(((((السكة شمال ٢)))))
#لولو_محمد
الحلقه ٧١
مازن / انت قتلت ابنك .. فى اللحظه اللى طلبت من احمد انه يقتل فيها حفيدتك كنت بتقتلنى فيها يا بابا دلوقت معدش عندك ابن ... اه اسف ربنا يخليك زياد
ابراهيم / مازن انا
مازن / انت مت بالنسبالى خلاص
مازن يمشي ابراهيم يجى يجري وراه ميقدرش يبص عليه بحزن و هو ماشي ابراهيم يبص فى الارض ثوانى و تليفونه يرن يروح يبص يلاقي مونى يتهبد على الكرسي و يفك الجرافاته و هو مخنوق و يرد
ابراهيم / ايوه
صوت مونى بتعيط/ قولى ان ده مش حقيقي قولى ان اللى فى الريكورد ده مش صوتك
ابراهيم يبص لفوق و هو زعلان
صوت مونى / انا مش لاقيه كلام اقولهولك ... ليه يا بابا ... ليه ... انا كان ممكن اسامحك على اى حاجه الا انك تكون قاتل ... هان عليك مازن ... هنت انا عليك ... حرام عليك يا بابا والله العظيم حرام
............................
ابراهيم / انا كنت ... مونى انا قولتله بس
ابراهيم يبص في الارض و يسكت
صوت مونى / سكت ليه يا بابا ايه مش لاقي حاجه تقولها تدافع بيها عن نفسك
ابراهيم/ انا كنت بحمى مازن كنت بحمى ابنى
صوت مونى بتصرخ / مازن مش محتاجك تحميه مازن محتاج اللى يحميه منك
ابراهيم / مونى انا
صوت مونى / مع السلامه يا بابا
مونى تقفل الخط
ابراهيم / استني يا مونى استني انا ... مونى .. مونى
ابراهيم يحدف التليفون على اخر دراعه و هو بيصرخ
ابراهيم / اااااه
ابراهيم يحط ايده على قلبه و يقع في الارض البنت تفتح الباب بسرعه تبص عليه تجرى تطلب الاسعاف
................
فى شقه مديحه
محمود يدخل مسند مديحه و مروه و امها وراه محمود يقعد امه على الكنبه
مروه / ارتاحى يا ماما ارتاحى
مديحه / مرام مش هنا صح مش هنا
محمود / فى المستشفى هروح اجيبها و جاى
مروه / انا رايح فين
محمود / رايح اجيب مرام
مروه / رايح تجبلى اللى كانت السبب فموت ابويا اسمع يا محمود يا انا يا البت دى فى حياتك
الست / بس يا مروه
مروه / بلا مروه بلا زفت انا مش هقعد فى مكان واحد معاها والله اسقطها بنفسي و اخد بتارى منها
محمود / مش هى اللى قتلت ابوكى
مروه / لا هى ... بسببها ... ابويا مات بسببها تروح لمازن تروح بعيد عننا هو اولى بيها منك
محمود / انتى لسعتى باين انا ماشي
مروه / قبل ما تمشي تطلقنى
الست / استهدى بالله يا مروه تعالى يا بنتى
الست تحاول تشد مروه بعيد مروه تسيبها و ترجع تقف قدام محمود
مروه / يا انا يا هى اختار دلوقت
مديحه / انتى يا مروه
محمود يبص لمديحه
مديحه / مرام معدلهاش مكان بينا كدا كدا هتمشي متخربش بيتك عشانها
محمود / معدلهاش حد غيرنا مرام تعبانه و محتاجه اللى يرعاها
مروه / و انت بقي اللى هترعاها و لا امك العيانه و لا انت هتاخدنى خدامه للست الكونتيسه
محمود / مكنتش اعرف عنك كدا
الست / هى متقصدش يا ابنى
مديحه / لا تقصد و انا كمان اقصد مين هيخدمها و هتقعد فين دا شقتها لسه الدم مغرقها تروح لمازن احسن
محمود / مازن فى دبى شريف بيكلمنى بيقول بتسال عننا كل خمس دقايق و حاولت تتصل بيكى يا ماما مردتيش
مروه/ اذا كان مازن سابها و سافر احنا هنشيلها
محمود / دى اختى
مروه / و لا عمرها كانت و لا هتكون اختك دى بتمشي و الموت و الخراب فى رجليها ... انا قولت اللى عندى عاوز تجيبها طلقنى الاول
مديحه / كلم شريف خليها فى المستشفي لما مازن يرجع
محمود / انا مش مصدقكوا بصراحه مش مصدقكوا
تليفون مديحه يرن فى الشاحن محمود يروح يجيبه
محمود / دا شريف يا ماما غالبا مرام بتحاول توصلك خدى كلميها قوليلها انتى متجيش قولى لبنتك اللى ربتيها على ايدك ما تجيش
مديحه تمسك الموبايل بيرن فى ايدها و هى بترتعش
مديحه / الو
مرام / ازيك يا عمتى انا مرام
مديحه / النمره غلط
مرام / عمتى مديحه
مديحه / بقولك النمره غلط
مديحه تقفل السكة و تقعد تعيط
محمود / قلبك طاوعك يا اما
مديحه تبصله و تعيط تليفون محمود يرن شريف
مديحه / لو جبتها هموت نفسي
محمود يبصلهم و يكنسل و يمشي مديحه تجرى وراه
مديحه / هموت نفسي انت سامعنى هموت نفسي هموت نفسي
مديحه تقع محمود يطلع يجرى عليها يسندها جوه
.........................
