((((((السكة شمال ٢))))))
#لولو_محمد
الحلقه ٢١
جميله / انت شايف ان الموضوع محتاج الحراسه دى كلها
احمد / ابدا دا بس لزوم الفشخره هههههههههههههههههههه
التلت عربيات تتحرك و فى حته فاضيه مالطريق عربيتين واقفين سادين الطريق و السواقين بيتخانقوا مع بعض عربيات احمد تهدى و فجاه موتسكل يعدى عليه اتنين ووراه موتسكل تانى عليه اتنين الموتسكل الاول يلزق فى عربيه احمد و اللى راكل ورا يخبط الازاز بحديده يدش جميله تصرخ و اللى وراه يعدى يحدف ازازه ملوتوف عالعربيه من فوق النار تمسك فى العربيه و الموتسكلات تطلع تجرى و احمد و جميله ينزلوا مالعربيه بيجروا و الرجاله ينزلوا من العربيتين التانين يجيبوا الطفايات و يحاولوا يطفلوا الحريق و الاتنين اللى كانوا بيتخانقوا يركبوا عربياتهم و يجروا باقصى سرعه موبايل احمد يرن يطلعه من جيبه و يبص فيه يبتسم
احمد / حبيبى
مازن / حمد الله عالسلامه
احمد / مكنش له لزوم التعب دا والله
مازن / ههههههههههههه لا تعب ايه دا مجرد ماس كهربى صغنن هديه صغننه بمناسبه رجوعك ارض الوطن بالسلامه مش انت بالسلامه برضه يا حماده و لا ايه طمنى عليك يا حبيبى و ان كان عالتامين ربنا يعوض عليك اصلى نسيت ادفع قسط التامين مش مشكله فداك فداك
احمد يبص لجميله و للعربيه و مش فاهم
...............................
مازن / مفهمتش لسه صح فاكر انك هتقرب من مرام و تعدى مش كدا فاكر انى هفضل طول عمرى بلعب بنفس الطريقه صح على كل هتفهم هتفهم متقلقش بس يكون فى علمك دى مجرد قرصه ودن المره الجايه هولع فيك شخصيا سلام يا حماده
مازن يقفل السكه واحد مالرجاله يجرى عليه و معاه موبايل
الراجل / اللحق يا احمد بيه الشركه بتولع
احمد يبصله و الصدمه باينه على وشه موبايله يقع من ايده
.............................
فى شقه سميحه
الباب يخبط سميحه تطلع مالاوضه تفتح و مرام تطلع مالمطبخ
مديحه / اللحقى يا حجه شركه مازن اتحرقت و مازن بيتكلم فى التليفزيون
الكل يجرى على شقه مديحه و مرام علامات الخضه على وشها و سميحه حاطه ايدها على قلبها و مديحه تعلى التليفزيون
المذيع / حضرتك طلعت على صفحتك و طمنت الموظفين و صغار المستثمرين قولتلهم انك هتتكفل بيهم و تعوضهم و ان مفيش حاجه هتتغير فايه هى خطه التعويض اللى هتتبعها المجموعه هل هيبقى فى سيستم معين لصرف مبالغ تعويضيه و لا ايه التعويض المناسب
صوت مازن / لا طبعا مفيش مبالغ تعويضيه هتتصرف بالنسبه لصغار المسهاهمين فانا هديهم اسهم بديله فى المجموعه بتاعتى بنفس القيمه الماديه للاسهم اخر حاجه وصلتلها قبل الحريق بالظبط اما الموظفين فهيتوزعوا على باقى شركات المجموعه و فى لجنه فى الشركه دلوقت بتفرز ملفات الموظفين دول عشان يتوزعوا حسب ظروفهم و سكنهم و ان شاء الله يتبلغوا النهرده او بكره بالكتير بمكان شغلهم الكتير و المرتب ماشى عادى بالعكس لو شغله بقى فمنطقه ابعد هيبقى فى تعويض بدل مواصلات ان شاء الله
مرام تقعد جنبهم و تركز اوى
المذيع / دا شئ كويس جدا و الحقيقه مش دايما بنلاقى رجال اعمال قلبهم على الموظفين
صوت مازن / بالعكس احنا اهم حاجه عندنا فى المجموعه توفير ظروف ادميه للموظفين عشان طول مهو مرتاح هينتج احسن و اكيد اللى حصل ده غصب عننا كلنا يعنى دى كانت اكبر شركه فى المجموعه
المذيع / حجم الخساير فى الشركه قد ايه خصوصا اننا عرفنا ان الشركه دى دون عن باقى شركات المجموعه مكنش متامن عليها فايه تعليقك برده على موضوع التامين ده
