(((((((السكة شمال ٢)))))))
#لولو_محمد
الحلقه ٢٠٧
لبني تحاول تبوس ايد زياد يسحبها بسرعه و يقوم تيجي تقوم الراجل يمسكها من كتفها يجبرها تفضل قاعده فى السرير
لبني / اعمل فيا اللى انت عاوزه موتنى احرقني قطعنى حتت بس ابوس ايدك يا زياد هما ما لهمش ذنب
زياد يطلع الموبايل
زياد / نفذ
لبني تصرخ و تحاول تقوم الراجل يلطشها بالقلم يغمى عليها و زياد متابع و الغل مليه
زياد / ارميها فى بدروم الفيلا اما افوقلها
زياد يمشي و الراجل يشيل لبني على كتفه فاقده الوعى و يمشى وراه
......................
قدام المدينه الصناعيه
اربع عربيات نقل محمله رجاله ملثمين اول واحده تخبط فى البوابه تكسرها و الرجاله ينطوا من العربيه يضربوا نار على الغفر يموتوهم كلهم و يجروا على جوه يحرقوا الاربع مصانع
...............
فى فيلا زياد
لبني تفوق تلاقي نفسها بقميص النوم فى الارض تمسك دماغها و تحاول تتسند و تقوم الباب يتفتح و زياد يدخل
لبني / انت عملت ايه
زياد / اقعدى اما نتكلم
لبني / قولى الاول عملت ايه قولى عملت ايه
زياد / عملت ايه فى مين أحمد و لا مازن
لبني / انطق عملت ايه قتلت البنت
زياد / مش بالظبط بس تقدرى تقولى كدا
لبني تصرخ و هى بتعيط
لبني / حرام عليك يا اخى حرام عليك
زياد / المصانع اللى الباشا كان مسنود عليها اتساوت بالارض و كدا لا هيعرف ياخد عليها قرض و لا يبيعها الا بقي كارض و دا هيخسف بتمنها الارض يعني
لبني / ربنا ينتقم منك ربنا ياخدك
زياد / اما بقي احمد فالبيه للمره التانيه اختار انه يعيش و انا راجل ديمقراطى مضيته على تنازل عام عن كل مليم يملكه و مضيته على شيكات لو اشتغل طول عمره مش هيلم تمنها و سبته يمشي
لبني تقعد فى الارض و هى بتعيط
زياد / انتى بقي تحبي مصيرك يكون ايه
لبني / اقتلنى انا واحده خاينه اقتلنى
زياد / ههههههههههههههه انا ديمقراطى اه بس مش رحيم اوى كدا بصي يا ست البنات قدامك حل من الاتنين الاول تنازل عن كل جنيه عندك فلوسي و رجعتلى و دا حقي و تمشي و ساعتها هفصل الاجهزه عن ملك
لبني تجرى تحت رجله
لبني / ابوس رجلك لا ابوس رجلك هتنازلك عن كل حاجه اعمل فيا ما بدالك
زياد / الحل التاني انك تفضلي هنا كلبه لحد ما تموتى
لبني / موافقه
زياد ينزل على ركبته و يحط عينه فى عينها اللى كلها دموع
زياد / انتى متخيله كميه الذل اللى هتشوفيها على قديا متخيله انا هنتقم منك ازاى انا هطلع عليكي كل لحظه ذل سقيتيهاني كل جرح و كل لحظه خنتيني فيها كل مره غمضت عيني عن تصرفاتك انا مش هذلك انا هخليك تتمنى الموت و ما تطوليهوش
لبني / انا استاهل انا اللى زعلتك انا اللى مقدرتش النعمه اعمل فيا ما بدالك بس ارجوك سبهم فى حالهم ما لهمش ذنب
زياد / تمام امضى هنا على الورق ده
زياد يطلع ورق من جيبه و قلم و لبني تمضي من غير ما تقرا
زياد / دا هيبقي سجنك مؤقتا لحد ما اجهزلك مكان تانى انسب يليق بيكي ... هو مش هيفرق كتير عن هنا كدا كدا لازم تتعودى على نومه البلاط عشان مش هتشوفي غيرها
زياد يسيب لبني قاعده فى الارض بتعيط و ثوانى و يرجعلها تانى
زياد / كنت هنسي ... انا طلقتك .. شوفتي بقى انا مش حارمك من حاجه ازاى مش كنتى برده عاوزه تطلقي اديني طلقتك .. انجوى بقي يا قلبي سلام
زياد يمشي و يسيبها تبص حواليها تلاقي كاميرات فى كل حته فى السقف و فى فى جنب في الارض حنفيه قديمه و جردل تحتها تقعد فى جنب و تسند على الحيطه و تعيط
....................
