى و النور و الماذون فاضل حاجه كدا
فاطمه / و اختك
شريف / فى عربيه مستنياها فى المطار هتجيبهم لحد هنا ما تقلقيش انتى خالص
رؤى و شيماء و تقى
رؤى / انت نازل يا ابيه طب ما تاخدنا فى طريقك للكوافير
شريف / لا مش فى طريقى لا
تقى / يعنى ايه
شريف / يعنى يلا اوصلكوا قبل ما اتاخر بهزر معاكى يا نكدوا امشوا يلا قدامى ... لو عوزتى اى حاجه يا بطه كلمينى تمام
فاطمه / تمام يا حبيبى
فاطمه تاخد الكبايه و تروح تقعد فى اوضتها و تايد التليفزيون
........................
فى شقه محمود
مديحه / ما تنساش تجيب التايير بتاعى من عند المكوجى
محمود / حاضر يا ماما حاجه تانى
مديحه / اه و اوعى تنسى الشيكولاته و لا عاوزنا ندخل على الناس بايدينا فاضيه
محمود / والله موصى عليهم و هبعت ورد كمان
جرس الباب يضرب محمود يروح يفتح
مروه / يلا يا محمود بقالى ساعه مستنياك تحت فى الشارع
محمود/ والله كنت نازل
مديحه / انتوا رايحين فين يا ولاد
مروه / هنروح للكوافير يا ماما
مديحه / كوافير ايه امال بكره هتعملى ايه
محمود / ابوس ايدك يا ماما انا ما صدقت امها وافقت تسيبها تيجى
مديحه / طيب طيب روحوا ربنا معاكوا
محمود / سلام يا ماما
محمود ياخد مروه و ينزلوا
مديحه / راحت اجرت فستان سواريه اسود قال ايه عشان ابوها ميت و هو الميت بيلبسوله سواريه يلا انا مالى
.....................
فى شقه مازن
مازن يخبط و يفتح باب اوضه مرام يلاقيها واقفه قدام المرايه و لابسه فستان زهرى و عليه طرحه فضى و بتحط روج
مازن / الا ما بتحوطيهولى البتاع ده
مرام تبصله
مرام / ايه رايك اوفر
مازن / لا حلو بس هو ناقصه حاجه صغيره
مرام / ايه
مازن يروح يفتح الخزنه و يطلع علبه قطيفه و يروح ناحيه مرام اللى باصاله و يفتحها فيها طقم اللماظ سلسله و انسيال و خاتم رقيق جدا مرام تلف يلبسهالها و يبص عليها فى المرايه مبتسمه
مرام / حلوه اوى شكرا
مازن / لسه ما خلصتش
مازن يمسك ايدها اليمين و يبوسها و بعدين يلبسها الانسيال و الخاتم
مرام / ما تاخدش على كدا دا عشان هطلع منك بمصلحه بس
مازن / هههههههههههههههههههه طب تاخدى كام و تدينى حضن
مرام تحضنه
مازن / انا بحلم صح
مرام / خوفت لتزعل
مازن / هههههههههههههههههه كم انتى رائعه يا امراءه
مرام / ههههههههههههههههه انا جاهزه يلا
مازن / يلا
مازن و مرام يمشوا
.................................
فى الفيلا عند زياد
فريده بتتكلم مع حد فى التليفون
فريده / وصلتك الصوره ... انا عاوزه الموضوع يتم من غير شوشره ... ادينى البشاره بس و صدقنى اكتر من اللى اتفقنا عليه بكتير ... تمام هستنى منك تليفون ... سلام
فريده تلف تلاقى زياد واقف وراها تتفزع
فريده / هو انت خضيتنى
زياد / هو ده اللى اتفقنا عليه يا ماما
فريده / انا مش هسيب حاجه للظروف يمكن تنجح و نخلص ايه يعنى واحده من المعازيم تديها كبايه عصير و نخلص
زياد / براحتك اعملى اللى تشوفيه صح المهم ابراهيم كلمك فى حاجه
فريده / بلا خيبه هو فالح غير فى الكلام
زياد يدحك
فريده / عاوز يسافر يصالح مونى
زياد / وماله خليه يغور
فريده / لا يا حبيبى ما يغورش دلوقت يمضى الاول العقود بتاعه انس انت مش قولت هيطلعلك منها كوميشن كويس
زياد / كويس جدا كمان ... اما صحيح هم يدحك و هم يبكى بنفرح بكوميشن هناخده من فلوسنا
فريده / هانت يا حبيبى خلاص كنا فين و بقينا فين
زياد / مش قادر استنى
فريده / نعدى بس من المرحله دى على خير و باذن الله السنادى مش هتخلص الا و كل ده باسمك
زياد / يارب يا ماما بقى يارب
................................
