((((((السكة شمال 2))))))
#لولو_محمد
الحلقه 155
مازن / ليه ما قولتليش
لبنى / عشان هو ما يستاهلش تزعل عشانه او حتى تهتم
مازن / و انتى بقى اللى هتحددى يستاهل و لا ما يستاهلش
لبنى / ما تفوق لنفسك بقى انت عارف انا كام مره اتحايلت عليه يرجعلك فلوسك كام مره حاولت اكلمه بس عنك
مازن / انتى عاوزه ايه
لبنى / انا صعبان عليا انك تزعل على واحد باعك بدل المره مليون
مازن / الواحد اللى انتى جايه تقسينى عليه ده رباكى عمره ما فرق بينك و بينا كنتى اختنا التالته بس ما تمرش
لبنى / امشى قبل ما يدبسوك فى حساب المستشفى لو فاكر ان فريده او زياد هيدفعوا جنيه تبقى غلطان
مازن / اقسم بالله لولا اننا فى مكان عام و حوالينا ناس و لا على ايه انا كلامى اصلا مش معاكى انا كلامى مع جوزك
لبنى / ابوك اتنازل عن كل حاجه لزياد بيع و شرا ابوك باعك و باع مونى
مازن / انتى كدابه
.......................................
لبنى / لا مش كدابه انا بقول الحقيقه كل حاجه باسم زياد كل حاجه الشركات و الفلل و المشاريع كل حاجه بقت بتاعه زياد
مازن / و انتى بقى فاكره انك لما تقوليلى كدا هعمل ايه
لبنى / انا بس مش عوزاك تقهر نفسك بالشكل ده عشان واحد باعك غير كدا انا عارفه ان الفلوس ما تفرقش معاك عن اذنك
لبنى تيجي تقوم مازن يقف قصادها
مازن / تفتكرى زياد هيعمل ايه لما يعرف انك قولتيلى حاجه زى دى
لبنى / لو تحب تعرف روح قوله عن اذنك
لبنى تعدى من جنب مازن و تمشى و مازن عينه عليها يجيله تليفون
مازن / الو
شريف / انت فين
مازن / عند الكافتريا ليه
شريف / تعال عاوزك
مازن / فين
شريف / تحت فى الريسبشن
مازن / تمام ثوانى و اكون عندك سلام
مازن يقفل و يحط الموبايل فى جيبه و يمشى
....................
في شقه مرام
مرام قاعده بتصلي تليفونها يرن مرام تقوم ترد
مرام / ايوه يا صافي ازيك
صافي / عامله ايه يا بنتي
مرام / الحمد لله و انتي
صافي / تمام انا مدايقه انك قاعده لوحدك كدا
مرام / عمتي كمان زيك بس انا فعلا مش قادره اقعد مع حد خالص
صافي/ مهو قعادك وسطينا هينسيكي الموضوع بدل ما انتي طول الوقت بتفكري
مرام / قلقانه علي مازن اوي
صافي / يا بنتي شريف معاه يعني معاه رااااجل
مرام / هههههههههههههههههه ربنا يبارك فيهم
صافي / كلمتي مازن طيب
مرام / اه نقلوه العنايه
صافي / ياساتر يا رب ليه كدا
مرام / باباه يا صافي مش هوه
صافي / ااااه يا بنتي وقعتي قلبي كنت هموت في ايدك
مرام / بعد الشر عنك
صافي / بطني سابت من الخضه ادعي عليكي دلوقت و لا اعمل ايه هقوم ادخل الحمام و ارجعلك سلام
مرام/ هههههههههههههههههه سلام يا قلبي
مرام تقفل السكه و تدحك و تكمل صلاه
........................
عند الريسيبشن
مزن يدخل يلاقي موني منهاره من العياط في حضن كامل و فريده بتطبطب عليها و لبني سبقاه بكام خطوه تروح تقف جنب زياد و هو واقف متابع كل ده و مش بيتحرك شريف يروحله مازن يبصله شريف يحضنه
شريف / البقاء لله
مازن يبصله شريف يسيبه و يتحرك ناحيه موني اول ما يقرب تترمي في حضنه
موني / ما احقتش اشبع منه
مازن / حقك عليا
موني / مش قادره اصدق مش قادره استحمل
فريده / اجمدي يا موني مش كدا لو مش عشانك عشان باباكي صدقيني رحله علاجه كانت صعبه و مؤلمه باباكي ارتاح
موني / انا عمري ما هسامحك انتي حرمتيني من بابا في اخر ايامه انتي كدبتي عليا
فريده / انا يا موني!!!
