(((((((السكة شمال 2)))))
#لولو_محمد
الحلقه 174
صافى / جابت ورا ههههههههههههههههههههههه
شيماء / ههههههههههههه اااااااااااااه ارحمونى
مرام / صحيح يا شوشو مش ناويه تختارى اسم بقى
شيماء / والله احنا كنا بنفكر فى احمد على اسم باباه
فاطمه / بلاش يا شيماء
صافى تبص لفاطمه
شيماء / والله قولت كدا يا ماما بس فعلا مش لاقيين اسم تانى كل ما نلاقى اسم يقولى مش عاجبنى مش مرتاح اهله يعيبوا عليه و يقولوا ماله احمد و كدا يعنى و انتى عارفه انى ما ليش فى الجدال و لا الكلام الكتير هو كدا كدا بيجي باسمه
رؤى / بس ما خلصتش الاسامى على احمد يعنى ما محمد حلو و جميل و اسم النبى عليه الصلاه و السلام يعنى ما لوش حجه
باب الاوضه يتفتح و عمر يدخل ووراه شريف و مازن فى الاخر شيماء تتعدل فى نومتها و رؤى تجرى تساعدها
عمر / عمله ايه يا قلبى
شيماء / ربنا يخليك يا حبيبى
صافى تبص لشريف و تبص فى الارض و تطلع بره يبص عليها باستغراب و يطلع وراها
......................................
فى شقه احمد
لبنى / انت بتعمل ايه هنا يا زياد
زياد / بحاول اكلمك لقيت تليفونك مقفول كلمت السواق و اخدت العنوان و عرفت ان دى الشقه الوحيده الساكنه فى العماره
البنت تطلع من جوه تبص على زياد
البنت / فى حاجه يا لبنى
لبنى / لا يا حبيبتى ما فيش حاجه دا زياد جوزى اكمن الشقه ما فيهاش شبكه قلق عليا و كدا معلش
البنت / طب اتفضل حضرتك ادخل اشرب حاجه
لبنى / ما لوش لزوم احنا مستعجلين
البنت / ازاى بس جوزك يجي لحد هنا و ما نضايفوش باى حاجه يقول علينا ايه
لبنى / ان شاء الله هنيجي فى الخطوبه و نباركلك
البنت / هستناكى
لبنى / سلام يا حبيبتى
لبنى تبوس البنت و تمسك زياد من ايده و تشده بعيد و تمشى و البنت متبعاهم لحد ما يركبوا الاسانسير و الاسانسير ينزل البنت تقفل الباب و تبص تلاقى احمد واقف ساند على الباب مبتسم
البنت / مشيو حضرتك
احمد / برافو عليكي هههههههههههههههههههههههههههه
احمد يدخل الاوضه تانى و هو بيدحك
.........................
قدام اوضه شيماء
شريف / ايه اللى فتح الموضوع ده تانى
صافى / قولى الحقيقه انت فعلا الموضوع ده مدايقك
شريف / لا يا صافى مش مدايقنى هو اسمه عابد و احنا اخترناه و الكل حبه و خلاص دا احنا من يوميها بنقوله عابد و بيدو هنيجي نغيره دلوقت ليه
صافى / يعنى بجد مش مدايق
شريف / لا يا قلبى مش مدايق
صافى / و لا حتى لو شيماء سمت احمد على اسم حماها
راجل و ست كبار يدخلوا شريف يسلم عليهم و صافى تسلم
شريف / اهلا يا استاذ احمد اتفضل شيماء جوه اتفضل اتفضل
شريف يفتح الباب يدخلوا عمر يروح يسلم عليهم الست تروح لشيماء
الست / الف حمد الله على السلامه يا حبيبتى ما علش ما عرفناش نجيلك بدرى انتى عارفه صحتى انا و عمك ما نقدرش نقعد فى مستشفيات
الراجل / امال حبيب قلب جدو فين
عمر / فى الحضانه تحت تعالوا اما اوريهولكوا
الراجل و الست يمشوا و شريف يقفل الباب وراهم و صافى تروح تقعد و عينها على شريف
رؤى / على ما افتكروا يجوا يطمنوا عليكى
فاطمه / عيب يا رؤى كتر خيرهم انهم جم
رؤى / ما كانوا يستنوا اما تروح و بعدين يزوروها بالمره
شريف / رؤى
رؤى / سكت
شيماء / يا رؤى اللى يجي يجي و اللى ما يجيش براحته انا كل اللى بحبهم و يحبونى حواليا هحتاج لمين تانى
مرام / والله عين العقل اتعلمى يا رورو
رؤى / انا بس زى ما بهتم بالناس ببقى عاوزاهم يهتموا بيا
فاطمه / ايوه يا بنتى بس برده لا يكلف الله نفسا الا وسعها الست كانت هتيجي تقعد الوقت دا كله ازاى هى و جوزها يعنى
رؤى / يعنى لو كانت بنتها
فاطمه / هى مش بنتها هى بنتى انا و انا قاعده معاها اهو و اسكتى بقى
رؤى / حاضر يا ماما
رؤى تبص لمرام مرام تغمزلها رؤى تبتسم و تبص الناحيه التانيه
................................