صوت مازن / بص حضرتك مدام الخساير فى الفلوس تتعوض مدام مفيش حد من المبنى اتصاب او اتعور الباقى يتعوض و احنا الحمد لله عندنا سيستم كويس جدا فى الشركه ان كل الملفات بتدخل عالكومبيتر و بيتاخد منها داتا بايز يومى بيتحول اوتوماتيك للفرع الرئيسي عندى فبالنسبه للشغل هو مش هيقف اوى يعنى فالخساير تعتبر فى المبنى و حاجات بسيطه يعنى تتعوض ان شاء الله
المذيع / بالنسبه للتامين تعليق حضرتك ايه خصوصا ان حضرتك مش الضحيه الاولى لحريق زى ده الاسبوع ده
صوت مازن / الحقيقه دى غلطه موظف و هيتحاسب عليها طبعا بس اى كان دا نصيب و بالنسبالى مش فارقه يعنى زى مقولت مدام محدش اتعور مش مشكله الفلوس
المذيع / فى بعض الاراء عالسوشيال ميديا بتربط اللى حصل مع مراتك مؤخرا و الحرايق اللى بتحصل فى مصر اليومين دول خصوصا الحريق اللى حصل من يومين لابن زوجه والد حضرتك زياد مجدى
صوت مازن / معنديش تعليق عالموضوع ده و انا كان فعلا ناس كتير علقت على صفحتى بعد حريق فيلا زياد ان انا السبب بيتهيالى بعد الحريق ده انا كدا خارج الشبهات اكيد مش هولع فى حاجتى و حاجه والدى يعنى
المذيع / حضرتك عندك علم ان والدك باع نصيبه من الشركه امبارح لرجل الاعمال احمد الذهبى
صوت مازن / بقى عندى علم منك دلوقت
المذيع / هل احمد الذهبى وفق خطه التعويض
صوت مازن / احمد الذهبى مش محتاج تعويض انا متاكد ان دى بالنسباله شويه فكه اصلا
المذيع / حضرتك مش شايف انها غريبه شويه ان والد حضرتك ميقولكش على حوار بيع الاسهم دى
صوت مازن / لا مش غريبه انا والدى على خلاف من فتره و اصلا للاسف الشركه دى انا عارض اسهمى فيها للبيع و موقف الشغل فيها بسبب الخلاف ده
المذيع / اسمحلى افكر مع حضرتك بصوت عالى انا لو مكان اى مواطن بيتفرج على الفيديو ده اول حاجه هتيجى فى دماغى لما اربط الاحداث ان بما ان فى خلافات ووالدك باع الاسهم بتاعته و تانى يوم الشركه ولعت فهل تعتقد ان والدك كان عارف ان الموضوع هيحصل او عنده خلفيه بموضوع الحريق
صوت مازن / انا مش المفتش كولومبوا عشان اعرف حاجه زى دى على العموم الموضوع كلو فى ايد النيابه و انا متاكد ان والدى ميعملش حاجه زى دى
المذيع / طب و تعليقك ايه على الفيديو اللى اتنشر على مواقع التواصل الاجتماعى ليك و انت بتضرب شريكك الحالى احمد الذهبى و هل تعتقد حضرتك بوجود علاقه بينه و بين الحادث
صوت مازن / هههههههههههه على فكره انا لسه خارج من النيابه و متسالت نص الاسئله دى بس على العموم لا انا مبحاولش اربط بين اى حاجه و بعضها بس انا متاكد ان الفتره هنلاقى تسريبات و فيديوهات كتير و كل اللى عنده حاجه هيطلعها يعنى زى مبيقولوا العجل لما بيقع بتكتر سكاكينه حاجه زى كدا
المذيع / طب مين له مصلحه ينشر فيديو زى ده
صوت مازن / بالنسبالى مش فارقه الفيديو ده قديم جدا و وقتها كنت بربى عيل صايع بيعاكس بنات الناس المحترمه بغض النظر هو لما كبر شويه بقى ايه
المذيع /انا عارف انى تقلت على حضرتك بس ناس كتير تهمها تعرف اخر التطورات فى قضيه مرام نور الدين زوجه حضرتك و فى تعليقات كتير بتربط بين كل الاحداث المحيطه بحضرتك و بعض ايه تعليق حضرتك عالكلام ده
صوت مازن / لا تعليق
المذيع / حضرتك تحب تضيف اى حاجه توضح اى حاجه
صوت مازن / لا بيتهيالى انا وضحت كل حاجه