فى شقه شريف
البنات شغالين رقص و صافى فى النص لابسه فستان اوفوايت رقيق سواريه و مرام قاعده جنب الستات بتسقف
مديحه / عامله ايه مع جوزك
مرام / الحمد لله يا عمتى كويسه ... انتى مش بتيجى تزورينى ليه
مديحه / هبقى اجى بس انتى عارفه الدنيا تلاهى
مرام / ببقى قاعده وقت طويل اوى لوحدى ما بعملش حاجه غير انى اتفرج على التليفزيون و اكل و انام
مديحه / و ماله استغلى الفتره دى على قد ما تقدرى فى الراحه لما ملوكه تشرف هتنسى الراحه دى كان شكلها ايه
مرام / بس هى تيجى يا عمتى بس
مديحه / ان شاء الله تيجى و تنور الدنيا
شريف يخبط على الباب البنات تجرى تقف فى جنب
شريف / الماذون يا جماعه
صوت زغاريط كتير جدا و يدخل شيخ ووراه الرجاله و البنات توسع و الراجل يحط الدفتر على الترابيزه و شريف يديله بطاقته وورق
الشيخ / اين العروس
صافى / انا انا انا
الكل يدحك و الشيخ يدحك
الشيخ / و اين وكيلك
صافى / ممكن تبقى وكيلى يا مازن
مازن يبصلها و يتفاجئ
شريف / انا قولت نعملهالك مفاجاه يعنى
مازن / و انا موافق بس لازم تعرف انى حما وحش اوى
صافى / انت لسه هترغى اقعد و حط ايدك يلا
مازن يبصلها و الكل يدحك و مازن يقعد قصاد شريف
الماذون / و اين الشهود
شريف / عمر و سعد
عمر و سعد يقعدوا فى جنب مروه واقفه جنب مرام
مروه / ايه شغل المحلسه ده كل ده عشان هيتجوزوا اخواته ما كان خلى وكيلها بالمره جوز اخته الكبيره
مرام / هما متفقين على كدا عملوا قرعه بينهم هما الخمسه و طلع عمر و سعد اللى كسبوا
مروه / خمسه مين
مرام / مازن و محمود كمان
مروه / ااااااه بس حلو فستانك اوى يا مرام
مرام / ميرسى صافى اللى عملاهولى
مروه / طب مش كانت خلتهولك اسود دا حتى ستك لسه ما بردتش عشان تلونى كدا
مرام / انا ملبستش عليها اسود خالص فعشان كدا ما ركزتش فى لون الفستان و كدا
مروه / على رايك الحزن فى القلب
مرام تبص الناحيه التانيه و مروه بتبصلها و بتحرك شفايفها يمين و شمال صوت زغاريط و شريف يقوم يحضن صافى اوى و البنات يضربوا عليهم مدافع ورد شريف يبوس راسها و ايديها و يرجع يحضنها تانى
مازن / ما خلاص يا عم
شريف يبص لمازن و صافى فى حضنه و يطلعله لسانه
شريف / اللى غيران مننا يعمل زينا
مازن / شايفه ياللى جيبالى الكلام
مرام تبص الناحيه التانيه و تنكسف مديحه تطبطب عليها و تحضنها
............................
فى شركه ابراهيم
ابراهيم / اهلا يا انس ايه يا ابنى فينك
انس / موجود يا عموا والله فى الدنيا
ابراهيم / بص يا انس انا طبعا بصيت بصه سريعه على المشروع بتاعك و شايف انه مش بطال فى كرياتيفيتى عاليه فى الديزاين و دا شئ كويس
انس / يا عموا المشروع ده فى اكتر من تلت شركات هندسيه كانت بتصممه فى روسيا عشان يطلع بالمستوى ده
ابراهيم / لا باين طبعا و الحقيقه انا عجبنى جدا مش هقدر انكر
زياد / انا بفكر ادخل معاه شريك ايه رايك يا بابا
ابراهيم / على فكره يا انس زياد اثبت الفتره اللى فاتت انه داهيه حقيقيه مش هتصدق كميه الصفقات و المشاريع اللى قدر يظبطها فى الفتره اللى فاتت حقيقى لو شاركك انت الكسبان و مش بقول كدا عشان ابنى لا والله الاسهم ما بتكدبش
