((((((السكة شمال ٢)))))))
#لولو_محمد
الحلقه ٨٠
فى شقه بكرى
بكرى / يعنى ايه اجيب حاجه جاهزه و انا هكفى الجربئ اللى بره دا كله منين ان شاء الله
ام هدير / و انا اعمل ايه يعنى مش كنا بنفرش و بعدين ما البنات فى البيت ما يعملوا اى حاجه على ما نرجع الله هو انا هقطع نفسى ينى
بكرى / و هو فاشبنات اختك دول فالحين فى حاجه
ام هدير / و هى بنت اخوك فين يعنى ان شاء الله كل ده عند الدكتور بتعمل ايه على الاقل بنات اختى قاعدين فى البيت مش دايرين فى الشوارع
جرس الباب يضرب
بكرى / اهى وصلت اتفضلى افتحيلها
ام هدير تروح تفتح تلاقى مرام واقفه شايله بوكيه ورد و شيكولاته و مازن واقف وراها شايل بيتزا
.............................
ام هدير / اهلا وسهلا اهلا وسهلا اتفضل يا حبيبى ادخل .... بكرى دى مرام و مازن هنا
مازن يحط العلب اللى معاه على السفره
مازن / اسفين على التاخير العياده كانت زحمه جدا و كمان عدينا نجيب غدى عشان عارفين انكوا مشغولين و كدا
بكرى يطلع من جوه يسلم على مازن
بكرى / اهلا وسهلا
مرام / عن اذنكوا اغير هدومى و افرد ضهرى
ام هدير / مش هتاكلى و لا كلتوا بره
مرام / اكلت عن اذنكوا
مرام تدخل جوه
بكرى / اسمع يا باشا انا عارف انكوا فى العده و عارف انك شارى و عاوز تردها بس حس بيا قدر موقفى شكلى قدام نسايبى و انا بقولهم بنت اخويا خارجه مع طليقها و راجعه بورد و شيكولاته
مازن / و فيها ايه يعنى
بكرى / يا ابنى فيها كتير هى سمعه البنات بالساهل
مازن / ياريت حضرتك بدل ما تقول كلام ملوش لزمه على حاجه مش غلط تكلم مرام و تهديها و توفق الدنيا على بعض ساعتها مش هحتاج انى اروح و اجى
بكرى / حاولنا مفيش حد ما كلمهاش من اكبر نفر لاصغر نفر مفيش فايده خلاص بقى
مازن / خلاص ايه
بكرى / انساها و شوف نصيبك
مرام تقف تسمع من ورا الستاره
مازن / انت متاكد من اللى بتطلبه
بكرى / على العموم براحتك كلها شهر شهر و نص بالكتير و العده تخلص و ساعتها بقى بيتهيالى لا هينفع تدخلها و لا تخرجلك
مازن / عن اذنك
مازن يمشى و يرزع الباب وراه
ام هدير / انت بتقوله ينساها انت بتهرج يا بكرى
بكرى / مش هنركب ارايل على اخر الزمن ... خشى يلا نادى على اختك و العيال خليهم يجوا ياكلوا و البيتزا سخنه
ام هدير / حاضر داخله
ام هدير تدخل مرام تسبقها على الاوضه
.................................