مديحه / حبيبى صوته زعلان اوى شكل الشركه دى كانت غاليه اوى
مرام / هو اللى حرقها يا عمتى
مديحه / انتى بتقولى ايه يا مرام دا الواد صوته قطع قلبى
مرام / طول عمره ممثل شاطر عن اذنكوا
مرام تقوم و مديحه تبص لسميحه
سميحه / هو اللى عملها
مديحه / دا يبقى من نفس عينه جنان مرام بقي هى تقطع الشيك ابو نص مليون و هو يولع فى الشركه ام ملايين
سميحه / بقولك ايه انا جعانه و مرام كانت بتحضر عشا فى المطبخ ما تيجى تاكلى معانا لقمه
مديحه / والله كان نفسى استنى محمود بس شكله هيطول بره يلا يلا خلينا ناكل لقمه و ندفى فى البرد ده
سميحه / تعالى
.........................
فى فندق فخم
توفيق / ماجر تلت شقق فى الحاره و مقعد فى كل واحده تلت اربع رجاله كدا كل شويه حد ينزل يقعد عالقهوه شويه منهم شقه قصاد بيتى لزم
احمد / يعنى عاوز تقول ان الحاره سكتها مقفوله صح
توفيق / يا باشا عيب عليك زى مهو مرشق انا مرشق بس انا رايي بره الحاره اضمن الناس لسه القفا اللى خدوه معلم على قفاهم و سخن و هيدخلوا فانا بقول بره الحاره بعيد عن وجع الدماغ
احمد / هو انا اللى هعيده هزيده يا توفيق انا مش عاوز اعمل فيها حاجه انا مش هلمسها اساسا بص يابنى كدا هبسطهالك دلوقت لو فى واحد ملوش نقطه ضعف معندوش اللى يبكى عليه عايش مستبيع ده فى حد بيقدر عليه
توفيق / لا
احمد / اهو مازن كان كدا دلوقت ربنا كرمنا و لقيناله نقطه ضعف تيمه كيوته كدا نضيعها و لا نستغلها
توفيق / ندوس عليها و نكسره بيها
احمد / انا لو بشرح لبجم كام فهم يا توفيق مش هيتكسر كان موت خاله كسره هيستقوى و يستوحش و محدش هيلمه
توفيق / والله انت عامل للى اسمه مازن ده قيمه عالفاضى حطه طلقه تجيب اجله و تريحنا كلنا
احمد / هتريحك انت اه لكن انا لا عارف ليه يا توفيق عشان اللى زى مازن ده الموت بالنسباله رحمه اللى زى ده حبايبه كلهم فى الاخره و نفسه و منى عينه يروحلهم و اللى زيي بقى مبيحبوش يريحوا اللى زيه
توفيق / و المطلوب
احمد / فاكر العمليه اللى فاتت
توفيق / الا فاكرها مالها
احمد / انا ليه خدتك معايا فيها ... متفكرش انت اللى زيك ميفكرش اسمع انا هجيب مالاخر و اقولك انا خدتك معايا فيها عشان انت عارف الحاره اكتر من اى حد من رجالتى عارف مداخالها و مخاردها هتعرف تدخل الرجاله بتوعى و تخرجهم منغير ما حد يحس بيك فهمت بقى انا ليه عاوزك معايا يا توفيق
توفيق / مانا برده مش فاهم ايه المشكله لو الحوار ده حصل بره الحاره اسهل و انجز
احمد / عشان انا عاوز مازن يخاف عاوزه يعرف انى وصلت لمرام جوه بيتها و يا سلام لو على سريرها
توفيق / يادى الفيلم يا باشا مانت قولت مش هتلمسها
احمد / يا بنى ادم افهم هو انا هشرح مليون مره افهم بقى و ركز انت مبلبع حاجه قبل متجيلى و لا انت ايه حكايتك
جميله تدخل
جميله / بس بس بس اعصابك يا باشا سيبهولى انا هفهمه
جميله تاخد توفيق من ايده و تقعده فى حته لوحده و تقعد جنبه اوى و تتمايص عليه
جميله / بص يا توفيق
توفيق / اؤمرى يا ست الكل
جميله / الباشا عاوز حد يدخل البيت عند مرام و يخليها تتصل بمازن فى التليفون و تعيطله و تقوله اللحقنى الحراميه هيموتونى اهئ اهئ و يسيبوها و يمشوا بس هى دى كل الحكايه صعبه عليك الحكايه دى
توفيق / لا صعبه ايه دانا اعملها و انا مغمض بس ايه الفكره برده