انس / يا عموا زياد دا حبيبى و اخويا انا امشى وراه و انا مغمض انا بس كل اللى كنت محتاجه دعم حضرتك
ابراهيم / انت عارف انى عمرى ما اتاخر لا عنك و لا عن زياد احنا برده لازم نشجع الشباب
انس / حبيبى يا عمو
ابراهيم / على العموم ان شاء الله بكره الصبح نتقابل فى الشركه و نتفق على التفاصيل و نمضى العقود هسيبك انا بقى مع صاحبك عشان اكيد فى بينكوا كلام كتير عاوزين تقولوه عن اذنكوا
ابراهيم يمشى
زياد / بيشجع الشباب امال لو ماكانش هيطلعله على قلبه من المشروع ده قد كدا
انس / فكك يا عم ما يولع امال لولا فين عاوزين نخرج و نستعيد الامجاد
زياد / لولا بعد الجواز بقت غولا
انس / بتهزر ايه فشولت و كدا
زياد / لا بقت اوفر دوز نكد الله لا يوريك
انس / ههههههههههههههههههههه لا الله يعينك بس انا سمعت انك ولعتها فى روسيا
زياد / ايه اللى انت بتقوله ده
انس / ايه هتخبى على حبيبك دا احنا كنا بنبوس رجلك عشان تعرف غيرها بالاتنين يا قادر
زياد / احمد اللى قالك
انس / بصراحه اه هو اللى قالى كان بيعايرنى على خيبتى اصلى فضلت شهر كامل احاول اشقط واحده فيهم ابدا و انت جيت فثانيه شقطتهم الاتنين قال و انا اللى كنت فاكرك غلبان و عامل عليك صايع دا انت غلبت مازن فى عزه يخربيت سنينك
زياد يبص فى الارض و يبان عليه الضيق
انس / هو عشان كدا رجعتوا من هناك بسرعه
زياد / لبنى عرفت بس انا والله كنت سكران انا مش فاكر اى حاجه من اللى حصلت اصلا
انس / دا انك مش فاكر دى تزعل اكتر من ان لبنى تعرف اقسم بالله
زياد / انا عمرى ما كنت خفيف كدا ما انا طول عمرى بشرب عمرى ما ادهولت كدا و لا هى يعنى اول مره اروح روسيا
انس / ما يمكن كان فى لعب فى الاعدادات
زياد / تقصد ايه
انس / حبايه تترمى فى الكاسه تخلى اللى قدامك يعلى معاك ... اه صحيح ما انت كنت مؤدب الموضوع ده منتشر بره بشكل غبى و بصراحه عامل شغل عالى
زياد / حبايه ايه دى
انس / حبايه كميا يا زيزو مالك مش مركز ليه تلاقى البت لقتك مش جايب معاها لعبتلك فى الاعدادات
زياد / لا بس انا اليوم اللى قبله لما شربت ادهولت نفس الدهوله
انس / مش عارف بقى بصراحه المهم انسى هما الستات كدا كلهم نكد امال انا مش ناوى اتجوز ليه انت اللى غاوى حبسه
زياد يبصله
انس / انا مش جاى مصر اتحبس هتخرج قولى مش هتخرج
لبنى تدخل
انس / لولا حبيبه قلبى وحشانى موت
انس يمسك ايد لبنى و يلفها
انس / لا الجواز طلع بيحلى بصحيح
لبنى / بطل بكش عامل ايه
انس / لسه حالا كنت بكلم زيزو و اقوله قد ايه تعبان بره و انا لوحدى من غيركوا
لبنى / هههههههههههههههههه لا يا شيخ طب قول كلام غير ده يمكن اصدقك
انس / بقولك ايه ما تفكك من جو الرغى ده و نطلع نسهرلنا فى اى حته ايه رايك
لبنى / اوك يلا
انس / مهى سهله اهى امال ايه يا عم
لبنى / فى ايه ؟؟
زياد يبص لانس و يبرقله
انس / انتى هترغى لسه يلا خلينا ناخد الليل من اوله فى كلام كتير عاوز احكيهولكوا يلا اتحركى
لبنى / حاضر ههههههههههههههههه
لبنى تمشى
زياد / عمرك ما بتستر ابدا دا انت بلوه
انس / بس بلوه حلوه هههههههههههههههههههههههه
زياد يبصله و يضرب كف على كف
........................................
