((((((السكة شمال2))))))
#لولو_محمد
الحلقه 152
مديحه / باب رزق و اتفتح نقوله لا
مرام / ايوه بس انا كنت بطلت
مديحه / بطلتى ايه دا انتى الطبخ فى دمك و بعدين هو انتى يعنى هتعملى بايدك بجد انتى اخرك هتشرفى و الباقى البنات اللى هيعملوه باب رزق و اتفتح نقوله لا ليه
مرام / يعنى انتى موافقه
مديحه / و موافقه جدا و بالمره تصورى الحاجات دى و هى بتتعمل و تعملى حلقه فى حاجه فخمه و اهو يبقى اعلان و ابقى استخدمى الحاجات اللى جابوهالك دى
مرام / انا مش عارفه هعمل كدا ازاى
مديحه / انتى مستقليه بنفسك كدا ليه مش ده الحلم اللى ياما حلمتى بيه
مرام / ايوه بس
مديحه / ما بسش انشفى كدا و جمدى قلبك انتى مش لوحدك كلنا معاكى و فى ضهرك و هنساعدك
مرام / ربنا يسهل
مديحه / ايوه بالظبط كدا سيبيها على ربنا اسعى يا عبد و انا اسعى معاك
مرام تبصلها مديحه تطبطب على ضهرها و هى مبسوطه
..........................
فى المستشفى بعد فتره
فريده / يعنى ايه
الدكتور / يا مدام اهدى المرض لسه فى مراحله الاولى
فريده / ايوه يا دكتور بس انتوا اكدتولى انه مش معدى
الدكتور / يا فريده هانم حضرتك و ابراهيم بيه عايشين فى نفس البيئه و بتاكلوا من نفس الاكل و بتتعرضوا لنفس الظروف عشان كدا انتوا الاتنين جالكوا نفس المرض
فريده / لا مش مظبوط حضرتك مش فاهم حاجه انا غير ابراهيم خالص انا
فريده تبص لابراهيم باين انه مدايق
فريده / انا بهتم بصحتى اكتر و باكل هيلثى و كدا
الدكتور / انا شرحت لحضرتك قبل كدا ان فى مسببات كتير جدا للمرض و بعدين الحمد لله اننا اكتشفناه بدرى نهتم بقى بنفسنا و نعالجه
فريده تبص الناحيه التانيه
ابراهيم / ان شاء الله خير
فريده تسيب المكان و تقوم
......................
فى شقه مازن
مرام قاعده بتعد الفلوس و مازن قاعد بيلعب مع ملك يرفعها لفوق و ينزلها و هى بتدحكله و هو مندمج معاها
مرام / هو انا هعمل ايه بالفلوس دى كلها
مازن / ههههههههههههههههههههههه اعملى اللى انتى عوزاه
مرام / انا ما فيش اى حاجه فى دماغى دلوقت اخليهم هنا و لا احطهم فى البنك
مازن / اللى يعجبك
مرام / البت مروه بتروح الجيم مع اخواتها قالولى اروح معاهم و عمتى قالت سيبى ملك ايه رايك اروح و لا ما اروحش
مازن / براحتك عادى يعنى
مرام ترفع حاجبها و تبصله بطرف عينها
مرام / مازن
مازن / ايوه يا قلبى
مرام / تحب تاكل ايه بكره
مازن ينزل ملك فى الارض و يبص لمرام و يبتسم
مرام / فى ايه
مازن / انتى عارفه ان دى تقريبا اول مره تسالينى هناكل ايه
مرام / بجد !!! مش فاكره
مازن / انا كنت علاطول بسال نفسى هى ليه مش بتسالنى زى كل الستات ما بتسال رجالتها
مرام / انا ما كنتش اعرف ان الموضوع ده فارق معاك اصلا انا عارفه انك ما بتحبش الاكل البايت و بتاكل كل حاجه فبحاول انوعلك و عارفه الاكلات اللى بتحبها فبكتر منها
مازن / بس انا سعيد انك سالتينى السؤال ده اخيرا
مرام / ههههههههههههههه يارب عالجنان المهم ها يا سيدى الفرصه جتلك تحب تاكل ايه بكره
مازن / اى حاجه
مرام / تمام حاضر
مرام تقوم تحط الفلوس فى الدرج و تدخل المطبخ مازن يستغرب و يقوم وراها و ملك تروح وراهم
مازن / هو فى ايه
مرام تبصله باهتمام
مرام / فى ايه فى ايه
