(((((السكة شمال ٢))))))
#لولو_محمد
الحلقه ٦٥
سعد / الحقيقه انا بقالى كتير اوى واقف تحت بيتكوا مستنيكى تخرجى تعملى اى حاجه انما ابدا انتى مبتنشريش ليه .. هى مبتنشرش ليه يا تقى
رؤى / انت عارف انا لو قولت لابيه على اللى انت بتعمله ده هيقطع عيشك لا هيقطع رقبتك
سعد / والله انا جربت ادخل البيت من بابه انتى مرضيتيش قولتى لا انا عاوزه واحد من اللى بينطوا من الشباك و ادينى نطيت ... سعد
سعد يمد ايده تانى
رؤى / صحباتى هيطلعوا من الحمام فى اى وقت من فضلك بهدوء قوم بدل ما انادى الاستاف بتاع الكافيه يشيلوك يرموك بره
رؤى تشوف صحباتها خارجين من الحمام
رؤى / و لا اقولك خليك خليك عن اذنك احنا
رؤى تشد تقى و تشد صحباتها و يمشوا و يسيبوا سعد قاعد على الترابيزه و تروح لواحد من اللى شغالين تشاورله على سعد و يمشوا ثوانى و الشاب يجيب لسعد الشيك يدفع و يمشى
................................
فى شقه مديحه
سميحه / الف مبروك يا محمود والله فرحتلك اوى
مرام / ربنا يتملك على خير ايوه بقى
محمود / الله يبارك فيكى عاوزين نبدا نجهز بقى مش عاوز اى حاجه ناقصه
مرام / يا سيدى ان كان على الاكل هعملك احلى اكل بس انت بقى ظبط الساقع و الفراشه و الدى جاى و الفيديو شوفت سهله ازاى و لا كلم شريف شريف يظبطلك كل ده فى مكالمه تليفون انت يعنى مش عارفه ما هو اللى كان مظبط لمازن كتب الكتاب بتاعنا و الفاتحه
مديحه / عاوزين بقى ننزل ننقى طقمين حلوين كدا بس هنعمل ايه فى بطن مرام البت بطنها بدات تبان و الناس هتبقى كتير و مازن و شريف و اخواته كلهم معزومين يادى النيله هنعمل ايه
مرام / هلبس كورسيه
سميحه / لا طبعا مش عشان تدارى من مازن تخنقى العيل بصى احنا ننزل ننقيلك كام طقم واسعين مش هيبان فيهم حاجه
محمود / ايه الاوفر ده دا حياله حته كرش صغير سيبوا القلق ده لبعدين
مديحه / ما انت على نياتك بكره و لا بعده هتلاقى بطنها بقت مترين قدامها و ساعتها مش هنعرف نطلع من الحاره نجيبلها لبس
محمود / مترين !!!
مرام / انا مش هعلق
سميحه / متعلقيش ههههههههههههههههههههه
...............................