فى عربيه زياد
لبنى / انا عمرى ما كنت اتخيل انك تحطنى فى الموقف ده
زياد / موقف ايه انا قلقت عليكي تليفونك بقاله ساعه كامله غير متاح
لبنى / المكان ما فيهوش شبكه
زياد / و انا اعرف منين مش يمكن جرالك حاجه و بعدين انتى رايحه لواحده انا ما اعرفهاش اصلا و لا عمرى سمعت اسمها قبل كدا طبيعي لما تليفونك يتقفل اقلق
لبنى / هيعملوا فيا ايه يعنى هيخطفونى يا سلام طب دا انا اعضائى تلتربعها بايظه
زياد / بلاش الاسلوب ده انتى عارفه انى قلقت عليكي و عارفه قد ايه بحبك و مش بستحمل عليكي الهوى
لبنى / خلاص تمام
زياد / هى عايشه لوحدها و لا ايه
لبنى / انت بتسال ليه بقى ان شاء الله لتكون حليت فى عنيك يا زياد بيه
زياد / انتى بتقولى ايه
لبنى / انا كنت عارفه و متاكده ان دى هتبقى اخرتها بس مش مع صحباتى يعنى يا زياد
زياد / لا اله الا الله فى ايه يا لبنى انا بس استغربت انها لوحدها
لبنى / و انت مالك لوحدها و لا لا ايه يعنى هتروحنى و ترجعلها مثلا و لا لتكون ناوى تتجوزها كمان احب افكرك يا استاذ انها مخطوبه
زياد / ههههههههههههههههههه يا بنتى انا عمرى ما ابص لغيرك اصلا
لبنى / بكره تبص بكره تقولى انا نفسى ابقى اب يا لبنى انا هتجوز عشان اخلف يا لبنى ما تزعليش يا لبنى انا برده بحبك يا لبنى
زياد / كل دى اوهام فى عقلك يا لبنى انا عمرى ما هعمل كدا يا لبنى لان ابنى لو مش منك مش عاوزه يا لبنى تمام
لبنى / كداب
زياد / احلفلك بايه عشان تصدقى و بعدين بكره الايام تثبتلك كلامى و بكره تشوفى
لبنى تبصله
زياد / جربيني هتخسرى ايه
لبنى تهز راسها موافقه و تبص من الشباك زياد يتنهد و يسوق
.............................
فى شقه مرام فى الحاره
مازن / هههههههههههههههههه مين اللى قال الهبل ده
مرام / انا متاكده انهم كانوا بيتكلموا فى الموضوع ده بره صافى وشها اتغير خالص بعد الجمله دى انت عارف قد ايه بتحب شريف و بتخاف على زعله
مازن / انا لو منها ما افتحش الموضوع تانى الموضوع اتقفل و كلنا متقبلين اسم عابد و اتعودنا عليه و الموضوع انتهى تفتحه ليه تانى بقى
مرام / ما انت شايف الظروف
مازن / شريف اعقل من كدا
مرام / اخبار المصانع ته
مازن / شريف بيتابعها بس انا عاوزك تجهزى بقى عشان الافتتاح قرب
مرام / ما تقلقش جاهزه
مازن / المنيوهات هتوصل يوم السبت ان شاء الله هبقى اعدى اجيبلك واحده
مرام / تمام و انا بكره ان شاء الله بعد اذنك يعنى هروح لماما بطه اساعدها و اشوف لو ناقصهم اى حاجه
مازن / موافق طبعا و هو انا اقدر ارفض حاجه زى دى ... دا غير انى بكره مشغول طينه اصلا عندى شغل كتير متاخر و فرح بالليل و فيلم والله فيلم
مرام / ربنا يعينك ادخل ارتاحلك شويه بقى عشان تقدر تكمل بكره
مازن / ايه ده انتى هتخلى بوعدك ليا و لا ايه
مرام / ليه بتقول كدا
مازن / انتى مش وعدانى الخميس
مرام / ههههههههههههههههههههه يا مازن والله ما فيا حيل يلا يا حبيبى تصبح على خير
مرام تبوسه من خده و تدخل الاوضه
مازن / تصبح على خير !!!