مازن / هو ايه اللى تمام حاضر و دخلتى على المطبخ
مرام / انت مش قولت عاوز تاكل اى حاجه
مازن / ايوه المفروض تكملى تسالى اى حاجه زى ايه و انا اقولك اى حاجه و كدا انتى غريبه اوى يا مرام ما كل الستات و الرجاله بيعملوا كدا مع بعض انتى مش عارفه تلعبيها
مرام تقرب منه
مرام / للدرجادى ضغط الشغل ماثر عليك مالك يا مازن
مازن / طب انتى هتعملى غدى ايه بكره
مرام / اى حاجه
مازن / ايوه اللى هى ايه بقى
مرام / ااااااااااااااه ههههههههههههههههههههه يا خبر انت مش عارفه ايه هى الاى حاجه
مازن / نعم يعنى
مرام / فى اكله اسمها اى حاجه انت ما تعرفهاش
مازن / انتى بتهزرى و لا بتتكلمى جد
مرام / هههههههههههههههههه الله يرحمك يا تيته يا ابنى دا احلى اكل يوم الاى حاجه ده بتاكل لما كرشك يطرشق
مازن / قولى والله
مرام / ههههههههههههههههههه انا مش مصدقاك بصراحه بس تعرف تلاقيك عارفها بس مش عارف اسمها
مازن / هى ايه بقى
مرام / ههههههههههههههههه بعينك و اهو يا سيدى السحر اتقلب على الساحر و كنت جاى تلعب عليا وقعت فيها هههههههههههههههه صحيح من حفر حفره لمرام وقع فيها
مازن / طب عشان خاطرى يا مرام
مرام / ابدا
مازن / طب عمتو و محمود عارفينها
مرام / اه عارفينها طبعا
مازن / طب اسالهم ازاى دلوقت الوقت اتاخر
مرام / هههههههههههههههههه تصبح على خير يا حبيبى
مازن / هقابل محمود فى صلاه الفجر و هساله و هيقولى
مرام / ربنا يوفقك
مازن / يعنى ايه يعنى
مرام / يعنى تصبح على خير يا روح قلبى انت هههههههههههههههههههههه
مرام تطلع من المطبخ و مازن واقف يفكر
مازن / و انت يعنى لازم تقولها اى حاجه ما تقولها اى حاجه تانيه و انت ساكت
.......................
فى فيلا زياد
لبنى / و ازاى ده حصل
زياد / مش عارف ماما هتتجنن
لبنى / يمكن الكاسات كانت بتتلخبط
زياد / ماما عمرها ما هتسمح بحاجه زى دى
لبنى / ايه انتقام القدر يعنى
زياد يبصلها
لبنى / مين تانى عارف بالموضوع
زياد / ما فيش غير انا و هى و انتى دلوقت لما سمعتينا بنتكلم
لبنى / طب هى اللى كانت بتحط الدوا بايدها و لا الطباخ
زياد / لا هى طبعا الطباخ ما يعرفش اى حاجه عن اللى حصل
لبنى / الله امال ازاى ده حصل سبحان الله حقيقى مش قادره اصدق بس تعرف اللى بجد مش قادره اصدقه بجد هو ان مامتك اصلا تعمل كدا و انك تشجعها يا زياد
زياد / مهو عشانا يا حبيبتى عشانا
لبنى / ايوه انتوا قولتوا هتقنعوه هتنصبوا عليه لكن تقتلوه ازاى بس
زياد / حاولنا معاه بكل الطرق و لازم نتصرف قبل السنه الجايه دى ما تخلص و الا مازن هيستلم المصانع و يكبر و مش هنعرف نقفله لازم نخلص كل حاجه و هو لسه صغير
لبنى / اللهم طولك يا روح لنفرض ان ده سبب قولى بقى هتتصرفوا ازاى فى الموضوع ده
زياد / هنبدا ندورلها على متبرع طبعا
لبنى / انت مش بتقول الموضوع لسه فى اوله
زياد / و مش هنستنى لما يكبر و بعدين نتحرك كل حاجه هتبقى جاهزه دى امى يا لبنى
لبنى / طب افرض ابراهيم بيه عرف بموضوع المتبرع ده مهو هينقذ نفسه هو كمان هو يعنى هيستخسر فى نفسه
زياد / الدكتور قاله لسه بدرى على المرحله دى و احنا منيمينه فى الخط و اصلا انا هدور على المتبرع فى الخباثه مش هيعرف حاجه
لبنى / تمام
زياد / لبنى انا بثق فيكى