مازن / شريف
شريف / ايوه يا مازن
مازن / اكرام الميت دفنه انت عارف هتعمل ايه
مازن يسيب المكان و يمشي
فريده / انت رايح فين
موني تبص لكامل يروح وراه
فريده / هو رايح فين ده طبعا تلاقيه هيجري علي الست مرام بتاعته يديها البشري
شريف / علي فكره اللي كنتي بتسخنيه مات
زياد / اتكلم عدل يا بتاع انت و اعرف انت بتكلم مين
شريف / ما يشرفنيش اتكلم معاكوا اصلا
شريف يمشي
زياد / اما ربيت الحيوان ده اما علمته ازاي
لبني / زياد
زياد يبصلها تشاورله براسها علي موني منهاره من العياط يروح يحضنها
زياد / البقاء لله هو ما كانش عاوزك تعرفي عشان دموعك دي بتتعبه
موني / انا تعبانه اوي يا زياد
زياد / لبني خدي ماما و موني علي البيت و انا هخليني هنا مع الرجاله
فريده / انا مش هقدر اسببه لوحده ابدا رجلي علي رجله
زياد / هتعمليله ايه بس يا ماما خلينا نخلص الاجرائات عشان نلحق نرجع مصر
فريده / مش هقدر ادخل البيت و هو مش فيه هموت
زياد / ما تتعبنيش بقي يا ماما تعالي اتحركي سندي موني يا لبني
زياد يسند فريده و لبني تسند موني و يمشوا بره المستشفي
....................
في مسجد المستشفي
مازن بيصلي و مازن الصغير بيجري و يلعب في كل مكان و كامل قاعد بيقرا قران في جنب شريف يدخل يقلع الجزمه و يروح يقعد جنب كامل
كامل / ايه الاخبار
شريف / الطياره الساعه سبعه الصبح هنطلع عليها كلنا كلمت زياد في البيت مع موني و مامته و لبني بيقول مامته تعبت خدت مهدئ و نامت و هيقبلونا الصبح في المطار
كامل / كويس انهم روحوا موني ياريتهم كانوا اخدوا مازن كمان معاهم
شريف / انا مش معايا عربيه كنت وصلتك
كامل / انا اصلا مش هقدر اسيبكوا لوحدكوا
شريف / ما تقلقش انا معاه و خلاص كل الاجرائات خلصت هنفضل بس لحد ما نستلمه و نروح تقدر انت تروح و ترتاح موني محتاجالك جنبها و مازن كمان صغير علي كدا اكيد عاوز يرضع يغير ينام
كامل يبص علي مازن يلاقيه ساجد و يبص علي مازن الصغير يلاقيه قاعد في ركن بيلعب في شرابه يقوم يشيله
كامل / لو احتاجت اي حاجه كلمني
شريف يبتسم كامل يمشي شريف يروح يقف ورا مازن و يصلي معاه
...........................
في الفيلا
فريده / انتي ايه حكايتك كل شويه تقبي و تغطسي و اقعد ادور عليمي
لبني / و حضرتك عاوزه مني حاجه يعني
فريده / طبعا في وقت زي ده لازم كلنا نبقي جنب بعض
لبني / مش من مصلحتكوا اظهر في الصوره هفضحكوا للاسف مش هقدر اشترك معاكوا انا مش ممثله شاطره اوي كدا زي حضرتك
فريده / شايف مراتك بتقول ايه يا زياد
لبني / ايه مش هقدر اسيبه لوحده يا زياد كان هيحصل ايه لو زياد وقف و اشترك في الفلوس اللي هتندفع
زياد / الله مش ابوه
لبني / ما انت اخدت كل حاجه يجوا ايه دول جنب اللي عندك دلوقت
فريده / و هو بعني فقير ما بيقبضش هو و مراته قد كدا
لبني / طب داري داري لموني تصحي و تسمعك انا طالعه انام
لبني تطلع فوق
فريده / اقطع ايدي من هنا البت دي قالت لمازن كل حاجه
زياد / ما تقوله هيعمل ايه يعني ان جعجع الكل هيقول شايفين قليل الاصل اللي جاي عزا ابوه يتخانق عالورث ان سكت يبقي كسبنا وقت احنا كدا كدا كلو في السليم عن اذنك هطلع انام انا كمان
زياد يطلع و فريده واقفه تفرك
.....................