جميله / الفكره انه يفتكر ان حبيبته فى خطر و اننا نقدر نوصلها فى اى وقت و حتى مع كل الحراسه اللى هو حاطتها فيكش و يخاف و يتلم عننا بس
توفيق / تمام يعنى انا المطلوب منى انى ادخل الشقه و اخليها تكلمه فى التليفون مش كدا
جميله / لا يا تيفا احنا مش عاوزينك انت اللى تعملها احنا بس عاوزينك توصل واحد من رجالتنا لشقتها و هو هيتصرف
توفيق / و معملهاش انا ليه لامؤاخذه
جميله / عشان احنا محتاجينك يا توفيق فى عمليات اكبر من دى بكتير تعملها بنفسك هاه قولت ايه
توفيق / مفيش مشكله وصلينى انتى بس بالجدع بتاعكوا و قولولى هتعملوها امتى و انا انجزلكوا فى الحوار
جميله / النهرده لو ينفع
توفيق / قشطه تمام
.....................................
فى دبى
ابراهيم / دا اكيد اتجنن انا مش قادر اصدق مش قادر استوعب انا وشى من احمد بقى فى الارض و الحيوان التانى مش عاوز يرد عليا
فريده / اهدى بس يا حبيبى
ابراهيم / يحرق شركه بملايين لمجرد عند دا اكيد مجنون
زياد / احجر عليه
ابراهيم / انا هعمل كدا فعلا انا هحجر عليه
لبنى / الاول لازم تثبت ان هو اللى عمل كدا غير كدا يبقى بتضيعوا وقتكوا و بتعصبوه زياده والله انا لو منكوا اجر ناعم الفتره دى و اهديه
زياد / اللى هو نعمل ايه بقى نروح لمرام و نراضيها و نقولها اننا اللى عملنا كل ده و نخليها ترجعله
ابراهيم يتعصب / على جثتنى على جثتنى كلو الا البنت دى و جدتها انا ابيع اللى ورايا و اللى قدامى و اسرح فى اشارات المرور بفل و ياسمين و لا ان البت دى ترجع لحياه ابنى تانى
لبنى / انا اصلا مقولتش كدا بس احنا كلها كام يوم و هننزل مصر و اكيد مش هبقى فرحانه لما يحصلى نفس اللى حصل لاحمد .. انا حامل و مش حمل خضه
ابراهيم / انا هنزل معاكوا مصر بنفسى انا لازم اتكلم مع الولد ده و اشوف اخرته ايه هو فاكر ايه دا شقايا و تعبى اشوفه بيضيع كدا بالساهل
لبنى / انا رايي برده تكلموه و تشوفوه عاوز ايه حتى لو هناخده على قد عقله لحد مالدنيا تهدى شويه و بعد كدا كل حاجه ترجع زى ما كانت
فريده / انا شايفه ان لبنى معاها حق مازن دلوقت مش متزن و بيتصرف بجنون انا رايي نشوف واحد من الدكاتره اللى نعرفهم يحجزه فى مصحه فتره لحد ميعدى الازمه دى
ابراهيم / انا ابنى مش مجنون
زياد / يا اونكل محدش قال انه مجنون هى الفكره بس انه يريح اعصابه شويه و يبعد عن الناس اللى عمالين يسخنوه ضدنا محمود و شريف دول و على فكره يا اونكل اقامته فى المصحه هتفرق جدا مع حضرتك فى حوار الحجر دا لو الفكره جد فعلا فى دماغ حضرتك
ابراهيم / لا لا مش للدرجادى مقدرش مقدرش
فريده / الموضوع كلو هيكون بشكل ودى بعيد خالص عن الصحافه و هناك فى المصحه هيهتموا بيه و يعاملوه احسن معامله كانه بيستجم بالظبط و هناك الدكاتره هتساعده يعدى المرحله دى و ينسى البنت دى خالص
ابراهيم / بس لو حد عرف ان مازن دخل مصحه انا كدا بدمره حتى لو هو فعلا تعبان و محتاج مساعده انا قلبى مطاوعنى اعمل فيه كدا
لبنى / مونى مش هتسامحكوا لو عملتوا فيه كدا
زياد / و مونى هتعرف منين اصلا محدش فينا هيقولها
لبنى / هو لما هيخرج هيقولها انا مش موافقه عالاقتراح ده خالص
زياد / خلاص بقى خلينا نقعد حاطين ايدينا على خدنا لحد ميولع فى كل فلوسه فى مصر و يجى يولع فينا شخصيا بعدها و كل ده عشان خاطر عيون ست مرام و جدتها
ابراهيم يبص لزياد زياد يعمل انه حزين و كل شويه يبصله من تحت لتحت
................................