فى المستشفي فى مصر
شريف / مرام خليكى النهرده كمان انتى محتاجه ترتاحى
مرام / انا بقيت كويسه يا شريف هرتاح فى بيتى
شريف / يا مرام الشقه متبهدله خليكى بكره و هبعت حد ينضفها و يظبطهالك
مرام / هقعد عند عمتى لحد ما تتنضف ... مش انت قولت روحت
شريف / ايوه روحت بس هى لسه تعبانه و محتاجه اللى يخدمها مين هيخدمك هناك
فاطمه / تعالى عندنا احنا يا مرام على الاقل لحد ما الحجه مديحه تشد حيلها
مرام / يعنى اسيبها لوحدها و هى تعبانه
شريف / انتى بتهزرى يعنى هتروحى تعمليلها ايه يعني
مرام / اهو ابقي جنبها
شريف / متقلقيش مروه و امها جنبها
مرام تبص لشريف و تبص فى الارض
فاطمه / انا عاوزه ابقي مطمنه عليكى يا بنتى يا تيجى عندنا يا تخليكى هنا على الاقل لما عمتك تشد حيلها
مرام تبصلهم
مرام / هخلينى هنا النهرده
فاطمه / يااااه اخيرا تعبتى قلبي يا شيخه
مرام تبص فى الارض و ترجع تبص لشريف
مرام / كلم محمود تانى يا شريف
شريف / يمكن التليفون مش جنبه او عامله صامت او اى حاجه
مرام / انت مش قولت كنسل عليك يعني معاه
شريف / يمكن نزل و نسيه في البيت او وقع منه في المستشفي هو اكيد لما يشوف رقمي هيكلمنى تاني متقلقيش انتى بس و ارتاحى
مرام / بالله عليك يا شريف هما كويسين بالله عليك انت ما بتكدب عليا صح مش قادره اصدق انهم كويسين و مسالوش عنى لحد دلوقت لو فيهم حاجه قولى انا هستحمل والله
شريف / والله كويسين مفيش غير عمتو بس عندها انهيار عصبى من الخضه و بعدين مين قالك انهم مبيسالوش عليكي طب دا محمود كل شويه يكلمنى يطمن عليكي
مرام / مش عارفه بقي
فاطمه / قوليلي يا مرام انتى مش عاوزه تيجي عندنا بسبب الواد دا هو ... قولي والله اللمله الهدمتين بتوعه و ارميهمله في الشارع دا حته ملوش لازمه غير انه يقرف فى اخواته و يلطش فيهم
مرام / هههههههههههههههههه ربنا يخليهولكوا و ميحرمكوش من بعض والله انا مبرتاحش الا فى بيتي لو سمحت يا شريف مدام هفضل هنا تبعت حد ينضف الشقه لو سمحت لو ينفع يعني معلش هتعبك
شريف / لا تعبك راحه انتى تؤمري بس
مرام / ميرسي
شريف / انا هسيب بقي امى امانه في رقابتك لحد مروح ابص بصه عالشغل و ارجع تمام
مرام / هههههههههههههههههه فى عنيا
فاطمه / تسلم عنيكي
.....................
