(((((السكة شمال ٢)))))))))
#لولو_محمد
الحلقه ٣٠
مرام / مانا قولتلك انى بروح مع محمود
سليمان / اصلى بصراحه كنت عاوز اشوفك
مرام / خير
سليمان / خير ان شاء الله بس اصلى شوفت الكوفيات بتاعتك و بصراحه كنت عاوز واحده كدا كنت شوفت صورتها عالنت و قولت لو تعرفى تعمليلى زيها يبقى كتر خيرك انا عارف انى هعطلك بس اصل دى عجبانى و كدا
مرام / ابعتلى صورتها عالواتس و انا لو هعرف اعملهالك عادى مفيش مشكله
سليمان / بجد
مرام / اه مفيش مشكله عادى
سليمان / تمام هبعتهالك عالواتس حالا اهو
مرام / تمام مع السلامه
سليمان / هو انتى لامؤاخذه بتعملى ايه ؟؟؟
مرام / افندم !!!
...............................
سليمان / بسال يعنى لاكون اتصلت فى وقت مش مناسب و عطلتك يعنى
مرام / عادى شغاله كروشيه
سليمان / طب انا مش هعطلك بقى هبعتلك الصوره تمام
مرام / تمام مع السلامه
مرام تقفل السكه
سميحه / غريب سليمان ده اوى مش كدا
مرام / بيتهيالى زى حالاتى كدا بيدور على رزق حلال يعنى اهو يوصلنى يوصل شغل اى رزق
سميحه / طيب انا هقوم اغلى كيسين لبن
مرام / تمام ابقى هاتيلى كبايه
سميحه / حاضر
صوت نوتفيكاشن واتس مرام تبص فيها
مرام / عاديه يعنى مش مشكله
سميحه تبص فى الموبايل
سميحه / اعمليهاله و خلاص ريحيه
مرام / ماشى هعملهاله
.....................................
فى مستشفي دكتور شكرى عبد الغفور
شكرى / انا شرحت لاستاذ شريف حالتك كويس بس هو مكنش مقتنع كان متخيل انهم ادوك حاجه او عملوا حاجه خصوصا ان الفحوصات الاخيره اللى عملناها كانت كلها بتاكد سلامه قواك العقليه و النفسيه بس الاهم من كل ده انك جيت و ان عندك رغبه في الشفاء تعرف يا استاذ مازن اصعب حاجه بتواجهنا كدكاتره هى رفض المريض للاستجابه للعلاج كنوع من انواع الهروب من الوقع انت اللى عندك ده مش جنون و لا حاجه لكن دى نتيجه طبيعيه جدا للتغيرات النفسيه اللى مريت بيها الفتره اللى فاتت و زى ما استاذ شريف شرحلى انت اتعرضت لتقلبات سريعه و عنيفه فى مشاعرك و دا جابلك نوع من انواع الاكتئاب و بدون الدخول في اى تفاصيل علميه عشان اوفر عليك و عليا النوع ده من اهم صفاته اللامبالاه اللى عندك و الاصوات اللى عندك و اللى بتحسسك بالدونيه و اخرها محاوله الانتحار كمحاوله منك لاسكات الاصوات دى
مازن باصصله و مش فاهم شكرى يبتسم
شكرى / ايه يا استاذ مازن دانا حاولت ابسطلك الوضع على قد ما قدرت بس على العموم انت عندك اكتئاب و علاجه بسيط جدا ان شاء الله اهم حاجه انك تكون عاوز تخف عاوز تقف على رجلك تاني عشان تبقي احسن اكيد المسانده الاسريه و العائليه ليها دور
مازن يبص الناحيه التانيه
شكرى / بس استاذ شريف كان شرحلى ظروفك كويس عشان كدا انا مش هقدر اعتمد عالجانب ده في العلاج و هضطر احجزك هنا بشكل ودى تمام و طبعا السريه دى شئ مفروغ منه فمش عاوزك تقلق خالص و باذن الله في خلال فتره صغيره جدا هتكون بقيت كويس و ترجع لحالتك الطبيعيه
مازن يهز راسه اه شكرى يبتسم
.....................
