(((((((السكة شمال ٢))))))))
#لولو_محمد
الحلقه ١٩٩
محمود / بس انا لو سافرت مع امها و اخواتها امى ممكن تعمل فيلم و خصوصا ان هى اللى عملالى جمعيه العقيقه و مش هخبى عليك انا اهل مروه العشم واخدهم حبتين مش واخدين بالهم من المصاريف اخاف اطلع معاهم الدنيا تزنق معايا و بدل ما تبقي مصاريفي انا و مروه ادبس فيهم هما كمان
شريف / مش عارف اقولك ايه بس كلهم في الاول و الاخر اهلك يا محمود
محمود / وآلله لو معايا ما اتاخر ابدا انت عارف بس اديك شايف الظروف
شريف / خلاص سلم لحماتك الميزانيه و قولها عشان هى اللى حاجزه و كدا و سيب معاك خمسميايه احتياطى
محمود / طب و امى
شريف / امممممم اعرض عليها بس استاذن حماتك الاول يمكن تيجي منها و هى اللى تعزمها
محمود / هسلم الفلوس لحماتى و امى قاعده
شريف / لو امك جت اديهالها و هى و حماتك يصطفوا مع بعض بعيد عنك انت و مروه هما مش هيتكسفوا من بعض
محمود / هى حماتك لما جتلك كانت بتصرف ازاى
..................................
شريف / حماتى ما حطتش جنيه في حاجه ما حدش سمحلها حتى عرضت تروح شقتها ما حدش عندنا وافق و هى اصلا اكلتها تعبانه بتفكرك باكله صافي زمان فاكر
محمود / اه
شريف / بس الحق يتقال كانت جايبه هدايا لكل البيت حتى بنت رؤي اللى لسه ما جتش كانت جيبهالها طقم تحفه من تركيا و احمد ابن شيماء ما سابتش حد
محمود / انا والله عمرهم ما جم بايدهم فاضيه بس برده مصاريفهم كتير سهروا شويه يجيبوا دليفرى و ساعات بيعزموا يحاسبوا انا مش برضي خالص و ما اقدرش اتكلم مع مروه في الموضوع
شريف / اوعى
محمود / اعمل ايه يا شريف انا حاسس ان الدنيا فتحت منى و مش عارف المها
شريف / اقعد مع مروه و قولها انا اللى معايا اول عن اخر كذا و سالفهم و لو طلعنا لازم ناخد ماما و ارمي الكوره في ملعبها و شوف هتعمل ايه و يمكن تيجي من عند ربنا امك ترفض و لا هى تقولك ناجلها شويه سبها لله
محمود / فكره حلوه علي الله تجيب نتيجه
....................
في شقه مازن القديمه
احمد يدى للبني شيك
لبني / ايه ده ؟
احمد / انتى مش طلبتي مجوهراتك
لبني / هههههههههههههههههه انت سيلتهالي ؟
احمد / مهو ما ينفعش اديهالك زى ما هى ممكن ما تعرفيش تتصرفي فيها و لو حصل و ظهرت هنروح كلنا فى داهيه
لبني / لا ناصح بس انا اضمن منين ان دى قيمتهم مش يمكن
احمد / هههههههههههههههههههه بلاش طمع يا لولا الطمع بيقل ما جمع
لبني / ماشي
احمد / جابلك غيرهم و لا لا
لبني / احمد
احمد / ههههههههههههههههههه بطمن عليكي مش اكتر ما يخلصنيش تمشي فاضيه
لبني / لسه حجزت شويه حاجات بس لسه ما استلمتش
احمد يطلع من جيبه علبه قطيفه فيها انسيال اللماظ يفتحها قدام لبني تبصله
لبني / ايه ده
احمد / دا هديه بسيطه منى تعويض عن الخضه اللى عشتيها
لبني تمسكه و تبص فيه و تبص لاحمد
لبني / زوقك بيتحسن
احمد / النهرده زياد هياخد الضربه التانيه
لبني تاخد نفس
لبني / على الله بفايده لحسن انا حسه انه هيلف يلف و يرجع يتكلم عن الهبل بتاعه ده تاني
احمد / انا كدا عملت اللى عليا الباقي عليكي انتى بقي
لبني / هعمله ايه يعني يا احمد بس صحيح انس جالك
احمد / اه جالى و خد ضيافته و مشي قولتلك اخره يعمله
لبني / هيسهر هو و زياد النهرده
احمد / همتك معانا بقي
لبني / صعبان عليا اوى
احمد / اموت انا في قلبك الحنين ده مش ده اللى
لبني / ما تسخنيش انا سخنه لوحدى بس فعلا صعبان عليا مش وقته اديله حتى شويه وقت يفوق من صدمته دى ما كانتش عشره يوم يعني
احمد / ابقي قولى الكلام ده لنفسك بقي لما تلاقي المرض جالك و لا لما تلاقي زياد داخل عليكي بالعيل اللى نفسه فيه
لبني / اووووف عليك حيوان
احمد / هههههههههههههههههههههه و انا مالى صحيح بقولك ايه اللى ينام على جنبه ينفع نفسه و انا لتاني مره انا عملت اللى عليا و دورى في الحوار ده خلص الباقي براحتك بقي
لبني تقلده باستهزاء يدحك
...............................