قدام المصانع
مازن وشريف و محمود واقفين و فى بوليس و ناس كتير مازن بيبص على مصنع اللعب و مش مصدق المنظر
محمود / هو زياد الكلب اللى عمل كدا
شريف / و هو هيعمل كدا ليه دا احنا كنا هنمضى العقود النهرده
محمود / بيفطس فى تمنهم
شريف يبص على مازن فى دنيا تانيه يقرب منه و يحط ايده على كتفه
شريف / انا كلمت شركه التامين و ان شاء الله خير
مازن / لو كلمتنى تسالنى على الفلوس دفعتها و لا لسه هرد اقولها ايه
شريف / فى موضوع كنت عاوز اكلمك فيه حاجه كدا حصلت يمكن يعني
مازن باصص فى الارض و يسيب شريف و يمشي
شريف / مازن مازن انت يا ابني
شريف يحاول يحصله ما يلحقوش
محمود / هو رايح فين
شريف / و الله ما اعرف دا ايه اليوم ده بس
........................
فى الفيلا عند زياد
يسرى تفتح باب البدروم و تدخل شايله كيس زباله اسود تحطه جنب لبني نايمه فى الارض لبني تفتح و تتخض
يسرى / زياد بيه قالى انزلك الكيس ده
يسري تسيب المكان و تمشي و لبني تفتح الكيس تلاقي فيه زباله و بواقى الاكل و اكياس فاضيه تقرف و تقفل الكيس و تزقه بعيد و تبص للكاميره و تروح ناحيه الجردل و تفتح الحنفيه و تشرب ميه وتغسل وشها و تمسح دموعها
........................
فى الشركه عند زياد
زياد بيستقبل مازن على باب المكتب
زياد / لما قالولى انك بره ما صدقتش اصل معادنا الساعه سته
مازن / انت ما عرفتش اللى حصل و لا ايه
زياد / خير ملك جرالها حاجه ؟ على فكره الشيك جاهز ثوانى
زياد يروح ناحيه المكتب و يفتح درج
زياد / خده و حولهم الفلوس و احنا نمضي العقود براحتنا فى اى وقت مهما كانت الخلافات اللى كانت بينا ملك ملهاش دخل
مازن / المصانع اتحرقت
زياد يبص لمازن و يعمل متفاجئ و يقفل الدرج و الشيك فى ايده
مازن / التامين هيغطى بس الموضوع هياخد وقت و اجراءات و اليوم بيفرق فى حاله ملك الدقيقه بتفرق
زياد / انهى مصنع اللى اتحرق بالظبط
مازن / الاربعه
زياد / امتى ده و مين عمل كدا
مازن / مش مهم مش وقته المهم دلوقت اللحق ملك زى ما قولتلك التامين هيغطى و هسلمك المصنع زى ما كان بالظبط و بمكن جديد كمان بس اليوم بيفرق مع ملك انا مستعد امضيلك الضمانات اللى تحتاجها
زياد / من غير ضمانات يا مازن انت اخويا و ياما عملت عشانى
زياد يناول مازن الشيك و قبل ما مازن يمسكه زياد يسحب ايده مازن يبصله باستغراب
زياد / مش انا طلقت لبني
مازن / ايه !!!