فى شقه مازن
زياد يدخل العماره خليفه يوقفه
خليفه / مساء الخير يا زياد بيه اؤمر
زياد / مازن فوق
خليفه / لا والله مش فوق
زياد يبصله بطرف عينه
خليفه / لم شنطته و مشي ممكن يكون سافر فى حته يغير جو او راح لحد من صحابه الله اعلم
زياد / عارف لو كنت
خليفه / زياد بيه انا راجل على قد حالى لو تحب اطلع معاك افتحلك الشقه و تتاكد بنفسك ان مازن بيه مش فوق افتحهالك لو تحب تاخد المفتاح و تطلع لوحدك اتفضل لكن هو مش فوق
زياد / مقالكش هو رايح قين و هيقعد قد ايه
خليفه / يا زياد بيه هو حد بيقول للبواب هو رايح فين و جاى منين اخرى طوقتله العربيه قبل ما يمشي
زياد / هو مشي لوحده و لا
خليفه / لا لوحده مكنش معاه حد حتى شريف بيه بقاله فتره مبيجيش
زياد / لما يرجع متنساش تكلمنى
زياد يطلع فلوس و يحطها فى جيب خليفه و يغمزله خليفه يبتسم و يمشي بسمه تطلع من جوه
بسمه / اما امرك غريب يا بابا لما جه ابراهيم بيه طلعته فوق و قولت مدخلش نفسي بينهم و لما جه زياد بيه قولتله انك متعرفش مازن بيه فين مع انك اللى موصله بنفسك و كمان مرتبله الشنطه
خليفه / عشان الجدع ده عيل ابن حرام محراك شر مبيظهرش الا و الشر فى رجليه و هو السبب فكل اللى حصل الفتره اللى فاتت انما ابراهيم بيه حتى لو كان راجل مش و لا بد اهو ابوه
بسمه / يا سلام ميمكن زى مقولت بكره سى مازن يصالح ابوه ما يمكن يجي يوم و يصالح اخوه
خليفه / انا اللى ريحنى عملته و الارزاق على الله
بسمه / طب مش هتروح تزور مازن بيه
خليفه / لا هو قالى لما يحتاجنى هيطلبني عالتليفون غير كدا متنقلش من قدام البيت خالص
بسمه / طب انا هطلع انضف الشقه و اقفلها كويس
خليفه / احسن برده و فضى التلاجه من الاكل لحسن يبوظ
بسمه / حاضر هى يعني اول مره اقفل الشقه و هو مسافر حاضر
بسمه تطلع فوق و خليفه يقعد يبص عالشارع
....................