فى شقه شريف
شريف نايم و البيت كله ضلمه و اخواته نايمين فى اوضتهم تليفون رؤى يرن و شيماء تصحى تلاقى رقم غريب تصحى رؤى
شيماء / رؤى رؤى تليفونك بيرن
رؤى / كنسلى كنسلى
شيماء تكنسل يتصل تانى رؤى تصحى
رؤى / ابو المعاكسات اللى فاوقات زى وشه
شيماء / بصى مش ابيه جوه خديله التليفون خليه يرد هو لما يلاقى صوت راجل هيبطل
رؤى / لا انا هعمله بلوك و خلاص حرام اصحيه
شيماء / فكره
رؤى تعمل للرقم بلوك يتصل على موبايل شيماء
شيماء / ايه ده دى نفس النمره
رؤى / ما يمكن حد نعرفه يا بنتى ردى
شيماء ترد
شيماء / الو
صوت راجل / ازيك يا شوشو
شيماء / مين معايا
صوت راجل / انتى متعرفنيش بس انا عارفكوا كويس واحده واحده
شيماء / والله
شيماء تتحرك ناحيه اوضه شريف
صوت راجل / اه رؤى و شيماء و الصغنتوته تقى دا حتى الحجه فاطمه عارفها الا هو مش شيكو موجود برده متديله التليفون لحسن واحشنى و عاوز اسلم عليه
شيماء تصحى شريف بالراحه
شيماء / ابيه ابيه
شريف / فى ايه
شيماء / معرفش رقم غريب اتصل على موبايل رؤى و لما عملتله بلوك اتصل على موبايلى و بيقول عارفنا كويس و عاوزك
شريف ملامحه تتغير و ياخد منها التليفون و يتكلم بنبره حاده
شريف / الو مين معايا
صوت راجل / ازيك يا شريف قافل موبايلك ليه ادينى وصلتلك برده اهو
شريف / انت فاكر انى مش هعرف اجيبك دانا بمكالمه تليفون واحده
صوت راجل / متتعبش نفسك انا اللى هجيلك بس قبل ماجيلك هعدى عليهم واحده واحده و لو تحب تعرف البدايه هتكون فين افتح موبايل تقى
الخط يقطع و شريف متخشب
شيماء / مين ده يا ابيه و جاب ارقامنا منين
شريف / هاتيلى موبايل تقى
شيماء / ليه هو قالك ايه
شريف يزعق
شريف / منغير ليه هاتى موبايل تقى
رؤى تجرى تجيب المويايل و تقى و فاطمه يصحوا و يتخضوا رؤى تديله الموبايل و شيماء زى الصنم مبتتحركش شريف يفتح الموبايل و يقلب فيه ميلاقيش حاجه يفتح النت توصل رسايل واتس واحده منهم من الرقم الغريب يفتحها يلاقى صور لصافى ملامحه تتغير و يقوم يطلع هدوم و يلبس فوق هدومه
فاطمه / هو فى ايه يا شريف
شريف / محدش يتحرك من البيت و لا تفتحوا لحد و لا تردوا على تليفونات لحد ما ارجع
شيماء / هو فى ايه يا ابيه هو الراجل ده قالك ايه
شريف يبص على شيماء يلاقيها بتعيط
شريف / مجرد معاكسه عاديه يا شوشو متحطيش فى دماغك انا هروح اجيبه من قفاه و اربيه بس احتياط مش اكتر متخافيش
شريف ياخد شيماء فى حضنه و رؤى تبص فى موبايل تقى
شريف / متخافيش يا بت دا واحد عبيط و انا مش هسيبه هجيبه
رؤى / بس دا معاه ارقامنا كلنا يا ابيه و ليه بعت صور صافى على موبايل تقى
فاطمه / هو فى ايه يا شريف
شريف / مفيش حاجه اهدوا اهدوا كلكوا مفيش حاجه
صوت انفجار شديد فى الشارع الكل يجرى عالبلكونه يلاقوا عربيه شريف مولعه تحصل هستريا صريخ و عياط و شريف واقف وسطيهم مش عارف يسكتهم
شيماء / مجرد معاكسه مش كدا
شريف / اهدى