في شقه محمود
مروه و مامتها قاعدين فى اوضه مروه بيتكلموا و هما بينيموا اسعد
مروه / والله هتنكد علينا
الست / عشان الورد و بعدين انا هبقي معاكى
مروه / بس انا مش عاجبني انه يستلف كفايا ديون بقي مش كفايا الجمعيه اللى امه مدخلاه فيها
الست / انتى مش عرضتي عليه و هو مرضيش خلاص عملتى اللى عليكي و زياده
مروه / بفكر بعد المصيف انزل الشغل مع مرام تاني و اهو نوايه تسند الزير
الست / و اسعد هتوديه حضانه و هو يا حبه عيني حته لحمه حمره كدا
مروه / لا ما انا يا هجيبهولك يا هوديه لسته
الست / دا على اساس ان الحجه مديحه قعدالك في البيت مهى نزلت مسكت المطعم مع مرام
مروه / طب و الوجبات
الست / مسكت الحجه امينه ادارته و سمعت انهم هيرجعوا يكبروا الشغل تاني
مروه / ليه
الست / بيقولوا مرام هتطلع وجبات لله مع الحجه تهانى
مروه / اه بس كنت فاكره ان الوجبات دى هتطلع من المطعم
الست / فلوسها من المطعم لكن الانتاج هيطلع من الشقه
مروه / ايه اللفه دى
الست / اربط الحمار مطرح ما يعوز صاحبه احنا مالنا
مروه / و الله يا ماما انا ما عدتش عارفه الناس دى فلوسها جايه منين و لا رايحه لفين
الست / ياختي انتي بتصدقى الشويتين اللى مرام بتعملهم
مروه / والله يا ماما باعت دهبها كلو ما عندهاش الا دبلتها و حلقها و كام حاجه لملك جينلها هدايا باعته كله لمونيكا اخت جوزها
الست / تلاقيها شيلاهم في البنك هى الحركات دى هتخيل عليكي اربع مصانع و قريه سياحيه و مطعم و كل يوم و التاني دبايح و يفرقوا لله ايه كل ده فلوسه رايحه فين دا مرتب شريف لوحده يجبلها شئ و شويات
مروه / محمود بيقول المكن غالي جدا و جيبينه قسط
الست / بلاش ده دا انا حتى سمعت ان مازن بيدخله من النت ملايين بسبب فيديوهات ملك و الحاجات دى دا ما بيصورش غير افراح الاغنيه من كتر ما اجرته حراقه
مروه / مهو عشان كدا بقولك مش عارفه فلوسهم جايه منين و لا رايحه منين تسمعي ان فلوسهم كتير تشوفي تلاقيهم عايشين على القد
الست / بيخزوا العين مش زيك كل ما تقفلى ميه جنيه تفرتكيها و تتفشخرى علي امه لا اله الا الله
مروه / انا يا ماما
الست / امال اللبس اللى جبتيه بالوفات و لا طقم العقيقه اللى صممتي عليه و تقولى براند يا ماما
مروه / عوزانى اللبس اقل من صافي و مرام يعني
الست / ما قولتش كدا بس انتى كنتى لسه جايبه هدوم جديده عالسبوع تجيبي تاني ليه
مروه / دا طقم واحد يتيم
الست / انا مالى انا لسه ههاتي معاكى قال يعني بتسمعي لحد و فى الاخر تيجي تقوليلي محمود مديون محمود داخل جمعيه ووقت الجد تجرى تفرتكي فلوس محمود
مروه / خلاص خليني اللبس مقطع عشان نعجب
الست / ما قولتش كدا انا بقول ان الواحد يدارى علي شمعته العين حق شوفي مرام بتلبس ايه لبسها غالي بس مش كل يوم و التاني تجيب طقم دا مازن محنتف فى لبسه اكتر منها
مروه / طب ما محمود برده بيهتم بلبسه جدا و انا لازم اشرفه و ابان جنبه عشان ما احرجوش وسط زمايله