في المسجد
مازن قاعد في جنب بيقرا قران شريف يدخل و معاه كيس يروح يقعد جنبه
شريف / كلك لقمه
مازن / صدق الله العظيم
شريف / انت من ساعه ما وصلت ما كلتش حاجه
مازن / شربت قهوه
شريف / اليوم طويل و سفر و دفنه و عزا ما ينفعش تقع تمام كل ساندوتش
مازن يبص الناحيه التانيه
شريف / كل بدل ما اجبلك امي
مازن يبتسم بانكسار و فجاه يعيط شريف ياخده في حضنه
شريف / لا اله الا الله طب خلاص مش هجيب ماما خلاص
مازن يدحك وسط الدموع و يمسح وشه و ياخد الساندوتش من الكيس و ياكل
شريف / كلم مرام قلقانه عليك
مازن / عامله صامت مش راضي يبطل رن نمر كتير ما رنتش عليا من سنين او ما رنتش عليا خالص
شريف / عاوزين يعزوك
مازن / مش قادر اتكلم مع حد و لا ارد علي حد
شريف / و لا حتي مرام
مازن / تفتكر سامحته يا شريف
شريف / ما تفكرش في الحاجات دي
مازن / كان بيشرب و ما كانش بيصلي
شريف / ادعيله ما فيش في ايدك غير الدعا ولد صالح يدعوا له
مازن / معاك حق
شريف / كل كل حط همك في الاكل و كل
مازن يبص للساندوتش في ايده و هو زعلان و يقطم ما بتتبلعش
.....................................................
فى شقه مازن بعد الدفن
جرس الباب يضرب مرام تروح تفتح تلاقى الباب بيتفتح و مازن بيدخل تجرى تحضنه
مرام / الف حمد لله على سلامتك وحشتنى اوى
مرام تسيبه و تمسك فى ايده و هو الحزن مغطيه
مرام / عامل ايه
مازن / تعبان يادوب اريح شويه قبل العزا بالليل
مرام / طب مش عاوز تاكل لقمه
مازن يهز راسه لا مرام تهز راسها اه و تجرى على الاوضه تلم لعب ملك من على السرير يدخل وراها
مرام / معلش ملك كانت بتلعب انا هوديها عند عمتى
مرام تشيل ملك من الارض
مازن / سبيها انا عاوزها فى حضنى
مرام / لسه صاحيه مش هتخليك تنام
مازن / انا عاوزكوا فى حضنى انتى و هى انا محتاجكوا اوى
مرام تنفض الملايه مازن يفرد ضهره تدخل بملك فى حضنه
مرام / مش هتغير
مازن / مش قادر لما اصحى هغير و استحمى قبل ما انزل
مرام تقوم تطفى النور و ترجع تجرى
مرام / تمام
مرام تقوم تبوس راسه و ترجع تنام تانى
..............................
فى فيلا لبنى
مونى / و انت هتسيب شريف يعمل كل حاجه و تفضل قاعد كدا و تروح كانك ضيف
زياد / ما انا قولتله اساعدك قال شكرا و بعدين هو يعنى هيرص الكراسى بايديه دا اخره مكالمه تليفون و كل ده يخلص انتى بس اللى متوتره اوى
مونى / تصدق يا ابيه معاك حق
زياد / انا مقدر اللى انتى فيه بس لازم تفهمى ان اللى مات ده ابويا انا كمان و بعدين هو مازن يعنى بيعمل حاجه بايده مهو باعت سكرتيره جايه تحسبينى انا ليه
مونى / عشان هما تعبوا هناك احنا روحنا نمنا و هما فضلوا واقفين فى المستشفى لحد ما وصلوا بابا هنا
زياد/ هى مش ماما كانت تعبانه قدامك كنت اسيبها يعنى و لا اسيبك انتى ما كنتيش شايفه حالتك و لا لبنى هو انا كنت هلاحقها على مين و لا مين و بعدين ما تحسى بيا بقى يا مونى كفايا بقى تحسسينى انى مش اخوكى اعمل ايه انا اكتر من كدا عشان تعاملينى حلو
مونى / انت بتقول ايه يا ابيه
زياد / انا ما بقولش انا اصلا ما عدش فيا حيل لقواله عن اذنك
زياد يطلع و فريده تنزل
فريده / صوتك عالى ليه يا مونى
مونى / ما فيش يا ماما
فريده / حبيبتى انا عارفه ان اللى حصل كان صعب عليكى بس لازم تفهمى ان زياد كان اقرب واحد لابوكى هو اللى كان ممشيله شغله طول الوقت زياد متاثر جدا بموت ابراهيم و تعبان اكتر من اى حد بس للاسف ما حدش مقدر ده الكل دايما بيحسسه ان اللى مات ما كانش ابوه كان زوج امه
مونى / بالعكس يا ماما دا انا بقوله يتصرف كانه ابوه و يتابع العزا بنفسه مش راضى
فريده / يا حبيبتى زياد دايخ مع باباكى من زمان سواء فى الشغل او فى عياه زياد تعب حسي باخوكى يا حبيبتى ما تبقيش انتى و الحربايه مراته عليه
مونى / ليه يعنى ما لها لبنى
فريده / ما لهاش يلا احنا فى ايه و لا فى ايه اطلعى ارتاحى شويه عشان تقدرى تقفى فى العزا بالليل
مونى / ما فتكرش هقدر اشوف راحه اصلا
فريده / حاولى يا حبيبتى ريحي جنب جوزك و ابنك و ان شاء الله كل حاجه هتتحل
مونى تهز راسها و تطلع فوق
........................