لبنى / لا ما تقلقش و لا كانى عرفت حاجه مع انى مدايقه عشانه اوى الراجل ده كان بيحبنى برده
زياد يجرى يحضن لبنى من ضهرها
زياد / انا بحبك اكتر منه انتى اولى بكل ده منه كل ده هيبقى بتاعك يا لبنى بتاعك يا حبيبتى
لبنى / و مامتك ؟
زياد / مالها ماما
لبنى / هتسمح بده هتسمح ان كل ده يبقى بتاعى
لبنى تفك ايدين زياد من حواليها و تروح بعيد زياد يروحلها
زياد / و مالها ماما بينا بس انتى مش شوفتى بعينك لما دايقتك انا مش جبتلك حقك
لبنى / دايقتنى ياريتها كانت دايقتنى و بس كان الموضوع عدى لكن دى قتلت ابنى ابنك يا زياد و دلوقت بتقتل جوزها و قبل كدا حاولت تقتل بنت مازن تفتكر ايه اللى هيمنعها بكره تقتلنى
زياد / انا
لبنى / انت اتصلت باونكل ابراهيم عشان يضغط عليها لكن بكره اونكل ابراهيم مش هيبقى موجود و الفلوس دى هتبقى متقسمه بينك و بين مامتك دى حتى ما عملتش حساب مونى فى التقسيمه
زياد / عشان مونى فى صف مازن
لبنى / شوفت بقى
زياد يقف عدل
لبنى / مامتك باعت بنتها عشان هتقف فى طريقها ايه يضمنلك انها مش هتبيعك انت كمان ياااااه انا تعبانه اوى انا هروح انام عن اذنك
لبنى تبوس زياد من خده و تسيب المكان و تمشى و زياد متخشب فى مكانه بيفكر
...........................
فى الاستوديو تانى يوم
مازن قاعد فى اوضه و قدامه لاب و فى صور بتنطبع جنبه يشد واحده و يبص فيها شريف يدخل
شريف / انت فين يا عم من الصبح
مازن / هنا فى ايه خير
شريف / تليفونك مقفول
شريف ياخد الصوره اللى فى ايد مازن
مازن / فاصل بشحنه
شريف / جامده الصوره دى
مازن / اقل حاجه عندى
شريف / اساسى مش هنتغدى و لا ايه
مازن / و انت جاى لحد هنا مخصوص عشان تقولى مش هنتغدى
شريف / يا عم انا جاى اخدك عشان احنا معزومين عندك
مازن يتحمس و يقعد عدل
مازن / قول والله
شريف / فى ايه مالك بلاش و لا ايه
مازن / بلاش ايه يا عم ازاى طب دا احلى خبر سمعته النهرده قولى بقى انتوا معزومين على ايه
شريف / الغدى
مازن / يارب صبرنى ... ايوه اللى هو ايه بقى الغدى
شريف / ما اعرفش هما كلمونى و قالولى انهم عندكوا اجيبك فى ايدى و انا رايحلهم عشان مش عارفين يوصلولك
مازن / و انت ما سالتش ليه يعنى اى حد يقولك تعال كل تروح مش يمكن اكله ما بتحبهاش
شريف / لا انا بحب كل الاكل بتاع ربنا الحمد لله
مازن / مش يمكن ما تعجبكش
شريف / يا عم انت بتقول ايه دا مرام اللى عزمانا
مازن / ايوه عزماكوا على ايه انا عاوز اعرف
شريف / هههههههههههههههههه دا انت حالتك صعبه
مازن / انت عمرك قولت لصافى لما سالتك هناكل ايه بكره اى حاجه
شريف / علاطول
مازن / و بتعمل ايه بقى لما بتقولها كدا
شريف / بتتعصب جدا
مازن / انا بقى يا سيدى لاول مره مرام تسالنى هناكل ايه فانا قولت اجرب تخيل ... تخيل يا مؤمن تقولى حاضر و تمشى اتارى فى اكله عندها اسمها اى حاجه لا وواضح انها جامده بدليل انها تعمل عليها عزومه ايه هى بقى
شريف / مش عارف بس بسيطه نعرف
شريف يطلع موبايله و يتصل
شريف / ايوه يا صافى ايه الاخبار
صافى / انت فين يا ابنى عرفت توصل لمازن
شريف / اه بقولك ايه
صافى / ايه يا حبيبى
شريف / هو الاكل ايه
صافى / بص هى اكله مرام مسمياها اى حاجه بس هى ... مرام بتقولى ما اقولش
شريف / نعم !!!!!