فى مستشفي في دبى
ابراهيم نايم على سرير و جنبه فريده و زياد
زياد / الف حمد الله يا بابا على سلامتك اول ما ماما كلمتنى ركبت طياره خاصه و جيت علاطول
ابراهيم / مازن فين
فريده / مبيردش و لا هو و لا مونى
ابراهيم / كلميهم تانى و تالت لازم يجيوا يا فريده لازم اقولهم الحقيقه
زياد / حقيقه ايه يا بابا
ابراهيم / انا مش قاتل يا زياد انا مش قاتل
زياد / طبعا يا بابا ما عاش و لا كان اللى يقول عنك كدا
ابراهيم / انا كنت بحميه يا فريده و انتى عارفه .. البت دى كانت هتمص دمه انا مكنتش اعرف انهم هيقتلوا الست دى انا قولتله ست تضربها او يدسولها حبايه ما كنتش اعرف
زياد / انت بتقول ايه يا بابا هو حضرتك كنت ورا اللى حصل لمرام
فريده / لا طبعا يا زياد انت بتقول ايه انت هتاخد على كلامه دى تخاريف بينج
زياد / يا ماما ازاى دا قايل قدامك
ابراهيم / انا مقتلتهمش
فريده / طبعا يا حبيبي و انت مالك بالموضوع اصلا
زياد / هو ايه اللى حصل يا بابا بالظبط احكيلي
ابراهيم / كلم مونى يا زياد قولها ابوكى تعبان ارجوك كلمها
زياد / حاضر يا بابا ثوانى
زياد يطلع بره
فريده / مستني منها ايه و مازن بيه بيشحنها ضدك تلاقيه هو اللى بعت الريكورد ليها عشان تقاطعك عاوز يقطعك من الدنيا بس بعينه ان قدر على مونى لا هيقدر لا عليا و لا على زياد
ابراهيم / خايف اموت و هما بعيد عنى خايف يجرالى حاجه قبل ما اصالحهم و يسامحونى
فريده / بعد الشر عنك يا حبيبى ارتاح ارتاح
زياد يدخل
زياد / بتقول الحمل تاعبها مش هتقدر تيجي وواضح انها زعلانه اوى من حاجه
فريده / خلاص خلاص قوم انت بس يا ابراهيم و احنا نروح نزورها و نطمن على حفيدك
ابراهيم يبصلها و يبص للسقف و يفتكر
//////////////////////////////
مازن / اللحظه اللى طلبت من احمد انه يقتل فيها حفيدتك كنت بتقتلنى فيها يا بابا
////////////////////////
فريده / بعتتلى صوره السونار بتاعها ولد انما ايه قمر طالع لمامته هههههههههههههههههه
ابراهيم يبصلها و يبص فى الارض بحزن
فريده / متزعلش نفسك هما صغيرين لما مونى تولد و تشوف قد ايه الضنا غالى و انها مستعده تعمل المستحيل عشان ابنها هتفهم انت ليه عملت كدا اهدى كل شئ هيتصلح انا هتكلم معاها و هفهمها و ان كان على مازن .. يبقى يخلى بنت السباك تنفعه هى و اللى فى بطنها
زياد / اصلا مازن ده غريب اوى ايه اللى مخليه محموق اوى على البيبى ده هو يضمن منين انه ابنه يعنى دى حيالله ليله واحده
فريده / انسان غريب والله غريب مش مفهوم
.................