فى شقه مازن
شريف / و ايه حكايه الكوابيس دى كمان
مازن / و هى اللى شافته شويه يا شريف دى شافت الموت بعنيها اذا كانت مديحه مستحملتش
شريف / على رايك الله يعينها بس يعنى المفروض الواحد ما يسكتش على الحاجات دى
مازن / مهى حامل برده يعنى اى علاج هيتكتبلها
شريف / و هو العلاج النفسى ادويه بس يعنى تقعد مع حد متخصص يتكلم معاها
مازن / مش هتسمعله ساعات بحس انها عايشه هناك بتعاقب نفسها و ساعات بتعاقبنى انا و ساعات بحس انها بتعاقبهم هم
شريف / ازاى بقى طب بتعاقب نفسها دا اساسى لانها اكتر حد متضرر من قعادها هناك بتعاقبك و تعاقبنا فطبيعى عشان هى غاليه علينا و زعلانين عليها انما بتعاقبهم ليه باماره ايه دول اكلين شاربين قالعين لابسين على حسابها
مازن / و هى متعرفش ده اللى تعرفه انها شالت المشاكل من على عمتها حطتها عليهم
شريف / انا كنت اسمع ان الاوائل مش شرط يكونوا اذكيه بس لما شوفت مرام اتاكدت
مازن / بس ما انكرش كان يوم حلو اوى بجد
شريف / ربنا يصلحلك الحال
مازن / ملك و هى بتخبط و تتحرك فى السونار و مغمضه عنيها و مقفله ايديها و كاشه فى نفسها كدا و لا فرحه مرام بالشيكولاته و لا دحكتها اللى لسه بترن فى ودنى اما انا فرحان اوى كدا النهرده امال لما مرام تولد هبقى عامل ازاى
الدحكه تروح من على وش مازن و يتنهد
مازن / هبقى عامل ازاى يا شريف هبقى فرحان ان بنتى اتولدت و لا زعلان ان العده خلصت و هتحرم منها و من امها
شريف / لسه فى قدامك وقت
مازن / الايام بتعدى اسرع من الصوت هعمل ايه اكتر من اللى عملته انا محتاج معجزه معجزه يا شريف معجزه
شريف / بص يا مازن لو مرام فضلت منشفه دماغها فانا لو منك
مازن / سكت ليه
شريف / مش مقتنع باللى هقوله
مازن / اجبرها احطها قدام الامر الواقع و اخد منها ملك و نتحارب عليها و تعيش معايا غصب عنها عشان تبقى جنب بنتها
شريف / يمكن محمود كان معاه حق لما قال تطلبها فى بيت الطاعه و لما يتقفل عليكوا باب تعرف تراضيها
مازن / مش هكسرها يا شريف هى مكسوره خلقه دى بتعاند حلاوه روح انا لسه قادره اقول لا تعرف انا ايه اللى راعبنى يا شريف
شريف / ايه
مازن / انها تجيلى انها تكتشف حقيقتهم و استغلالهم ليها او انهم يقلبوا عليها انها تتكسر يا شريف
شريف / مش عارف و عسى ان تكرهوا شيئا و هو خير لكم ما حدش عارف الخير فين
مازن / على رايك بقلك ايه انا هقوم اعمل قهوه تشرب
شريف / اشرب
مازن يقوم و يسيب شريف قاعد و باين عليه الضيق
............................
فى اوضه مرام
البنات ماسكين الورد و بيتصوروا معاه و هدير بتاكل فى الشيكولاته
هدير / الله الشيكولاته دى حلوه اوى
بنت 3/ سيبك من الشيكولاته يا طفسه الورد تحفه والله يا مرام انتى مفتريه دا انا لو حد جابلى بوكيه زى ده دا انا اتجوزه وقتى الواد يعمل ايه اكتر من كدا
بنت 1/ و لا البيتزا اللى جابها مش الفطير اللى ماما بتعمله
هدير بتاكل فى الشيكولاته بنت 2 تروح تاخد منها حته
بنت 2/ كفايه بقى الفستان مش هيخش فيكى
هدير / عن امه ما دخل انتى عارفه العلبه دى بكام
بنت 1/ مش اقل من تلتميه جنيه دا كفايه العلبه اللى جايه فيها
مرام / تلتلاف و خمسميه
البنات يبصولها
مرام / العلبه دى بتلتلاف و خمسميه كنت معاه مره و هو بيشترى واحده زيها بس دا كان تقريبا من سنه كدا و دفع يوميها حوالى اتناشر الف عشان كان جايبلى شيكولاتات كتير
بنت 3/ لا ثوانى كدا اركن انت بقى كدا يا عم البوكيه اما نشوف الشيكولاته ام تلتلاف دى
بنت 3 تدى لمرام البوكيه و تتلم هى و البنات على هدير و ياكلوا من الشيكولاته مرام بتدحك و هما بيتكلموا و الشيكولاته فى بقهم
بنت 1/ حلوه اوى بجد لما دى بتلتلاف امال الورد بكام والله حرام عليكى يا مرام
بنت 3/ ابوس ايدك يا مرام ابوس رجلك لو مش هترجعى لمازن باصيهولى انا زى اختك برده