صافى / والله بص انا لازم اقفل هات مازن و تعال بقى يلا سلام
شريف / صافى .. صافى .. دى قفلت و فى صوت ضحك عالى جدا فى الخلفيه هو فى ايه
مازن / اهو انا على الحال ده من الصبح حتى محمود الجزمه مرضاش يقولى و يقولى ايه ده هو انت عمرك ما اكلت اى حاجه قبل كدا هاهاهاها
شريف / هههههههههههههههههه بص يا ابنى هى ما لهاش غير حل واحد اننا نروح و نستكشف بنفسنا
مازن / شكلها كدا يلا بينا
شريف / يلا قوم
مازن ياخد موبايله من الشاحن و يقوم و هو بيلعب فيه و يطلعوا بره
مازن / عصام الصور بتطبع جوه فنشها و غلفها
عصام / تمام يا رياسه
مازن / سلام يا شباب
مازن و شريف يركبوا الاسانسير و كل واحد يركب عربيته و مازن يحط الموبايل فى الحامل و يفتح لايف
مازن / مساء الخير على احلى فانز فى الدنيا انا سايق فى طريق البيت و بدون مقدمات كتير عاوز اشهدكوا على حاجه دلوقت مرام عامله اكله اسمها اى حاجه اه والله زى ما بقول كدا اكله و عامله عليها عزومه اسمها اى حاجه اللى هو حرفيا اسمها اى حاجه مش مجاز انا بس عاوز اعرف هو انتوا عندكوا اكله اسمها اى حاجه زى مرام كدا و لا زى حلاتى و زى شريف كدا ما عندكوش اى فكره الاى حاجه دى تطلع ايه انا خلصت اللايف و هطلع تانى لما اروح و اكتشف حل اللغز و هعمل جايزه على الكومنت الصح يلا اشوفكوا فى البيت سلام
مازن يقفل اللايف و يكمل سواقه
..................................
فى فيلا زياد
لبني بتتكلم في التليفون
لبني / لا طبعا انا مش عوزاها تموت
احمد / امال احنا بنعمل كل ده ليه
لبنى / انت اللى بتعمل انا ماليش دعوه
احمد / هههههههههههههههههه تمام انا بعمل كل ده ليه
لبني / عوزاها تتعذب عوزاها تتزل عوزاها تموت بقهرتها
احمد / بسيطه انا اقتل زياد تتقهر عليه تتشل تتشفى فيها تتجوزيني و فلوس مازن ترجعله و كلنا نطلع فايزين
لبني / انا مش هتجوزك يا احمد انا مش هطلع من نقره ارمى نفسي فى ضحضيره الا يعني ايه ضحضيره دى
احمد / هههههههههههههههههه و انا اش عرفنى
لبني / هههههههههههههههههه اى يكن انا مش هتجوزك
احمد يتنهد
لبنى / المهم انا حبيت اقولك ان الاعراض بدات تبان و فريده بدات تاخد بالها عشان انت كمان تلحق تتصرف
احمد / تمام ما تقلقيش انتى خالص
لبنى / احمد تعرف حد من بتوع الاعضاء
احمد / الله انا كنت فاكرك مش عوزاها تلاقى متبرع
لبنى / انت اذكى من انك تسال سؤال زى ده
احمد / فهمت من عنيا حاضر هتصرف
لبنى / انا هقوم بقى عشان خارجه هتعوز حاجه
احمد / هو من جهه هعوز فانا عايز بس هنعمل ايه بقى انتى بخيله
لبنى / هنبقى نتكلم فى الموضوع ده بعدين
احمد / لسه هنتكلم ههههههههههههههههههه
لبنى / سلام يا احمد
احمد / سلام يا قلب احمد
لبنى تقفل و تفكر شويه و تقوم
............................
