(((((((السكة شمال ٢))))))
#لولو_محمد
الحلقه ١١٦
مرام / هههههههههههههههههه انت جايب هديه لنفسك
مازن / البرفيوم اللى بتحبيه
مرام تبخ فى الهوى و تشم
مرام / فظيع فظييييع نقطه ضعفى
مازن /هههههههههههههههههه كملى
مرام تبصله
مازن / يلا بقي كملى
مرام تمد ايدها تطلع بوكس تفتحه تلاقي مجين عليهم صور ليها هى و مازن
مرام / حلوين اوى
مازن / كملى
مرام / بتهزر
مازن / اخر واحد
مرام تمد ايديها الاتنين و تدور لحد ما تلاقي بوكس كمان
…………………
مرام / لقيته لقيته
مرام تطلع بوكس صغير تفتحه تلاقي جواه ساعه سنيه شيك جدا و رقيقه
مرام / حلوه اوى ... اوى بجد بس كتير تعبت نفسك اوى
مازن / تعبك راحه .. هسيبك بقي تستمتعى مع حاجتك قبل ما ملك تصحي و هقول تعليق صغير
مازن يلف الموبايل على وشه
مازن / اول هديه جتنى من مرام كانت الدبله دى
مازن يوريهم الدبله
مازن / و جابتها من شغلها و تحويشها تانى هديه عملتلى كوفيه بايديها و فرحتى بيها كانت متتوصفش لانها عملتهالى بايديها تالت هديه كانت احلى و اغلى هديه و اللى كل هدايا الدنيا مش هتوفيها حقها و هى ملك بنتنا الهديه مش بكام و لا بشكلها الهديه بقيمه اللى بيقدمها و المجهود اللى بذله عشان يجيبها و يقدمهالك الهديه اللى انا قدمتها لمرام مكلفتنيش اكتر من مكالمه تليفون عملت الاوردر ودفعت بالكريدت لكن في غيرى بيطلع عينه عشان يجيبلك تمن ورده وردته اغلى مليون مره من مجوهرات العالم بس للى تقدر و بالنسبالك عزيزى الشاب قال رسول الله صلى الله عليه و سلم تهادوا تحابوا افتكرها حتى لو بكلمه مش هتكلفك حاجه يلا اسيبكوا بقي و اروح اللحق حاجه من الشيكولاته
مرام / ايه
مازن / هههههههههههههههههه سلام
مازن يقفل الموبايل
مرام / انت جايب الهديه دى عشان تقول الكلمتين دول
مازن / اكيد لا يعني بس ما يمنعش انى اضرب كل العصافر اللى على الشجره بحجر واحد
مرام / انت مخبى عنى ايه
مازن / هههههههههههههههههه هاتى واحده شيكولاته و اقولك
مرام / مش عاوزه اعرف قال واحده شيكولاته قال
مازن / هههههههههههههههههه
.......................
فى لندن
ميا واقفه فى جنينه الفيلا و بتتفرج على الموبايل لبنى تدخل
لبنى / انتى هنا و انا قالبه الدنيا عليكى
ميا / خير
لبنى / كنت عاوزه اديكى بوكس الشيكولاته بتاعك
ميا / خليه انا كدا كدا ما ليش فى الشيكولاته اوى
لبنى / معقول
ميا / عادى يعنى شوفتى الفيديو اللى مازن نزله لايف
لبنى / اه جايبلها هدايا بالهبل عشان يقول للشباب هاتوا على قدكوا فايك اوى
ميا / مهو فعلا جاب على قده
لبنى / هو بيبطل يجيب دا مره كانت عزمانا على الغدى و طبخت بايدها جبلها طقم سولتير هديه مقابل تعبها
ميا / مرام دى كانت معاكى فى الكليه صح
لبنى / اه طبعا مش انا كنت مع مازن
ميا / كانت عامله ازاى شمال زى ما بيقولوا كدا
لبنى / انتى تعرفى مازن بقالك قد ايه
ميا تبصلها
لبنى / عمرك شوفتى واحده قدرت تدحك عليه عمرك شوفتى واحده قدرت تدبسه فى حاجه عمرك شوفتيه اتعلق بواحده اصلا انا لا همدح فى مرام و لا هزم فيها بس انتى عارفه مازن و عارفه ان دراعه ما بيتلويش فمش هتيجى حته بت لا ليها اصل و لا فصل و لا عيله هتلويله دراعه انتى لو شوفتى اللى انا شوفته مازن كان بيلوى دراعه بنفسه و يمسكهولها و هى اللى تسيبه و على قلبه زى العسل
