((((((السكة شمال ٢))))))
#لولو_محمد
الحلقه ١٣٠
مازن / مصلحه هو انا اطول اشاركك
شريف / عاوزين نعملك دعايه حلوه الفتره دى عشان على ما الاستوديو يجهز تنزل انت بقي بتقلك ايه رايك
مازن / عرفتى ليه بقي بابا كان عاوز يشغله
شريف / و هو ابوك بيعرف يعمل تارت حلو كدا تسلم ايدك يا مرام
شريف يمسك التارت و ياكل
مرام / الف هنا ثوانى هشوف حاجه اعبيلك فيها وحدتين تلاته لصافى و البنات
شريف / بس ما تقوليلهمش انك هتبعتى حاجه احتمال ما يوصلوش اصلا
مرام / هههههههههههههههههه الف هنا عن اذنكوا
مرام تدخل جوه
مازن / على فكره احتمال انت اللى ما توصلش لو ما اتوزعتش
……………..
شريف / هى بقت كدا
مازن / يا بخت من زار و خفف يعني
شريف / هههههههههههههههههه ماشي يا عم حقك يلا هستاذن انا بقي
مازن / تسلم يا زوق
شريف يبتسم و يمشي و مازن يدخل المطبخ و يروح يحضن مرام من ضهرها
مرام / هههههههههههههههههه بتعمل ايه الراجل بره
مازن / مشي
مرام / امال بملا العلبه دى لمين اخص عليك يقول علينا ايه
مازن / يقول عرسان و عاوزين ياخدوا راحتهم الا قوليلى زنقه المطبخ دى ما بتفكركيش بحاجه هاه هاه
مازن يبوسها من رقبتها
مرام / بتفكرنى بمعاد الحبايه هههههههههههههههههه وسع
مازن / ابقي خديها بعدين
مرام / هههههههههههههههههه
...............................
فى شركه مازن
زياد قاعد فى مكتب شريف بيتكلم فى التليفون
زياد / لا طبعا انا زعلان جدا انت فاكر ان فض الشراكه ده كان بمزاجى
احمد / بيتهيالى موضوع و انتهى و ما يتهياليش انك طلعت منه خسران يعنى
زياد / عرفت اللى حصل
احمد / قصدك تنازل مازن لابوه عن كل ثروته
زياد / ما انت متابع اهو
احمد / اه وصلنى الخبر بس ما اعرفش ليه عمل كدا
زياد / صدقنى انا شخصيا مش مصدق انه عمل كدا بس ابراهيم ابن اللعيبه خلاه يمضى بس للاسف عينه عليا جدا ابراهيم اقصد ممنوع اقرب من مازن او ادايقه باى شكل مع ان دلوقت انسب فرصه لضرب مازن هو ضعيف و مهزوز من غير فلوسه بقى ولا حاجه
احمد / انت بقى مكلمنى عشان اضربهولك انا مش كدا
زياد / هتلاقى فرصه احسن من دى امتى دا رجع الحاره تانى مع مرام
احمد / بقولك ايه يا زياد اكبر و حل مشاكلك بنفسك و لو مش هتكلمنى فى حاجه ليها مصلحه ليا ما تكلمنيش او ما تكلمنيش تانى و ريح نفسك تمام يلا سلام
زياد / الو .. الو .. اه يا ابن الكلب اما وريتك انت كمان ما بقاش انا زياد
الباب يخبط و لبنى تدخل
لبنى / سالت عنك قالولى انك هنا
زياد / ازيك يا حبيبتى تعالى
لبنى / مالك
زياد / كان معاكى حق احمد زى قلته ما بينفعش فى حاجه
لبنى / ايه اللى حصل
زياد / ولا حاجه ما تشغليش بالك عامله ايه
لبنى / كويسه مامتك اتجننت و عماله تزعق و تخبط فى البيت سبتهولها و خرجت
زياد / ليه مين دايقها
تليفون زياد يرن
لبنى / جبنا فى سيره القط رد عليها و انا هروح ابص على اونكل ابراهيم
زياد / تمام يا قلبى
زياد يرد و لبنى تمشى
زياد / ايوه يا ماما ازيك ... ايه باماره ايه يعنى
لبنى تبص وراها و هى ماسكه الباب على منظر زياد و تمشى و تقفل الباب وراها
.........................