الست / فوله و اتقسمت نصين انتي و لا محمود معيد و عايش عيشه الدكتور ما انا شوفت زمايله في السبوع و العقيقه ضاربهم السلك عادى يعني ما فيهمش حد نقول عليه يعني يا بنتي انا بوعيكي و انصحك لنفسك انا ما عنديش اغلى منك الاسعار كل يوم بتزيد و العيشه بتبقي اصعب لو ما حطتيش القرش على القرش و لميتي ايدك ابنك ده مش هيلاقي قرش يتسند عليه و ان كنت انا و لا الحجه مديحه و لا حتى مازن موجودين النهرده محمود يتسند علينا يا عالم بكره مخبي ايه
مروه تبص لامها و تبص الناحيه التانيه
مروه / انا اللى مضيعه فلوس محمود دلوقت امال لو ما كنتش انا اللى بحوش للشقه
الست / انتى و هو طينه واحده ما تتخيروش عن بعض اقولك حاجه فاكره مرام لما مازن كان غني و كل يوم يجبلها هديه كانت اخرها تلبسها لو في مناسبه و لا حاجه و تعينهم يوم ما اتزنق طلعت من تحت البلاطه شئ و شويات و عرفوا يقفوا على رجليهم من تاني دا اللى بقوله اللبس مش هو اللى هيعمل منك قيمه القرش و الدهب هما اللى هيعملولك قيمه فهمتي و لا مفهمتيش
مروه / مهو انا ما اقدرش
الست / اسعد نام و انا صدعت و انتى اللى فى دماغك فى دماغك انا هقوم ابص على اخواتك خلصوا الاكل و لا ولعوا في البيت حكم الناس خيبتها السبت و الحد و انا خلفتي ما وردتش على حد
الست تقوم و مروه قاعده بتنفخ
............................... في مخزن كبير
مرام / ما كنتش متخيله انك هتلاقي مكان بالسرعه دى
تهاني / ليه و انتى فكرانى لوحدى دا انا ورايا رجاله و لا ايه يا مصطفي ما تشوف البت دى بتقول ايه
مصطفي / لا و لسه لما يتشطب و يتفرش
مرام / انا واثقه في زوقك يا مستر متخيلاه حاجه جامده
مصطفي / ان شاء الله هيبقي حاجه ما حصلتش
مرام / يارب
تهانى / انا مش عوزاكى تشيلي هم خالص المكان ده هيبقي مفتوح اربعه و عشرين ساعه و انا اتكلمت مع الشباب و اتفقنا اننا هنجيب ناس تشتغل بمرتب بجانب المتطوعين
مصطفي / انا شخصيا هجيب سحر و نقيم هنا
تهانى / و دا من ايه ان شاء الله طب دا حتى طبيخ سحر لا يعلى عليه
مصطفي / لا دا توفير مش اكتر
مرام / ههههههههههههههههههههه ان شاء الله هيطلع حاجه حلوه بس انا على الناس البعيده يعني المكان ده حلو جدا بس اخره يخدم المنطقه و بالكتير المناطق اللى حواليها
مصطفي / ما تبقيش طماعه مش اول ما نشطح ننطح بصي على العموم هو احنا هنعتبر المكان ده البؤره و انا و الشباب بقي هنظم نفسنا بحيث اننا نوصل الاكل ده للاماكن البعيده و الفقيره
تهانى / خدى بالك ان في ناس عندنا حالات نعرفها اقصد لو هيموتوا من الجوع مش هيدخلوا المكان فلازم الاكل يروحلهم لحد عندهم
مرام /تحسبهم اغنياء من التعفف
تهانى / عليكي نور
مرام / انا واثقه ان حضرتك هتقدرى تظبطى الدنيا و انا مع حضرتك في اى حاجه
تهانى / انا عارفه ربنا يبارك فيكي انتى و اللى زيك و يكتر من امثالكوا
مرام تبتسم و تبص على المكان و كبره
.......................