فى مطار القاهره
مازن خارج من المطار معاه شنطه صغيره و بيتكلم في التليفون
مازن / كويس انا وصلت اهو و جايلك
شريف / مازن فى مشكله عند محمود و مش عارف هنقولهالها ازاى
مازن / خير
شريف / الحجه مديحه تعبانه اوى و كل ما يقولها هروح اجيب مرام تصرخ و يغمى عليها و حلفت لو جابها هتموت نفسها هى مش عوزاها فى البيت
مازن / دى نكته صح على فكره بايخه اوى ازاى يعنى
شريف / زى ما بقولك حتى مرام كلمتها من رقمى قالتلها النمره غلط و لما كلمت محمود شرحلى الوضع و امه عايشه على حق مهدئه و مش عارف يعمل معاها ايه يرجع بيها المستشفى و لا يعمل ايه و جايب حماته و مروه يخدموا امه و مروه حلفت لو مرام جت البيت هتطلق و مش هيخدموها و ساعتها هيحتاس بالاتنين مرام و امه
مازن / ايه قله الاصل دى دا مرام كانت بتعتبرها امها
شريف / قدر اللى مرت بيه يا مازن
مازن / بحاول والله بس دا مرام ممكن تموت عشان خاطرهم ازاى يعملوا كدا مش كفايا قالت لتوفيق على مكانها
شريف / العمر غالى برده يا مازن و اى حد مكانها كان هيعمل كدا
مازن / انت تعمل كدا ؟؟؟
شريف / لكل قاعده شواز
مازن / و المفروض اعمل ايه يعنى نقول لمرام الكلام ده ازاى
شريف / بص انا سالت و عرفت ان مرام ليها عم
مازن / دا راجل واطى و مرام و تيته حكولى عنه انه ابن كلب
شريف / تمام راجل مادى و كل حاجه بس ممكن نستفيد منه ياخد اللى هو عاوزه بس يستضيف مرام عنده فى البيت الكام شهر دول و اهو كمان نخليه يحاول يصلح بينكوا
مازن / لا مش هودى مرام انا عند حد معرفوش
شريف / بص هخليهم يسالوا عنه النهرده يمكن المعلومات اللى هجيبها تخلينا نغير راينا تمام ؟؟
مازن / ماشى انت فين دلوقت
شريف / انا فى الشركه
مازن / و مرام لوحدها
شريف / لا ماما معاها
مازن / انا رايحلها اهو هخلى السواق يروح مامتك متقلقش انت
شريف / تمام توصل بالسلامه
مازن / سلام يا شيكو
مازن يقفل و يحط الموبايل فى جيبه و تيجى عربيه يركب ورا تطلع بيه
............................
فى شقه مديحه
مديحه نايمه على السرير فى اوضتها و بتعيط و محمود قاعد حنبها هو و مروه و امها
مديحه / هقولها ايه لما اروحلها هقولها ايه هقولها سبتك تموتى قدام عينى و روحت استخبيت هقولها ايه بس هقولها ايه
الست / يا حجه و انتى ذنبك ايه مهم لله اللى كانوا السبب
مديحه / لما ابو محمود مات مكنليش حد و لا كانله معاش و لا كان فى نيله و كنا عايشين على زيارات القرايب فى الاول عمامه كانوا بيسالوا و اخواتى و واحده واحده كل واحد انشغل فى حاله و هو كان صغير هسيبه لمين و انزل ادور على شغل خدتنى تحت جناحها و شغلتنى معاها قسمت اللقمه معايا ربينا العيال سوا و عشنا المره قبل الحلوه سوا و فى الاخر سابتنى و مشيت و انا بدل ما احصلها كنت عاوزه ابعتلها بنتها صوت صريخها لسه بيرن فى ودانى يا اختى لسه بتصرخ يا اختى بتصرخ و بتتوجع كلمه ااااااااااااه بتقولها زى السكينه بتغرز فى قلبى و انا قاعده فى الارض هنا هو
مديحه تشاور على الارض بي السرير و الدولاب
مديحه / قاعده ساده ودنى و بعيط مخدش سكينه و ادافع عن البت و اللى فى بطنها ممسكش التليفون و اطلب البوليس اقعد ساكته كدا
محمود / طب ما تصلحى الغلط ده و تجيبى مرام هنا
مديحه / لا مرام لا مرام متجيش هنا هيجوا تانى طول ما هى حامل فى البت دى هيجوا تانى دول ناس كفره ميعرفوش ربنا هيقتلونا يا محمود هيقتلوك يا ضنايا و انا مليش غيرك يقتلونى انا مش مهم فداك يا ضنايا بس انت لا يا حبيبى الحمد لله انك ما كنتش هنا الحمد لله يا ابنى الحمد لله
محمود يبص فى الارض
محمود / كنت جاى يا اما كنت جاى و قعدت اعيط انا كمان زى الولايا كنت جاى
محمود يبصلهم بيبصوله يستاذن و يقوم
محمود / عن اذنكوا اخش الحمام
محمود يمشى و الست بتبص لمديحه مروه تدخل شايله صينيه عليها اكل
مروه / العشا يا ماما
..........................