فى شقه شريف
شريف و مامته و اخواته متجمعين عالاكل عالسفره
رؤي / و انت هتفضل بقي توصل شوشو و تجيبها كل يوم
شريف / ايه عوزانى اوصلك انتى كمان و لا ايه
رؤي / لا مش الفكره بس هو يعني لو حد عاوز ياذيها ميقدرش يدخل جوه الجامعه و يعملها جواها يعني
شريف / لا مفتكرش صعب الجامعه زحمه و اى كان اللى عملها هيتمسك
رؤي / ايوه بس خلاص بقي خضرتك سبت الشغل مع ابي.... اقصد يعنى
فاطمه / اختك بتدلع على اخوها و كلنا عارفين بس يعنى و فيها ايه ربنا يخليهولكوا و تدلعوا عليه كمان و كمان
شيماء / يعنى كلكوا خلاص بقيتوا شايفينى بدلع و عادى يعنى
رؤى / مانتى هتنزلى الصيدليه تاني مع ان الواد كب عليكي الميه جوه الصيدليه و لا هتنزلى و تفضلي قاعده في الركن و دكتور عمر هو اللى يقوم بالشغل كلو و لا يمكن بكره توقفي ابيه على باب الصيدليه يفتش اللى رايح و اللى جاى
شيماء / انتى مالك انتى يا بارده
فاطمه / شيماء
شيماء/ هو ايه اللى شيماء مانتش شايفه بتقول ايه انتى لو كنت مكانى مكنتيش قولتي كدا على فكره
شريف/ اولا كلنا مقدرين اللى مريتي بيه يا شوشو بس برده رؤي معاها حق اكيد هيجي يوم و مش هقدر اوصلك مينفعش اصلا نخلى خوفنا يكتفنا
شيماء / ايوه بس
شريف / انا عارف انتى حاسه بايه و انا كمان والله حاسس بيه و عمرى ما هسامح نفسي لو حصلكوا حاجه بس برده مش هحطكوا فى ؤمؤم يعنى و اقفل عليكوا و لا ايه
فاطمه / والله معاك حق
شريف / بس يا ستى لحد متلاقي نفسك جاهزه انك تواجهى الدنيا انا هفضل اوديكى و اجيبك و لو تحبى استناكى هستناكى و لو تحبي اقفلك على باب الصيدليه هقفلك
تقى / ما تقفلها على باب الحمام بالمره
شريف / هو اكمنك قاعده بعيد يعنى
رؤى ترزع تقى على قفاها
رؤي / عنك يا ابيه
تقى / دا ايه الافترا ده
شريف / معلش هى الشجره المثمره كدا دايما بيحدفوها بالطوب ....الحمد لله شبعت تسلم ايدك يا ست الكل
رؤي / ايه انا اللى طابخه النهرده
شريف يرزعها على قفاها تقى تموت مالدحك
شريف / ما هى اللى معلماكى يا لمضه
رؤى / عجبتك اوى
تقى / احسن احسن هههههههههههههههههه
رؤى / ادحكى ادحكى هتدحكى كويس و انتى بتغسلى المواعين النهرده دورك
تقى / ماما
فاطمه / دورك يا توته متبصليش
تقى تنفخ و تقعد مبوزه و شيماء و رؤي يبصوا لبعض و يدحكوا و يكملوا اكل
..............
فى المكتبه فى الكليه بعد اسبوع
مرام قاعده فى حته لوحدها بتنقل حاجه من كتاب انس يدخل يقعد جنبها تبصله بغضب
انس / بصي قبل اى حاجه انا مكنتش اعرف اى حاجه عن الرهان حتى لما جيت البيت كنا فاكرين انكوا عاملين افتر بارتى و كدا غير كدا والله ما كنت روحت معاهم و لا اشتركت فى حاجه زى دى تمام
مرام تلم حاجتها عشان تمشي انس يقف و يسد عليها السكه
انس / بصي انا من ساعه اللى حصل و انا بحاول اكلمك و مش لاقي فرصه و بجد مخنوق جدا من اللى حصل و مستعد اعمل اى حاجه عشان تسامحيني
مرام / هو انا شكلى غبيه اوى كدا انى اصدقك و لا انتوا واخديني بالدور و لا انتوا ايه حكايتكوا معايا بالظبط اسمع يا بتاع انت.. انت تبعد عن سكتي خالص فاهم لا تكلمنى و لا تقرب منى دا ايه القرف ده
انس / مرام انا عاوزك تعرفي بس انى
مرام تسيبه و تمشي و هى بتنفخ تقابل محمود و سعد قدام المكتبه
محمود / على فين يا بنتي مش هنزاكر
مرام / مش هزفت انا رايحه اصلي
مرام تسيب محمود و تمشي و محمود يبص على باب المكتبه يشوف انس و هو خارج يجى يروحله سعد يمسكه
سعد / ميستاهلش والله
محمود يبص لسعد و يرجع يبص على انس يكون انس مشي ينفخ بغيظ
.....................