رؤى / هو احنا هنموت هما هيموتونا
شريف / محدش هيموت انا هتصرف ماشى اهدوا شويه اهدوا
فاطمه / تتصرف ايه انت ملكش دعوه بلغ البوليس
تقى / كلم ابيه مازن
شيماء / لا كلم صافى اطمن عليها ليكونوا عملوا فيها حاجه
باب الشقه يخبط الكل يصرخ و يداروا فى شريف الا فاطمه اللى تيجى قدامه
..............................
فى شقه مرام
سميحه تتقلب تلاقى مرام قاعده عالسرير تحت الغطا شغاله كروشيه و الاوضه ضلمه مفيش غير نور الصاله جاى من الباب المفتوح
سميحه / عنيكى يا بنتى
مرام / مالصاله منوره اهو يا تيته
سميحه / كفايا يا مرام و نامى شويه الشال مش هيطير حرام صحتك
مرام / مانا حاولت انام والله يا تيته مجاليش نوم نامى انتى يا حبيبتى و انا شويه كدا و هحصلك
سميحه / طب بصى خديلك غيار و قومى استحمى هتلاقى جسمك فك كدا و التنشنه دى راحت و هتنامى علاطول
مرام / لا مليش مزاج الدنيا برد بقولك يا تيته
سميحه / ايه يا روح قلب تيته
مرام / هو محمود قالك ايه على حوار شركه مازن
سميحه / قالى ان احمد اشترى اسهم ابوه فى الشركه فمازن ولع فيها عشان يخسره الفلوس دى
مرام / مهو خسر معاه ايه الفكره بقى
سميحه / والله ما اعرف هو انتى لسه هتعرفى مازن انتى ناسيه لما كان بياخد المشاريع بالخساره عشان احمد مياخدهاش و بعدين هو ده بقى اللى انتى سهرانه بتفكرى فيه
مرام / لا على فكره مش ده اللى مسهرنى و لا حاجه الموضوع مش كدا خالص
سميحه / امال ايه
مرام / انتى فوقتى بقى و هتستلمينى صح
سميحه / اه صح ايدى النور و هاتيلى شله و ابره اما اتسلى معاكى شويه
مرام / دلوقت
سميحه / صحيت خلاص هاتى
مرام تناولها شله خيط و ابره و تقوم تايد النور و ترجع تانى تحت الغطا و هما الاتنين يشتغلوا كروشيه
سميحه / الا قوليلى يا مرام انتى فاكره الشيخه اللى كلمتك و خلتك ترجعى البيت
مرام / اه فكراها على فكره روحتلها تانى بس ملقيتهاش
سميحه / لو مكنش احمد بعتلك الصور دى
مرام / مش عاوزه اتكلم فى الموضوع ده يا تيته لو سمحتى
سميحه / بصى انا عارفه ان الموضوع صعب عليكى و عليا انا كمان بس خلينا نفكر فيها بالعقل
مرام / يا تيته انا فهمت كلامها غلط هى كانت بتتكلم عن
سميحه / لو مكنش احمد بعت الصور كان ايه اللى هيحصل دلوقت
مرام / الله اعلم يا عالم كان ايه اللى هيحصل يا تيته ربنا وحده اللى عالم كان ممكن الاقيهم داخلين عليا كلهم و يتباهى انه عرف يرجعنى تانى و لا يطردونى و يقولولى انى معنديش كرامه و رجعت فى مليون حاجه كانت ممكن تحصل
سميحه / و المليون حاجه دول مفيش منهم انه يدخل عليكى و يقولك وحشتينى و بحبك و سامحينى
مرام تبص لسميحه
سميحه / محمود بيقول انه راحله لقاه جايب ورد و شيكولاته ماللى بتحبيها و كان طاير مالسعاده و انا نفسى روحتله انا روحتله و اتكلمت معاه