فى شقه شريف
شيماء / يعنى مش هتقولى لابيه
رؤى / لا مش هكبر الموضوع بس لو كررها هنفخه
شيماء / غلطانه يا رؤى لو سكتى هيفتكر ان اللى عمله على هواكى و هيسوق فيها لازم تديله على حنطور عينه من اول مره عشان يلزم حده هو فاكرك ايه
رؤى / يا بنتى شكله عبيط اوى هقطع عيشه يعنى عشان حركه هبله زى دى
تقى / طب ما تقولى لابيه مازن يشد ودنه هما مش صحاب
شيماء / ابيه مازن ايه انتى عبيطه دى تقول لابيه ارحم على الاقل ابيه اعقل
تقى / هههههههههههههههههه والله لاقوله
شيماء / عشان انتفك نتف
رؤى / ممكن نخلينا فموضوعى هنا لو سمحتوا
شيماء / والله انا قولتلك اللى عندى قولى لابيه عشان يبقى فى الصوره
تقى / هو انتى رفضتيه ليه يا رورو صحيح
رؤى / انا رافضه مبدا جواز الصالونات ده نهائى انا مش هتجوز بالطريقه دى احنا فى انهى عصر هنا
شيماء / يعنى عاوزه جواز عن حب و كدا
رؤى / لا طبعا انتى عبيطه انا مليش فى الحاجات دى
تقى / اصلا ابيه يعلقك من رجلك
رؤى / انا مش مستنيه ابيه يعلمنى الصح من الغلط انا متربيه و عارفه حدودى كويس شكرا ياختى
شيماء / لا اله الا الله امال لا عاوزه ده و لا عاوزه ده امال عاوزه تتجوزى ازاى يعنى
رؤى / زيك و زى مرام و زى صافى عاوزه اتجوز واحد عارف طباعى كويس و عارفه طباعه بحلوها بمرها و راضيه بيها فهمتوا هو الاستاذ سعد ده يعرفنى شاف واحده عجبته جه يتجوزها لا يعرف انا بحب ايه و لا بكره ايه و لا حتى يعرف اى حاجه غير ان شكلى عجبه طب بعد كدا لما اعجز و لا ابعجر هيعمل ايه
شيماء / انتى عبيطه يا بنتى امال الخطوبه اتعملت ليه مهو عشان تتعرفوا على بعض و تشوفوا هتنجحوا و لا لا
رؤى / اه و تتحسب عليا خطوبه مش كدا
شيماء / يا سلام طب ايه رايك ان انا و مرام و صافى احنا التلاته محسوبه علينا خطوبه قبل كدا مش انتى عوزه تبقى زينا
رؤى / و ليه اخوض تجربه فشله فى الاول ما دام ممكن انجح من اول مره
شيماء / تمام طب ما مرام اطلقت مع انها طبقت نظريتك الفزه
رؤى / مرام ليها ظروف خاصه مش هى القاعده و بعدين هو انا زاحمالكوا السرير اوى كدا و نفسكوا تفلسعونى انا عارفه انا عاوزه ايه كويس انا بدور على حاجه معينه كدا فى خيالى
شيماء / و يا ترى الحاجه دى بقى شبه حسين فهمى و لا عمر الشريف
رؤى / بايخه على فكره انا مبدورش فى الشكل منكرش ان له دور بس انا البرسوناليتي هى رقم واحد عندى
شيماء / كورس الانجليزى عامل شغل
رؤى تضرب شيماء بالمخده شيماء تقوم تضربها و يدحكوا بصوت عالى و يهزروا سوا
.............................
فى الشارع قدام المستوصف بعد كام يوم
مرام تطلع من المبني و مسنده سميحه و يركبوا عربيه محمود و يمشي
محمود / ايه الاخبار
مرام / لسه مش باين
محمود / ايه الواد الغتت ده
سميحه / شكلها بت لو كان واد كان بان من زمان
مرام / بت بت انا اصلا عايزه ملك
محمود / يا بخت من كان بناتها قبل ولادها ها هتروحوا فين
مرام / عاوزه اشتري طقم جديد احضر بيه كتب الكتاب الهدوم ديقت و انا خايفه بطنى تبان
محمود / والله مازن صعبان عليا قوليله يا بنتي و نبهى عليه ميقولش لحد
مرام /و ايه اللى منعك متقوله خلينا نشوف هيحصل ايه
محمود / انا بس بقول انه كدا كدا هيعرف
مرام / طبعا ليك حق تخاف يا ترى هيعمل فيك ايه لما يعرف انك مش بتشوف شغلك فى التجسس عليا كويس
سميحه / مرام
مرام / ايه قولت حاجه غلط
محمود/ لا مقولتيش خلينا نخلص عشان اروحكوا
مرام / احسن برضه
......................