فى شقه ميار
لبني بتحاول تكلم حد في التليفون غير متاح تقعد عالسرير و هى مدايقه صوت جرس الباب ثوانى و صوت مامتها و زياد يبان
صوت ميار / اهلا اهلا يا زياد يا حبيبي اتفضل اتفضل
صوت زياد / هى لبني جوه
لبنى تجري تنام في السرير و تستغطى ثوانى و ميار تفتح الباب
ميار / اتفضل يا حبيبي اتفضل
لبني تقوم تقعد و زياد يدخل لما يشوفها يبتسم
ميار / هعملك حاجه تشربها خدوا راحتكوا
ميار تمشي و زياد يقفل الباب
لبني / ايه اللى جابك
زياد / وحشتيني جيتلك هو انا محتاج سبب عشان اشوف حبيبتي انا بس مش فاهم هتفضلي زعلانه لحد امتى مهو في الاول و الاخر نصيب هعمل ايه يعني
لبني / عرفت حاجه عن مازن
زياد / يادى مازن اللى مش هنخلص منه و لا من سيرته لا معرفتش مسبتش مستشفى و لا قسم و لا فندق الا لما خليتهم يسالوا فيها و مسافرش بره مصر و مفيش مخلوق يعرف هو راح فين فص ملح و داب دانا حتى حاولت اعرف مكانه من التليفون او من الفيزا كارد من يوم مختفى مستخدمهاش و لا الهوى ملوش اى اثر
لبني / يبقي عملتوا فيه حاجه
زياد / انتى عبيطه هعمل فيه ايه يعني ما انا لو عاوز اقتله ما كنت قتلته من زمان بس انا مليش فى سكه الدم دى دا غير ان فى شغل بمليارات واقف بسبب اختفاءه ده لو كان مات كنا ارتحنا على الاقل ابوه و اخته يورثوه و نعرف نمشي حالنا
لبني / بعد الشر يبقي احمد اكيد احمد
زياد / مستحيل يخاف لو عملها هخليه يحصله
لبني / يعني اختفى بجد هيروح فين يعني كلمت شريف
زياد / اكلم شريف اقوله ايه مازن فين دا حتى لو عارف مش هيقولى داحنا كنا هنبوس رجله عشان يمضى شويه ورق و نمشي لحد ما الزفت مازن يظهر مرضاش و قال انه ساب الشغل و طلب منى بالحرف اروح لمازن يعني ميعرفش انه مختفى
لبنى / افرض عمل في نفسه حاجه
زياد / يبقي ريح و استريح بس يارب جثته تبان بسرعه عشان نخلص
لبنى / انت ايه يا اخى مش بنى ادم انت مش فاكرله موقف واحد وقف معاك فيه مش فاكره اى حاجه عملها عشانك دا كان بيعتبرك اخوه انت ايه
زياد يتعصب و يزعق
زياد / هو ايه اللى انا ايه هو فى ايه مالك محموقه عليه اوى كدا ليه الا ما عمره قالك كلمه عدله دا كان طول الوقت بيحاول يوقع بنا و يقلل منك قدام الناس دا اتجوز مرام مخصوص عشان يكيدك جاب اكتر بنت بتكرهيها و خلاها تتنطت عليكي انتى نسيتي و لا ايه مش دا اللى كنتى طول الوقت بتسخننينى عليه دلوقت بقي هو الجدع و انا الندل فى ايه مالك متتعدلى
ميار تدخل
ميار / فى ايه يا زياد يا حبيبي مالك بس
زياد / اسالي بنتك .... اسمعي يا بنت الناس انا كنت راجل معاكى للاخر و عمرى مرفضتلك طلب بس لو انا مش مالى عينك و شيفاني وحش اوى كدا و شايفه ان فى حد مناسب ليكي اكتر منى انا مش رابطك جنبي عوزانى انتى عارفه مكانى انا ماشي