في الاستوديو
مازن بيعمل ايديت للصور و عمال يدعك فى عينه و وشه باب الاوضه يتفتح و شريف يدخل
شريف / بعطلك
مازن / ياريت تعطلنى لحسن انا مش قادر خالص
شريف / و ايه اللى جابرك يا ابني
مازن / اعمل ايه يعني ورايا شغل كتير لازم اخلصه
شريف / ايوه بس مش على حساب صحتك و عنيك ارتاح شويه و كمل افصل بقولك ايه انا من ساعه ما كلمت محمود فى حوار المصيف و انا كمان حاسس انى جيت على اهلى جامد
مازن / بصراحه اه دول ما سافروش من يوم ما كنا فى السخنه و ياريتها كملت رجعوا لما احنا رجعنا و الكلام ده فات عليه فوق السنتين و اكتر
شريف / يا عم و هو الفتره دى كانت سلكه بسم الله ما شاء الله من فرح لولاده لفرح لولاده لما استويت
مازن / الحمد لله انت هتتبتر المهم ناويت تسافر يعنى
شريف / انا ناوى بس لسه الاوكيه الاخير اما نرتب الدنيا
مازن / ما تكلم سعد يظبطلكوا اوفر كويس و اهو انا اولى من الغريب ههههههههههههههههههه
شريف / دا احنا مصدقنا سافرت نروحلها احنا
مازن / هههههههههههههههههه فاتتني دى معلش
شريف / و الله انا هشوف محمود لو هيسافر هستني اما يرجع و اسافر بعديه عشان ما اسيبش الشغل كدا
مازن / تمام
شريف / و انت مش ناوى و لا ايه
مازن / والله انا الفتره دى هدفي حاجه واحده انى ارجع لمرام مجوهراتها عشان كدا عيب اوى
شريف / بس دا مبلغ كبير
مازن / عارف ما انا شغال زى الطور اهو و لا البيه مش واخد باله
شريف / لا طبعا ربنا يعينك و يقويك بس انت مفهمها ده
مازن / بصراحه لا مرام مش هتفهم ده هى مش هتشوفه مهم يعني هى مش حاسه انها عملت حاجه كبيره و لا انى المفروض اتعب عشان اعوضها هى شايفه ان ده دورها و انه عادى
شريف / بنت اصول
مازن / ايوه طبعا بس الخوف بقي منى انا اصل كل حاجه في الاول صعبه بس بعد كدا بتبقي عادى و انا مش عاوزه عادى انت فاهم
شريف / انت خايف تتلخم و يبقي دا حق مكتسب مش دين عليك
مازن / و الله انت ما في احسن منك بالظبط كدا
شريف / انا الحمد لله مشكلتى اقل منك بكتير انا يوم ما العجز ضرب عندى كان حاجه و تلاتين الف انما انت بتتكلم في ملايين
مازن / انا اخر مره كلمتها فى الموضوع قعدت تقولى ما انت اللى جايبهوملى و دى فلوسك ما كلو عشانى انا و ملك بس برده انا مضايق حمل كبير محطوط على قلبي و مش هنكر برده انى اضايقت اوى دلوقت احنا فعلا اخر مره غيرنا فيها جو و سافرنا كانت ايام فرح رؤي يعني عدينا السنه
شريف / خلاص ظبط معانا الكام يوم اللى هنطلعهم مرام مش هتنبسط قد ما هتنبسط مع البنات و العيال مع بعض و انا و انت تعرف انت معاك حق انا اشوف محمود هيرجع من السفر امتى و اخلى سعد يرتبلنا كلنا اوفر كويس
مازن / هتكلم عمر
شريف / انا مش محتاج اكلمه
مازن / هههههههههههههههههههههه على رايك شيماء هتقوم بالواجب
شريف / امال تلبس في احمد اسبوع بحاله لوحدها
مازن / ربنا يدى لمامتك طوله العمر و بعدين اخر مره شيماء سافرت كان في شهر العسل باين
شريف / ما تقولش شهر دا اسبوع يتيم ياكلوك فيها الغلطه دى ما بيسامحوش فيها هم
مازن / ههههههههههههههههه اعوذ بالله
..............................