فى بيت شريف
رؤي تدخل البلكونه تحط طبق الغسيل فى الارض و تبدا تنشر قطعه التانيه التالته تشوف سعد قاعد باصص عليها و مبتسم تنفخ و تدخل تلاقي فاطمه قاعده بتنقى رز على السفره
فاطمه / ايه لحقتى تخلصي
رؤى / لا مخلصتش بس اتزنقت فجاه هدخل الحمام و ارجع اكمل
فاطمه / انجزى عمر هيجى يتغدى معانا هو و مازن عاوزين نلحق نخلص
رؤى / ما انا بشتغل بايدى و سنانى اهو مش احسن من ست شوشو اللى قاعده تحت
فاطمه / هى يعنى قاعده فى كافيه ما هى فى شغلها و بعدين مش عاوزه تساعدينى متساعدينيش الحق عليا انى بطلب منكوا حاجه قال و انا اللى فاكره انى لما هكبر هتشيلونى
رؤى / ايوه خشي عليا بالشعار قال يعنى احنا مبنساعدش متبطلى افترى بقي يا بطه الله
فاطمه / افترى يا بت الجزمه طب والله
رؤى / الحمام الحمام
رؤى تجري عالحمام
فاطمه / بنات اخر زمن طب دا انا فسنك كنت شايله بيت زى ده لوحدى يلا نقول ايه انا اللى مدلعاكوا
تقى تطلع من جوه و هى بتنشف ايديها
تقى / مدلعانا فين فى مغسكر جوانتانموا ده بقالى ساعتين واقفه على رجلى بغسل في المواعين
فاطمه / و لسه فى دور تاني بعد الغدى يا روح امك
تقى / دا ايه تعذيب الكفار ده دى مبقتش عيشه دى والله امتى اتجوز و امشي من البيت ده
فاطمه/ انا الحق عليا انى شيلت المنفضه من جنبي خدى كملى الرز على ما اجهز باقي الخلطه
فاطمه تقوم و تقى تقعد مكانها و تنقي و هى بتنفخ
...................
فى الشركه
مازن / انت عاوز تجننى شايفني كل ده بتلوى قدامك عشان اشوفها و تخرج معاها و متقوليش
محمود / هو انا يعني كنت خارج اتفسح امى كلمتنى قالتى ستك تعبانه خدتها و جريت على المستوصف
مازن / و مخدتهاش مستشفي نضيفه ليه ايه حبكوا في المكان ده ما فى مستشفي فى المنطقه
محمود / الدكتوره اللى متابعه معاها هناك بتقول بتريحها و بعدين انا مالى اربط الحمار مطرح ما يعوز صاحبه
مازن / ماشي طب و بعد كدا لما روحتوا تلفوا على المحلات
محمود / تيته قالت مدام احنا بره نجيب حاجه لكتب الكتاب
مازن / كل الوقت ده مكلمتنيش ليه
محمود / معرفتش في الاول كنت متلهوج على تيته و على ما اطمنت و بدات افوق كنت مسند تيته طول الوقت و معرفتش امسك الموبايل ثانيه و بعدين انت بتتخانق معايا ليه هو مش فى عربيه محطوطه
مازن / مهى كانت لابسه عبايه مامتك و هى خارجه معرفوهاش غير و هى راجعه
محمود / من لهوجتها حطت اى حاجه على جسمها ما انت عارف الغسيل عندنا فى بعضه و لما اشترت طقم جديد روحت بيه
مازن / كتر خيرك يا محمود حقيقي كتر خيرك
محمود / ملحوقه لما تيجى كتب الكتاب ابقي شوفها
مازن يبصله
محمود / بص انا بعمل اللى اقدر عليه و بعدين انا متاكد ان الوضع ده مش هيستمر كتير عن اذنك ورايا شغل كتير
محمود يمشي و مازن واقف مخنوق شريف يدخل
شريف / الناس كلها مستنياك في الميتينج روم مش هتيجي
مازن يهز راسه و يروح معاه
......................
يوم كتب الكتاب
مرام واقفه مع الستات فى المطبخ فوق و ايدها بايدهم مديحه تدخل
مديحه / يلا يا مرام الناس بدات تيجى
مرام / خلصنا والله يا عمتى كلو على النار بنفنش في السلطات اهو
مديحه / طب يلا اغرفوا السفره خلينا نطلع الناس .. هو انتى مش هتلبسي
مرام / هنزل اغير اهو
مديحه / طب انزلى يلا و انا هقف معاهم
مرام / تمام
مرام تنزل
مديحه / عقبال عندكوا يا جماعه
بنت / الف مبروك يا حجه عقبال الليله الكبيره
مديحه / من بقك لباب السما متسمعونا زغروطه و انتوا شغالين
الكل يزغرط و مديحه مبسوطه
..................