فى مخزن كبير
فى مخزن بلاستيكات كبير راجل واقف مع محمود و مروه و مامتها
راجل / احنا هنفرشلكوا المحل من الابره للصاروخ و بسعر الجمله و العربيه هتعدى كل اسبوع تشوف النواقص و تكملها او تكلمونا بالتليفون و تطلبوا اللى عاوزينه فى اى حاجه تانيه
محمود / لا كدا ميت فل و عشره كتر خيرك اوى
الراجل / يا باشا انت تؤمر كفايا انك من طرف شريف باشا الغالى انت بس بلغه سلامى
محمود / يوصل ان شاء الله
الراجل / ثوانى اشاوف بيشاورولى ليه
محمود يبص وراه يلاقى راجل تانى
محمود / اتفضل
الراجل يمشى
محمود / ايه رايكوا
الست / والله الحاجه حلوه و شكلها نضيف بس مش عارفه الاسعار بقى هتبقى عامله ازاى
محمود / مهو قالك كل حاجه بتنزل من المصنع مكتوب عليها سعر البيع و هيبقى معاكى فاتوره بسعر الجمله
الست / ايوه بس لما يبقى سعر البيع مكتوب على الحاجه اعمل ايه فى الستات اللى بتفاصل
مروه / دا حته تيكت شيليه و حطى السعر اللى على مزاجك
محمود / و لا تشيلى و لا تحطى انتى بتبيعى بيعه غناوه و السعر نازل من مصنعه كدا اللى عاجبه يشترى و اللى مش عاجبه يروح يلف بره
الست / معاك حق و انا هشيل همهم كمان
محمود / يعنى تمام اخلص مع الراجل
الست / ربنا معاك
محمود / عن اذنكوا
محمود يمشى
الست / الواد شريف ده طلع مش سايب حاجه مش سالك فيها الراجل صاحب المصنع اول ما سمع اسم شريف قام بنفسه و فرجنا على كل حاجه
مروه / تفتكرى مرام فى البيت عامله ايه دلوقت مع حماتى
الست / هتكون عامله ايه يعنى عامله هانم طبعا
مروه / تفتكرى
الست / انتى مش بتقولى معاها ملايين و مجوهراتها كلها انا اللى مجننى البخيله بنت البخيله معاها كل ده جايه الحاره ليه هى مش عندها الشقه التانيه اللى جوزت فيها بنت عمها
مروه / محمود بيقولى هيفتحوها استوديو
الست / استديو !!!
مروه / بس شهاده لله انا فرحت لما عرفت ان الشقه طلعت تمليك و رجعوا لمحمود المقدم و محمود كمان قال انه هيلم ايده فى المصاريف
الست / يا اختى لو كانوا عاوزين يدوله الشقه ما كانوا ادوهاله من الاول بدل اللفه دى قال ايه بنحوشلك عشان تتعلم تلم ايدك مالهم هو يصرف و لا ما يصرفش هو بيصرف من جيبهم
مروه / لا يا ماما برده اهو دلوقت ما عدش حيلته الا مرتب الحكومه و دا ما يفتحش بيت الحمد لله انهم كانوا خلصوا موضوع الشقه كان زمانا مش لاقيين مكان نقعد فيه دلوقت
الست / دا على اساس ان محمود ما عندوش شقه و لا على اساس انك بتشحتى يعنى
مروه / يعنى ايه هعيش مع حماتى بعد ما صدقنا اننا اقنعناها اعيش بره حرام عليكي يا ماما دا انا اما صدقت
محمود يرجع
محمود / خلصت كل حاجه يلا و لا ايه
الست / يلا يا حبيبي يلا
...........................