فى شقه مديحه
مديحه عماله تقيس اطقم سوده و مروه تساعدها
مديحه / الواحد على قد ما كان فرحان فى موت اللى اسمه ابراهيم ده بس اول ما شاف مازن و حالته زعل
مروه / ازاى يزعل عليه بعد كل اللى عمله فيه
مديحه /الله مش ابوه
مروه / بس دا حقه يفرح فلوسه اللى اتسرقت منه رجعتله
مديحه / ما حدش سرقه هو اللى رماله الفلوس فى وشه و قاله مش عاوز منك حاجه
مروه / هو انا لازم اجى العزا ده
مديحه / انا بقول بلاش كل التعابين هيبقوا هناك و اخاف يركبوكى الغلط
مروه / مين دول دا انا
مديحه / انتى ما تعرفيهمش دول ولاد كلب خصوصا الحيه الكبيره مراته و لا التانيه مرات زياد ست لبنى
مروه / اصلا الواحد مش هيعرف يمثل انه زعلان معاكى حق بلاها احسن
مديحه / اريح ها قوليلى انهى طقم احلى
مروه / التانى حلو اوى و مرفعك
مديحه / بجد
مروه / اه شيك كدا و فخم
مديحه / والله انا بحب زوقك يا بت يا مروه حلو كدا و شياكه امال مش اخترتى محمود ابنى
مروه / ههههههههههههههههههه
............................
فى شقه مازن
مرام تصحى تلاقى ملك نايمه و مازن مش موجود و تسمع صوت الدوش تقوم المطبخ و تعلق على لبن تسمع صوت باب الحمام بيتفتح مازن يدخل
مرام / هعملك قهوه بلبن
مازن / بنت حلال والله مصدع و محتاجها
مرام / اسخنلك لقمه تاكلها معاها انت ما كلتش حاجه خالص
مازن / ما ليش نفس خالص يا مرام حاسس ان فى حاجه طابقه على صدرى لو كلت هرجع
مرام تتنهد و تصب القهوه و تديهاله
مازن / تسلم ايدك
مرام و مازن يطلعوا يقعدوا فى الصاله
مازن / ساعات بحس انى السبب فى موته
مرام / لا اله الا الله
مازن / كان المفروض اصدقه كان المفروض اسيب اللى ورايا و اللى قدامى و اروح اقعد تحت رجليه يمكن
مرام / انت عملت اللى عليك يا مازن هو اجله كدا و الحمد لله ارتاح انا اسمع ان عياه كان صعب و متعب
مازن / اللهم احفظنا كان مدمر
مرام / و دفنتوه مع تيته و خالو برده
مازن / لا ادفن فى تربته مهو عنده تربه بتاعته و بتاعه عيلته
مرام / ايوه انا والله صليت كتير و دعيت و قريت قران
مازن / عارف كتر خيرك عملتى اكتر من اللى عليكي بكتير
مرام / مونى حبيبتى عامله ايه انا بجد مش عارفه اكلمها اقولها ايه باباها اتوفى و مامتها عيانه
مازن / الحمد لله مامتها ممكن تتلحق الحاله مش بتدهور بسرعه زى حاله بابا بابا اللى حالته كانت ميؤس منها الدكتور قالهم كذا مره خدوه يموت فى البيت بس ما حدش فينا فقد الامل و فضلنا نعافر لاخر ثانيه الدكتور بيقول انه ما شافش حاله بتدهور بالسرعه دى فى حياته
مرام / زى ما قولتلك اجله كدا نصيب و الحمد لله على كل حال
مازن / ملك فرقت فى نفسيته اوى يا ريتنى كنت خدتها معايا اكيد لو كان شافها اكيد نفسيته كانت هتتحسن بس حبيبتى ما كانتش هتستحمل قاعده المستشفيات و الجو يا مرام الجو كان صعب اوى تحسى ان روحك بتطلع و ريحه الموت كانت فى كل مكان فى المستشفى
مرام /لا اله الا الله
مازن / سامحيه يا مرام سامحيه عشان خاطرى
مرام / سامحته
مازن / من قلبك ؟
مرام / من قلبى سامحته كفايا انك تبقى كويس