فى الشارع
الفراشه منصوبه و محمود واقف مع المعلم اسعد وسط الناس سعد يدخل لابس الحته اللى عالحبل
سعد / عريسنااااااا
سعد يحضن محمود
محمود / اش اش اش لا القبض باين ههههههههههههههههههه
سعد / قولت يمكن
محمود / يا ابنى انت والله ما هتجيبها لبر هى يعنى عشان مقالتش لاخوها يبقى اللى بتعمله جاى على هواها
سعد / و حتى لو قالت لشريف هيحصل ايه يعنى
محمود / هتحصل علقه سخنه تنزل تورم جتتك بقولك ايه قفل قفل الموكب وصل
سعد يبص وراه يلاقى عربيه مازن بتركن و جنبها عربيه شريف و بينزل منها مازن متشيك على الاخر و شريف و اخواته و مامته و يدخلوا الحاره رؤى اول ما تشوف سعد تصدر الوش الخشب و تكمل مع البنات لحد بيت مرام و يدخلوا الا فاطمه و شريف و مازن يقفوا مع محمود و سعد
فاطمه / الف مبروك يا حبيبي عقبال الليله الكبيره
محمود / الله يبارك فيكي يا طنط من بقك لباب السما ماما فوق مستنيه حضرتك من بدرى طالعالها اهو
فاطمه تدخل و مازن عينه عالبلكونه محمود يبصله
محمود / على فكره انا العريس ميصحش كدا يعني
مازن / هى جت عليا يعني ايه الشياكه دى يا سعد
سعد / ايه يا جدعان و انا كنت معفن قبل كدا و لا ايه
مازن / لا ازاى برنس من يومك
شريف / طب ايه مش هتطلع تلبس ؟؟
محمود/ هيخلصوا بس و اطلع
شريف / عيب عليك يا جدع و احنا روحنا فين اطلع اجهز يلا
محمود / قشطه يلا خمسه و راجع
محمود يطلع و التلاته يبصوا لبعض
مازن / انا هطلع اسلم على تيته و ابارك لعمتى
شريف يبتسم
شريف / ربنا يعدى اليوم دا على خير اطلع
مازن يدخل البيت
سعد / كويس اننا بقينا لوحدينا كنت عاوزك في موضوع
شريف / خير يا سعد
.......................
فى شقه مديحه
الستات ملمومين و بيدحكوا
مديحه / انتوا هتكبرونى و لا ايه طب دا انا متجوزه ابوه و انا صغيره اوى
فاطمه / هههههههههههههههههه ما خلاص بقي يا مديحه احنا هناخد زمنا و زمن غيرنا
مديحه / و احنا يعني اقل من بتوع السيما اللى عندهم سبعين سنه و عايشين فدور بنت التلاتين مش بالسنين والله
مازن يدخل و هو بيدور بعينه يمين و شمال
مازن / السلام عليكم
مديحه / و عليكم السلام ازيك يا حبيبي عامل ايه
مازن / الف مبروك يا عمتى الف الف مبروك
مديحه / الله يبارك فيك عقبالك
مازن يبتسم و يبص لسميحه مركزه معاه
مازن / ازيك يا تيته
سميحه / الحمد لله بخير ازيك انت
محمود يطلع من الاوضه بيسرح شعره يشوف مازن يرتبك
محمود / ها خمس دقايق و لا مش ... انا هروح اجيب البنات من الكوافير هتعوزوا حاجه و انا جاى
فاطمه / هنعوز العروسه
محمود / علاطول مش هتاخر استاذن انا
محمود يمشي
مديحه/ فيها و لا تلت اربع ساعات حاجزين فوتوسيشن مش عارفه فين كدا قولتله ما تخلى مازن يصورك قالتلى صحباتى اللى حجزوا و مرضيتش ازعلهم سكت
مازن / هى مرام معاهم
مديحه / لا نايمه جوه اصلها يا حبه عينى واقفه على رجلها مع البنات من الفجر بيجهزوا الاكل دا غير امبارح سهرانه يا قلبي بتجهز فى الحلويات
فاطمه / مش تعب عليها اوى كدا يعنى فرح اخوها تبقي مرهقه كدا
سميحه / هى صممت قالت محدش هيعمله حاجته غيرى
فاطمه / ربنا يصلحلهم الحال .. احنا شكلنا جينا بدرى بس والله شريف قال اللبسوا لبسنا
سميحه / خير ما عملتى عشان نقعد مع بعض شويه قبل الزحمه انتى وحشانى اوى
فاطمه / و انتى اكتر والله
مازن / عن اذنكوا هنزل اقف مع الرجاله
سميحه /اتفضل يا ابنى
مازن يطلع من الشقه و يفضل واقف عالسلم عينه على شقه مرام و بعدين يتنهد و ينزل
.................