ميا/ للدرجادى
لبنى / و اكتر
ميا / امال اطلقوا ليه
لبنى / دى حكايه طويله مش هتفرق فى حاجه بقولك ايه انا مخففه و الجو برد ما تيجى ندخل جوه احسن
ميا / اسبقينى انتى و انا هحصلك
لبنى / تمام
لبنى تسيبها و تمشى و ميا بتبص على الكارت اللى فى ايدها هيا تدخل تبتسم للبنى و لبنى تبتسملها و تروح لميا
هيا / ايه يا بنتى مش هنمشى بقى و لا ايه
ميا / يا ريت
هيا / انتى كويسه
ميا تبصلها
هيا / قولنالك
ميا / شكلى قدامه ايه دلوقت
هيا/ زيك زيي زى مونى هو مش بعتلنا احنا الاربعه نفس الرساله
ميا / عشان يقولى انك عندى زى مونى ابعدى عنى
هيا / و دا كان المفروض يحصل من الاول
ميا / ما انتى اللى شجعتينى اجى انتى اللى زرعتى الامل جوايا
هيا / لا مش انا هما كدبوا عليا و عليكى و على اسيا بس احنا لينا عنين و بنشوف يعنى
ميا / تمام بقيت انا العبيطه يعنى
هيا / بصى انا لو منك اتعامل عادى تمام بيس بالعكس انا لو منك اتصل بيه اشكره على الشيكولاته و قد ايه كانت جميله و عجبتك و كان الرساله دى طبيعى و ان هو برده بالنسبالك مجرد اخ مش اكتر
ميا تبصلها
هيا / خلينا نمشى دلوقت و لما نروح الاوتيل نتكلم براحتنا و نشوف هتكلميه تقوليله ايه تمام
ميا تهز راسها و تمشى مع هيا
................................
فى الشركه
مازن / ههههههههههههههههههههههههه و بعدين
شريف / بس امى جت و معاها الاكل اتغدينا و البنات استلموها بقى قولت انزل ابص عليك
مازن / خير ما عملت الواحد كان هيطق من غيرك
شريف / عشان تعرف قيمتى بس
مازن / عارفه من غير حاجه
شريف / هتسافر تانى
مازن / اه هسافر و مش عارف هعمل ايه مع ابويا ده مهو واضح انه مش هيبطل
شريف / استخدم معاه سياسه النفس الطويل خليه يجيب اخره
مازن / دا على اساس ان مرام هتفضل واخده حبوب الاستهبال دى كتير ما اكيد هيجلها وقت و تنفجر فيه
شريف / لا ما افتكرش ان مرام بتستهبل ممكن تكون فهمت الليله و فعلا قررت تطنشهم
مازن / و لحد امتى بقى هتقدر تستحمل يعنى
شريف / ما اعرفش دورك بقى تتكلم معاها و تطمنها و كدا لحد ما الفتره دى تعدى
مازن / تفتكر هتعدى يا شريف
شريف / اكيد طبعا ما فش حاجه بتستمر للابد يعنى
مازن / صحيح كنت هنسى
مازن يفتح الدرج و يطلع ملف فيه ورق
مازن / الشقه بتاعتك بقت رسمى باسمك تمليك و العربيه كمان تعمل حسابك بقى فواتير التوكيل مش هتيجى على الشركه تانى كفايا دلع
شريف ياخد الورق و يبص فيه و هو مستغرب
مازن / دى نقطتك ما تبصليش كدا
شريف / و تركيا كانت ايه
مازن / كانت نقطه مرام وواعده محمود و مروه باختها
شريف / مازن انا
مازن / انا لا فيا دماغ لمناهده و لا قادرلك تمام خد العقد و فكك منى مبروك عليك و لعلمك دا قليل عليك
شريف / تعرف ان انا منقطتكش لحد دلوقت
مازن / لا ما تقلقش كلو عليك انا نقطتى مش هتكون اقل من انك تجيب لملك اخ صغنن تلعب معاه او اخت كل اللى يجيبه ربنا كويس عاوز افرح بعيالك ياله
شريف يبتسم
مازن / بصراحه الفضول هيموتنى جينات مين اللى هتكسب انت و لا صافى ما داهيه لتجيب بنت شبهك
شريف / ما توفر خفه دم اهلك دى لما تسافر تفقع بيها زياد ذنب امى انا ايه استحمل يعنى
مازن / دا انا عسل
شريف / عسل اسود بلا نيله
مازن / ههههههههههههههههههههههههه
.............................