فى الشقه المطبخ
مرام قاعده بتلف محشى وسطيهم
مرام / لا مازن نايم جنبها لو حد فيهم صحى هينادينى ما تشغليش بالك انتى يا عمتى
مديحه / و هو هيقعد فى البيت كدا مش هينزل يدور على شغل و لا يشوف حوار الاستوديو اللى كان ناوى يعمله ده
مرام / بيقول محتاج يومين اجازه يانتخ فيهم ههههههههههههه
مديحه / هههههههههههههههههههههه اسكتى دا مافيش حد ما كلمنيش من امبارح يسالنى هو ايه اللى حصل و رجعوا ليه
مرام / طبيعى بصراحه مش هستغرب ليهم حق مازن نفسه تليفونه ما بطلش رن لحد ما قفله كميه صحفيين بتتاكد من الخبر او بتسال عن السبب و اللى يقوله حد هددك و اللى يقوله خطفوا ملك و كل واحد مالفله قصه على هواه
مديحه / شوفى ياختى و انا اللى كنت بعيب على الوليه ام سعيد لما بتقول فلس فجاه
مرام / الحمد لله احنا حالنا احسن بكتير من كل الاحتمالات اللى الناس فكرت فيها فضل و نعمه من ربنا
مديحه / معاكى حق ... ما تخفى ياختى انتى و هى الله
البنت / بنعبى والله يا حجه
مرام / انا كمان خلصت اودى الحله دى فين
مديحه / اخلاص بت يا اخلاص
بنت تطلع من جوه
مديحه / خدى الحله دى زوديها و سويها و لما تستوى نزليهالى على تحت
اخلاص / حاضر يا حجه
مديحه / بقولك ايه اغسلى ايدك و تعالى ننزل نشرب الشاى تحت
مرام / تمام حاضر
مرام تقوم
..................................
فى شقه شريف
شريف قاعد مع عمر و سعد و شيماء و فاطمه و رؤى و صافى و تقى
شريف / ها ايه رايكوا
شيماء تبص لعمر
عمر / ما تبصليش انتى اللى هتعيشي فيه
شيماء / و انت ايه رايك يعنى
عمر / لو عليا عفش جديد نوفى و نضيف و شيك و رخيص لقطه طبعا
شريف / و انت يا سعد ايه رايك
سعد / لا معلش اعفينى الراى الاول و الاخير فى الموضوع ده لرؤى زى ما قال عمر هى اللى هتعيش فيه
رؤى / بس احنا لسه بدرى اوى على جوازنا
سعد / ليه بقى ما الشقه موجوده و تمليك و متشطبه على الفرش نستنى ليه
رؤى / حضرتك هتسافر تعيش فى القريه السياحيه و انا هعيش هنا عشان دراستى نبقى متجوزين ازاى بقى
سعد / طب ما دا كويس على فكره فرصه برضه انا هنزل خميس و جمعه اجازتى و اجازتك غير كدا تتفرغى للدراسه
رؤي / طبعا ما انت لا هتحمل و لا تولد تشيل همى ليه
شريف / اهدى يا حجه الكلام ما بيبقاش بالطريقه دى
شيماء / انت ايه رايك يا ابيه
شريف / انا لو عليا اجوزها و اخلص من لماضتها دى بس بما انها هتتجوز و ترجعلى لا نستنى و امرنا لله
رؤى / كدا يا ابيه
شريف / بهزر الموضوع فى الاول و الاخر فى ايدك انتى
صافى / و بعدين كلنا حواليكى و هنساعدك يعنى انتى مش لوحدك
شريف / عندك صافى مثلا ممكن تطبخلك
صافى / اتريق اتريق
فاطمه / سيبك منه دا حمار
شريف / الله يحفظك يا ست الكل دايما حافظه هيبتى فى المكان
فاطمه / بصوا بقي و من الاخر انتوا تاخدوا بعضكوا و تروحوا تشوفوا الحاجه على عينكوا عجبتكوا توكلوا على الله ما عجبتكوش خلاص كانكوا بتنقوا من اى معرض
صافى / انا كمان شايفه كدا
عمر يبص لشيماء
شيماء / اوك نروح و نبص
.............................