تليفون مازن يرن مرام تجرى تجيبه من الشاحن
مرام / شريف
مازن / ايوه يا شريف ... تمام هلبس و اقابلك هناك ... سلام
مرام تبصله
مازن / شريف ما ارتاحش من ساعه ما خرج من بيته من هنا لحد دلوقت ما ارتاحش خالص هو اللى عمل كل حاجه هناك و هنا و لسه العزا بيتهيالى على ما يروح البيت اخر اليوم هيغم عليه
مرام / ربنا يباركله
مازن / زمان كنت بديله مرتب و كان ده شغله دلوقت بيعمل كل ده ليه بيتعب كل ده ليه
مرام / و انت لو مكانه مش هتتعب عشانه كدا
مازن / ما فيش حد يقدر يعمل اللى شريف بيعمله ما فيش حد يقدر يبقى شريف
مازن يقوم و يدخل الاوضه يفتح الدولاب و يطلب بدله سمره و يلبسها ملك تصحى
مرام / انا هسيبها مع مروه و مامتها هما مش هيروحوا العزا هيعزوك كدا
مازن يهز راسه مرام تروح تطلع طقم اسود من الدولاب
مرام / دا مناسب ؟
مازن / حلو
..................................
فى العزا
زياد / بصراحه عملت شغل محترم انا كنت عارف من الاول ان ما حدش هيقدر يعمل الشغل ده بالشكل ده غيرك
شريف يبصله و يرفع حاجبه
زياد / نسيت اباركلك على حمل صافى الف مبروك
شريف / الله يبارك فيك عقبالك
زياد يبتسم
زياد / بخصوص تكلفه العزا انا عارف ان مازن دفع
شريف / عن اذنك
شريف يسيب زياد و يروح يقف جنب كامل
......................
عند السيدات
ست / انا متابعه لكل وصفاتك
مرام / شكرا بس بيتهيالى دا مش المكان المناسب و لا ايه
الست / انا اسفه اوى معاكى حق انا بس اتحمست اوى لما شوفتك لانى بتعب جدا عشان الاقى ريسرفاشن للايفنت و مش بلاقى خالص
مرام / ان شاء الله الايفنت الجاى تلاقى هستاذن حضرتك
مرام تروح تقف جنب مونى
مونى / مش هتخلصى منهم على فكره
مرام / ياريتنى ما جيت
مونى / حرام عليكي دا انتى اللى مهونه عليا اليوم والله
مرام / تعالى بكره اتغدى معانا
مونى / انا مسافره بعد العزا مش هقدر اقعد هنا ثانيه واحده
مرام / ليه يا مونى
مونى / تعبانه يا مرام هناك بعيد هنسى كل اللى حصل هتلهى فى دراستى و امتحاناتى و مازن هشغل وقتى و احاول انسى
مرام / لو احتاجتى اى حاجه
مونى / لو انتى احتاجتى اى حاجه
مرام تحضنها فريده تدخل
فريده / ياريت يا مرام تبلغى قرايبك يهدوا شويه دا عزا مش كافيه
مرام تبص تلاقى مديحه بتتكلم مع فاطمه و تهانى
مرام / عن اذنكوا
مرام تمشى
مونى / ليه كدا يا ماما
فريده / لحسن تكونى فكراهم زعلانين على ابوكى دول شمتانين انا اصلا مش قادره اصدق انك بتكلمى البنت دى دى جايه تشمت فى ابوكى فرحانه انه مات
مونى / كفايا بقى يا ماما لو سمحتى الاسلوب ده انا مش هبله و لا عيله
فريده / لا عيله
لبنى تدخل
لبنى / اهدوا يا جماعه الصوت الناس بتبص علينا
مونى تمشى تروح تقعد بعيد
لبنى / ايه يا طنط اهدى ما تبوظيش الليله
فريده / ما بقاش الا انتى كمان
فريده تمشى
لبنى / قريب مش هيبقى غيرى يا ست الكل اصبرى بس
لبنى تروح تقعد جنب مونى و تمسك ايدها مونى تعيط مرام تشوفها تروح تقعد جنبها مونى تحضن مرام و تحط راسها على صدرها
................................