زياد / طلعت بتخونى
زياد يروح يقعد و الشيك فى ايده و مازن واقف متابعه
زياد / الواحد كان صغير برده و ما بيعرفش يختار كان المفروض اعمل زيك كان المفروض اختار واحده زى مرام بت جدعه و تقف جنب جوزها حتى لو خسر كل فلوسه تصونه و تصون شرفه
زياد يبص على مازن متابعه
زياد / انا مستعد اديك الشيك ده يا مازن من غير اى ضمانات و مش بس كدا انا هديك ورث مامتك و خالك و كل جنيه ابوك خده منك
مازن / مش عارف ليه بدات احس انك هتطلب حاجه تخليني اندم انى جيتلك
زياد يقوم يقعد على المكتب و يتك على زرار تحت المكتب و هو بيدحك
زياد / اخص عليك يا مازن طب دا انت خيرك عليا دا انا لحم كتافى من خيرك
مازن / خش فى الموضوع يا زياد هتاخد منى ايه فى المقابل القريه ؟ موافق اى كان التمن موافق
زياد / لا يا راجل قريه ايه لا .. هو الموضوع انى زى ما قولتلك طلقت لبني و بدور على واحده بنت حلال اكمل معاها حياتي بس للاسف الشمال بقوا زى الهم على القلب مش سهل انك تلاقي واحده محترمه
مازن / انت عاوزنى ادورلك على عروسه
زياد / ههههههههههههههههههه لا لا انا لقيتها اصلي مش حمل تجارب فاشله تاني انا لقيت بنت مناسبه
مازن / مين ؟
زياد / مرام مراتك
مازن ملامحه تقفل و يهجم على زياد يجيبه فى الارض و يخنقه
مازن / انا اللى استاهل ضرب الجزمه انى جيتلك
زياد / اعقل يا مازن انت كدا بتخسر ملك
الامن يدخل يشدوا مازن من فوق زياد
مازن / اتفو عليك يا قذر
زياد يعدل هدومه و يبص على مازن بتشفى و مازن فى الارض و هما مسكينه
زياد / دا مرام نفسها لو عرضت عليها العرض ده هتوافق دا انا لو عرضت عليها من غير جواز هتوافق
مازن يحاول يطوله مش قادر
مازن / انت اللى حرقت المصانع ما حدش غيرك يعملها
زياد يبتسم
زياد / نورت يا مازن بيه
زياد يشاورلهم يشدوه على بره و هو بيقاوم يحاول يوصل لزياد اللى باصصله بتشفى و استفزاز و مازن بيصرخ فيه
مازن / هقتلك يا زياد هدفعك تمن عمايلك كلها القديم و الجديد هندمك يا زياد
......................
فى الفيلا عند لبني
لبني ماسكه بطنها و عماله تبص حواليها تقوم تروح ناحيه كيس الزباله و هى بتقدم رجل و تاخر رجل و تقعد فى الارض و تفتح الكيس الريحه وحشه اوى تحط ايدها على بقها و تروح ناحيه الجردل و ترجع و هى ماسكه الحنفيه تفتحها و تغسل وشها و تشرب
لبني / منك لله يا زياد حسبي الله و نعم الوكيل فيك ربنا ينتقم منك ربنا ياخدك
.....................
فى شقه مازن
مازن نايم فى سرير ملك بيعيط و حاضن حاجتها تليفونه يرن مرام يبص فيه و يقلبه و ما يردش و يعيط الباب يخبط يقوم يفتح يلاقي شريف
شريف / مالك فى ايه
مازن يسيب الباب و يدخل جوه
شريف / كلمت مرام
مازن / عملت ايه مع شركه التامين
شريف / الحريق بفعل فاعل بيقولوا لما التحقيقات تنتهى هيقولوا ايه يعني
مازن يرمى نفسه على اقرب كرسي
مازن / اعرض القريه للبيع و خلى سعد يزود الامن هيحاول يحرقها
شريف / مين ؟ زياد ؟ انت روحتله ؟ انت عرفت منين ؟ هو زياد فعلا ؟ ما تنطق يا ابني فهمنى
مازن يشاور لشريف انه دايخ
شريف / مالك يا ابني فيك ايه
مازن يشاور لشريف تانى انه دايخ
شريف يقوم يجرى على المطبخ
شريف / انا قولتلك مليون مره قله الاكل دى هتتعبك ما بتسمعش الكلام
شريف يفتح فى الارفف لحد ما يلاقي السكريه و يطلع ازازه ميه من التلاجه و يعمل ميه بسكر
شريف / عمرك ما سمعت الكلام و لا عمرك كنت مريح دايما تاعبني كدا
شريف ياخد الكبايه و يطلع بره يلاقي مازن فى الارض يجرى عليه و يحط الكبايه جنبه و ياخد مازن فى حضنه و يحاول يفوقه
شريف / مازن .. مازن
شريف يحاول يسقي مازن الميه نصها يقع من بق مازن شريف يطلع موبايله من جيبه و يتصل بحد
.........................