مازن يقوم وراها
مازن / استنى هنا يا بتاعه انتى بكلمك
............................
فى شقه مروه الجديده بعد فتره
محمود يرمى نفسه على كرسى هو و مازن و عمر و شريف
محمود / لو طلبت تغير مكان كرسى هطلقها و اخلص
مازن / هههههههههههههههههههههههه
مروه تدخل
مروه / ايه ده انتوا تعبتوا و لا ايه
شريف / يا خبر ازاى بس احنا بناخد نفسنا بس
مروه / انا هطلب اكل هتاكلوا
مازن / انا ميه
شريف / و انا كمان عطشان اوى
عمر / ما تتعبوش نفسكوا انا هنزل اشترى ميه و عصير و اى حاجه
مرام تطلع من جوه
مرام / تعالى يا مروه شوفى ده كدا
مرام تدخل جوه و عمر يمشى
شريف / انا ما تعبتش فى فرش واحده من اخواتى زى ما تعبت فى فرشك يا حوده والله
محمود / امال لو كنت شوفت المجهود اللى عملناه فى اللف على الحاجات دى اصلا
مازن / قلبى عندك يا ابنى والله
محمود / ابوس ايديكوا كفايا تخريط بصل بقى قلبى ورم
مازن / انا اللى رجلى ورمت و صحتى بقت فى الارض انا هرقد شهرين بعد الهده دى
محمود / عيب على عضلاتك
مازن / جبتوها الارض
شريف / هههههههههههههههههههههههه والله ما فيا نفس ادحك
.................................
فى فيلا زياد
لبنى / لا طبعا مش هعمل كدا تانى
احمد / هيحصل ايه يعنى ما انتى اتاكدتى بنفسك انى مامن كل حاجه
لبنى / ان كان حبيبك عسل يا احمد و الحمد لله المره اللى فاتت عدت على خير المرادى يا عالم زياد ينخور و يسال عن البنت و اهلها انا كل ما يحاول يفتح معايا موضوعها اغير السيره بالعافيه انسى يا احمد
احمد / تمام يا لبنى يبقى الليله عندك
لبنى / عندى فين يا احمد
احمد / ما تشغليش انتى بالك اجهزى انتى و ظبطى الدنيا و الباقى عليا
لبنى / يا احمد ابوس ايدك ما تودنيش فى داهيه
احمد / ليه بقى ان شاء الله كل اللى عندك فى الفيلا من رجالتى اصلا
لبنى / ايوه بس الجيران لا حد يشوفك و انت داخل و لا و انت خارج
احمد / ما تشغليش بالك دا شغلى انا و انا هعرف اتعامل كويس
لبنى / احمد لو سمحت بقى ما تضغطش عليا
احمد / انا جاى النهرده يا لبنى تجهزى ما تجهزيش انا بايت عندك النهرده
لبنى / الو الو ماشى يا حيوان اما وريتك ما بقاش انا لبنى ماشى
.................................