فى فيلا زياد
لبنى / انت مدايق نفسك ليه فرقت ايه لسه عنده فلوس و لا ما عندوش انت كمان عينك فى حاجه مراته و بنته ما ترضى باللى عندك يا زياد
زياد / انا مش فارق معايا الفلوس انا اللى فارق معايا انه ميرجعش يقف على رجله تانى
لبنى / مش هتشوفه مكسور حتى لو ما حلتوش جنيه مش هيتكسر هو عنده اللى يسنده و اللى عنده اهم من الفلوس عنده شريف و مرام و دول مش هيسيبوه يقع
زياد/ اتارى شريف بيه كان بيتكلم بقلب جامد و يقول بشتغل مدير اعمال مازن
لبنى / شريف مش محتاج مازن ماتنساش انه كمان ماسك حاجه صافى
زياد / و اخرتها يعني مش هنخلص من الزفت ده بقي
لبني / قولتلك مليون مره شيله من دماغك و افتكر ان اونكل ابراهيم لو الطياره وقعت بيه دلوقت فلوس مازن هترجعله و زياده و مونى مش هترضي تاخد منها حاجه و ساعتها ابقي عيط كويس لانك وقتها هتبقي في الشارع و انا معاك
زياد / مش هيحصل مش قبل ما اخد منه كل حاجه و احسره عليها
لبني / و انت هتعمل كدا ازاى
زياد / ازاى هاخد منه كل حاجه
لبني / لا ازاى هتضمن انه هيعيش لحد ما تقدر تاخد كل حاجه
زياد / لا ما تقلقيش مش هطول شهرين تلاته بالكتير
لبني تبص لزياد يبصلها
زياد / ايه مش مصدقانى
لبني / اما نشوف
لبني تقوم و تدخل الحمام و زياد قاعد بيغلى
.......................
فى شقه مازن
مازن / يا ابني انت ضارب مشوار من لندن لمصر عشان اقولك نفس البقين اللى قولتهم في التليفون والله والله والله اقسم بالله ما حد هددنة و لا ضغط عليا و لا الفلوس دى فارقه معايا و لا زعلان عليها مش هما عاوزينها ياخدوها اصلا انت و مالك لابيك ياخدها
كامل / كفا بالمرا اثما ان يضيع من يعول
مازن / مش هضيعها هحافظ على حاجتها و اكبرهالها و هتقى ربنا فيها و اديها الاهم من الفلوس هديها الحب و الحنان و الامان و برده هسيبلها الفلوس ان شاء الله
كامل / طب اسمحلى احاول بس مهو مش معقول تقدر تقنعنى انك اتنازلت عن المليارات دى كلها لمجرد ان والدك طلب منك تتنازله
ملك تعيط
مازن/ ثوانى
مازن يقوم يدخل يجيبها و يحطلها السكيته تسكت يحطها فى ايد كامل اللى يشيلها و هو مبتسم مرام تطلع تجرى من المطبخ
مازن / معايا معايا خلاص
مرام تبتسم و تدخل تانى
كامل / بسم الله تبارك الله بدر منور مش كانت اتاخرت شويه كنت جوزتها للواد مازن
مازن / يا سيدى ما تشغلش بالك اخلفلك غيرها
مرام تطلع شايله شاى و كيك تحطهم على الترابيزه
مازن / و لا ايه يا مرام
مرام / خير
مازن / كامل عاوز يناسبنا ايه رايك نخلفله بنوته كمان
مرام / و ان جه ولد هنعمل ايه
كامل / هجيبله انا بنت ما تشيليش انتى هم انوى بس
مرام / تصدق كنت بعملك تارت مش هديهولك
كامل / هههههههههههههههههه ليه بس دا انا حتى طول الوقت بقول هو عيل واحد كفايا عشان نعرف نربيه
مازن / هههههههههههههههههه الله انت كمان
كامل/ دا مونى محلفانى لو لقيت مرام عامله منه اجيبلها انت عاوزنى ما ادخلش البيت و لا ايه
مرام / هههههههههههههههههه يا خبر دا انا اعملها مخصوص عن اذنكوا ثوانى
مرام تدخل جوه
مازن / اقسم بالله يا كامل انا لو اعرف انى هعيش فى السعاده دى لما ارمى شويه الفكه دول كنت رميتهم من زمان انا عشت عمرى كله تعيس خليهم يتلهوا بالفلوس عنى
كامل / و ايه هيمنعهم ياذوك
مازن / ما قداميش غير وعد بابا ليا حتى لو انا عارف ان عمره ما وفى بوعده بس ما قداميش حل تانى
كامل / ما تقلقش انت مش لوحدك و انا هاكد على الموضوع ده مع اونكل
مازن يبتسم و يقوم ياخد ملك من ايد كامل
مازن / الكيك دى خرافه دوقها دوقها
كامل / تسلم ايدها مقدما
كامل ياخد قطعه كيك و يبان عليه الاعجاب
.............................