بنت 2/ لا بجد انتى عاوزه ايه اكتر من كدا مز و غنى و كريم وورد احمر شيكولاته و بيتزا و بيجرى وراكى زى العبيط عاوزه ايه اكتر من كدا
بنت 1/ دا كفايا انه ابو بنتك
بنت 3/ كفايا الشيكولاته دا انا ممكن اتجوزه بعلبه زى دى والله
مرام / و لما العلبه تخلص هتعملى ايه
بنت 1/ يعنى هو مافيهوش ميزه يعنى خالص
هدير / بجد يا مرام ما تحكيلنا عنه شويه اكيد اللى زى ده كان بيجبلك هدايا و يعملك مفاجات و كدا
مرام / مره جبلى طقم سولتير كان حلو اوى
البنات يبصوا لبعض
هدير / فين ده اوعى يكون اتسرق
مرام / لا عنده ما انا سبتله كل المجوهرات اللى كان جايبهالى
بنت 2/ و تسبيها عنده ليه انتى عبيطه انتى عارفه الطقم ده يعمله كام
بنت 1/ هو طقم واحد بتقولك سابت كل المجوهرات يعنى كتير
مرام / كان فى طقم كمان اخته جيباه و كان فى بقى شويه هدايا خواتم و سلاسل و حاجات من دى
بنت 3/ ابوس رجلك جوزيهونى يا قادره دا بخاتم من دول اغير حياتى و انتى عماله تبيعى و تشترى فى الواد يا قادره يا قادره
مرام تبصلهم و تبتسم
هدير / دا كفايا انه لسه لابس دبلتك لحد دلقت و كل ما بابا يتخانق معاه يقوله مراتى مراتى مراتى ولا مره بيقول طليقتى دا انتى ربنا هيحاسبك عالبتر ده
بنت 2/ صحيح هو ليه لابس دبلتين
مرام / اللى فى الشمال دى بتاعه الخطوبه و اللى فى اليمين كنت عملاهاله هديه
بنت 1/ الله و لسه لابسهم
مرام / فى حاجات كتير غير الحاجات دى ايوه انا طبعا عشت معاه زكريات كتير حلوه كريم و مبيستخسرش فيا حاجه كفايا انى اطلب و ساعات كان قبل ما اطلب كمان بيعمل اللى انا عوزاه بيغير عليا رومانسى حنين فيه كل حاجه اى بنت تحلم بيها بس
بنت 3/ ان كان على اهله فا انتى تقدرى عليهم افصليه عنهم و املى حياته و بكره لما تولدى هما اللى هيجروا وراكى خليكى ناصحه
مرام / فى حاجات تانيه غير اهله ما حدش كامل
بنت 2/ اديكى قولتيها ما حدش كامل
مرام / بصوا غيروا السيره دى مش عاوزه اتكلم
بنت 3/ عشان مش لاقيه اللى تقوليه انتى عارفه انه بيحبك و انتى كمان بتحبيه و باين اوى على فكره بتموتى فيه كمان
مرام / مازن كان متراهن مع صحابه عليا انا بالنسباله كنت مجرد ...اووووف غيروا السيره دى بقى
بنت 2/ و لما عرفك حبك و الوضع اتغير ليه بتحاسبيه على الماضى بيجرى وراكى و بيحاول يصلح غلطته
مرام / حاولت اسامحه كتير والله حاولت كتير بس انا اتهنت و اتبهدلت و انضربت و كنت هموت بدل المره اتنين و تلاته صدقونى انا كنت وصلت لمرحله انى بدعى ربنا ياخدنى يمكن ارتاح
بنت 1/ و هو كان فين من كل ده
مرام تبصلهم و ساكته و هما مستنينها تجاوب
مرام / موجود
بنت 2/ يعنى ايه موجود موجود و ساكت يعنى
هدير / مش هو اللى انقذك من الحادثه
مرام / اه هو
بنت 2/ يبقى موجود بيدافع عنك بقى مش موجود يتفرج
مرام / انا مش عاوزه اتكلم فى الموضوع ده بجد بدات اتعب و ملك اتوترت فى بطنى و عماله تخبط عملتوا ايه فى الحنه اتفقتوا مع الست
هدير / اه هتجيب بكره الحاجات و هنعمل احلى حنه هندى و هتجيب السوارى و الاكسسوارات و الحنه و كل حاجه
مرام / الف مبروك
هدير / انتى تعبانه صح
مرام / اوى يا هدير والله تعبانه اوى
هدير / يعنى متقدريش تعملى اكل لبكره بس عشان الناس اللى هيجوا انا عازمه كل صحباتى و الجيران
مرام / مش عارفه هقدر و لا لا اديكى شايفه رجلى وارمه
بنت 2/ جرا ايه يا هدير و احنا يعنى هنغلب البنت تعبانه
هدير / ياختى اتوكسى انا عاوزه اتجوز مش اتكفن قال اكل من ايدك قال
بنت 2/ كدا يا هدير ماشى ماشى حقك
بنت 3/ خلاص خلاص بصوا احنا نحط لمرام كرسى فى المطبخ تشتغل و هى قاعده و احنا كلنا نساعدها ايه رايكوا
بنت 2/ و انا موافقه طبعا
هدير تبص لمرام
هدير / مرام
مرام / ربنا يسهل
هدير تحضنها
هدير / حبيبتى يا مرام ربنا يخليكى ليا و ما يحرمنيش منك ابدا
..............................