زياد يمشي و ميار تجري وراه تمسكه
ميار / استني يا زياد ميصحش كدا
زياد / انتى اكتر واحده عارفه انا عملت ايه عشان لبني و عارفه كويس انى مستعد اعمل اكتر بس انا كرامتى متسمحش تقارنى براجل تاني لو مش عارفه قيمه الراجل اللى معاها بناقص
ميار / ايه اللى بتقوله ده يابني لازم تقدر ان مازن برده عشره عمر دانتوا متربيين سوا و العشره متهونش الا على ولاد الحرام لكن لبني بتحبك انت هى بس هرموناتها بايظه الفتره دى و داخله على اكتئاب حمل و كدا يعني
زياد / اكتئاب حمل ايه هى مش سقطت
ميار / اه بس لسه الهرمونات متظبطتش اصبر عليها يا حبيبي
زياد/ هصبر عليها في بيتي هستناها هناك و مش هستناها كتير عن اذنك
زياد يمشي و يرزع الباب وراه ميار تبص وراها تلاقي لبني واقفه مصدومه
ميار / عاجبك كدا ادى اخره هبلك
لبني / دا مش زياد زياد عمره ميقدر يقول الكلام ده دا كانه واحد تانى
ميار / ايه كنتى فكراه هيفضل طول عمره يقولك حاضر و نعم الراجل دادى فيكي لما طهق بكره يرميكى و يجيب غيرك اعقلي و خشي اللبسي و روحى
لبني تبص لميار
ميار / براحتك انا زهقت منك و من دماغك خليكي ماشيه ورا مازن لحد ما تغرقي بلا قرف
ميار تدخل جوه و لبني واقفه تبص عالباب و مصدومه
................
فى مستشفي الدكتور شكرى
شكرى / على فكره انت لو وعدتنى تنتظم فى العلاالعلاج هكتبلك خروج الا اذا بقي كانت القاعده عندنا عجباك
مازن / اهم حاجه انى لما اخرج مرجعش زى ما كنت
شكرى / احنا اتكلمنا فى الموضوع ده قبل كدا اهم حاجه انك تثق في نفسك و فى قدراتك بص يا مازن كلنا بنمر بمراحل صعبه الفرق بين واحد و التاني هى قدره التحمل اولا و طريقه مواجهه الصعاب دى ثانيا الاتنين دول مع بعض مع شويه توفيق من عند ربنا حياتك هتبقي فى ايدك واحده منهم بس اكيد مش هتكمل للاخر
مازن / انا مليش حد اتسند عليه اقرب الناس ليا هما اللى بيحاولوا ياذونى
شكرى / بس ربنا نجاك منهم و عرفتهم بدرى تخيل لو كنت لسه لحد دلوقت مخدوع فيهم تفتكر كان ايه اللى هيحصل خليني اديك مثال بلغه انت تفهمها كويس تخيل معايا مصنع فيه خط انتاج كبير جدا و الخط ده فيه مكنه فى مرحله في النص بايظه فالمنتج الاخير بيطلع بايظ و مهما عملت غيرت عمال جبت مهندسين عملت صيانه برده المنتج الاخير بيطلع بايظ لحد ما خط الانتاج وقف و اكتشفتوا المكنه البايظه تقعد تعيط و لا تبدلها و تبدا تنتج انتاج سليم و كويس و تحمد ربنا عالعطل البسيط و العطله دى اللى خلتك تكتشف المشكله و ادتك فرصه تعالجها
مازن يبتسم