تانى يوم فى شقه مرام الكبيره
محمود و سعد و عمر و مروه و شيماء و رؤي و شريف بيتفرجوا على العفش
عمر / معاك حق يا شريف بصراحه عفش قصور
شريف / طبيعي هما دافعين حاجه
محمود / كانوا بيعملوا كل اللى يقدروا عليه انهم يفلسوها عشان يضمنوا ما تهربش منهم
رؤي / بس فعلا الحاجه حلوه انا كنت جايه تقضيه واجب بس لما شوفت الحاجه غيرت رايي
سعد / لو مافيش جواز ما فيش عفش انا بقولك اهو
رؤي / دراعى ما بيتلويش على فكره
شريف / ما تتهدى بقي يا بت ... بقولك ايه يا سعد خلص اللى عليك و ما لكش دعوه بيها كلامك معايا .. في اعتراض يا روقه
رؤي تبصله و تقلب فى الانتيكات
مروه / هو مين هينقى الاول
شريف / اللى تعجبه حاجه ياخدها الشقه كبيره زى ما انتوا شايفين
محمود / انا رايي ان دكتوره شيماء تنقي الاول
مروه تبصله
محمود / هى اللى هتتجوز الاول فاكيد يعني احسن من ركنته فى شققنا و لا ايه يا سعد
رؤي / ما عنديش مانع شيماء تنقي و بعدين مروه و بعدين انا في الاخر
سعد / ما فيش فايده يعني
رؤي / نتكلم بعدين
شريف / تمام خدى لفه يا شوشو مع عمر و دى ورقه باسعار كل قشايه في الشقه عشان تنقوا براحتكوا و ظى نسخه يا سعد و دى نسخه يا حوده عشان تبقوا عارفين راسكوا من رجليكوا و انتوا بتنقوا
شريف يدى لكل واحد عريظه كبيره متقسمه عمدان وش وضهر و يبدؤا يلفوا في الشقه
....................
فى استوديو مازن القديم
مازن / لا طبعا كل اللتزاماتنا القديمه زى ما هى لكن كل الحجوزات الجايه هتبقي بسعر السوق
بنت١ / ايوه بس حضرتك بتقول هنسيب المكان بالاجهزه
مازن / هنروح مكان اكبر و هتلاقوا نفس الاجهزه بكل حاجه انقلوا بس الداتا على اى هارد بورتابول و خلاص و اعلنوا على صفحكوا على السوشيال ميديا بالتغيرات
شاب ١/ ناس كتير من الحجوزات القديمه كانت عوزاك انت اللى تصور و لما عرفوا انك مش فاضي رضيوا و خلاص ايه رايك لو كلمناهم و قولنالهم انك هتنزل تصور بس بفلوس رضيوا تمام مرضيوش خلاص مش كدا احسن من اننا نخلص كل الاوردرات دى ببلاش
مازن / انا لسه هحاسبكوا بنفس السعر القديم ما حدش فيكوا هيتاثر باللى بيحصل
شاب ٢/ احنا معاك في اى وضع اصلا معظمنا شغال لحسابه على اسمك و ما حدش فينا هينكر ان كان ليك الفضل الاول اننا يبقالنا اسم فى السوق فمش هنيجي دلوقت و نخيب معاك يعني
مازن / ما ليش فضل على حد فيكوا كلكوا كنتوا موهوبين و كلكوا اجتهدتوا و ان شاء الله الاسبوع الجاى بالكتير نكون ناقلين
البنت / و هنعمل ايه لو لا قدر الله حد حاول يخرجنا من هنا هنعمل ايه
مازن / زى ما قولت هنستهبل الاسبوع ده و نخلينا جاهزين اننا نمشي فى اى وقت يعنى ما فيش شغل يبات او يتساب الاسبوع ده و نبقي منظمين شويه
شاب ١/ تمام ما تشغلش انت بالك و ان شاء الله كلو هيبقي تمام التمام
مازن / على البركه
.............................
