السكة شمال ٢ ( كامله ) بقلم / لولو_محمد

الحلقه ١١٨

((((((السكة شمال ٢)))))
#لولو_محمد
الحلقه ١١٨
فى شركه زياد بعد فتره مش كبيره
زياد قاعد بيشتغل على اللاب توب تليفون زياد يرن يرد
زياد / ايوه يا بابا ازيك
ابراهيم / بلغونى دلوقت ان التراخيص خلصت خلاص انا عاوزك تتابع الموضوع ده بنفسك المشروع ده رقم واحد فى اولوياتك
زياد / مش عاوز يكون عند حضرتك فكر خالص الناس هتبدا الحفر من بكره و باذن الله هيتسلم قبل المعاد كمان
ابراهيم / تمام بلغنى بالمستجدات اول باول
زياد يبص الناحيه التانيه و ينفخ و يكتم جواه
...........................
زياد / تمام يا بابا حاضر
ابراهيم / سلام
زياد / سلام
زياد يقفل و ينفخ
زياد / الا حتى ما سالت انا عامل ايه راجل واطى نتن
الباب يتفتح و لبنى تدخل
زياد / جيتي في وقتك
لبني / للدرجادى
زياد / هطق مش قادر سابوا كل الناس اللى فى الدنيا و خلونى انا اللى اشرف على تنفيذ المنطقه الصناعيه
لبني / و ماله ايه المشكله
زياد / هو ايه اللى ايه المشكله يعني بدل ما ابقي شريك فيها ابقي انا اللى بعملهالهم
لبني / هو انت هتعملها ببلاش زبط نفسك
زياد / لو عليا عاوز اولع في المشروع ده بجاز و اقعد اتفرج عليه و هو بيولع قدامى
لبنى / ركز فى شغلك و ما تخليش الغضب يسيطر عليك   زياد الهادى الراسي اللى كان بيلعب بالدنيا كلها على طراطيف صوابعه
زياد ينفخ لبنى تلف و تقف وراه و تبدا تعمله مساج فى رقبته بالراحه يسترخى
لبنى / انا متاكده انك هتلاقي طريقه تطلع بيها من الموضوع ده كسبان
زياد يهز راسه و لبنى تكمل مساج زياد يغمض عنيه و يهدى
........................
فى شقه مديحه
محمود قاعد مع مديحه على الاكل
محمود/ و مروه مالها بالموضوع ده
مديحه / اصلى مستغرباك يعنى ايه اللى فتح الموضوع ده دلوقت
محمود / ما قولتلك على الوضع بتاع شريف و مامته و دول نفس العماره ما بالك احنا بقي فى نفس الشقه
مديحه / انت هتجيب صافى لمروه
محمود / و مالها مروه يا ست الكل مش انتى اللى اقنعتينى بيها و خد اللى شرياك مش دى اللى ماربيه على ايدينا
مديحه / ست البنات ما اقصدش انا اقصد ان صافى تركيه لا بتعرف تطبخ و لا تنيل اخرها تحط شويه احمر و اخضر و شريف نفسه متجوزها عشان كدا دا غير ان صافى بتشتغل و بتجيب قرش اخرها يوم ما تتزنق تطلع من جيبها و تجيب جاهز
محمود / الله و هو يعنى شريف معاهوش يجيب يعنى و لا مستنى مراته تصرف عليه
مديحه / ما اقصدش انا اقصد انها استرونج اندبندنت ومن
محمود / هههههههههههههههههه حلاوتك فى الانجليزى يا قمر
مديحه / امال انت فاكر ايه
محمود / بقولك ايه يا ست الكل انا شبعت تسلم ايدك بصى انا هدخل اغفل ساعه لما الموبايل يرن ابوس ايدك تصحينى عشان خارج
مديحه / رايح فين
محمود / خارج مع سعد و الشباب هتعوزى حاجه
مديحه / هعوز ايه غير سلامتك
محمود / تسلميلى يا ست الكل عن اذنك
محمود يقوم
مديحه / اقطع دراعى من هنا هو ان ما كانش الموضوع ده وراه مروه و امها
..................................