فى المستشفى
مازن / حرام عليكى يا شيخه تقدر الست دى تبات على الكنبه دى للصبح
مرام / طب كانوا روحونى فى طريقهم ايه التدبيسه دى تعرف انا هنزل اتمشاها احسن
مازن / ما تبطلى عند بقى بتعاندى مين بتعاندينى و لا بتعاندى البت الغلبانه اللى فى بطنك دى دى لما هتتولد هتطلع عينك
مرام / هى بس تيجى و تعمل اللى تعمله
مازن يقعد جنبها و هو مبتسم
مازن / هتيجى ان شاء الله بصى اما انا جبتلها شويه حاجات من دبى استنى هفرجك
مازن يروح يحط الشنطه على الكنبه و يطلع الحاجات و يبص لمرام يلاقيها باصه و مبتسمه يطلع فستان احمر صغير
مازن / ايه رايك حلو صح
مرام / حلو اوى تعيش و تجيبلها
مازن / شوفتى الكوتشى ده ... و لا التاتينه دى
مازن يطلع كوتشى نونو خالص و تاتينه كلها استراس مرام تبتسم و مازن يحطلها الحاجات على رجلها مازن يطلع علبه صغيره فيها خاتم
مازن / ده بتاعك
مازن يفتح العلبه و يطلع الخاتم و يروح يقعد عالسرير جنبها يجى يمسك ايدها تسحبها و هى بتبص فى الارض
مازن / بالله عليكى يا شيخه متبوظيش اللحظه
مرام / انت ابو ملك اه لكن انت مش جوزى
مازن / لحد ما تولدى لسه فى عصمتى العده طلعت مخلصتش
مازن يلعبلها حواجبه تدحك
مرام / باباك قالك ايه لما عرف انى حامل
مازن يبص فى الارض و يقوم يطلع فساتين بيبى من الشنطه منهم واحد ابيض
مازن / بصى ده حلو ازاى تعرفى شبه البرنسيسات بفكر من دلوقت فى البوزيز اللى هاخدهالها بالكاميره تعرفى انا همشى فى البيت بالكاميره على صدرى كل ثانيه اللقط صوره هعملها مليون اللبوم و هعملها مليون فيديو هدلعها اخر دلع هخليها ملكه ... انا ملكه زمانى و قصرى كله ماس ان جيتنى حبيبى بلغ الحراس
مرام / طب والله بتخبط بتقول ارحمونى
مازن / هههههههههههههههههههه فين
مرام / فى بطنى
مازن / خلينى احط ايدى خلينى احسها خلي عندك قلب هو انتى معندكيش اخوات صبيان
مرام / عندى محمود ربنا يخليه
مازن / طب ايه فين
مرام / سكتت
مازن / اغنى تانى يعنى
مرام / ما تبطل هبل بقى يا مازن هو اكمنى سكتالك و عاصره على نفسى لمونه لحد ما بكره يجى و اروح هتسوق فيها انا قولتلك انت ابو ملك ماشى لكن مش جوزى انت مش جوزى يا مازن
مازن / انا ممكن اغير الوضع ده بكلمه
مرام / مقولتليش باباك عمل ايه لما عرف انى حامل
مازن يبصلها
مازن / ابويا مات مقتول قبل فرحنا بيومين يا مرام و خدنا فيه العزا كمان على فكره تيته اندفنت معاه الله يرحمه كل حاجه باظت من بعده
مرام / الله يرحمه
مازن / الواحد مبيحسش بقيمه النعمه الا لما بتروح من ايده كان عايش قدامى مكنتش متخيل انه شايل عنى كل ده عمرى ما كنت اتصور انى هتبهدل اوى كدا من بعده و بكره لما اموت انتى كمان هتعرفى قيمتى
مرام / ربنا يخليك لبنتك
مازن / و يخليكوا ليا حياتى من غيركوا ملهاش معنى
مرام تبص الناحيه التانيه
مازن / بالنسبالى انا معدليش اب الموضوع بينا انتهى
مرام / هو ليه دخل باللى حصلى
مازن يبص فى الارض مرام تدمع
مرام / للدرجادى بيكرهنى للدرجادى ... لدرجه انه يقتل حفيدته لمجرد انها منى
مازن / المهم انك بخير الحمد لله و انا خلاص والله الموضوع بالنسبالى انتهى حتى كلمونى حاولوا يدحكوا عليا تانى و قالولى انه وقع و جاله ازمه و نقلوه خلاص دخلت عليا مره مش هتدخل تانى انا بس كنت بخاف ابقى ابن عاق كنت بقدم السبت عشان لما ملك تتولد متعملش فيا كدا بس هو مكنش اب عمره ما كان اب اعمل ايه لا يكلف الله نفسا الا وسعها انا تعبت
مرام / و اخره اللى احنا فيه دا ايه كام واحد تانى هيموت يا مازن بسبب قربنا من بعض كام واحد هيدفع التمن
مازن / لو كنت موت مع اللى ماتوا كنتى هتزعلى عليا يا مرام كنتى هتقولى ياريتنى سامحته ياريتنى كنت رجعتله يمكن كان زمانه عايش
مرام / لا مكنتش هزعل
مازن يبصلها بحزن شديد و صدمه
مرام / لو كنت موت كان زمانى محصلاك كان زمان توفيق قتلنى انا و ملك
مازن / الاتنين المتجوزين فى الدنيا ربنا بيجمعهم فى الاخره صح
مرام / اه
مازن / طب لو مطلقين و لسه فى العده هيجمعنا صح و لا لا عاوزين نبقى نسال فى الحته دى
مازن يقعد يفكر و يطلع الموبايل و يعمل سيرش مرام تدحك و تزقه من على السرير
مرام / وسع يا مجنون سيبنى انام
مازن / استنى بس
مرام / وسع يا ابنى تعبانه والله اوعى
مازن يقوم و يروح يقعد على الكنبه و هو عمال يبص فى الموبايل مرام تفرد ضهرها و تنام و تبصله
مرام / تصبح على خير يا مازن
مازن لسه مكمل بص فى الموبايل
مازن / و انتى من اهله يا مرام
مرام / هههههههههههههههههه
مرام تغمض عينها و تفتحها تبص عليه تانى و ترجع تغمض
.................................