فى دبى
كامل و ابراهيم و فريده قاعدين فى المكتب فى الشركه
كامل / لا طبعا هيستلم المصانع الاربعه متشطبه بالكامل قبل سنتين و الا ابراهيم بيه لازم يدفع الشرط الجزائي
فريده / ايوه بس اكيد فى الاول هيلجا للمحاكم و حلنى بقي
كامل / طب و سمعه الشركه و افتتاح المشروع حضرتك عارفه ان مصانع ملك عند البوابه الرئيسيه يعنى اول حاجه هيعدى عليها التليفزيون و الوزرا و المحافظ
فريده / فى تلت بوابات تانيه ممكن يدخلو منها
كامل / انا مش هجازف بسمعه شركتى عشان خلافات شخصيه ما لهاش اى تلاتين لازمه فمن دلوقت عاوز اعرف حضرتك ناوى تكمل في المشروع ده و لا نفضها سيره انا دخلت شركا معايا في المشروع ده عشان اصلح العلاقه بين حضرتك و مازن و اللى واضح انها اتقطعت نهائي
ابراهيم يبص لكامل بصدمه
كامل / بالنسبه لمازن حضرتك بعته بالفلوس
ابراهيم / هو اللى باعني عشان حته بت لا راحت و لا جت
كامل / هو اشترى مراته و بنته و اى انسان محترم هيعمل كدا انا شخصيا مستعد اعمل كدا طول عمرى بسمع من حضرتك ان مازن مستهتر مازن مش كويس مازن عيل مازن فاشل و قد ايه حضرتك بتعانى ان عندك ابن زى مازن بس الحقيقه فى كل يوم بتعامل فيه مع مازن بكتشف انه راجل قد المسؤليه ناجح بكل المقاييس و اتمنى مازن ابني لما يكبر يكون نسخه طبق الاصل من خاله فدلوقت و لو سمحت يا ابراهيم بيه انا عاوز اعرف راسي من رجلى في المشروع ده
فريده / اهدى يا كامل يا حبيبي المواضيع ما بتتحلش بالطريقه دى
كامل / امال بتتحل ازاى حضرتك دا بيزنيس و ابراهيم بيه اكتر حاجه عارفه ان اهم حاجه فى البيزنيس السمعه و الالتزام و لا ايه يا ابراهيم بيه
ابراهيم / انا بربي ابنى يا كامل
كامل / حضرتك راجل بروفيشنال و بتعرف تفصل بين الشغل و حياتك الشخصيه المشروع هيتسلم قبل الديد لاين بتاعه و الا حضرتك وقتها هتضطرنى اتخد اجراء قانونى يزعلنا كلنا
فريده / خد بالك من اسلوبك يا كامل دى مش طريقه تكلم بيها حماك
كامل / احنا فى الشركه مش فى البيت يا فريده هانم ده مكان شغل و بس العلاقات الشخصيه نتكلم فيها في الفيلا على الغدى و لا ايه يا ابراهيم بيه
ابراهيم / المشروع هيتسلم فى معاده يا كامل بيه
كامل / شكرا انا مضطر استاذن عشان ورايا مشوار مهم قبل معاد طيارتى
فريده / انت هترجع لندن بالسرعه دى مش على الاقل تتغدى معانا
كامل / انا اسف جدا يا فريده هانم بس انا مرتبط بمواعيد في لندن متاخر عنها بسبب التغيرات اللى حصلت دى تانى بعتزر يا ابراهيم بيه عن الاسلوب بس كان لازم نحط النقط على الحروف عشان نكمل شغل و احنا مطمنين
ابراهيم / اكيد طبعا و مش عاوزك تقلق خالص
كامل يبتسم و يقوم
كامل / عن اذنكوا
كامل يمشي
فريده / انا عمرى ما شوفته كدا طبعا مازن بيه شحنه ضدك و دلوقت هيرجع لندن يشحن مونى على العموم ما تقلقش سنتين فتره طويله جدا و مازن مش هيستحملها لا هو و لا هى
ابراهيم / و القريه السياحيه
فريده / مازن بيصرف في اليوم كام يا ابراهيم عربيته بكام بدلته بكام شهرين تلاته بالكتير و هيبيعها و يرجع يشحت تانى
ابراهيم / مش هيحصل قبل السنتين ما يخلصوا مازن هيرجع واقف على رجليه من تانى و ساعتها هيكون الفضل للست هانم و انا عدوه اللى بعته عشان الفلوس
فريده / ساعتها تبقي بنت اصول و استحملته ووقفت جنبه و تاخدها في حضنك و ترحب بيها و ترجع لمازن فلوسه بالارباح و نرجع كلنا عيله واحده وان بيج هابي فاميلى
ابراهيم يبصلها تبتسمله و تطبطب علي كتفه
......................