مرام / و قالك لبنى كانت بتعمل عنده ايه انتى فاكره ان اللى بينه و بين احمد ده بسببى لا يا تيته فوقى دا عشان احمد شاف لبنى و هى نازله من عند مازن و بيبتزهم ليقول لزياد او حاجه زى كدا انتى ناسيه كلمته و انا جنبه فى العربيه و سمعت كل حاجه بودانى
سميحه / بصى انا مقولتلكيش عشان كنت عارفه انك مش هتفهمى بس مازن مصور لبنى فيديو هو انا معرفش الحوار بالظبط بس كانت لابسه قميص نوم و بتترجاه و بتقول ان زياد و احمد و ابو مازن هما اللى خطتوا لكل ده عشان يفرقوا بنكوا
مرام / تمثيل فيلم عملينه سوا
سميحه / الله اعلم بس معرفش ليه ... بصى يا مرام و منغير زعل انا بحب الواد ده و مش قادره اصدق ابدا انه وحش
مرام تبص لسميحه بحزن
سميحه / متبصليش كدا اصلها مش عشره يوم يعنى و بعدين ما يمكن مظلوم ... قلبى بيقولى انه مظلوم يا مرام و بصراحه من ساعه مجه و شوفته اذا كنت انا حنيتله انتى محنتيش
مرام / لا
سميحه تتنهد و تبص للخيط بحزن
مرام / لما شوفته اتوجعت
سميحه تبص لمرام
مرام / اتوجعت اوى افتكرت كسره فرحتى و انا لسه عروسه افتكرت كرامتى و هما بيمسحوا بيها الارض فى الحاره هنا قدام الناس افتكرت كل كلمه وحشه سمعتها و لسه هسمعها افتكرت كل اللى عشته من يوم الفرح يا تيته
سميحه / انا عارفه ان جرحك لسه طازه بس يا بنتى
مرام / هو انا تقيله عليكى اوى كدا يا تيته
سميحه / اخص عليكي يا مرام انا بقولك كدا عشان بحبك دانتى اللى ليا فى الدنيا يا بنتى
مرام / لو بتحبينى بجد متحاوليش تحننى قلبى عليه متدافعيش عنه متزوديش همى و تضعفينى انا اساسا مش ناقصه انا تعبانه خلقه تعرفى يا تيته انتى معاكى حق انا هقوم استحمى عشان انام
مرام تقوم تاخد غيار من الدولاب
سميحه / متعيطيش فى الحمام
مرام تبصلها و تمشى سميحه تتنهد
سميحه / افرجها من عندك يا رب ملناش غيرك
............................
فى الفيلا فى دبى
لبنى تتقلب فى السرير تلاقى زياد قاعد على طرف السرير و الموبايل فى ايده تتفزع
لبنى / فى ايه يا زياد قاعد كدا ليه
زياد / هاه ؟؟ مفيش يا بيبى نامى انتى متشغليش بالك
لبنى / مانا كنت نايمه انت ايه اللى مصحيك و قاعد كدا ليه
زياد / مستنى مكالمه بس يابيبى عادى يعنى شغل
لبنى / زياد انت مخبى عنى حاجه
زياد يبتسم و يروح ياخدها فى حضنه
زياد / الا انتى ايه رايك فى حوار الحجر ده
لبنى / بصراحه فكره سخيفه و مفتكرش انها هتنجح اصلا و لا هى و لا حوار المصحه ده
زياد / الفلوس بتنجح اى حاجه
لبنى / و هو مازن يعنى معهوش فلوس و حتى لو قدرتوا بمعجزه من السما انكوا تدخلوه المصحه تفتكر شريف هيسكت دا هيولعها
زياد / لا سيبى شريف فى اللى هوه فيه مش هيبقى فاضى لمازن خالص الفتره الجايه
لبنى / ليه ماله شريف
زياد / بغض النظر احنا ممكن نستغل شهاده الخدامين فى الفيلا انه دخل و كسر و حرق و نقول ان نفسيته انهارت بعد ما طلق مرام و نحط عالموضوع ده شويه شطه من عندنا و نولعها بقى
لبنى / يا زياد قولتلك مش هتستفيد حاجه من محاولاتك دى غير انك تستفزه اكتر صدقنى هتقلب بغم