فى شقه مرام
مازن يدخل الاوضه يلاقى مرام بتطلع غيار من الدولاب
مازن / مرام بقولك
مرام / شششششششش ما صدقت ملوكه نامت
مازن / اه سورى بقولك الشباب عاوزين يخرجوا و انتى عرفانى مؤدب و ما بعملش اى حاجه من غير اذن مراتى حبيبتى بسمع الكلام اهو شوفتى
مرام / هههههههههههههههههههه طب بص ادينى نصايه بس تقعد مع ملك و انا هدخل اخد شاور فى السريع كدا و بعد كدا تنزل براحتك تمام
مازن / مش فاهم
مرام / اقعد شويه لحد ما استحمى عشان لو ملك صحيت و لا حاجه تاخد بالك منها
مازن / اه فهمت دى مش دى المشكله
مرام / اااااااااااه ابتدينا بقى اجى معاكى اساعدك اسندلك الفوطه اللحق الهدوم قبل ما تقع فى الارض و تتبل و موال كل مره ده صح
مازن / هههههههههههههههههههه صح
مرام / مازن .. حبيبى استهدى بالله كدا و قول هديت انا ريحه اللبن قرفانى و انا لما بقرف بتعصب يرضيك اتعصب
مازن / اعوذ بالله اتفضلى يا ست الكل الحمام جاهز و السخان مليان اتفضلى يا ست الكل
مرام / شكرا
مرام تاخد الهدوم و تدخل الحمام مازن يحصلها قبل ما تقفل الباب
مازن / بقولك
مرام / ايه تانى
مازن / بقولك بلاش حوار الميه السخنه دى كل الناس بتحزر من البخار و كدا
مرام / طيب هوارب الباب سنه صغيره بس حسك عينك
مازن / يا شيخه اتلهى بلا وكسه
مرام / هههههههههههههههههه ماشى ماشى يلا وسع بقى
مازن يسيبها و يمشى ناحيه الاوضه و هى متابعاه لحد ما يختفى خالص و تسمع صوت الدولاب و هو عمال يصفر توارب الباب سنه صغيره و تدخل جوه
.............................
فى شقه صافى
شريف قاعد على اللاب فى الليفينج صافى تدخل معاها مجين نسكافيه تحط واحد جنب شريف و تمسك التانى و تقعد بيه
شريف / تسلم ايدك يا قلبى جه فى وقته والله
صافى / الغدى بكره بانيه و مكرونه على فكره طلعت الفيليه يفك و ماما بطه قالتلى على التتبيله و ان شاء الله يطلع حلو
شريف / متاكد انه هيبقى حلو ان شاء الله
صافى تبص لشريف مشغول جدا
صافى / هو انت بتعمل ايه
شريف / بخلص حاجه كدا قبل ما انزل
صافى / انت نازل !!
شريف / اه يا قلبى الشباب قالوا هيسهروا و كدا
صافى / طب و انا ما اعرفش ليه
شريف / احنا لسه مقررين
صافى / انتوا مقررين دلوقت يعنى حالا
شريف / لا و انتى فى المطبخ سعد كلمنى و قال سهره شبابى و كدا
صافى / و ماله
شريف / لو هتدايقى ممكن اعتزر يعنى
صافى / يعنى كلهم هيروحوا و انت لا يعنى يقولوا ايه مراته منعته مراته ممشياه مثلا
شريف يبصلها بطرف عينه
صافى / مين بقى جاى
شريف / مازن و محمود و سعد و عمر
صافى / طب تمام هتروحوا فين بقى
شريف / قهوه كدا ناحيه بيت عمر بيشكر فيها اوى
صافى / اه طيب
شريف / صافى
صافى / ما فيش مشكله يا بيبى اصلا فرصه انك تنزل اعمل شويه ماسكات و ادلع نفسى شويه
شريف / تمام يا بيبى
شريف يبص على صافى تبتسمله و تتفرج على التليفزيون و المج فى ايدها يكمل شغل
...............................