شكرى / انت ربنا بيحبك اوى على فكره بناء على الحاجات اللى انت حكيتهالي انت ربنا كشفلك كل اعدائك و مش بس كدا دا انقذك فى الوقت المناسب عشان تعيش تفتكر يا مازن ليه عمرك سالت نفسك انت ليه عايش
مازن / عمرى ملقيت اجابه
شكرى / انت عايش عشان انت فاتح بيوت ناس كتير اوى و بتعمل خير و كمان عشان انت واقف حايش شر عن ناس تانيه كتير
مازن / انا مقدرتش احمى نفسي و لا مراتى و لا حتى صاحبى
شكرى / كان ممكن من غيرك مصيرهم يكون اسوء شريف مثلا تخيل لو مكنتش دخلت حياته كان ممكن يكون عامل ازاى و حتى مرام مراتك
مازن / مرام حياتها كانت هتبقي
شكرى / مفيش حاجه اسمها صدفه فى نصيب هى نصيبها تقابلك و تحبك و تتجوزوا
مازن / بس احنا اطلقنا
شكرى / اتجوزت بعدك
مازن / احنا فى العده لسه
شكرى / يعنى تقدر تردها يعنى الامل لسه موجود
مازن / انا وعدتها انى هبعد عنها
شكرى / بس موعدتهاش انك تبطل تحميها او انك تبطل تحبها
مازن / ازاى
شكرى / دى بقي عندك انت ... انت قولت لى مره انها قالتلك انك عيل ... انت لسه شايف نفسك عيل يا مازن
مازن / و هو انا عملت ايه من ساعه مدخلت يغير نظرتها ليا
شكرى / طب و ايه اللى مانعك تعمل
مازن / انا هنا هعمل ازاى
شكرى / يعني لو خرجت هتعمل هتحميها هتثبتلها انك راجل
مازن / حتى لو مش هترجعلى حتي لو هفضل عيل في نظرها انا مستحيل اتخلى عنها او اسيبها تتاذي
شكرى / غريبه مع انك حاولت تتخلى عنها فعلا و تسيبها و تنتحر
مازن يبص لشكرى
شكرى / انت مش هتفيد اى حد من حبايبك و انت ميت يا مازن مش هتفيد غير اللى بيكرهوك
مازن ينفخ
شكرى / الجلسه خلصت ها تحب ترجع اوضتك لحد ما تكون جاهز تخرج و لا انت شايف انك مستعد و كفايا تضييع وقت بقي
مازن يبص فى الارض و يفكر
مازن / حضرتك عارف انى هخسر كل حاجه لو حد عرف انى اتحجزت هنا او حتى بتعالج
شكرى / محدش هيعرف انت اصلا مدخلتش هنا غير مره واحده لما كنت بتعمل شيك اب على نفسك و معاك تقرير ممضي منى انا و نخبه من الدكاتره انك زى الفل دانا مسجلك هنا باسم مستعار دا غير انك فى اوضه فى اى بى لوحدك و مفيش غير اتنين تلاته اللى بتحتك بيهم و كلهم ثقه و اديك شايف لا بسجلك و لا حتى عاملك ملف بس اوعى تتهور و تقتلني عشان خايف افتح بقي انا عندى عيال
مازن يدحك
شكرى / انا كنت صديق شخصي لخالك صفوت كان له دور كبير في المستشفي بتاعتى متقلقش يا مازن مفيش حد هيعرف حاجه عن الاسبوع اللى فات ده
مازن / تقدر تكتبلي خروج
شكرى / هو ده مازن منتصر ناوى تخرج تعمل ايه
مازن / ناوى ابقي راجل و الم حياتي و اصلح كل اللى باظ بسببي
شكرى/ و لو معرفتش
مازن / هعرف
شكرى / تمام تقدر تمشي انت مدخلتش المستشفي عشان اكتبلك خروج
مازن يبتسم و شكرى يهز راسه ايوه
...................