فى الشارع
اسعد واقف مع شريف
اسعد / الله يبارك فيك عقبالك
شريف / من بقك لباب السما
اسعد / متقلقش ربنا بيهون فى ثانيه هتلاقيك فى القفص بس اوعى ساعتها تندم
شريف / هههههههههههههههههه لا متقلقش من الموضوع ده انا ادخل بس و بعد كدا مش مهم
اسعد / ههههههههههههه ربنا يتملك على خير
زفه عربيات تركن
اسعد / اهم وصلوا اما استعجل الماذون بقى ... عن اذنك
شريف / اتفضل اتفضل
اسعد يروح للناصيه زفه و مزمار و الكل بيرقص شريف يروح يقعد جنب مازن و سعد
شريف / وحدوووووه
مازن / لا اله الا الله
شريف / مالكوا انتوا الاتنين قاعدين كدا ليه
مازن / اطلع ادخل الحمام اربع مرات اربع مرات يا مؤمن لما جالى جفاف و مشوفهاش و اخر المتمه البنات دخلولها الشقه و بيدحكوا و بيرقصوا مع بعض و انا مرزوع هنا جنب سعد .. لا مؤاخذه يا سعد
سعد / لا يا حبيبى و لا يهمك
شريف / يا عم وصلوا اهو و دلوقت الزفه تخلص و كل اللى فوق ينزلوا و تشوفها لما تزهق منها
مازن / مش باين
الزفه تدخل و الناس اللى قاعده كلها تقوم تقف و اللى فوق يطلعوا فى البلكونه شريف يزغد مازن بكوعه يبص لفوق يلاقى مرام واقفه فى بلكونتها بتسقف وسط البنات و مبتسمه و باصه ناحيه الزفه رؤى واقفه جنبها تبص تلاقى سعد واقف جنب شريف يشاورلها تقلب وشها و تدخل جوه و مرام تدخل وراها و البنات كلهم
مازن / ليه ليه
شريف / تلاقيهم نازلين دلوقت
الناس كلها بترقص سعد يشد مازن و شريف و يدخلوا يرقصوا مع محمود و مديحه تنزل من فوق ترقص معاهم و مرام و البنات يطلعوا جنب سميحه و فاطمه فى بلكونه مديحه العرسان يروحوا يقعدوا فى كوشه على مسرح و اخوات مروه بيعدلولها الفستان و زغاريط كتير مديحه تكلم اسعد يهز راسه و يروح يشاور لمجموعه رجاله تطلع فوق و مديحه تطلع معاهم و مازن متابع اللى بيحصل و بيبص على البلكونه فوق مرام مش موجوده وسطيهم مازن يوشوش شريف و هما بيسقفوا
مازن / متطلع تدخل الحمام ؟؟
شريف / لا مش عاوز
مازن / لا عاوز اطلع قبل ما تتزنق و ساعتها تكون الدنيا اتزجمت
شريف / بقولك مش عاوز
مازن / متخلينيش اتغابى عليك
شريف / تصدق اتزنقت فجاه ينهار ابيض انا طالع الحمام
مازن / انجز
شريف يبصله بغل و يطلع و مازن يكمل تسقيف
.................................