في شقه مديحه
محمود / ايه رايك يا ماما
مديحه / والله يا محمود جايه في وقتها الواحد فعلا محتاج يغير جو دا انا كنت بفكر اركب تكييف فى اوضتي بدل الحر اللى احنا فيه ده
محمود / و ماله يا ست الكل حقك
مديحه / بس انت معاك يا ابني لمصاريف مصيف و كدا و لا انت عازمنى اطلع معاكوا عشان اسكت على قسط الجمعيه
محمود / اخص عليكي يا ام محمود و انا عمرى كلت عليكي جنيه
مديحه / و انا عمرى استخسرت فيك جنيه
محمود / عمرك يا ام محمود دا انا كلى من خيرك
مديحه / انا بطمن عليك يا وله انا عارفه انكوا مش صغيرين بس برده الواحد مهما كبرتو بيكبر معاكوا و النصيحه مش عيب مهما كبرت هتفضل ابني
محمود / يخليكي ليا يا ست الكل
مديحه / انت قولت لمراتك انك هتعزمنى
محمود / طبعا يا ست الكل و فرحوا جدا و قالوا اللمه ما تحلاش الا بالحجه توحه و اهو نلم شمل العيله تاني
مديحه / طب مش كنا شفنا حته تانيه غير اسكندريه دى مالها راس البر و لا مرسي مطروح يا وله
محمود / هنا بحر و هنا بحر فرقت ايه يعني انا كنت احسبك تقولي نروح الساحل و لا السخنه اهى دى المصايف بس نقول ايه بقي على قد لحافك مد رجليك
مديحه / فشر طب شاور انت كدا و انا اوديك
محمود / انتى هتفرطى فى تمن التكييف و لا ايه يا توحه
مديحه تضربه على كتفه
مديحه / اتلم يا وله انت معاك كام
محمود / الفين جنيه اول عن اخر
مديحه / و حماتك كانت هتاجر شقه بكام
محمود / كانت واخده شقه بمتين جنيه الليله تلت اوض
مديحه / يعني بالاكل قول الفين راخرين و ليك منى كمان الفين يعني ست الاف جنيه ميودوناش حته نضيفه من اللى بتقول عليهم دول يعني
محمود / يودونا فين بس يا ست الكل انتى اخر مره سافرتي بره الحته امتى دا الاسعار نار دا سفريه زى دى ممكن تعدى العشرين الف و لا حاجه
مديحه/ عشرين الف ايه طب اديني بس يومين و انا اظبطلك كل حاجه
محمود / ابوس ايدك كفايا انا اصلا واخد الالفين جنيه سلفه من الشركه كفايا بقي
مديحه / الله هو انا هعمل ايه يعني
محمود / هتعملى ايه يعني ايه ايه يا توحه دا انا ابنك يعني عارف انى هقفل باب الشقه ورايا من هنا و هتجيبى التليفون من هنا و تكلمى مرام تكلم مازن هيحصل و لا لا
مديحه / و هو جوز اختك مش اولى من الغريب يا وله بالست تلاف جنيه دول
محمود / يا اما انتى عارفه الليله بكام عند جوز اختى اللى بتقولى عليه ده و احنا في موسم دلوقت يعني
مديحه / يعني ما لكش دعوه و نقطنى بسكاتك انت مش عاوز تروح حته نضيفه انا هوديك حتى لو مش هجيب التاكييف
محمود / ههههههههههههههههههههه استر يا رب
............................