فى شقه مرام الجديده
مرام تدخل و مازن وراها شايل ملك اول ما يدخل من باب الشقه ينزل ملك فى الارض و يقفل الباب و يترزع هو و مرام على اقرب كرسيين
مرام / بموت مش قادره
مازن / امال انا اعمل ايه غيرت فرش العفش اربع مرات فى يوم واحد المفتريه دى لو مشغلانا بالسخره مش هتعمل فينا كدا
مرام / معلش يوم و عدى
مازن / امال انتى مالك مفرهده كدا ليه
مرام / مهو لو فاكر ان انت فرشت العفش اربع مرات انا فرشت الفوط و الهدوم فوق الست مرات و لا المواعين فى المطبخ انا حقيقى فيصت مش قادره
مازن / امال اخواتها فين و مامتها
مرام / هيروحوا بكره ان شاء الله يحطوا التاتشات النهائيه
مازن / مش كانوا جم ساعدوا النهرده برده
مرام / يا اخى احسن ساعتها هيبقى عندك اربعه من مروه كل واحده براي
مازن / احنا قادرين على واحده لما هنقدر على اربعه انا هقوم املا البانيو و انام فيه يمكن عضلاتى تفك
مرام / هههههههههههههههههههههههه ربنا معاك
مازن / ما تيجي
مازن يغمزلها
مرام / بالله عليك فيك حيل
مازن / لا بس ربنا كبير و ما بيكسفش عبيده
مرام / ههههههههههههههههههههههههه قوم يا مازن قوم
مازن يقوم و هو بيجر فى نفسه و مرام قاعده بتدحك
................................
فى فيلا زياد
زياد نايم فى المكتب و قدامه ورق و فنجان قهوه احمد يفتح الباب و يدخل يلاقيه نايم يبص للبنى وراه مدايقه و هو مبتسم يطلعوا بره و يقفلوا عليه الباب و يطلعوا فوق و يدخلوا اوضه زياد
لبنى / الاوضه عندك انت عارف الحبايه تاثيرها هيخلص امتى امشى قبل ما يخلص
احمد / و انتى رايحه فين ان شاء الله
لبنى / هشوفلى اوضه تانيه انام فيها
احمد / افندم
لبنى / قسما بالله يا احمد لو فكرت تلويلى دراعى تانى لوريك منى وش عمرك ما شفته انا مش بتاعتك انت ما ملكتنيش و مش معنى انى عديتهالك مره و لا اتنين انها خلاص فوق و شوف بتكلم مين
احمد / و دى اكتر حاجه بتجنني فيكي
لبنى / عن اذنك
احمد يمسك ايدها
احمد / خلاص اسف مش هعمل كدا تانى
لبنى / الموضوع انتهى يا احمد و لو سمحت ما تضيعش وقتى اكتر من كدا انا تعبانه و هدخل انام
لبنى تيجي تطلع بره احمد يمسكها و يشدها عليه و يشيلها و يحطها على السرير و يجي ينام تشد الاباجوره تخبطه بيها فى دماغه يرجع لورا و هو ماسك دماغه
لبنى / انت فاكر نفسك ايه هاه فاكر نفسك ايه
لبنى تروح تفتح خزنه و تطلع مسدس احمد يشاورلها بايديه الاتنين تقف
احمد / اعقلى يا لبنى خلاص
لبنى / انت فاكرنى ايه هاه دا انا ادفنك هنا و ما لكش عندى ديه انت فاهم و لا لا اطلع بره بيتى يلا
احمد / لبنى اهدى
لبنى / امشى بقولك امشى بدل ما اموتك امشى
لبنى تشد الاجزاء احمد يفتح الباب و يطلع يجرى لبنى تنفخ و تحط المسدس فى الخزنه تانى و تقعد على السرير و تتنهد
...................................