فى شقه المطبخ
السفره مفروشه اكل و مرام فى المطبخ بتغرف مع البنات و مديحه بتحط للرجاله ياكلوا شريف يدخل
شريف / انتى هنا يا عمتوا و انا قالب عليكى الدنيا
مديحه / خير يا حبيبى فى ايه
شريف / بتعملى ايه هنا مش المفروض تبقى جنب حوده فى يوم زى ده هو هيكتب كتابه كل يوم
مديحه / بضايف الناس يا ابنى
شريف / و احنا متنا فى الحرب بقى و لا ايه انزلى افرحى و انا هساعد مكانك
مديحه تبتسم
مديحه / عقبال ليلتك
شريف / من بقك لباب السما
مديحه تبتسم و تنزل اول ما تطلع من البيت مازن يطلع يجرى
شريف / لو دلقت عليك الشوربه بتغلى متجيش تعيطلى
مازن / مش ههون عليها لا
شريف / يا عمى ارحمنى بقى فى يومك ده انا نازل
مازن / ما تخليك معايا تاكل حاجه
شريف / هطلع تانى و لا انت خايف تكونش خايف
مازن / يخربيت غتاتك يا اخى
شريف / هههههههههههههههههه ماشى يلا ربنا معاك
مازن / سلام
شريف ينزل و مازن يبص عالسفره الناس بتاكل يسحب طبقين فاضيين و يدخل المطبخ يلاقى مرام واقفه مع بنتين اول ما تشوفه تديله ضهرها بسرعه
مازن / عاوزين طحينه و شيبسى
بنت 1 تروح تاخد منه الاطباق و تملاها
مازن / عقبالكوا
بنت 2 / ان شاء الله تعيش
مازن يبتسم و بنت 1 تديله الاطباق مليانه يروح يحطها على السفره و يرجع يقف على باب المطبخ مرام تشوفه تفضل واقفه مدياله ضهرها و هى بتنفخ
مرام / مازن
مازن يدخل جرى مرام لسه مدياله ضهرها و عامله مشغوله فى اى حاجه
مازن / نعم
مرام / الساقع خلص ممكن تنزل تطلع صندوقين و لا حاجه هتلاقيهم فى المدخل تحت السلم
مازن / اه ممكن اوى
مرام / حاول متتاخرش
مازن / حاجه تانى
مرام / لا شكرا
مازن يمشى بنت تدخل جنب مرام
البنت / الساقع مالى التلاجه
مرام / مش هيخسر مش هيخسر ناولينى المخلل اما اعبى طبقين
البنت تروح تجيب برطمان كبير و تحطه قدام مرام
البنت / هو انتى مش هتنزلى
مرام / مش دلوقت لو عاوزه تنزلى انتى انزلى
البنت / و اسيبك لوحدك
مرام / هياكلونى يعنى عاوزه تنزلى انزلى انا هنا اهو لما الناس تاكل هبقى انزل
البنت / ما الناس مش هتبطل اكل
مرام / الف هنا روحى شوفى لو ناقصهم حاجه مش عاوزين حد يقول علينا كلمه
البنت / حالا من عنيا حاضر
البنت تطلع بره و مرام تقفل البرطمان~~ِ َ}ش
...........................