فى القريه عند سعد
رؤي قاعده فى المطعم مع سعد و جنبها امل في الكاريكوت
سعد / يعني مش كان احسن لو خليتك في الاوضه مرتاحه
رؤي / والله يا سعد انا بقالي ياما اوى محبوسه من اوضه لاوضه بجد محتاجه اشوف ميه و سما و اغير جو
سعد / انا عليكي بس والله انك تعبانه
رؤي / انا الحمد لله احسن كتير
تليفون سعد يرن
سعد / دا مازن ثوانى .. كلى انتى قبل ما امل تصحي ما تستنينيش
رؤي تبتسم و سعد يقوم يقف في جنب
سعد / الباشا
مازن / اخبار السياح ايه طفشوا و لا لسه
سعد / هههههههههههههههه مش كلهم
مازن / ههههههههههههههههه طب مصلحه يعني في اوض عندك فاضيه
سعد / ناوى تيجى و لا ايه
مازن / مش قادرين على فراق اموله
سعد / كام اوضه و على امتى ان شاء الله
مازن / تلاته دبل فيهم واحده فيها بيبي كوت على الاسبوع الجاى تلت ليالى اربع ايام سوفت اول انكلوسيف
سعد / تمام اعتبره حصل
مازن / بعدها بقي اربع اوض دبل كل واحده فيها بيبي كوت
سعد / تلت ليالى برده
مازن / لا دى ست ليالى
سعد / تمام
مازن / حسابهم عندى تمام
سعد / تمام هرتب و ابعتلك التفاصيل كلها
مازن / حبيبي يا سعد اخبار امل ايه
سعد / نايمه طول النهار و صاحيه طول الليل حاجه جميله ما شاء الله
مازن / و انت ماشبعتش نوم كل ده بطل افترى
سعد / هههههههههههههههه يا عم استغفر الله
مازن / قشطه يا سعده سلام انا
سعد / الف سلامه
سعد يقفل و يرجع يقعد قدام رؤي
رؤي / خير
سعد / هيجوا كام يوم فبيكلمنى احجزله اوض و كدا
رؤي / بجد !!! هما مين اللى جايين
سعد / والله شكلهم كلهم حاجز سبع اوض دبل تلاته في اربعه يعني تقدرى تقولى ان العيله كلها جايه
سعد بيلعب في الموبايل و هو بيتكلم
رؤي / بتعمل ايه
سعد / ببعتلهم التفاصيل قبل ما انسي و اتلخبط
رؤي / حلوه شغلتك هنا اوى يا سعد مش كدا
سعد / ارضاء الناس غايه لا تدرك يا رؤي و انا المفروض منى ارضي كل الناس الداخله و الخارجه و حتى الاستاف اللى شغال من اقل واحد لاعلى واحد
رؤي / بس الكل يشهدلك انك شاطر و ان الحمد لله المشاكل اللى حصلت من يوم ما مسكت تتعد على الصوابع ما شاء الله
سعد / الحمد لله
امل تزمزق في الكاريكوت
سعد / كملى اكلك و انا هحاول اشغلها شويه
سعد يشيل الكاريكوت و يقعد يتمشي بيه و هو بيلاعبها و يهزها و الاستاف و السياح رايحين جايين يبصوا عليها و يلاعبوها و رؤي واخده بالها و مضايقه تقوم تاخدها منه
رؤي / هروح الاوضه ارضعها كمل انت اكلك انت ما اكلتش
سعد / تمام تعالى اوصلك الاوضه
رؤي / يلا
سعد يسند رؤي و يمشوا
...................