فى شقه مرام
مازن نايم و واخد مرام في حضنه و ملك فى الكاريكوت جنبها جرس الباب يضرب مرام تقوم مازن يقوم
مازن / فى ايه
جرس يضرب تانى
مرام / قوم شوف مين
مازن / هتلاقيه محمود عشان الكوره
مازن يقوم يفتح و مرام تقوم تلبس الاسدال و تطلع بره
محمود / يا عم هنتاخر
مازن / ليه لسه فاضل نص ساعه على الفجر يعنى هنلحق مش انت قولت اللعب بعد الصلاه
محمود / مهو الملعب مش هنا هنروح نصلى فى المسجد اللى جنب الملعب
مازن / و انت جاى تقولى دلوقت طيب ادينى عشر دقايق و هاخد دوش سريع و اللبس و احصلك على ما تجيب العربيه من الجراج
محمود / تمام متتاخرش
مازن / تمام
محمود يمشي مازن يقفل الباب و يدخل يفتح الدولاب و مرام واقفه تبص عليه مازن يطلع تراينج و يحطه على السرير مرام تساعده و تطلع غيار و فوطه ياخدهم منها و هى مبتسمه و يروح الحمام مرام تدور على شنطه صغيره متلاقيش تروح المطبخ تقلب فى الحاجه تلاقي شنطه هدايا تاخدها و تحط فيها ازازه ميه و تدخل الاوضه تطلع فوطه صغيره و تحطها جواها و تطلع بره ناحيه الجزامه تطلع كوتشي و شراب و تدخل المطبخ تحط اللبانه على البوتجاز تسخن لبن و تقلى بيض تسمع صوت فتح باب الحمام
مرام / مازن
مازن يدخل بينشف شعره بفوطه
مرام / حطيتلك فوطه و ازازه ميه فى شنطه هدايه ما لقيتش شنطه صغيره
مازن/ تسلمى هبقي اشترى
مازن يطلع بره و مرام تصب اللبن و تعمل ساندوتشين و تحطهم فى كيس و تطلع الصاله تلاقيه بيربط الكوتشي
مرام / اشرب دى قبل ما تنزل الجو ساقع و خد جاكت معاك
مرام تديله الكبايه و تدخل تجيب جاكت و ترجع تاخد الكبايه
مازن / مش هتاخر هاجى بعد الصلاه علاطول تمام
مرام / تمام يا حبيبي هعملك حاجه حلوه على ما ترجع نا تنساش تفطر تمام
مازن / حاضر يا ماما هههههههههههههههههه
مازن يلبس الجاكت و ياخد شنطه الهدايا و ينزل يجرى و مرام تدخل المطبخ
......................
فى شقه شريف
صافى / بالليل قهوه و بالنهار كوره يعني
شريف / بلاش اروح يعني
صافى / لا طبعا ازاى روح
صافى تقعد على اقرب كرسي و تبوز شريف يحط الشنطه في الارض و يروح يقعد جنبها
شريف / مش رايح
صافى / المره اللى فاتت قولتوا متفقين حالا المرادى متفقين من بليل ما قولتليش ليه لنفرض انى ما كنتش قلقت كنت هتنزل و انا ما اعرفش انت فين
شريف / و هو المفروض اديكي خط سيرى يعني دا انا ما عملتهاش عمرى مع امى
صافى / انا مش مامتك يا شريف بيك انا مراتك و مش هقولك اشمعن انت بتعرف ادق تفاصيلي و انت مش بتعرفني بس هقولك على الاقل تحترم وجودى فى بيتك انا ما سبتش حياتى و جيت اعيش معاك وقت فراغك او وقت ما تحب تفضيلي نفسك
شريف / انتى اصلا بتبقي نايمه فى الوقت ده و ده اللى شجعنى
صافى / و انا مش ممانعه انك تلعب كوره مع صحابك انا ممانعه سياسه الامر الواقع مش هتخسر حاجه لو عرفت انا خط سيرك مش هينقص منك و لا من رجولتك على فكره لو قولتلى برنامجك على الاقل اكون مطمنه عليك ما اقلقش و كمان احس باهميتى فى حياتك
شريف / انتى مش شايفه انك اوفر شويه
………………….