فى شقه مازن
مازن يسرح شعره و يبتسم لنفسه فى المرايه و يبص على الكومدينو جنبه كبايه ميه جنب الشفشف ياخد الكبايه و يروح ناحيه الحمام و يفتح الباب بالراحه اوى مرام فى الكبينه كلها بخار يمد ايده ياخد الهدوم من على الشماعه و يبلها بشويه ميه و يرميها على الارض تحت الشماعه و يقفل الباب تانى زى ما كان و يروح يتسحب و هو مبتسم و كل شويه يبص وراه و يقعد جنب ملك و يبص فى الساعه
مازن / هى هتطول و لا ايه عاوزين نلعب شويه قبل ما انزل مش كدا
تليفون مازن يرن
مازن / يادى النيله
مازن يرد
مازن / ايوه يا اسطى
سعد / انا و محمود فى الطريق و عمر هناك نزلت و لا لسه يا عم
مازن /لا لسه ما نزلتش نصايه كدا و هنزل
سعد / و شريف شرحه شكل الحكومه زنقاكوا و مش عارفين تخلعوا اعترف
مازن / هههههههههههههههه لا ما تقلقش واخد الاذن من الحكومه
سعد / طب واخده لحد الساعه كام يعنى عشان نعرف نحدد معاد رفع الشبشب امتى و نظبط نفسنا
مازن / ياعم نحن السابقون و انتم اللاحقون ما تحفلش اوى عشان هيبقى شكلك وحش
سعد / مش انا يا بابا خدعوك فقالوا
مازن / لا يا راجل انت سالت عن رؤى قبل ما تقول البقين دول
سعد / و ايه اللى جاب سيره رؤى دلوقت بس انت هتلبشنى ليه ما كنا كويسين
مرام تدخل لابسه البرنص و لفه شعرها بفوطه و متعصبه تفتح الدولاب
مازن / مسافه السكه و هجيلك سلام دلوقت
مازن يقفل السكه و ياخد نفس و يقوم يحضنها من ضهرها تتخض و تلف
مازن / هو كل اللى بيستحموا بيحلوا كدا و لا انتى ايه حكايتك بالظبط
مرام ترتبك
مرام / فى ايه وسع كدا
مازن / ما لبستيش فى الحمام ليه
مرام / لقيت الهدوم مبلوله شكلى ما علقتهاش على الشماعه كويس
مازن / طب الحمد لله ان البرنص ما وقعش شوفى بقى كان هيبقى ايه الوضع ساعتها
مازن يزنق مرام فى الدولاب تبص الناحيه التانيه و تدحك
مازن / ليكى حق تحلوى ما انا متكتف بس هانت
مرام / هو انت مش نازل و لا ايه
مازن / بقى ينفع يعنى اسيب القمر ده
مازن يفك الفوطه
مازن / ينفع اسيبك و اروح لشويه خناشير
مرام / هههههههههههههه بطل بقى يا مازن خلينى اللبس الله
مازن / يعنى انتى لو خليتك كدا شويه البرنص هيعيط
مرام / هههههههههههههههه لا انت اللى هتعيط وسع بقولك
مرام تعدل البرنص و تقفله كويس و تزق مازن يرجع خطوه لوره
مرام / بطل بقى و شكرا انك قعدت جنب ملك اتفضل يلا روح لصحابك و حاول ما تتاخرش مش هعرف انام قبل ما انت تيجى
مازن يحضنها تانى تدحك
مازن / انا بقول ما روحش طب والله ما اروح قولى بس ما تروحش والله ما هروح
مرام / ههههههههههههههههه ما تبطل بقى ههههههههههههههههه
مازن / يعنى اروح
مرام / اه روح
مرام تعدل البرنص و تقفله اكتر
مازن / بتنيلى ايه انتى بتنيلى ايه انا مش فاهم والله بتقفلى فى ايه يعنى
مرام تزق مازن بره الاوضه
مازن / على فكره دى مش معامله على فكره ما فيش واحده بتعامل جوزها كدا
مرام / تعرف تطلع بره تعرف
مرام تزق مازن بره و هو بيدحك
مازن / هعديها المرادى بس تعملى حسابك المره الجايه
مرام تحط ايدها فى وسطها يحاول يبص تقفل بسرعه
مازن / ماشى افتكريها بس ماشى
مرام تدحك و تبص الناحيه التانيه مازن يقرب و يبوسها من خدها و يمشى تمشى وراه و تبص عليه لحد ما يفتح باب الشقه
مازن / احنا لسه فيها
مرام تشاورله باى
مازن / سلام
مازن يقفل الباب وراه مرام تدخل تقعد جنب ملك و هى بتدحك و تبص عليها
مرام / اعمل ايه فى ابوكى يا ملك جننى ابن اللذينه ههههههههههههههههه
.....................