فى مسجد الكليه
مرام قاعده لوحدها بتشتغل كروشيه بنتين يدخلوا مرام تبص في الموبايل و تلم حاجتها و تقوم و تنسي سورتيت في الارض بنت منهم تاخده و تطلع تجرى ورا مرام
البنت / بس بس يا انسه يا مدموازيل
مرام تبص
البنت / نسيتى ده
مرام / شكرا
البنت / دا حلو اوى انتى اللى عملاه
مرام / اه لو عاجبك خديه
البنت / لا شكرا اكيد تعبتى فيه
مرام / انا ببيع الحاجات دى و بعمل كوفيات و بلوزات و شغل كتير بالكروشيه
البنت / بجد طب عندك صفحه شغلك حلو اوى
مرام / اه لو عندك واتس ابعتلك عليه اللينك
البنت تطلع موبايلها من جيبها و مرام تاخده و تسجل نمرتها و ترن على نفسها
مرام / هبعتلك اللينك اهو
البنت / و بتبيعى بكام بقي السورتيت ده
مرام / عشره جنيه و الكوفيه خمسه و عشرين
البنت / بتهزرى لا استنى اجيب شنطتى انا هاخد منك السورتيت ده و لو معاكى غيره فرجينى دا ميجيش تعبك فيه يا بنتى والله
مرام / الحمد لله انا اصلا بورد شغل لمحل فببيع بسعر جمله
البنت / استنينى هنا ثوانى
البنت تجرى تدخل المسجد و مرام واقفه تبص عليها ثوانى و تطلع هى و صحباها
البنت / العشره جنيه اهى
مرام / مبروك عليكي يا ستى
صاحبتها / معاكى ايه تاني
مرام / انا معيش دلوقت شغاله فى الكوفيه دى بس لسه مخلصتهاش
البنت / دى حلوه اوى دى هتبقي بخمسه و عشرين
مرام / اه ان شاء الله
البنت / خلاص انا اشتريتها تعرفي هتليق اوى عالكوت بتاعي اللى لسه شرياه
صاحبتها / تصدقي فعلا ... انا عاوزه واحده انا كمان بس لونها نبيتي
مرام / حاضر من عنيا عندى واحده فى البيت خلصانه اجيبهالك معايا بكره
البنت / طب عالعموم ادى تمن الكوفيه اهو
مرام / لا لما تخلص و تستلميها ابقي اخد تمنها انا هستاذنكوا عشان عندى محاضره
مرام تمشي و اريج تدخل و البنتين بيتفرجوا عالسورتيت و فرحانين اوى
البنت / والله و لا يجي تمن الخيط
صاحبتها / دانا لسه جايبه كوفيه بميه و عشرين جنيه و ياريتها حلوه
اريج / معلش لو كنت بدخل بس انا كنت واقفه بعيد و شوفت اللى حصل
البنت / خير
اريج / انتوا اشتريتوا السورتيت ده من مرام البنت اللى كانت واقفه معاكوا على فكره دى بنت مش كويسه
البنتين يبصوا لبعض
اريج / اسالوا اى حد عنها دى اتصورت و اتفضحت عالنت بتاعه قله ادب يعني و بتستخدم الكروشيه و الحاجت دى عشان تجيب بنات
البنت / انتى بتقولي ايه
اريج / انا مش بيقول حاجه انا معايا الفيديو على موبايلي
اريج تفتح الموبايل و تفرجهم عالفيديو و البنتين يتخضوا
البنت / ينهار اسود ايه ده
صاحبتها / ارميه في الزباله و ربنا يعزض عليكي عشان كدا بتبيع بالرخيص ارميه ارميه
اريج / و ترميه فى الزباله ليه ما تروح ترميه فى وشها و تمسح بيها الارض بدل ما تاخدها سكه و كل شويه تيجي توريكي حاجه و تتصاحب عليكي و تجر رجلك زى ما عملت مع غيرك
البنت / لا انا مش بتاعه مشاكل بناقص العشره جنيه دى هروح اقولها ايه اصلا لا لا مليش دعوه
اريج / براحتك انا عملت اللى عليا و نصحتك متنسيش انكوا لسه طالبين منها كوفيتين و اديتوها رقمك يعالم بقي هتديه لمين و لا هتعمل بيه ايه
صاحبتها / بصي لا مش هينفع كدا احنا فعلا لازم نرجعلها البتاع ده و نخليها تمسح رقمك بصي انا عارفه انك لبخه ملكيش دعوه انا هتكلم معاها
اريج / هتلاقوها قدام مدرج تلاته
البنتين يمشوا و اريج واقفه مبسوطه
.....................