فى الفيلا عند زياد
لبني نايمه فى الارض و مغمضه عنيها تحس بخطوات كعب عالي تفتح تلاقي فريده واقفه بتطرقع بالكعب فى الارض تقوم بالعافيه تقعد و تبصلها باستغراب و فريده بصالها باستغراب
لبني / انتى ميته
فريده تنزل على ركبها
فريده / طب ما انتى كمان ميته هو انتى يعني عايشه
لبني تبصلها بضعف فريده تبص على كيس الزباله
فريده/ الزباله ريحت و الاكل اللى فيها باظ خالص
لبني / انتى عاوزه منى ايه
فريده / انا جايه اخدك معايا انا و انتى هنفضل مع بعض علاطول انا و انتى نسخه واحده حتى نهايتنا واحده
لبني / انا مش زيك انا مش زيك
فريده / انتى اسوء انا مت مستوره انما انتى مفضوحه انا اى حد هيفتكرنى هيقول الليدى فريده انما انتى هيفتكروكى بالست اللى جوزها قفشها مع عشيقها فى سرير واحد
لبني / انتى جايه ليه عاوزه منى ايه عاوزه منى ايه
فريده تمسك لبني من كتفها و تهزها
فريده / اقتلك زى ما قتلتيني جايه اخد حقى منك اشوفك مزلوله زى ما زلتيني اشوفك بتموتى بالبطئ زى ما موتيني جايه اخد حقي منك حقى
لبني / لا لا ما لكيش حق عندى لا لاااااااا
////////////
لبني تفتح تلاقي يسري بتهزا من كتفها
لبني / لا
يسري / الاكل يا ست لبني
لبني / يسري .. الحمد لله ساعديني يا يسري ارجوكى
يسرى / على عيني بس زياد بيه بيتفرج على الكاميره طول الوقت و انا غلبانه مش قده عن اذنك
لبني تمسك ايد يسري
لبني / هديكي اللى انتى عوزاه بس ساعديني ارجوكى
يسرى تزق ايدها و تبعد
يسري / و هو انتى حلتك حاجه تديهانى عن اذنك
يسري تمشي و لبني بتبص عليها باستغراب و تتف فى الارض
....................
فى المستشفي عند مرام
مرام بتتكلم فى التليفون
مرام / طب هو عامل ايه دلوقت يا شريف
شريف / مركبينله محاليل قولتلك الفتره اللى فاتت ما كانش بياكل خالص
مرام / طب كلمته فى حاجه قولتله
شريف / و الله يا مرام ما لحقت حتى فى مواضيع كتير حصلت و كنت عاوز اقوله عليها بس ما لقيتش فرصه كل حاجه جت ورا بعضها
مرام / و الله يا شريف انا لحد دلوقت لسه مش مستوعبه اللى بيحصل كل حاجه بتجرى ورا بعض بسرعه و كل ما افوق و استوعب حاجه تحصل حاجه جديده
شريف / كلو خير ان شاء الله اللهم لا اعتراض
مرام / الحمد لله
شريف / المهم تاخدى بالك من نفسك و من اللى فى بطنك مش هتبقي انتى و هو
مرام / لا والله باكل و واخده بالى من نفسي و كمان صافى حجزتلى و كشفت و اطمنت و اخدت العلاج كمان ما تقلقش صافي مسيطره
شريف / الحمد لله استاذنك اكلمها
مرام / اه طبعا
مرام تناول الموبايل لصافي
صافي / ايوه يا شريف اخبارك و اخبار العيال ايه
شريف / الحمد لله احنا كويسين و مش ناقصنا غيرك انتى عامله ايه و مرام عامله ايه
صافي / احسن كتير الدكاتره طمنوها و ان شاء الله خير مازن عامل ايه قولتله
شريف / لما يفوق هقوله
صافي / يفوق ايه هو مش هبوط من قله الاكل زى ما قولت لمرام يعني المفروض
شريف / مازن عنده انهيار عصبي يا صافي الفتره اللى فاتت كان بيضغط على نفسه جامد شغل طول الوقت و تفكير و لا اكل و لا نوم و لا راحه لما جسمه انهار منه دا غير التعذيب اللى كان بيعذب بيه نفسه طول الوقت انه يشيلها مسؤليه اللى حصل الله يعينه
صافي / و كملت بحرق المصانع و انه يشوف تعبه طول الفتره اللى فاتت بيضيع قصاد عنيه
شريف / بيقول زياد انا مش فاهم دا كان المفروض خلاص اتفقنا و هنمضي العقود و يشتريه يحرقه ليه ايه الغل ده هو مش عارف قد ايه مازن محتاج الفلوس معقول كرهه لمازن يخليه ياذى بنت صغيره ملهاش اى ذنب
صافي / مستني منه ايه هو انت يعني نسيت كل اللى عمله يلا ربنا ينتقم منه
شريف / انا هروح اطمن على مازن و ابص عليه و انتى خليكي جنب مرام و اى جديد كلميني
صافي / ماشي يا حبيبي خد بالك من نفسك سلام
صافي تقفل و تروح تدى الموبايل لمرام اللى قاعده بتقرا قران
.........................