فى الفيلا عند زياد
زياد نايم فى السرير و بيلعب فى الموبايل لبنى خارج من الحمام لابسه البرنص تقعد قدام التسريحه و تنشف شعرها بالسشوار
زياد / الباشا قدر يلاقيله شله جديده يسهر معاها
لبنى / مازن ؟
زياد / ايوه متصور هو و شريف و محمود و سعد و الواد الصيدلى خطيب اخت شريف ده مش فاكر اسمه قاعدين على قهوه بلدى مقامهم فعلا
لبنى / انا لو منك اعملهم بلوك و اشيلهم من دماغى
زياد / انتى شلتى مرام من دماغك يعنى
لبنى / اه شلتها من زمان كانت واخده مكان كبير على الفاضى
زياد / خدت زهوتها و راحت خلاص
لبنى تبصله
زياد / اللى ما كانش بيروح حتى الشركه و قاعد تحت رجليها يخدمها فاكره دلوقت سايبها و قاعد مع صحابه على القهوه
لبنى / و انت يعنى عمرك ما سبتنى و خرجت مع صحابك
زياد / ما كانش ليه اللى يبكى عليه و ما كانش حد قادر يقرب منه دلوقت بقاله اللى يتقهر عليهم و برده ما حدش قادر يقرب منه
لبنى / و البركه فيك انت اللى عملت منها بطله قوميه و حببت الناس فيها
زياد يبص الناحيه التانيه
لبنى / العيب مش عليك العيب على الحيوان اللى قاعد بره عايش حياته و بيدبسك هنا فى كل بلوه و التانيه مش هو اللى بعت الرجاله دول و عمل فيها زعيم المافيا الروسى و اللى الكل بيعمله حساب حته بت زى دى ما قدروش عليها
زياد / ليها عمر
لبنى / الحمد لله على قد ما بكرهها على قد ما ماكنتش هستحمل اعيش بذنبها و لا بذنب اللى فى بطنها انا لحد دلوقت زعلانه على جدتها
زياد / خدت الشر وراحت
لبنى / الناس لسه بتترحم عليها لحد النهرده على الفايس و فى كل مكان ما شوفناش منها حاجه وحشه تفتكر لما نموت فى حد هيترحم علينا يا زياد فى حد هيفتكرنا اصلا
زياد / نموت ايه بس يا لبنى ايه الكلام ده
لبنى / ما كلنا هنموت يا زياد
زياد / يا حبيتبى احنا لسه صغيرين شوفى هى عاشت كام سنه شافت عيالها و عيال عيالها و كان فاضلها كام شهر و تشيل عيال عيال عيالها كمان ايه ما ناقص تعيش لما تدفنا كمان
لبنى / يعنى مش حاسس باى تانيب ضمير
زياد / هو انا اللى قتلتها الحيوان اللى اسمه توفيق الله يحرقه هو اللى قتلها انا كل اللى كنت عاوزه انه يسقطها و خلاص
لبنى تتنهد
زياد / بقولك ايه فكك من الهبل ده نكدنا على نفسنا على الفاضى قومى يلا اللبسى اما اخدك و نخرج نسهر فى اى حته و ننسى القرف ده كله بلا هم
لبنى تبصله
زياد يقوم من تحت الغطى و يدخل الحمام و لبنى تبص على نفسها فى المرايه بحزن
..........................