فى الحنه تانى يوم
فى رمل مفروش فى الشارع و كهارب و كراسى و دى جاى و الرجاله قاعدين تحت و فوق الستات ملموممين فى الصاله بيرقصوا و مرام فى المطبخ بتعبى سندوتشات و هى قاعده فى علب و ترص لوحدها هيثم يدخل
هيثم / ايه ده يا مرام انتى لسه ملبستيش الناس تحت
مرام / اعمل ايه يا هيثم بعبى العلب اعمل ايه يعنى
هيثم / طب بالراحه طيب انا مش قصدى والله حاجه انا عليكى يعنى و بعدين انتى شغاله لوحدك ليه مش كانوا بيساعدوكى
مرام / اه لحد ما معاد الكوافير جه و لبسوا و مشيو و مامتك و خالاتك بره مع الضيوف و قالولى اعبى انا العلب
هيثم / طب روحى اللبسى و انا هعبى مكانك
ام هدير تدخل
ام هدير / ايه ده يا مرام انتى لسه مخلصتيش الناس بره عاوزين ناكلهم
مرام / اديهم من العلب اللى خلصت على ما اعمل الباقى
ام هدير / و ايه اللى انتى لبساه ده انتى عاوزه تعرينا
مرام / تصدقى معاكى حق
مرام ترمى السندوتش فى العلبه و تقوم
مرام / عن اذنكوا قبل ما حد يشوفنى و اعركوا
مرام تعدى و تروح اوضتها
هيثم / اولع فى نفسى ياما ايه عملتيه ده دا بدل ما تسيسيها لحد ما تعدى الليله
ام هدير / شوفت عمايلك اتمرعت و بقت ترد طبعا ما الباشا فى ضهرها
هيثم / تصدقى انا غلطان عبى بقى الوجبات يا ست الكل و انا هنزل دول للرجاله اللى تحت
هيثم يشيل وجبات كتير و ينزل تحت و ام هدير تنفخ و تدخل لمرام الاوضه تلاقيها بتحط قطن فى ودانها و بتنام تشد الغطا من عليها
ام هدير / دى اخرتها يعنى
مرام تشيل القطن
ام هدير / فتحنالك بيتنا و خدناكى وسط عيالنا و قسمنا اللقمه معاكى و دى اخرتها يعنى
مرام / حضرتك عاوزه نتحاسب ؟؟
ام هدير / انتى فاكره انك كاسره عينا بالشقق لا فوقى ايجارك و هتاخديه مش بتجبى علينا و بعدين لو على الحساب احنا ولاد اصول اوى مش هنحاسبك على اللى قدمناهولك انا بس بستعجب على التغير اللى حصلك من امبارح للنهرده بوكيه ورد و علبه شيكولاته قوت قلبك علينا خلتك تردى بقلب جامد
مرام / لا مش حقيقى انا تعبانه وواقفه على رجلى من الصبح و البنات راحوا الكوافير و حضرتك قاعده مع الناس بره و انا بشتغل زى الخدامه فى المطبخ و متكلمتش
ام هدير / وطى صوتك انتى عاوزه تفضحينا قدام الناس كل ده عشان بقولك ملبستيش ليه انا اللى خايفه عليكى تبانى زى الخدامه و اخرتها بتردى عليا الكلمه بكلمه و الرد برد و لا كانى قد امك هى دى تربيه الحجه سميحه ليكى هو ده الدين يا شيخه مرام يا اللى ما بتسبيش المصحف من ايدك
هيثم يخبط على الباب مرام تعدل الطرحه
هيثم / مازن بيه تحت بيستاذن يطلع يبص على مرام