فى الشركه تانى يوم الصبح
شريف قاعد عمال يبص فى ملف الباب يتفتح و يدخل شاب و بنت
البنت / استاذ هيثم نور الدين يا شريف بيه
شريف يقوم يقف
شريف / اهلا اهلا يا هيثم تعال اقعد
هيثم يروح يقعد و هو عمال يبص للمكتب فى كل حته
شريف / تشرب ابيه
هيثم / ولا حاجه كتر خيرك
شريف / لا دا انت اول مره تنورنا تحب تشرب ايه
هيثم / خلاص قهوه مظبوط لو ينفع
شريف / اتنين قهوه مظبوط لو سمحتى
البنت / حالا يا فندم
البنت تمشى و تقفل الباب وراها
شريف / ازيك يا هيثم
هيثم / الحمد لله يا باشا لامؤاخذه متخاذنيش انا لما قالولى اجى و كدا مفهمتش اوى الحوار فرسينى ابوس ايدك عشان انا يعنى مش على بعضى هههههههههههههههه
شريف / هههههههههههههههههه تفتكر عمك سلامه الله يرحمه يا هيثم
هيثم / والله طشاش يعنى اصله اتوفى و انا صغير اوى موعاش عليه بس اخويا هانى يوعى كان كبير عنى شوبه
شريف / طب مرام بنته
هيثم / سمعت بس الحق يتقال ملناش علاقه بيها خالص سالت مره و انا صغير قالولى ان جدتها صعبه و فى مشاكل و كدا خير يا باشا
شريف / انت عارف ان جوز مرام يبقى مازن منتصر صاحب الشركه دى
هيثم / بسم الله ما شاء الله اللهم لا حسد اللهم لا حسد ربنا يزيد و يبارك يعنى
هيثم يبان عليه السعاده المفرطه
شريف / بس للاسف هما مطلقين دلوقت
الدحكه تروح من على وش هيثم
شريف / والله هو نفسه يردها بس فى مشاكل كتير بينها و بين اهله فالموضوع معقد شويه
هيثم / طب انا اقدر اعمل ايه عشان اصلح الموضوع ده
شريف / للاسف الحجه سميحه جده مرام اتوفت و مرام مبقاش ليها حد و هى حامل و ووضعها صعب جدا و محتاجه راحه تامه و هى مش عاوزه تقعد غير فى بيتها و لوحدها و مش عارفين نعمل ايه
هيثم / تعد لوحدها و بيت عمها موجود انت عاوز تلبسنا العيبه و لا ايه يا باشا ميصحش طبعا دا ان ما شالتهاش الارض نشيلها فوق عنينا انت بتقول ايه يا باشا ادينى عنوانها و انا اروح اجيب ابويا و نروح نجيبها وقتى
شريف / دا العشم يا هيثم على العموم متقلقش مرام بتاخد نفقه عشرين الف جنيه شهريا
هيثم عنيه توسع
شريف / انا هديهملك تصرف منهم عليها يعنى وجود مرام فى البيت عندكوا مش هيكلفكوا جنيه و لو احتجت فلوس فى اى وقت اديك عرفت العنوان
...............................