في المصنع
شريف واقف مع العمال زياد يدخل يبص علي الشغل شريف يروحله
شريف / اهلا زياد بيه نورت
زياد / هههههههههههههههههه حلو زياد بيه منك
شريف / اؤمر ايه سر الزياره السعيده
زياد / هو مازن مش هنا و لا ايه
شريف / لا مش هنا خير كنت عاوزه في حاجه
زياد / لا قولت اطمن عليه يعني بس عاجبني الشغل بتاعكوا ماشيين بمعدل سريع اهو
شريف / شكرا
زياد / انا شوفت خليفه بره هو مازن هيجيبه يغفر هلي المصانع و لا ايه
شريف / هيبقي كبير الغفر احنا برده محتاجين حد ثقه في المكان
زياد / معاك حق
زياد عمال يبص و شريف عينه عليه زياد يبص لشريف
زياد / صحيح نسيت اباركلك جواز رؤي و ولاده شيماء امال صافي هتولد امتي ان شاء الله
شريف / نسال الله التساهيل
زياد / مفيش اخبار عن رؤي
شريف / خير يا زياد في ايه
زياد / هههههههههههههههههه قولتلك جاي اسلم و ماشي علي العموم انا مقدر مشاغلك عن اذنك
زياد يمشي و شريف يطلع الموبايل و يتصل بمازن
مازن / حبيب قلبي
شريف / زياد كان هنا
مازن / خير
شريف / سال عنك و عن اخواتي بس انا احتياطي هخلي العمال يعملوا شيك علي المكن
مازن / ما افتكرش هيعمل حاجه بايده كبر دماغك
شريف / لا هخليهم يبصوا برده
مازن / ماشي مش هنخسر حاجه
شريف / انت مع مرام في المطعم صح
مازن / ايوه بتحط اللمسات الاخيره قبل الافتتاح بكره
شريف / علي خير باذن الله هخلص و اعدي عليكوا
مازن / تمام هنستناك يلا سلام
شريف / سلام
شريف يقفل و يتصل بفاطمه
شريف / اما نشوف بتسال عن اهلي ليه يا زياد الكلب... ايوه يا بطه السلام عليكم
فاطمه / و عليكم آلسلام يا حبيبي ازيك
شريف / كويس ايه الاخبار عندك
فاطمه / كلنا بخير و صافي هنا اهي تحب تكلمها
شريف / هاتيها
صافي / ايه يا قلبي هتيجي امتي
شريف / عامله ايه يا حوبي وحشتيني
صافي / و انت اكتر الواد احمد عامل ازعرينه هنا ما حدش عارف يلمه
شريف / هههههههههههههههههه عقبال عابد اما يشرف
صافي / امين بقي يا شريف انا زهقت اوي
شريف / هانت يا قلبي اتغديتي
صافي / بتسال في ايه يا ابني انا هكون السبب في مجاعه جايه
شريف / هههههههههههههههههه الف هنا مطح ما يسري يمري
صافي / حبيبي انا
شريف / هههههههههههههههههه مضطر اقفل ورايا شغل يلا يا قلبي سلام
شريف يقفل و يروح يتكلم مع العمال
........................
في فيلا زياد
لبني / و انت ايه بس اللي خلاك تروح هناك انت مالك و مالهم
زياد / قالولي الحركه كتير الحركه كتير قولت اشوف في إيه الباشا كانه كان مجهز كل حاجه
لبني / و احنا مالنا هو انت بتروح تبص علي كل المصانع اللي في مصر و بعدين المصانع دي تيجي ايه عند اللي عندك ما تسيبك منه بقي و تركز في شغلك
زياد / هو ملاحق هيفتح المطعم و المصانع دا غير الحضانه و التصوير
لبني / ايه الدناوه دي يجي ايه كل دول في ربع اللي عندك هو عايش في شقه انت عايش في فيلا هو بيشتغل مصور انت بيزنس مان و له اسمه و وضعه عنده هو عنده اربع مصانع انت عندك اكبر مجموعه تجاريه في مصر عنده قريه سياحيه انت عندك اكبر سلسله قري في مصر علي جميع انحاء الجمهوريه شيله من دماغك بقي انت اكبر من كدا مين مازن جنبك دلوقت
زياد / الصغير بكره يكبر
لبني / مهما كبر هيفضل الفرق بينكوا ثابت لانك انت لو ركزت علي شغلك هتكبر زيه و يمكن اكتر منه كمان ما تنساش ان القرش صياد
زياد يبصلها
لبني / ركز في شغلك و انساه
زياد يبصلها تلف ايديها حواليه و تحضنه بحنيه يغمض عينه و يهز راسه موافق
..........................