فى شقه شريف
رؤي / هو انتى ما بتشبعيش يا شيماء
صافى / و فيها ايه يا رورو و بعدين دا موديل سهل خالص و ياخد ماكسيمام يومين على المكنه ابعتيهولى واتس و انا هبعته مع مقاساتك على الورشه ينفذهولك
رؤى / بس كبرى المقاسات خمسه سته سنتى عشان تعرف تلبسه بعد الجواز
شيماء / يا اختى بصى لنفسك انا ارفع منك
رؤى / مش هنزل لمستواكى و ارد عليكى
صافى / بقولك ايه يا بنتى انا لو منك اعمل زيها و ابتدى انقى الموديلات اللى تعجبنى عشان اعملهالك عشان ما نتزنقش زنقه اختك دى
رؤى / انا لسه بدرى اوى عليا
شيماء / بيتهيالى سعد ليه راى تانى فى الموضوع ده
رؤى / ليه هو انتى تعرفى حاجه
شيماء/ايه ده يعنى كلمك
رؤى / اه اتكلم طبيعى يعنى و قولتله مش قبل ما اخلص دراستى
صافى / انا مع رؤى تخلص و بعدين تتجوز الدنيا ما طارتش يعنى
شيماء / شوفوا مين اللى بتتكلم
صافى / انا وضعى مختلف اولا انا فى بلد غريبه لوحدى و مش بشوف خطيبى غير تليفونات و بصرف هناك مصاريف كتير جدا و فى الاخر هاخد شهاده مش هتفرق معايا
رؤى / امال كنتى بتعمليها ليه من الاول
صافى / عشان ما كانش فى شريف فى حياتى ما كانش فى حد ما كانش فى حاجه كنت وحيده حتى صحاب ما كانش عندى اهل مش عندى
رؤى/ انتى ليه ما سافرتيش مع مامتك تركيا
صافى / ما انبسطتش رجعت علاطول قرف بقرف خلينى هنا احسن
شيماء / يعنى مصر احلى من تركيا
صافى / لا ما اقصدش بس هناك كان فى تحكمات من ناس ما اعرفهاش انتى عايشه فى بيتنا تدخلى و تخرجى على مزاجنا و نختارلك تكلمى مين و حتى تتجوزى مين تخيلى ابن عم مامى جايبلى عريس و دادى لسه متوفى
شيماء / دا عبيط صح
صافى / يبقى ابن شريكه شافنى و اعجب بيا طبعا انا ما كنتش اعرف ان ده عريس عادى يعنى ضيف و كدا ما عنديش مشكله انى اكون صداقات جديده ما فيش عشر دقايق و لقيت احنا هنعيش فى انطاكيا مش فى اسطانبول اللى هو احنا مين يعنى حضرتك اصل انا اشتريت هناك مزرعه كبيره و ناوى استثمر فى الاورجانيك فود
رؤى / هههههههههههههههههههههه دا شكله عبيط
صافى / انا اصلا لسه فاسخه خطوبتى و مدمره اساسا مش ناقصه سخافتك يعنى
شيماء / كان شكله ايه زى بتوع المسلسلات كدا
صافى / العادى على فكره العنين الملونه و الشعر الفاتح عادى يعنى مش زى هنا كدا بنتهبل عليهم فاهمه
رؤى / اه العين واخده عليهم فمش بيلفتوا النظر
صافى / اه حاجه زى كدا
رؤى / عشان كدا حبيتى ابيه عشان ملامحه مصريه و كدا
صافى / انا حبيت ابيه عشان راجل .. هو انا بقول ابيه ليه هههههههههههههه
شيماء / ههههههههههههههه ما تغيريش الموضوع قولى
صافى / اقول اشمعن شريف
رؤى / قولى بقى ما تستهبليش
صافى / بيدحكنى
رؤى / بس
صافى / كفايا تعرفى لما تلاقى نفسك بتبتسمى بمجرد ما تشوفيه او تسمعى صوته حتى الدحكه مختلفه تتوجعى لو حسيتى انه مدايق يخاف عليكى يحميكى ما يطلبش منك مقابل لاى حاجه بيقدمها
رؤى / مش عارفه اقول ايه
صافى / لو كان شريف هنا كان قال جمله واحده بس يا ابن المحظوظه يا شيكو
شيماء / هههههههههههههههههههه مسخره
صافى / بس عسل هههههههههههههههههههههههه
...................................