فى الشارع
الكل بيرقص و مبسوط و ناس داخله البيت و ناس خارجه الماذون يوصل الكل يهدى و ترابيزه تتحط على المسرح و تلت كراسى و مروه تروح تقعد فى الكوشه و البنات يتلموا حواليها محمود و اسعد و الماذون يقعدوا و يبداو فى كتب الكتاب
بنت 1/ امال مرام فين مشوفناهاش يعنى
مروه / بيقولوا بتخدم على الناس فوق
بنت 2/ و هو كل البنات اللى شغالين فوق وقفت على مرام يعنى دى حتى ماجتش معانا الفوتوسيشن
بنت 1/ تلاقيها زعلت عشان خلينا واحد غير مازن يصور
مروه / و ايه اللى هيزعلها يعنى مهم اطلقوا خلاص و كل واحد راح لحاله
بنت 3/ اطلقوا اه بس حاله دى بقى فيها كلام انتى بجد فكراها منزلتش عشان بتخدم دى فوق مع الجو
مروه تبصلها
بنت 3/ اه والله هى و مازن فوق فى الشقه
بنت 1/ يا بنتى بتقولى ايه ما الشقه مليانه ناس اشى ناس داخله و اشى ناس خارجه
بنت 2/ ششششششششش وطوا صوتكوا حد يسمعنا نسيتوا سليمان و اللى جراله
مروه/ دا سليمان انما انا بنت المعلم اسعد الكلام ده مايمشيش عليا
بنت3 / هو صحيح كل يوم يتقدملها عريس
بنت 1/ لا طبعا اى كلام على فكره على ايه يعنى
مروه / على ايه دا انتى غلبانه اوى انتى متعرفيش ان مازن حطلها مليون جنيه فى حسابها فى البنك دا غير ايراد المشروع ده ليها لوحدها فوق التمنتاشر الف جنيه فى الشهر محمود بياخدهم بنفسه يحطهم فى حسابها فى البنك
بنت 3/ ينهار قوس قزح تمنتاشر الف ليه
مروه / امال انتى فاكره ايه بتدى لكل بنت من اللى شغالين تحت ايدها تلت الاف فى الشهر بعد ما تفحتهم بيهم و تاخد لوحدها تمنتاشر دا حماتى مبتاخدش نصهم
بنت 3/ لا ان كان كدا ليهم حق يتقدمولها
بنت 2/ متنسوش برده انها حلوه
مروه / متنسوش انها مطلقه
راجل يعدى البنات تتكتم الناحيه التانيه رؤى قاعده على ترابيزه هى و مامتها و اخواتها و مديحه و سميحه سعد يروح يسلم
سعد / السلام عليكم
فاطمه / ازيك يا حبيبى عامل ايه
سعد / الحمد لله معلش كنت عاوز اسال مشوفتوش مازن بقالى ياما اوى بدور عليه مش لاقيه محدش شافه
رؤى توشوش فاطمه تهز راسها رؤي تقوم و تدخل البيت
سميحه / لا والله ما شوفتوش يا سعد اسال عنه شريف
سعد / تمام يا تيته تسلمى عن اذنكوا
سعد يجرى ورا رؤى يدخل البيت و يطلع وراها يحصلها قدام شقه مديحه
سعد / رؤي رؤي
رؤي / انت عبيط انت نفسك تموت و لا انت ايه مشكلتك هو عشان عديتلك المره اللى فاتت افتكىت الدنيا سهله ابيه لو شافك
سعد / انا كل اللى عاوزه انى اكلم معاكى دخلت البيت من بابه و اتقدمت انتى رفضتي حتى تسمعي
رؤي / يبقي تفكك منى
سعد / تمام هفكنى بس اديني فرصه واحده بس اسمعيني فيها
رؤي / هتقول ايه يعني انا معجب بيكي حبيتك من اول نظره اى كلام هبل من بتاع الروايات الهبطه اللى بيدحكوا بيها على المراهقين سوري يا مستر سعد انا مباكلش من الكلام ده بيعملى عسر هضم
سعد / و انا كمان مليش في المحن خالص انا انسان عملى جدا على فكره حياتي واحد زائد واحد يساوى اثنبن
رؤي / امال
سعد / هنا !!!!
رؤي / لا طبعا مينفعش تعال انا و انت نقرطس اهلى و نخرج كدا سون فاسون كدا نشوفلنا كازينو عالنيل نقعد نرغى و نحكى براحتنا و متقلقش خالص الارايل بتليق جدا مع لون بشره ابيه شريف فهتلاقيه بيلبسها كتير عادى
سعد / هو انتى بالعه راديو افصلي التلاجه بتفصل
رؤي / اما انت رخم اوى
مازن ينزل من فوق يشوف المنظر
مازن / هو فى ايه هنا
رؤي / مرام فوق ؟
مازن / ايوه اطلعيلها
رؤي تعدى مازن و تطلع مازن ينزل يقف قدام سعد
مازن / ايه اللى بيحصل دا بقي
..............