ام هدير / اهو حبيبك جه اهو يلا اللحقى لمى حاجتك عشان تروحى معاه و انت يا هيثم قوله يطلع ياخدها
هى خلاص عيشتنا ما بقتش بتملا عينها
مرام تبصلها
مرام/ انتى بتطردينى
هيثم / بتطردك ايه بس يا مرام هو فى حد بيطرد حد من بيته و انتى يا اما اهدى كدا و بلاش الشيطان يركبك
ام هدير / انا برده
هيثم / الناس بره اهدى ... حقك عليا انا يا مرام انتى شايفه الكل تعبان و متوتر و مضغوط قد ايه
الباب يخبط مازن واقف على الباب ام هدير تشوفه تنفخ و تطلع بره مازن يبصلها
هيثم / هروح اجيبلكوا اتنين حاجه ساقعه عن اذنكوا
هيثم يطلع بره و مازن واقف باصص على مرام و هى بتحاول تدارى عصبيتها
مازن / انتى كويسه
مرام / اه كويسه الحمد لله
مازن / مالك
مرام / مافيش تعبانه شويه قولت انام زى يوم كتب الكتاب مرات عمى ادايقت اطلعى اقعدى مع الناس و كدا يقولوا ايه بس
مازن / متاكده انه بس
مرام / هيكون ايه تانى يعنى انا كويسه بقولك
مازن / هتنامى يعنى
مرام / والله كنت بحط القطن فى ودانى اهو زى ما انت شايف
هيثم يدخل و معاه اتنين حاجه ساقعه
هيثم / الساقع يا باشا الساقع يا مرام خدى روقى دمك
مازن يبص لهيثم
هيثم / والله يا باشا الموضوع ما مستاهل شده اعصاب بس بسبب التعب و الزحمه و البيوت ياما بيحصل فيها و لا ايه يا مرام
مرام تهز راسها و مازن عينه عليها
مازن / ممكن تسبنا لوحدنا خمس دقايق
هيثم / تمام يا باشا انا بره على العموم لو احتاجتوا حاجه
هيثم يطلع
مازن / مرام
مرام / انا زفت كويسه خلاص عادى شدينا مع بعض شويه ما فيهاش حاجه بطل انت بس تحاول تصطاد فى الميه العكره و كل حاجه هتبقى كويسه تمام
مازن / انا بس كنت عاوز اقولك
مرام / ما تقولش بالله عليك ما تقول حاجه انا تعبانه و عاوزه انام
مازن / ماشى لو حبيتى تكلمينى فى اى وقت انا صاحى
مرام / ان شاء الله
مازن / مع السلامه
مازن يمشى و يوصل لحد الباب يلاقى علبه الشيكولاته مرميه فى الارض فاضيه يبص على مرام يلاقيها ماسكه راسها بايدها يبص فى الارض و يتنهد و يقفل الباب وراه و يمشى
هيثم / ايه يا باشا على فين كدا
مازن / انا كنت جاى اطمن عليها و ماشى
هيثم / فى عنينا والله يا باشا والله البنات امبارح طول الليل بيحاولوا يكلموها و يعقلوها عشان كدا هى متنشنه
مازن / اسمع لو مرام تقيله عليكوا الف بيت يتمناها
هيثم / ليه بس الكلام ده يا باشا
مازن / وصل الكلمتين دول لوالدتك بشكل محترم عشان لو سمعتهم منى هتزعلوا كلكوا سلام
مازن يمشى و هيثم واقف ينفخ
..........................