فى القهوه
مازن و الشباب بيدحكوا
محمود / يا جدعان دا انا القهوه تحت البيت امد رجلى من البوابه بس اقعد عليها و مش فاكر اخر مره لقيت وقت اقعد عليها امتى تقولولى الفلوس غيرتنى طب ياريت يبقى معايا فلوس تغيرنى يا جدع
مازن / ما تدعيش على نفسك عشان انت مش متخيل الفلوس ممكن تعمل فى الناس ايه
محمود / طب ما انت عندك فلوس و بسم الله ما شاء الله ربنا هداك اهو مع انك ما افتقرتش يعنى
شريف / قل اعوذ برب الفلق
محمود / والله ما بحسد بس الله ما شاء الله يا عم
مازن / ههههههههههههههههههههه انا فاهم قصده على فكره مين قالك انى الفلوس الكتير ما كانتش سبب فى تعاستى انا شوفت ايام ما يعلم بيها الا ربنا انا امى ماتت بسبب الفلوس و علاقتى بابويا زى ما انت شايف برده بسبب الفلوس كنت عيل صايع و فاشل و ما ليش تلاتين لزمه برده بسبب انى معايا فلوس و خالى مات بسبب الفلوس و تيته سميحه ماتت بسبب الفلوس و مراتى اتبهدلت و كانت هتموت هى و بنتى بسبب الفلوس تحب اقول كمان
محمود / بس عملت خير كتير بالفلوس دى بنيت مسجد و مستشفى و مدرسه بالفلوس و اكلت غلابه كتير بالفلوس و عينت شباب ياما و فتحت بيوت كتير بالفلوس و عملت اكبر عقيقه فى مصر بالفلوس و عملت مسابقه القران بالفلوس و بتتبرع للجمعيات الخيريه بالفلوس
عمر / الفلوس مهمه اه بس الاهم الراجل اللى بيعملها
شريف يحط ايده على كتف عمر و عمر بيدحك
شريف / الله اهو ده كلام الدكاتره
عمر / حبيبى يا ابو نسب
محمود/ معلش انا عيل قفيل استحملونى بس فى كلمه محشوره فى زورى عاوز اقولها لمازن
شريف / انا قولت ما يجيش معانا
محمود / معلش معلش
مازن / انجز يا ابنى
محمود / انت شايف ان الفلوس اللى عندك وحشه و سبب كل البلاوى اللى مرت فى حياتك تفتكر انت لو لا قدر الله راحت منك لاى سبب هتقدر تعيش يعنى اقصد كلنا هنا متعودين على الفقر و جربناه اه طبعا ارتاحنا كتير لما ربنا سهلنا العمليه بس لو نشفت تانى مش هنتسوح يعنى انما انت هتقدر هتستحمل يعنى
مازن / لما كنا فى السخنه مرام سالتنى سؤال فى حوار كدا قالتلى تفتكر لو افتقرت فجاه شله الاونس اللى حواليك دول حد فيهم هيعبرك قولتلها هتفضلى جنبى قالتلى اكيد قولتلها خلاص ما يهمنيش حد تانى و انا لسه عند كلمتى لو مرام فضلت جنبى صدقنى الصعب هيهون
عمر / ما فيش كمانجه هنا يا اخوانا
سعد / يا عم اتعلم منه كلمتين ينفعوك دا استاذ تانى بقى من الاول كدا عشان اكتب وراك و اروح اقولهم لرؤى بتحب الحاجات دى اوى قول يا استاذ
مازن / بتحفلوا عليا يا جزم تصدقوا انا الغلطان انى سايب مراتى و بنتى فى البيت و قاعد معاكوا
سعد / لا غلطان ايه يا عم تمشى فين حقك علينا دا احنا جايبنك تحاسب
الكل يدحك و مازن يمسك ازازه الميه بايده و يفتحها و يرش سعد الكل يدحك
سعد / يا عم الدنيا ساقعه بلاش غباوه الله
مازن / انت لسه شوفت غباوه لينا شركه تلمنا
سعد / حبيبى يا ميزو دا انا سعوده حبيبك اخص عليك
مازن / ابدا اخصم من الواد ده عشر ايام
شريف / انت الكبير يا ميزو الواد داخل على جواز و ما يرضيكش البت تقعد فى ارابيزى
مازن / عشان خاطرك انت بس
شريف / حبيبى تسلم
محمود / والله يا جدعان قعدتكوا ما بيشتبع منها
................................