زياد / و انا مالى يا بنتى ابوه هو اللى هيشيل الليله يجى يولع فى ابوه بقى و اهو نبقى ضربنا عصفورين بحجر واحد تعرفى لو مازن قتل ابوه مونى هتورث كل حاجه و ساعتها بقى انا و ماما هنحط ايدنا على كل حاجه مهو القاتل ميوررثش و كمان يا سلام بقى يعدموا مازن و مونى تورثه هو كمان الله يا لبنى الله نبقى ضربنا كل العصافير اللى عالشجره منغير ولا طلقه الله
لبنى / انت اتجننت صح مازن عمره مهيعمل كدا حتى لو ابراهيم حجر عليه فعلا
زياد / بسيطه احنا نشوف حد يعملها و نلزقها لمازن ايه رايك
لبنى / انت بتتكلم جد و لا بتهزر انت ايه حكايتك انا بدات اخاف منك مهو دا مش كلام واحد عاقل ابدا
زياد / ههههههههههههههه فى واحده تخاف من حبيبها برده
تليفون زياد يرن يشاور للبنى و يرد
زياد / طمنى ... ههههههههههههههههه برافو عليك ... لا كدا حلو اوى ... حلاوتك عندى ... سلام
زياد يقفل السكه و يدخل فى السرير جنب لبنى
لبنى / مين ده
زياد / دا حوار كدا هبقى اقولك عليه الصبح عشان انا هموت و انام دلوقت
لبنى / هو ايه اللى تنام انت عاوز تجننى انا عاوزه افهم ايه اللى حصل بالظبط انت عملت ايه قولى
زياد / يا ربى على فضول البنات يا ستى معملتش حاجه
لبنى / انت معدتش بتثق فيا صح بقيت بتخبى عليا مش كدا على كل
لبنى تيجى تقوم مالسرير زياد يمسكها
زياد / يا ستى الموضوع مش موضوع ثقه خالص انا بس كنت بحاول ابعدك عن التوتر و الليله دى عشان البيبى
لبنى / ملكش دعوه قولى عملت ايه تانى قول بدل والله ارمى نفسى مالبلكونه دى و ذنبى فى رقبتك قول عملت ايه
زياد / هقولك بس اهدى اهدى الموضوع مش مستاهل كل ده اقعدى بس
لبنى تقعد و زياد يتعدل قدامها
...................................
فى شقه مرام
الفجر ياذن سميحه تقوم من عالسرير تروح تخبط على باب الحمام
سميحه / انتى هتباتى جوه اخلصى الراجل اقام الصلاه
مرام تخرج مالحمام لفه شعرها بفوطه
مرام / بلبس يا تيته الله بلبس اطلع عريانه يعنى
سميحه / طبعا خلصتى المايه السخنه و هتوضى بمايه ساقعه مش كدا
مرام / قولتلك نجيب سخان اكبر انتى اللى مرضيتيش مش كان زمانه نفعنا دلوقت
سميحه / يعنى انا الغلطانه مش كدا ماشى ياختى اوعى عدينى
سميحه تدخل و تلف تبص لمرام
سميحه / صحيح محمود نزل يصلى و قال هيجيب فطار معاه و هو راجع متعمليش فطار
مرام / احسن برده
مرام توسع لسميحه و تروح اوضتها و تفك الفوطه و تقعد تسرح شعرها الباب يخبط
مرام / يارب يا محمود تكون جايب طعميه سخنه لحسن نفسى فيها اوى
مرام تلم شعرها و تلبس الطرحه و تروح تفتح تلاقى راجل غريب عنيها توسع يزقها على جوه و هو بيحط صابعه على بقه و يوريها مسدس فيه كاتم صوت
الراجل / شششششششششششششش انا مش هاذيكى طول مانتى مؤدبه و بتسمعى الكلام بس لو فكرتى كدا و لا كدا انا مضمنش ده يعمل حركه مش تمام تيجى فيكى و لا فتيته نزعل كلنا هى فين الاول
.........................................