فى شقه مديحه
مازن و شريف طالعين عالسلم و بيشمشموا الريحه
مازن / مستحيل لا تلاقى طنط امينه و لا حاجه
شريف / ايه يا عم السسبنس ده على اكله
مازن / ههههههههههههههه على رايك اوفر اوى صح
شريف / شوف انت بقى
مازن يضرب الجرس تقى تفتح الباب
شريف/ ازيك يا توته
تقى / ابيه جيه
مازن و شريف يدخلوا يلاقوا السفره مفروشه و عليها بطاطس محمره و مسقعه و بتنجان مخلل و بطاطس مهروسه و عجه و بابا غنوج و سلطه و قرنبيط مقلى
مازن / ايه ده
ملك تجرى على مازن يشيلها مرام تطلع من جوه شايله صينيه عليها فلفل مقلى
مرام / ايه مش عاجبك و لا ايه
مرام تحط الصينيه
شريف / دى اسمها شعبى مش اى حاجه
محمود يطلع من اوضته
محمود / عندنا اسمها اى حاجه ههههههههههههههههههههه
مازن يطلع الموبايل
مازن / البنات تيجي ورا اما اصور السفره الخطيره دى
فاطمه / سبت ايه للبنات يا مازن
مرام / ما تسبيه هههههههههههههههههه من حق الفانز بتوعه ياكلو معانا
مازن يشير الصوره و هو بيكتب
مازن / الاى حاجه يا جماعه اتفضلوا بسم الله
مازن يبص لمرام
مازن / هى اسمها اى حاجه ليه بقى
مديحه / عشان اى حاجه عندك بتقليها و تاكل
مازن / استاذ والله فاتتنا ازاى دى يا ابنى
شريف يدحك و مازن يكمل كتابه
مازن / اسمها اى حاجه عشان اى حاجه عندك فى المطبخ بتقليها و تاكل ... شير
مازن يقعد هو و شريف و الكل يتجمع و فاطمه و مديحه لسه قاعدين على الترابيزه مرام تملالهم سرفيس و تروح تحطهولهم
مازن / الله على العيش
محمود / اى خدعه تعرف انت تقف تجيب عيش زى ده
مازن / بكره انزل اجيب يا خويا مش هتعايرنى يعنى
مديحه / والله ما يقصد
مازن / بهزر معاه يا عمتوا تسلم ايدك الاكل جامد يفتح النفس بس الواحد هينام بعد الوجبه المتينه دى و انا عندى فرح بالليل
مرام تروح تقف وراه و تحط فى طبقه
مرام / و لا يهمك بعد ما تخلص هعملك احلى فنجان قهوه
محمود / انا جايب ساقع كمان جوه كل كل
شريف / يدوم العز يا عمتوا
مديحه / الف هنا يا حبيبى
..............................
فى عياده النسا بعد فتره
صافى نايمه على السرير و الدكتوره بتحطلها الجيل
شريف / حضرتك قولتى هنعرف النوم النهرده
الدكتوره / فارق معاك اوى
صافى / فارق معايا انا اوى انا عاوزه بنت
شريف / و انا حاسس انه ولد
الدكتوره / احنا هنا فى مصر كلام الرجاله هو اللى بيمشى
صافى / يعنى ولد
شريف / قولتلك ههههههههههههه
الدكتوره / الف مبروك كل حاجه تمام و حجمه تمام
الدكتوره تدى لصافى مناديل و تقوم
صافى / طب هعمل ايه فى الاسامى اللى اخترتها
الدكتوره / هههههههههههههههههه نقى غيرها دا لحد ما تولدى كل يوم هتغيرى الاسم
شريف / قوليلها قولتلك العيل بيجي باسمه
صافى / يلا الحمد لله
الدكتوره / انا اول مره اشوف واحده زعلانه انها هتجيب ولد
صافى و شريف يقعدوا
صافى / مش زعلانه و لا حاجه الحمد لله بس انا كان نفسى فى بنوته يعنى اللعب معاها و كدا
الدكتوره / المره الجايه ان شاء الله تجيبى احلى بنوته
شريف / ان شاء الله
صافى تبص لشريف يمسك ايدها و يبتسم
................................