في الفيلا عند زياد
لبني نايمه على الارض جنب الحنفيه زياد يفتح الباب و يدخل و يروح ناحيتها
زياد / ايه الاخبار
لبني / عملت ايه
زياد / مفيش جديد انتى عندك جديد ؟
لبني / ازاى و انا هنا
زياد / بالظبط طول ما انتى هنا مش هيبقي عندك جديد و طول ما انتى ما عندكيش جديد انا كمان مش هيبقي عندى جديد شوفتي بسيطه ازاى
لبني / يعني هتفضل حابسني هنا لحد ما اموت
زياد / و هو القاعده هنا وحشه طب دا انتى فى نعمه لتكونى فاكره ان عيشتك بره هتبقي احسن دا انتى كلاب السكك هتنهش فى لحمك الابيض الجميل ده
لبني تبصله و الدموع تنزل من عنيها
زياد / بنت حلوه بتمشي فى شوارع القاهره بقميص نوم قصير يهبل زى اللى عليكي ده تفتكرى هتقعد قد ايه لحد ما يغتصبوها فى اقرب صفيحه زباله ... الا اذا بقي كنتى مرتبه مكان انا معرفوش تباتى فيه و يصرف عليكي اصل احمد خلاص بح ماعدش حيلته غير الغيار اللى عليه و اهله انتى عرفاهم اكتر منى ان استحملوه لحد ما حرقه الصغنن يخف مش هيستحملوه بعدها
زياد يبص للبني بتمسح دموعها و مغمضه عنيها
زياد / مهو برده غلطان كان لازم يعمل حساب لليوم ده
لبني / و انت عملت حسابك
زياد / ما عدش عندى اللى ابكى عليه يا لبني انتى كنتى اغلى حاجه عندى
لبني / خلصت ؟ لو خلصت ياريت تسبني فى حالى بقي انا تعبانه و مش قدرالك
زياد / انا فعلا همشي بس مش هسيبك فى حالك
لبني تفتح عينها و تبصله
زياد / يسري حكتلى على اللى عملتيه فى ماما
لبني تبتسم بسخريه و ضعف
زياد / دى ورتنى شويه فيديوهات اقسم بالله لو ما كانش بحبك كنت قتلتك بس على العموم الموت احيانا كتير بيبقي نعمه من ربنا ... عن اذنك يا لولا
زياد يقوم و لبني بتبص عليه تلف وشها الناحيه التانيه بلا مبالاه يبتسم و يمشي و يدخل اربع رجاله لبني تتخض و تقوم تقف كل واحد يمسك كرباج و ينزلوا فوقيها ضرب و هى بتصرخ
.......................
فى المستشفي عند مازن
مازن نايم على السرير و قدامه طبق شوربه و شريف قاعد جنبه و ماسك التليفون بايده بيرن مرام
محمود / طب رد عليها طمنها عليك
شريف / يا ابني انت بتعمل فيها و فى نفسك كدا ليه ما قولتلك عندها ليك اخبار حلوه محلفانا ما حدش يقولهالك غيرها
مازن / مرام حامل عارف
شريف / و ما دام عارف ما بتردش عليها ليه ينفع التوتر اللى هى فيه ده
مازن / ارد اقول ايه اقولها انى عاجز اقولها اجلى عمليه البنت لحد ما ادور على مشترى تانى ياخد الارض او القريه اقولها سيبى ملك على الاجهزه لحد ما ربنا يسهل و لا اقولها افرحى يا مرام صعبنا على الناس و لمت من بعض فلوس زى ما الباشا جاى يفرحنى
مازن يشاور على محمود شريف يفتح الخط و يشغل الاسبيكر
شريف / ازيك يا مرام
مرام بقلق واضح
مرام / هو عامل ايه يا شريف لسه ما فاقش
مازن يغمض عينه و الدموع بتنزل منها
شريف / لا فاق بس مش قادر اصله لسه مش راضي ياكل
مرام / قولتله انى كشفت و اتاكدت انى حامل
شريف يبص على مازن محمود يقرب و يطبطب على كتف مازن
شريف / ايه الاخبار عندك طمنينا انا فاتح الاسبيكر
مرام / بجد هو سامعنى يعني
مازن يبص لشريف و يشد التليفون
مازن / ايوه يا مرام
مرام / عملت فيك ايه تعذبني كدا مش كفايه اللى انا فيه هنا
مازن يعيط