فى شقه شريف
الجرس يضرب فاطمه تروح تفتح تلاقى مازن واقف باصص فى الارض لما الباب يتفتح يتعدل فى وقفته
مازن / مساء الخير يا طنط هو شريف موجود
فاطمه / لا يابنى مش موجود دا بره فى المحل واقف مع العمال
مازن / انا اصلى معييش موبايل سبته فى البيت
فاطمه / طب ادخل اتفضل خد نفسك و انا هكلمهولك يجى
مازن / لا خلاص انا هروح اجيب الموبايل و ابقى اكلمه
فاطمه / انت كويس يا مازن يابنى ادخل تعال
مازن / انا مش عاوز ازعج حضرتك انا فعلا كان المفروض اتصل قبل ما اجى
فاطمه / تعرف انا عامله محشى كرنب اللى انت بتحبه تعرف مانتش ماشى الا لما تاكل ادخل و انا هكلمهولك و لا انا اكلى موحشكش
مازن / بصراحه وحشنى اوى بس
فاطمه / جرا ايه ياض يا مازن هو انت هتكسر كلمتى كمان و لا ايه ادخل بقولك متخلينيش اتعصب والله ادخل اجيب المنفضه و اوريك
مازن يبتسم
مازن / لا و على ايه ادخل اكل محشى بكرامتى
فاطمه / تعال ادخل
مازن يدخل يقعد و يدى لباقى الشقه ضهره
فاطمه / ثوانى هكلمهولك
مازن يهز راسه و فاطمه تدخل جوه
........................
فى الكليه قدام المدرج
النتبني يدخلوا يلاقوا مرام واقفه مع محمود و سعد
البنت 1/ بصى يا
مرم تبص و تبتسم
البنت 1/ خدى السورتيت بتاعك مش عاوزين من واحده زيك حاجه
مرام / ليه بس هو فيه حاجه
بنت 2/ بقولك ايه انتى تمسحى رقمنا من عندك و متوريناش وشك تانى انتى فاهمه و مش عاوزين من واحده زيك حاجه انتى فاهمه و لا لا
محمود / هو فى ايه
بنت 2/ لو سمحت متدخلش
مرام تفتح شنطتها و تطلع العشره جنيه
مرام / اتفضلى فلوسك مكنش فى لازمه لكل ده
بنت 2/ و قاعده فى المسجد يا شيخه روحى كدا
مرام / انتى بتكلمينى كدا ليه اصلا مقولتلك خدى فلوسك و امشى
بنت 2/ هنمشى لما تمسحى النمره
مرام تطلع الموبايل و تمسح النمره
مرام / مكنتش مسجلاها اصلا
بنت 2/ و امسحى رساله الواتس يا ناصحه
مرام تمسحها
محمود / هو فى ايه
مرام / مسحتها
بنت 2/ و حسك عينك تقربى مننا تانى انتى فاهمه و لا لا
مرام / يا شيخه حسبى الله و نعم الوكيل فيكوا انا فى حياتى ماشوفتش كدا هو فى ايه
البنتين يمشوا و مرام تبص حواليها تلاقى الكل واقف يبص عليها و يتودودا و هى عماله تبصلهم و عنيها كلها دموع و فجاه المدرج يتفتح و دفعه تخرج
محمود / اهدى يا مرام و تعالى ندخل
مرام / انا هروح الحمام اغسل وشى احجزلى و خلاص
محمود / تمام روحى
..............................