في شقه مروه
محمود بيدخل تحت الغطا و مروه بتعين هدوم في الدولاب
مروه / بجد يا محمود
محمود / انتى مش سامعه التليفون بودانك
مروه / بصراحه مش مصدقه هو كدا حاسبلنا النفر بكام ؟
محمود / ببلاش يا مروه حاسبه ببلاش
مروه / ببلاش ايه هو مش هياخد ست تلاف جنيه
محمود / اه بس دول ما يجوش تمن اوضه واحده في التلت ايام مش تلت اوض
مروه تقفل الدولاب و تروح تقعد جنب محمود تحت الغطا
مروه / يا سلام و هو سى سعد بيقبض كام يعني عشان يخصم منه تمن اوضه كل يوم دا فيها و لا ستين الف في الشهر
محمود / هو اكل و بحلقه
مروه / لا بس ما حدش احسن من حد
محمود /ما بتتحسبش كدا يا مروه هو هناك بيشتغل لكن احنا رايحين نتفسح و بعدين ما تنسيش شريف بالنسبه لمازن ايه و اكيد عامل خاطر ان رؤي اخته يعني ما ينفعش تتبهدل
مروه / طب ما انا بنت المعلم اسعد الله يرحمه و لا هو نسي المعلم اسعد عمل عشانه و عشان مرام ايه
محمود / ما حدش يقدر ينكر و الراجل عامل الواجب و زياده و عاملنا باكيدج محترم فطار غدا عشا سناكس اكوابارك حفلات بالليل يعني اخر انسجام ممكن بقي نروح هناك ننبسط و نغير جو و نبطل بقي نبص لغيرنا
مروه / ان شاء الله
محمود / عاوزينها سفريه خفيفه لطيفه نفتكرها كلنا و ننبسط تمام عشان هما كام يوم عمى يعني
مروه / خلاص عرفت عرفت بقولك
محمود يبصله بنفاذ صبر
محمود / نعم
مروه / هما هيسافروا بعدينا تلت ايام زينا و لا اكتر
محمود / اكتر
مروه / اشمعن يعني
محمود / بفلوسهم يا مروه بفلوسهم هيسافروا بفلوسهم
مروه / يا سلام يعني مازن محاسبهم زى ما محاسبك برده
محمود / انا بقول اسكندريه حلوه
مروه / لا لا خلاص خلاص سكت مع ان اسكندريه كانت هتبقي اسبوع دى تلت ايام بس
محمود / ما قولت خلينا في اسكندريه
مروه / خلاص بقي يا محمود ما تبقاش خلقي كدا الله
محمود / ممكن بعد اذنك انام شويه عشان اروح الكليه الصبح
مروه / تمام تمام خلاص تصبح على خير
مروه تيجي تنام يسمعوا صوت اسعد
محمود / ابنك بيعيط قوميله بقي
مروه / و هو كان ابني لوحدى
محمود / خلاص هاقومله انا
محمود يجي يقوم مروه تمسك ايده
مروه / خلاص خلاص نام هقومله انا
مروه تقوم تطلع بره
محمود / احلى حاجه عملتيها في تاليد الاجانب ان سرير الواد بره فى اوضه لوحده على الاقل الواحد يعرف ينام مش هيبقي من كله
محمود يشد الغطا عليه و ينام
......................
في القريه عند سعد
محمود داخل و شايل اسعد و وراه مروه و امه وراهم اخوات مروه و امها
مروه / يلاهوي يا اما دا الارض كلها رخام
مديحه / ارفعي عينك من على الارض و بصي للنجفه اللى فوق دى دى تلاقيها و لا تمانين الف كرستاله
مروه / دا تلاقيها مستورده دى
محمود يروح الريسبشن و هو بيتكلم في التليفون و بيملا ابليكاشن
مروه / امال رؤي و سعد فين
محمود / تمام يا سعد هخلص و استلم الاوضه و اكلمك تاني
محمود يقفل و يبص لمروه
محمود / سعد عند الاكوابارك فى حوار مع اللايف جارد هناك هيخلصها و نتقابل
مروه / مشكله ايه دى
محمود / و احنا مالنا احنا
مروه / طيب بالراحه بسال بس
الريسبشانيست يسلمه تلت كروت
محمود / شكرا
محمود ياخد اسعد و يروح ناحيه مامته
محمود / اوضنا اهيه يلا بينا نحط الحاجه عشان نلحق الغدى في المطعم
مديحه / الاكل هنا اوبن بوفيه
الست / سمعنا
مديحه تبصلها و محمود ينقذ الموقف
محمود / يلا عشان نلحق اليوم من اوله بيقولوا في اكوابارك جامده اوي يلا
محمود يمشي و هما بيمشوا وراه و عمالين يبصوا لبعض
........................