تانى يوم الصبح فى الشركه
محمود / يا اخى الواحد هاين عليه يجيب خمسه سته بلطجيه يدخلوا يدغدغوا ام الشقه دى على اللى فيها دا ايه الهم ده ياربى كان ربنا بيعاقبنا على اللى عملناه فى مرام
سعد / اهدى يا عم الحاجات دى ما بتتحلش كدا اصبر على جار السو يا يرحل يا تجيله مصيبه تاخده
محمود / يرحل فين دول لازقه بغرا منتهى قله الزوق و القرف امبارح لحد الفجر بيفرشوا فى الشقه و كميه كراتين اكياس و قرف قرف اقسم بالله
سعد / ما انتوا غلطانين برده يا محمود
محمود / يا راجل
سعد / اللى زى دول جربوا و رموا زبالتهم مره لقوكوا بتنضفوها هيفضلوا طول عمرهم يرموا انتوا لو سبتوا الزباله و جم لقوها تانى يوم هيتعلموا الادب
محمود يبصله
سعد / يعنى العروسه لما تيجى مروحه بيتها النهرده بالليل و تلاقى الكراتين و زبالتها ساده عليها السلم هى و اهلها مش هيتعلموا الادب بعد كدا
محمود / يا اخى دا الجاروف و المقشه و الفرشه اللى خدتهم من مروه عشان تنضف بيهم ضربوا عليهم و لما مروه راحت تكلمهم بهدلوها دى ناس ولاد كلب اقسم بالله ما مانعنى عنهم الا ان مرام عندهم
شريف يدخل
شريف / ايه يا شباب فى ايه صوتكوا عالى ليه
محمود / هو مفيش اى طريقه نخرج مرام من عند الناس دى انا تعبت اقسم بالله
شريف يدحك
محمود / انت بتدحك انا فى هم طول الليل مشغلين اغانى و معليين الصوت على الاخر و مزبلين الدنيا من انهى زريبه وقعنا فى البهايم دول ياربى
شريف / والله انا لو عليا اعلقهم زى الخرفان نفر نفر بس نعمل ايه ايدينا و رجلينا مربطين عشان خاطر عيون مرام
سعد / يا جماعه هى يعنى هتعيش عندهم العمر كله
محمود / خمس سنين يا سعد خمس سنين ماجرالهم الشقه خمس سنين بنت الكلب امبارح حطت العقد فى عين مروه بتقولها هصوره و اللزقهولك على الباب انا بقيت فى نص هدومى و انا كل شويه احوش بينهم دا اول امبارح كان فى خناقه حريم سمعت الشارع كلو و التانين ما شاء الله ما يتوصوش فى الالفاظ و لما جيت و حكولى روحت للباشا الدكر عريس الخيبه و الندامه بيقولى دول شويه نسوان مع بعض بلاش ندخل احنا فيها
شريف / هيجيلهم يوم ما تقلقش هيجيلهم يوم
محمود / انت بارد اوى يا شريف بارد لدرجه ان هاين عليا اطلع غلبى كله فيك دلوقت
شريف / ههههههههههههههههههه اول درس خدناه فى العلوم فى ابتدائى ان الارض كرويه عارف يعنى ايه كرويه يا حوده يعنى بتلف اتقل انت بس و بكره يجولك تحت رجلك و تطلع القديم و الجديد و بكره تقول شريف قال
محمود / امتى بقى لما اكون ارتكبت جنايه
سعد / يا عم ما قولتلك اللى زى دول لما بيلاقولك سكه بيدوسوا فيها متبينلهمش انك بتدايق هيفضلوا يزيدوا لحد ما يفجروك و يقعدوا يدحكوا عليك
شريف / استاذ والله
محمود / ما اللى ايده فى الميه مش زى اللى ايده فى النار حقكوا حقكوا اكتر من كدا كمان
شريف / انت رايح الفرح
محمود / انت ناوى على خراب بيتى فرح مين اللى احضره اقول لمروه رايح احضر فرح الحيوانه اللى شتمتها هى و امها
شريف / مرام هتبقى هناك
محمود / اه و اروح اسلم عليها ازيك يا مرام انا محمود الواطى السبب فى كل الهم اللى انتى عايشه فيه اوعى تفتكرى انى جاى اخدك ترجعى تعيشى معانا لا انا جاى اسلم عليكى بس دا ايه الهم دا ياربى
محمود يسيبهم و يمشى
سعد / الواد هيجراله حاجه
شريف / الله يعينه هنعمل ايه يعنى
.........................