فى شقه مازن
مازن قاعد فى الليفينج فاتح تابليت و بيفرج مرام على مجوهرات
مرام / التانى احلى
مازن يقلب
مرام / لا اللى قبليه
مازن يقلب
مرام / ايوه ده ده احلى واحد حلو اوى
مازن / متاكده
مرام / انت ايه رايك انت اكيد بتفهم فى الحاجات دى اكتر انا حساه حلو و رقيق
مازن / خلاص تمام
مازن يتك على ايكونه
مازن / اشتريناه
مرام / هههههههههههههههههههههههههه و لا سحر و لا شعوذه
مازن / نقيلك انتى حاجه بقى
مرام / ما انت لسه جايبلى
مازن / انا كلى ليكى اجبلك تانى و تالت و عاشر
مرام / اطلب يعنى
مازن / استر يا رب
مرام / هههههههههههههههههههههههه اخص عليك طب مش عاوزه
مازن / هههههههههههههههههه بهزر معاكى اؤمرى
مرام / بصراحه انا بقالى فتره نفسى اشترى سلسله عليها اسم ملك حاجه رقيقه يعنى مش عاوزه حاجه اوفر و لا تقيله سيمبل كدا
مازن /طب ما فيش مازن طيب
مرام / ما انت فى قلبى بقى يا مازن
مازن / والله !!!
مرام / تصدق انك رخم
مازن / خلاص حاضر هبقى اروح اخليهم يعملولك واحده عشان دى مش ديزاين جاهز فلازم اروح انقى الديزاين بنفسى و كدا
مرام / ممكن اجى معاك
مازن / لا
مرام / انت رخم كدا ليه
مازن / هو ايه اللى رخم خليها مفاجاه
مرام / ماشى
مازن / عاوزه حاجه تانى
مرام / لا شكرا حلو اوى كدا
مازن / طب انا بقى عاوز
مرام تمدله خدها يضربها بالقلم بهزار تتفاجئ
مرام / ايه ده !!!!
مازن / جرا ايه هو ما فيش احمر خالص شويه احساس احساس
مرام / ايوه يعنى عاوز ايه يعنى
مازن / كلك نظر
مرام / ابقى اعملى نضاره
مازن / اعملك نضاره
مرام / هههههههههههههههههههه اه اعملى نضاره
مازن / طب تصدقى بقى انك طخنتى
مرام تفتح بقها و تتفاجئ و تبرقله
مرام / هااااااااااااااااااا انت قولت ايه انت قد الكلمه دى
مازن / كنت قدها لحد ما بصتيلى كدا
مرام رافعه حاجبها و بتبصله بطرف عنيها و ضامه بقها و بتتكلم بنبره تهديد
مرام / انت عارف اخر واحد اتهور و قال لمراته الكلمه دى مراته عملت فيه ايه
مازن عامل خايف
مازن / دبحته
مرام / ياريت
مازن يبلع ريقه
مازن / امال
مرام تتكلم بتون شرير
مرام / متاكد انك عاوز تعرف
مازن / اصلا الست ما لهاش الا وظاويظها دا حتى الكيرفى موضه و بعدين خدنا ايه من الرفيعين تيجى تحضنها العضم يخبط فى بعضه انا اصلا ما ليش فى المصمصه
مرام / ما لكش خالص
مازن / الست اللى ما لهاش كرش ما تسواش قرش
مرام تعمل متعصبه
مرام / انت بتقول كرش يعنى انا عندى كرش
مازن / مين اللى اتجرا و قال كدا
مرام / انت
مازن / لا ممكن ابدا اقول الكلام الفاضى ده انتى اكيد سمعتى غلط
مرام / امال قولت ايه
مازن / قولت ايه امممم قولت ايه
مازن يبصلها برجاء مرام تدحك
مرام / ههههههههههههههههه خلاص خلاص صعبت عليا
مازن يلوى بقه و يعمل زعلان
مازن / لا انا زعلان انتى بتعاملينى وحش اوى
مرام / انا!!!