فى ديسكو
الكل بيرقص لبنى و زياد يدخلوا يقعدوا على ترابيزه
زياد / تحبى ترقصى
لبنى / لا زحمه اوى
زياد / تمام
زياد يبص يلاقى فارس بيرقص
زياد / الله مش دا فارس عزام
لبنى تبص
لبنى / اه هو
زياد / ههههههههههههههه ما تغيرش ابن الايه انتى عارفه اخر مره شوفته كان جاى حفله مع مازن بس ما كملوش سوا
لبنى / النسخه التقليد من مازن فاكر كنا بنتريق عليه ازاى
زياد / هههههههههههههههههههه طول عمره عبيط استنى اما اناديله نتسلى عليه شويه
لبنى / بلاش يا
زياد يقوم و يروح يسلم على فارس و يرجع معاه و معاه واحده شمال
فارس / اهلا بالقمر و انا اقول الدنيا منوره ليه
لبنى / هاى ازيك فينك
فارس يقعد
فارس / مايا لبنى لبنى مايا زياد
مايا / هاى
لبنى / هاى
فارس / ايه يا جدعان ايه اللى بيحصل عندكوا ده اخباركوا و لا اخبار الممثلين
لبنى / انت يعنى بتصدق كل حاجه بتسمعها يعنى اهو كلو عاوز يبيع
فارس / على رايك صحيح يا زيزو مبروك سمعت ان مونيكا ولدت ما شاء الله
لبنى / اه جابت مازن الصغير
فارس / ههههههههههههههه وحشنى ابن اللذينه
زياد / ليه يا عم انا اخر مره قابلتك كنتوا سوا
فارس / ما اتفقناش هو عاوز يروح حتت كدا و انا ماليش فى الجو بتاعه ده مازن اتغير كتير عن زمان
زياد / بقى قفيل مش كدا
فارس / يعنى لسه بدرى على الجو ده بس هو الجواز كدا انا كلمته على فكره باركتله على ملك
مايا / دا مازن منتصر
فارس / اه تعرفيه
مايا / و مين ما يعرفوش يا ابنى انا عملاله فولو من اول ما فتحت الفايس تقريبا انا واحده من التوب فانز اساسا انت تعرفه منين
فارس / دا حبيبى
مايا / اخص عليك و انا اللى لسه كنت بقولك عاوزه اعمل فوتوسيشن فى عيد ميلادى كلمهولى بقى بليز بليز بقى بليز
لبنى / ما افتكرش هيوافق
زياد/ و لا عشان خاطر حبيبه فارس
لبنى / انا بقولك عشان ما تعشمهاش بحاجه مش هتحصل اصلا دا احنا جبنا فوتوجرافر فى سبوع مازن الصغير بيتهيالى ما عدش فاضى للهبل ده اخره هيبعتلك حد من عنده
مايا / مهم قالولى كدا فى الاستوديو بتاعه بس بليز يا فافى بليز كلمهولى بليز مش انت بتقول حبيبك دى اول حاجه اطلبها منك معقول هتكسفنى
فارس / انا اقدر برده اتاخر يا قلبى هكلمهولك طبعا
لبنى تبص لزياد و يكتموا الدحك
................................