فى شارع شريف
الرجاله بترقص تحت و مازن و شريف و محمود و سعد و عمر مولعينها اتنين ستات شكلهم شيك جدا يدخلوا البيت و يطلعوا فوق و يخبطوا على الباب تقى تفتحلهم
ست 1/ مساء الخير مش دى شقه استاذ شريف ابو النمرس
تقى / اه هى اتفضلوا
الاتنين ستات يدخلوا يسلموا على فاطمه
فاطمه / اهلا وسهلا اهلا و سهلا نورتونا
ست 1/ احنا بنشتغل مع مستر شريف فى الشركه هى سالى و انا ماريا
فاطمه / اهلا اهلا اتفضلوا اتفضلوا ساقع يا تقى بسرعه
تقى تجرى على جوه و البنات بترقص و سالى و ماريا يقعدوا جنب فاطمه
سالى / سورى لو كنا جينا فجاه بس هما قالو الدعوه عامه
فاطمه / دا انتوا تنوروا يا خبر دا كلو الا زمايل شريف فى الشركه اهلا و سهلا اهلا و سهلا
ماريا تغمز سالى ناحيه مرام واقفه بتدحك مع شيماء و بتفرجها على السلسله سالى تهز راسها بالراحه اه تقى تدخل بالساقع
ماريا / الله مش دى مدام مرام مرات مستر مازن دا احنا مشوفناهاش من ايام ما كانت بتيجى مع صفوت بيه الله يرحمه الشركه
فاطمه / اه هى ثوانى هناديهالكوا
فاطمه تقوم و سالى تقوم و تدارى على ماريا لحد ما تفضى البدره فى الازازه و تقلبها بالشيليموه فاطمه ترجع و معاها مرام
فاطمه / استاذه سالى و استاذه مارى مع مازن و شريف فى الشغل
ماريا / ماريا
مرام / اهلا و سهلا
سالى / اتفضلى اقعدى اتفضلى
مرام تقعد الباب يخبط
فاطمه / عن اذنكوا
فاطمه تروح تفتح
سالى / احنا اتقابلنا قبل كدا لما كنتى بتيجى الشركه زمان انتى مش فكرانا
مرام / متاخذينيش يعنى انا قابلت ناس كتير يمكن اكون فكركى طشاش و كدا
ماريا / طبيعى على فكره هى اصلا مقابلتكيش غير مره واحده بس هى علاطول كدا فاكره نفسها حاجه مهمه عشان الكل يفتكرها
سالى / ايه انا ملامحى مميزه
ماريا / شوفتى كان نفسها تمثل بس معرفتش
مرام / هههههههههههههههههه لا ما شاء الله عليكى اموره اوى تنفعى
سالى / قوليلها
ماريا / بسم الله ما شاء الله انا كنت اسمع انك حامل بس واضح انك فى الاواخر
مرام / اه فى التاسع
ماريا / بنوته بقى و لا ولد
مرام / بنت
سالى / سموها سالى بقى على اسمى على فكره الاسم ده معناه اللى بتكبر دماغها و تنسى حلو ما فيش احلى من الروقان
مرام / هههههههههههههه والله فى دى معاكى حق
سالى / شوفتى
ماريا / انتى ايه اللى جابك معايا
سالى / اللى بتتكلم دى يا مرام لو تسمحيلى اقولك مرام كدا من غير اللقاب
مرام / لا عادى
سالى / الهانم مش هتقدر تيجى بكره فقعدت تتحايل عليا ساعه انها تيجى النهرده
ماريا / بصراحه كان نفسى اشوف العروسه اوى الشركه كلها مالهاش سيره غير مرات مستر شريف و جمالها بس شكلهم ماكدبوش جميله اوى ما شاء الله هى صحيح انجليزيه سمعت انها عايشه فى لندن
مرام / لا مصريه يعنى مخلطه نص مصرى و نص تركى بس كانت بتدرس فى لندن ايوه
سالى / لا التركى يكسب طبعا جتنا نيله فى حظنا الهباب
مرام / ليه كدا بس ما انتى قمر اهو
سالى / كلك زوق ميرسى
ماريا / هو انتى ما عكيش حاجه ساقعه ليه واعى تكونى زيي بتعملى دايت
مرام / ههههههههههه لا
ماريا / طب الحمد لله خدى دى بقى من ايدى لحسن هضعف والله و انا عندى ميزان بكره و الدكتور هينفخنى
مرام / انتى فيكى حاجه عشان تخسى اشربى شويه ما يجراش حاجه
سالى / انتى اصلك مشوفتيهاش زمان دى بقالها سنتين بتعمل دايت دى كانت كرومبايه
مرام / ما شاء الله لا بجد اللى يشوفك ما يصدقش ابدا انك كنتى مليانه و خسيتى
ماريا /تعرفى دلوقت لما بشوف الاكل ببقى خايفه اكل اضيع التعب اللى تعبته
مرام / حقك سنتين كتير برده بس جه بفايده يعنى
ماريا / خدى بقى الازازه دى انا اصلى مدمنه بيبسى و بجد الموضوع صعب جدا تعرفى لو كنا بكره كنت قربعتها بس انا عندى بكره ميزان يعنى بق الميه بيتحسب عليا روحت مره الكشف و حلفت لادخل الحمام قبل ما اوزن عشان الميه دى هتقلها على الميزان
مرام / ههههههههههههههههههه والله انتوا عسل
ماريا / لا مدام وصلنا للعسل يبقى والله لتاخدى منى الازازه دى بدل ما اعيط و افرج علينا الناس و يعرفوا انى هبله بعيط عشان ازازه بيبسى
مرام / ههههههههههههههههههههههههههههه لا يا ستى هاتى الازازه و على العموم فى جوه كانز هجيبلك واحده مقفوله تشربيها بكره بعد ما توزنى
مرام تاخد من ماريا الازازه و تيجى تقوم سالى تقعدها
........................................