فى فيلا ابراهيم
فريده قاعده بتفرك يجيلها تليفون تجرى ترد
فريده / الو
زياد / ازيك يا ماما عامله ايه
فريده / هكون عامله ايه زفت الحاله بتسوء مع انى ملتزمه على العلاج و التعليمات
زياد / على العموم ما تقلقيش خالص انا لقيتلك متبرع
فريده / بجد يا زياد
زياد / ايوه و عملتله التحاليل و الفحوصات و النتيجه بانت النهرده مطابق و زى الفل
فريده / الحمد لله
زياد / بس حضرتك هتقولى ازاى قدام اونكل ابراهيم على حاجه زى دى كدا هيبدا يدور لنفسه حضرتك حالتك احسن منه بكتير
فريده / يعنى هسيب نفسى اموت عشان خاطره
زياد / لا طبعا بس لازم نتصرف بحزر
فريده / على العموم انا هزودله الجزعه عشان نخلص منه خالص
زياد / تمام صحيح عملتى ايه مع مونى
فريده / هعمل ايه يعنى ما تعرفش اى حاجه و الحمد لله انها ملخومه فى ابنها و الدراسه كانت جت و اتفضحنا
زياد / اتصلت بيا عشان تطمن مازن كل شويه يكلمها يطمن عليكوا
فريده / حاول يتصل بابراهيم كذا مره بس انا حطيت رقمه فى البلاك ليست
زياد / جدعه بس اوعى ابراهيم ياخد باله
فريده / لا ما تخافش ابراهيم مش فايق لاى حاجه خالص الفتره دى
زياد / اه و عاوزك تمسكى ودانه
فريده / اكلتها ما تقلقش انا مواريش اى حاجه غيره
زياد / كويس و انا جهزت كل الورق واقف على امضته الكريمه
فريده / يدخل بس المستشفى و انا هظبط كل حاجه
زياد / على بركه الله
.............................
فى شقه فاطمه
فاطمه / لولولولولولولولولولى
شيماء / انتى بتزرغطى على ايه و بعدين دا ما كانش اتفاقنا
شريف / ما تقلبيش عليها المواجع بقى ما شوفتيش انتى بقى شكلها و الدكتوره بتقولها ولد حتى الدكتوره بتقولها اول مره اشوف واحده زعلانها انها حامل فى ولد
صافى / بطل بقى يا شريف والله ما زعلت انا بس اتفاجئت
شريف / بتقول للدكتوره هعمل ايه فى الاسامى اللى اخترتها
رؤي / دماغ اقسم بالله
صافى / اتريقوا اتريقوا شكرا
فاطمه / ما عاش و لا كان اللى يتريق على صفصوفتى الحلوه
شيماء / بس كدا حلو برده اهم يلعبوا مع بعض
صافى / زى ما قولنا فى الاول كانهم توام
تقى / كدا نمسح كل اسامى البنات اللى جمعتها و نبدا ندور على اسم ولد
شريف / عبد السلام
صافى / لا طبعا .. مع احترامى انه اسم اونكل و كل عادات المصرين بس لا
شريف يبصلها
صافى / ما تحاولش انا بحبك و مش بحب ازعلك بس دا ابنى و بحبه برده و من حقه فى اسم على الموضه قولى حاجه يا ماما بطه
شريف / تمام اللى تعوزيه
صافى / و من غير زعل
شريف / و ازعل ليه عن اذنكوا انا ورايا كام مشوار فى السريع
شريف يمشى
صافى / والله انا مش قصدى حاجه بس اسم عبد السلام قديم اوى ممكن عبد الله عبد الرحمن
رؤى / يا بنتى انتى مكبره الموضوع ليه هو يعنى لو اتسمى على اسمه هيبقى هو الله يرحمه بقى
صافى تقوم تقعد جنب فاطمه فاطمه تبتسملها
صافى / انتى زعلانه منى
فاطمه / انا ازعل منك !!! و عشان اسم النونو ههههههههههههههههه طب والله انتى ما فى اغلب و لا اطيب منك هاتيه انتى بس سليم و معافى و انا مش هعوز حاجه من الدنيا
صافى / بس شريف زعل
................................