مازن / ملك عامله ايه
مرام / خد اسالها بنفسك
مازن يتفاجئ بصوت ملك الضعيف اللى باين فيه المرض
ملك / بابا
مازن يقوم ينط يسجد فى الارض
مازن / الحمد لله الحمد لله الحمد لله
ملك / بابا
مازن يقوم يقف و الفرحه مش سيعاه و شريف يقوم يقف جنب محمود و يبصوا لبعض
مازن / حبيبتي انتى كويسه حبيبتي يا ملك عامله ايه
ملك / الحمد لله يا بابا كويسه عيانه شويه بس ان شاء الله هبقي كويسه عمتوا مونى هتاخدني تفسحني فى لندن لما اخف
مازن بفرح و دهشه
مازن / مونى
ملك / ايوه يا بابا و عموا كامل قالى هنروح ديزنى لاند الاول انا و مازن
مازن / الف حمد و شكر ليك يارب الف حمد و شكر ليك يا رب
ملك / ماما عاوزه تكلمك
مرام / احسن دلوقت اطمنت عليها
مازن / الف حمد و شكر ليك يا رب
مرام / كامل وصل من اندونسيا على هنا و دفع كل التكاليف و صمم ان ملك ما تستناش ثانيه و انا كنت بحاول اكلمك اقولك ان ملك دخلت العمليات و الحمد لله فاقت اهى
مازن / انا مش عارف اتكلم
مرام / احنا كويسين و البيبي كمان كويس و ملك الدكتور طمنا عليها هتفضل هنا تحت المتابعه كام يوم و بعد كدا هنرجعلك مازن عشان خاطرى نرجع نلاقيك واقف على رجلك و كويس
مرام تعيط
مرام / مازن خد بالك من نفسك عشان خاطرى
مازن / انا جايلك انا هركب اول طياره و هاجى
مرام / كامل عاوز يكلمك
كامل / تصدق انك متخلف انت ما كلمتنيش ليه تقولى على وضع ملك انت فاكر يعني انها اغلى عندك منى انت حيوان اوى
مازن / تعرف انى بحبك اوى
كامل / و انا عمرى ما اخون مونيكا ابدا
مازن / ههههههههههههههههههههه
كامل / انا كلمت الشركه هيبعتوا فريق كامل يظبط المصانع دى و فى اقرب وقت هتقف على رجليك تاني
مازن / مش مهم ما دام ملك كويسه اى حاجه تاني مش مهم
كامل / ملك كويسه و زى الفل هى بس لسه خارجه من العمليات فتعبانه شويه بس انا اتكلمت مع الدكتور و طمنى جدا و الحاله مستقره .. استنى مونى عاوزه تكلمك
مونى / عامل ايه يا حبيبي مش قولتلك تكلمنى
مازن / انا عمرى ما كنت هصدق انا قد ايه كنت غبى قد دلوقت ربنا يخليكي ليا يا احلى هديه و احلى اخت
مونى / ملك كويسه يا مازن هصورهالك اول ما فاقت حبيبتي سالت عليك
مازن / احمدك و اشكر فضلك يا رب
مازن عمال يمسح فى دموعه اللى مش قادر يوقفها يبص على محمود و شريف يلاقيهم بيعيطوا هما كمان و بيمسحوا دموعهم
محمود / انا بكره المواقف دى اوى
مازن / انتوا كنتوا عارفين
شريف / انا لما كنت جايلك كنت جاى اقولك ان كامل وصل هناك و هيدخلوها العمليات
مازن / ما قولتش ليه ما قولتش ليه
شريف / لا اله الا الله هو انت اديتنى فرصه دا انت سيبت ركبى الحمد لله ان صافي مش عاوزه عيال تانى
صوت ملك فى التليفون
ملك/ بابا
مازن / احلى بابا احلى بابا فى الدنيا
ملك / مش ماما هتجيبلى اخت اللعب معاها
صوت مرام / او اخ
ملك / عمتوا مونى بتقول ممكن الاتنين بس ماما زعلت منها
مازن / ههههههههههههههههههه
ملك / انت وحشتني اوى يا بابا
مازن يعيط اوى
مازن / قلب بابا يا ملك جايلك
مازن يبص لشريف يهز راسه
مازن / جايلك يا قلب بابا جايلك
مازن يروح يحضن شريف اوى و هو بيعيط محمود يحضنهم الاتنين و هو مبسوط اوى
...........................
فى الفيلا عند زياد