مازن / ايوه فين الدلع فين الاحضان فين البوس فين ال
مرام / بحوشهوملك يا عبيط
مازن / ايوه هما البقين دول انا عارفهم و حافظهم صم
مرام / ههههههههههههههههههه يا غشيم افهم
مازن / ما افهمش
مرام / طب اسمع بس
مازن / ما اسمعش اخد حقى وقتى
مرام / و بعدين معاك بقى
مازن / اصرفينى
مرام / بوسه واحده بس
مازن / ماشى
مرام / اهو
مرام تقرب بخجل و عنيها الناحيه التانيه و هو مبتسم يقرب منها ملك تعيط مرام تجرى على جوه
مازن / ماشى يا ملك يا بنت الكلب ماشى والله لاطلعه على جتتك لما تكبرى ماشى
صوت دحك مرام
مازن / ما اسمعش نفس
صمت
مازن / انا اكيد حد قارر عليا اه والله اللى بيحصلى دا ما هو طبيعى
....................................
فى لندن
فى اوضه زياد
زياد / اول مره اعرف انك بتحبى الاطفال كدا
لبنى / ههههههههههه و انا كمان بس هو عسل يخطف القلب ربنا يحميه لمامته و باباه
زياد / عقبالنا
لبنى / تفتكر هنجيب ولد حلو اوى كدا
زياد / هيطلع وحش لمين
لبنى / ههههههههههه تفتكر فى حد هيفرحلنا زى ما فرحوا لمازن و ملك
زياد / و ايه جاب سيره سى زفت دلوقت
لبنى / دا ابن اختك انا بتكلم عن مازن الصغير ابن اختك
زياد / والله ما فى حاجه مخليانى مش طايق الواد ده غير ان اسمه مازن
لبنى / بطل استعباط
زياد يبصلها تقوم و تقعد جنبه
لبنى / مازن هيجى و هيجيب معاه هديه لمونى ما حصلتش و الكل هينبهر بيها كالعاده و يقعدوا طول الوقت مازن جاب شوفتوا مازن جاب ايه الله ايه البتاع الحلوه ده دا مازن جايبه هديه و انت و لا كانك حضرت السبوع اصلا
زياد يبص الناحيه التانيه
لبنى / فى الوقت اللى انت كل اللى كنت بتفكر فيه ازاى تحرق فى دمك بسبب مازن انا كنت بفكر فى هديه مناسبه لمونى
زياد / ايه
لبنى / فلافى
زياد / ايه !!
لبنى / جبت جرو صغير جولدن ريتريفر يلعب معاه انت عارف النوعيه دى حلوه اوى مع الاطفال و هيكبر معاه و هيحبوا بعض و يبقوا احلى صحاب و علاطول هيبص للكلب و يفتكر ان خاله حبيبه هو اللى جابهوله
زياد / دى فكره حلوه اوى
لبنى / و مش مكلفه حابب انت بقى تزود دا يرجعلك لان اكيد مازن دافع مبلغ محترم فى هديته
زياد / ايه رايك فى بيت للكلب و كل حاجه هيحتاجها عشان ميتعبوش معاه
لبنى / فكره حلوه انا هكلمهم و اخليهم يبعتوا معاه كل حاجه انا اصلى طلبت انهم يبعتوه وقت السبوع عشان المفاجاه ما تتحرقش
زياد / بعشق زكائك
لبنى / ميرسى يا قلبى عن اذنك
لبنى تقوم و تتكلم فى التليفون
......................