فى شارع شريف تانى يوم
شريف بيركن العربيه بسرعه و ينزل يجري هو و مازن و هما مخضوضين على اخرهم
مازن / هو الوضع خطير يعني
شريف / معرفش كلمتنى و هى بتصرخ و قالت ان الزيت حرق ايدها و انها مش قادره تستحمل
مازن / جيب العواقب سليمه يارب
مازن و شريف يطلعوا يجروا شريف يفتح الباب يلاقي مامته و اخواته و عمر ملموممين حوالين صافى بتعيط يجرى عليها
شريف / مالك يا صافى مالك فين الحرق ايه اللى حصل
صافى تورى لشريف لسعه صغيره جدا على ضهر ايدها مدهونه كريم حروق يبص للى حواليه امه تعض على شفايفها اسكت
شريف / هو فين الحرق هو فين الحرق هو فين
صافى / اهو انت مش شايف كنت عاوز يحصلى اكتر من كدا ايه يعني
شريف / انتى جيبانى على ملا وشي و انتى بتصرخى بالطريقه دى على ده يا صافي
صافى تعيط و تسيبه و تدخل جوه
صافى / يارب اموت عشان ترتاح يمكن ساعتها تحس بيا
فاطمه / ليه كدا يا شريف
شريف / ليه كدا يا شريف !!!!! يعني انا اللى بقيت غلطان تفزعنى بالشكل ده و تجبني طاير عالطريق بالمنظر ده و اسيب اللى ورايا و اللى قدامى عشان لسعه
صافى تطلع من جوه
صافى / اصلا انا الغلطانه انى كنت عاوزه اعملك حاجه تبسطك و تيجي تلاقي الاكل خلصان انا مقولتلكش انى شاطره انت واخدنى مبعرفش اطبخ اصلا كنت روح شوفلك واحده شاطره اتجوزها
شريف / و انا هعمل ايه بواحده تانيه انا عاوزك انتى يا قمر حقك عليا تعالى و بعدين هو انا اشتكيت انك مبتعرفيش تطبخي
شريف ياخد صافي في حضنه و يبوس راسها
صافى / كنت فكراك بتحبني و هتحس بوجعى
شريف / ما انتى فرفوره اوى يا صافي برده تشلي يعني بصراحه
صافي / برده
شريف / هههههههههههههههههه بهزر معاكى يا بت
مازن / على فكره الواد ده بيحبك اوى لو شوفتيه و هو بيجرى عشان يلحقك مكنتيش زعلتى منه اصلا
شريف / قولها
فاطمه / طب لعلمك بقي انا فخوره بيكى يا بت يا صفصوفتى جدعه اتجرات و حاولت اتلسعت المرادى المره الجايه هتاخد بالها بكره صافى دى تبقي استاذه فى المطبخ و بكره تقولوا فاطمه قالت
مازن / يا ترى هعيش اما اشوف اليوم ده
فاطمه / اخرس يا وله بدل ما اجيب المنفضه
مازن / انا اسف يا ماما فاطمه بقولك ايه يا صافى ما تيجى ناخد سيلفي مع الحرق
صافى / انت بتحفل عليا .. و انت ساكتله
شريف / انا مقدرش عليه خشي هاتى المنفضه لامى و هى هتروقهولك
مازن/و ماله لينا شركه تلمنا
شريف / خلاص يا صافى المسامح كريم اخوكى و بيهزر معاكى محصلش حاجه
شيماء/ هههههههههههههههههه انا هدخل اخلص الغدى
صافى / هاجى اساعدك
شريف / بلاش انتى مصابه استنى اما جرحك يلم
صافى / خفه
صافى و شيماء يدخلوا جوه و مازن و شريف يقعدوا و هما بيدحكوا
.............................