فى شقه بكرى بالليل
ام هدير / احنا هنمشى يا هيثم نركب مع خالتك فى الزفه ابقى تعال انت و مرام و ابوك على القاعه بقى
هيثم / تمام يا ماما تمام
ام هدير تمشى و هيثم يدخل جوه يلاقى ابوه محتاس فى الجرافاته
هيثم / بتعمل ايه يابا
بكرى / البتاعه دى مش راضيه تتظبط انا عارف مجبتوليش ليه ببيونه ام استك دى
هيثم / استك ايه بس يابا و بعدين هو مش الراجل بتاع المحل كان عاملهالك ايه اللى خلاك تفكها بس
بكرى / اتفكت منى بالغلط اعمل ايه يعنى
هيثم / ورينى كدا
مرام تخبط على الباب و هى لابسه الفستان و الطرحه و حاطه مكياج خفيف
مرام / انا جهزت
بكرى يبصلها و هيثم يجيبها من فوق لتحت طالع نازل
بكرى / ما شاء الله فينك يا سلامه تشوف القمر اللى خلفتها
مرام الحزن يملا وشها
هيثم / ابو النكد عيله متعرفش تفرح طالعه مزه يا بت فكك من الجو ده بقولك بتعرفى تربطى الجرافاته
مرام تدخل و تلبسها لعمها و تربطهاله
هيثم / انتى ما فيش حاجه ما بتعرفيش تعمليها
بكرى / قول ما شاء الله يا بقف ما يحسد المال الا اصحابه
هيثم / انتوا لسه هترغوا يلا يا بابا هنتاخر و لسه لما نوقف تاكس
بكرى / يلا يلا
بكرى و هيثم يتحركوا ناحيه الباب و مرام وراهم و فجاه توطى و تمسك بطنها
مرام / ااااه
بكرى و هيثم يرجعوا يسندوها
بكرى / ايه اوعى تكونى نوتيها انتى لسه بدرى عليكى
مرام / لا لا لا بتخبط جامد بس ااااه
هيثم / طب ايه اجيب تاكس و لا اطلب الاسعاف متوتريناش
مرام / لا هبقى كويسه هبقى كويسه
هيثم / قولتلك ارتاحى انتى اللى واقفه على رجلك من الصبح
بكرى / حصل خير حصل خير
مرام / لا لا مش قادره اقعد عاوزه افرد ضهرى
بكرى / و دا وقته يا مرام كدا هنتاخر على القاعه
هيثم / انت بتقول ايه يابا احنا فى ايه و لا فى ايه انتى متاكده انها مش ولاده يا مرام ما داهيه لتكونى بتولدى
مرام / لا لا مبولدش مش اول مره يا هيثم انا بس افرد ضهرى خمس دقايق بس
هيثم / طب تعالى اسندك للاوضه تعالى
هيثم يسند مرام و مش واخدين بالهم ان بكرى واقف على الفستان الفستان يتقطع
هيثم / يادى النيله مش تاخد بالك يابا
بكرى / هو انا يعنى قاصد دا ايه اليوم دا بس ياربى
هيثم / ما تعرفيش تخيطيه دا قطع صغير فتق خياطه الحمد لله
مرام / بقولكوا ايه امشوا و سيبونى
هيثم / انتى بتهزرى الناس تاكل وشنا
بكرى / سيبك من الناس امك تولع فينا هتفتكر انها لسه زعلانه من امبارح
مرام / ما انا وقفت عملت الفطار و الغدى عشان اثبتلها انى مش زعلانه اعمل ايه تانى انا مش قادره اقف على رجلى
هيثم / قومى معايا افردى ضهرك شويه قومى تعالى
هيثم يسند مرام لجوه تنام على السرير بالفستان
هيثم / اجيبلك جلبيه تلبسيها لحد ما تخيطى الفستان
بكرى يدخل
بكرى / سيبها ترتاح يا هيثم سيبها تنام
هيثم / انت بتقول ايه يابا مازن بيه هيبقى هناك هيسال مرام فين و ماجتش ليه هنقوله ايه سيبناها تعبانه فى البيت لوحدها
بكرى / مش احسن ما نجبرها تيجى عشان البيه يفرح بيها و يشوفها و تقع مننا فى الطريق و لا فى الفرح و نحتاس بيها .... بصى خلى التليفون جنبك و انا هخلى الموبايل فى جيبى و لو التعب زاد عليكى كلمينى نيجى ناخدك المستشفى تمام
مرام تهز راسها
بكرى / امشى يا ابنى امشى هنتاخر على الناس
هيثم / و مرام و مازن
بكرى يشد هيثم و يقفل الباب وراه مرام تفرد ضهرها بالفستان على السرير و هى ماسكه بطنها و بتتوجع
...........................
فى القاعه
العرسان قاعدين فى كوشتين جنب بعض و اغانى عاليه و هيثم واقف فى جنب هو و باباه و مامته
ام هدير / خالت عليا اوى تعبت فجاه و الفستان اتقطع و الشبابيك اتكسرت و القهوه فارت
بكرى / بقولك البت وقعت مننا بتقولى ايه انتى قهوه ايه و شباك ايه
ام هدير / طبعا ما انت لازم تحابى لبنت اخوك
.............................