يوم السبت فى شقه فاطمه
صافى / هو شريف سكت دا مسك فيه و كانت هتبقى خناقه
مرام / حقه و التانى ده كمان جاى يستهبل
رؤى / ما قالتلك هما بيسلموا كدا
مرام / عنده مش عندنا
شيماء / موقف و عدى الحمد لله
صافى / الحمد لله اما لو كنتوا شوفتوه انا خفت انا عمرى ما شوفت شريف عصبى كدا
مرام / انا كمان مش فاكره خالص انى شوفت شريف عصبى يعنى هو دايما هادى كدا و راسى
شيماء / مين ده ابيه دا انتى عايشه فى ميه البطيخ
مرام / ما تقوليش
رؤى / يا بنتى معروفه اتقى شر الحليم اذا غضب هو اه مش بيترفز بسرعه بس يا ويله اللى ينرفزه
شيماء / لا لا سيبك من كل ده ما شوفتيش انتى الشيف صافى
صافى / بس
شبماء / فى المطبخ صحيت و قررت انها هتعمل
صافى / ايه جبت طريقه من النت و قررت اعملها حصل ايه يعنى
رؤى / بط بالبرتقان يا مفتريه
مرام / اسمع انها مشهوره اوى
صافى / شايفين كلام الناس اللى بتفهم
مرام / انا ما دوقتوش
صافى / دا سويت اند ساور من اشهر الاكلات على فكره
شيماء / والله طب بالنسبه انك كنتى هترمى البطه فى الزباله
مرام / يا جاحده
شيماء / ما دام مش هنطبخها نرميها
صافى / العيب مش عليكوا العيب على اللى حكتلكوا
مرام / خلاص خلاص ما تزعليش يا ستى ياما حرقت و ياما بوظت و اسوء حاجه لما تحرقى الفشار فى الحله الالومنيا يلاااااهوى ايدى بتتخلع عشان اشيل السواد اللى فى قعر الحله
شيماء / و لا غسيل كاسورله اللبن و يا سلام بقى لو اللبن فار و تغسليها من بره و جوه عذاب مضاعف
رؤى / و مواعين الكوارع لو هنتكلم على المواعين بقى
مرام / انا بغسلها بميه مغليه بملا حله الشوربه بتاعه الكوارع بميه مغليه و صابون و احطها على البوتجاز و بعدين اكبها فى الحوض و ادعك لسه مدهننه بكررها و ساعات بقى بحط جواها الاطباق و كدا فى الميه السخنه دى تدوب الدهون علاطول
صافى / و بتحطي ايدك فى الميه المغليه عادى
مرام / ببقى لابسه الجلافزات بقى الصفره دى الله يرحمها تيته كانت بتحط ايدها عادى و تسحب الطبق خطف كداهو تقولى انا بعمل كدا من سنين خليكى انتى بالجوانتى
شيماء / على فكره ابيه بيعشق الكوارع عشق كدا
صافى / ههههههههههههه عارفه بس بيحب الفسيخ اكتر
شيماء / انتى ليكى فى الفسيخ
صافى / لا بس بعشق البطيخ
رؤي / هو ايه اللى جاب الكواره للفسيخ للبطيخ ايه الفسحه دى
صافى تبتسم
مرام / شكله سيم
صافى / هههههههههههههههههه اه
رؤي / طب ناويه تفكى الشفره
صافى / لا ههههههههههههههههههه
شيماء / رخمه
....................
فى لندن
الفيلا مليانه ناس و الكل بيدحك مازن يدخل شايل بوكسين صغيرين فوق بعض يروح ناحيه مونى واقفه شايله مازن الصغير و بتدحك مع الضيوف
مونى / ابيه حبيبى الف حمد لله على سلامتك اتاخرت كدا ليه
مازن يبوس البيبي من راسه و يدى لكامل البوكسين
مازن/ انا جاى من مصر على فكره يعني
مونى / مرام ما جاتش معاك ليه
.......................
.