فى شقه شريف بعد فتره
رؤى / بس سمعت ان ابيه مازن خسر فلوس كتير اوى الفتره اللى فاتت
شريف / بالهبل هو اللى شال تكلفه الليله كلها
صافى / بس انت ليه لما زياد عرض عليك رفضت
شريف / كان بيتكلم قدام الناس لكن وقت الدفع كان بيتبخر
رؤى / اللهم احفظنا بنادم براس كلب
فاطمه / المهم مازن عامل ايه بدا ينزل الشغل و لا لسه
شريف / والله كلنا بنزن عليه بنقوله انزل بيقول مش قادر
صافى / بس كان المفروض الفانز بتوعه يقدروا ظروفه لكن الكل كان بيضغط عليه و كانها فرصه
شريف / رجع للكل العرابين و عملهم الباكدجز على حسابه بقولك خسر مبلغ محترم
رؤي / امال هتجرى فى اعلان الوراثه امتى يا ابيه
شريف / مش انا اللى هبدا يعنى يا رورو على الاقل لما يقرروا يتكلموا اى حد تانى يقولوا علينا ايه ما صدقنا الراجل مات و اتسرعنا على القرش
رؤى / بس دا حقه يعنى مش كفايا اتحرم منه طول الفتره اللى فاتت يرجع يمسك شركاته تانى و يرتاح شويه
شريف / اجنا ما لناش دعوه يعملوا اللى يعملوه
.....................
فى شقه مازن
مرام تروح تصحى مازن و فى ايدها كبايه شاى
مرام / مازن مازن
مازن يصحى و دقنه طويله
مرام / قوم عاوزه اتكلم معاك
مازن يقوم يقعد
مرام / كنت بفكر نعمل يوم لله على روح والدك و تيته و المعلم اسعد ندبح حاجه و ناكل الناس
مازن / ربنا يسهل
مرام / بفكر ما نعملوش هنا تكلم مصطفى و الجمعيه يعملوها من بره بره يدبحوا و يوزعوا على الناس المحتاجه و الحتت البعيده اللى ما بيوصلهاش اكل اكيد الاماكن دى ثوابها اكبر
مازن / هكلمه
مرام / كلموك من الاستوديو هتنزل امتى
مازن / مش قادر يا مرام
مرام / ما انت لازم تقدر يا مازن انت ما ينفعش كل ما تمر بنكسه او ابتلاء تكئب و تقعد بالمنظر ده انت لازم تبقى اقوى من كدا يا سيدى لو مش عشانى عشان ملك البنت نفسيتها متاثره خالص بالضلمه اللى بقيت عايش فيها دى
مازن يبصلها و يحط كبايه الشاى على الكومدينو
مرام / انا بحبك و حالتك دى بتوجعنى انا مش قادره اعملك حاجه
مازن / فتره و هتعدى يا مرام انتى اللى مستعجله
مرام / لا مش انا الناس كلها عاشت حياتها مونى رجعت بلدها من يوم العزا و فريده رجعت دبى هى و زياد و لبنى و انت هنا بتموت قدامى و مشيل نفسك ذنب حاجه انت ما لكش اى دخل فيها
مازن / لا مش حقيقى
مرام / قوم يا مازن عشان خاطرى قوم صلى ركعتين لله و انزل الاستوديو مش عاوز تروح افراح ما تروحش حقك باباك لسه ما عداش عليه الاربعين بس انزل تابع شغلك انا مش عاوزه افكرك انك مش بتدى شريف مرتب انه يشيل كل ده
مازن يبصلها تطبطب على كتفه
مرام / قوم بالله عليك قوم الله يهديك قوم ظبط دقنك و خدلك دش سخن السخان مليان و فوق لروحك لو مش عشانى عشان ملك هى محتاجاك والله
مازن يهز راسه بحزن و يقوم يدخل الحمام و مرام تتنهد و تقوم
...............................