في المطعم
مرام /و هتعمل ايه يا مازن
مازن /هو انا بحكيلك عشان تشيلي همي يا بنتي هتدبر قرش من هنا علي قرش من هنا هتدبر
مرام / ايوه بس دا مبلغ كبير اوي يا مازن انا ما كنتش متخيله المكن هيكلف كل ده
مازن / مهو انا الفتره الجايه هركز علي التصوير و ارجع انزل كل يوم بقي هعمل ايه
مرام /و انا ممكن انزل تزاكر تلت اربع ايفنتات نلم فلوس الحجوزات و اهي نوايه تسند معاك
مازن / لا طبعا ما ينفعش انا ليا بديل لكن انتي ما ينفعش تربطي نفسك
مرام /ليه يعني ما انا هسدها
تليفون مرام يرن
مرام / رقم غريب
مازن ياخده منها
مازن / الو
صوت بنت / الو هو ده رقم استاذه مرام نور الدين
مازن / ثانيه واحده
مازن يرجعلها التليفون
مرام / مين ؟
مازن يلوي بقه ما اعرفش
مرام / الو
البنت / استاذه مرام ؟
مرام / ايوه مين ؟
البنت / انا فرح حجازي معده برنامج بنت النيل حضرتك سمعتي عنه
مرام / اه شوفت حلقه او اتنين خير
البنت / لو يناسب حضرتك احنا يشرفنا نستضيفك عندنا
مرام تبص لمازن متابعها
مرام / ثواني
مرام تحطها علي الهولد
مرام / عاوزيني اطلع في برنامج بنت النيل ايه رايك
مازن / ليه لا خليها تظبط معاد مع مروه
مرام / تمام صح
مرام تشيل الهولد
مرام / الو
البنت / مع حضرك
مرام / انا ما عنديش مانع بالعكس يشرفني بس انا مش معايا مواعيدي ممكن استاذنك ابعتلك رقم مديره اعمالي تتفقي معاها علي التفاصيل
البنت / تمام ما فيش مشكله
مرام / تمام هقفل و ابعتلك الرقم
البنت / تمام
مرام تقفل و تبعتلها الرقم و تبص تلاقي مازن متابعها و مبتسم
مرام / ايه!!!!
مازن / بحبك بس مش اكتر
مرام تبتسم و تبص الناحيه التانيه بخجل يدخل شاب من الاستاف
الشاب / احنا جاهزين يا شيف
مازن / لقد هرمنا يا ابني هات
الشاب يبتسم و يمشي و يجيب هو و اللي معاه اطباق كتير مازن و مرام يدوقوا و مرام بتكتب ملاحظات في ورق و مازن بياكل و خلاص
.......................
فى شقه فاطمه
احمد بيعيط و فاطمه شيلاه و بتهز فيه
رؤى / اصحى شيماء
فاطمه / حرام عليكي دى لسه نايمه اعمليله ببرونه احسن
رؤى تقوم و فاطمه تهشكه
صافى / ما يمكن مش جعان ما يمكن مغص و خلاص يا ماما مهو لسه راضع قبل ما شوشو تنام
فاطمه / العيل فى السن ده لازم ياكل كتير عشان يكبر و يربرب كدا كل ما يصحى يرضع كل ما يصحى يرضع
صافى / بس الاكل الكتير هيتعبه
فاطمه / لو شبعان عمره ما هيرضع ما تقلقيش انتى خالص
رؤى تدخل و معاها ببرونه
فاطمه / بيتهيالى عرفت سى حماده بيعيط ليه
صافى / و انا كمان وصلتنى
رؤى / انا بعمل ببرونات بس
فاطمه / اوعى منك ليها اما اقوم اغيرله و اشطفه
صافى / مالها الوايبس يعنى
فاطمه / انتى ابقى اعملى بيها انما احنا جيل الصابونه و التلييف
فاطمه تاخد حماده و تطلع بره
رؤى / مش المفروض تتمرنى للمستقبل
صافى / والله حاولت اخوض التجربه بس الموضوع طلع صعب اوى
رؤى / حاسه بيكي يمكن لما يبقى ابنك هيبقى الوضع مختلف
صافى / او يمكن لما متلاقيش غيرك يعملها الوضع يبقى مختلف
رؤى / طول عمرك دماغك كبير و فاهمه الدنيا ماشيه ازاى
صافى / عيب عليكي هههههههههههههههههههههههههههههه
.............................
فى فيلا لبنى
تليفون لبنى يرن تكنسل و تنفخ
لبنى / ورينى بقى هتعمل ايه
يسرى تدخل و ماسكه موبايلها
يسرى / انا اسفه يا لبنى هانم بس احمد بيه على التليفون
لبنى / هههههههههههههههههههههه هاتى
لبنى تاخد منها الموبايل و تشاورلها تمشى يسرى تمشى
لبنى / افندم
احمد / دى اخرتها يعنى بتحلقيلى
...............................
