(((((السكة شمال ٢)))))
#لولو_محمد
الحلقه ١٢١
ميار / ايوه و مش بس كدا انتى مش طول الوقت نفسك تقولى بابا لحد
لبنى / كل العيال عندهم بابا و انا لا
ميار / خلاص لما تروحى عند مازن تقدرى تقولى لبابا صفوت يا بابا
لبنى / بجد!!!
ميار / و بابا ابراهيم كمان شوفتى بقى يعنى بقى عندك بدل البابا الواحد اتنين قومى تعالى يلا اما اوضبلك الشنطه هلملك كل فساتينك الحلوه اللى مازن بيحبها
لبنى / يلا
ميار تقوم و هى شايله لبنى و يدخلوا اوضه
......................
فى فيلا ابراهيم
لبنى بتجرى و تدحك هى و العيال و مازن وسطيهم ولد يزقها مازن يروح يزقه
مازن / انت بتزقها ليه
لبنى / خلاص يا مازن هو اصلا وحش يا مازن تعال نقول لبابا عليه ما يجيبوش هنا تانى
ولد / بابا مين انتى ما لكيش اب
..................................
لبنى / ليا
ولد / ما لكيش ماما بتقول انك ما لكيش اب
لبنى / بابا مسافر
ولد / لا مالكيش اصلا ماما قالتلى ما اللعبش معاكى يا بنت ميار
مازن / اسمها لبنى و ما تزعلهاش
الولد / لا بنت ميار و مالكيش اب
زياد يكعبل الولد و مازن يضربه و لبني تروح تعيط تحت شجره و نورا تجرى وراها و الداده تيجى تفرق بين العيال
نورا / انتى زعلانه ليه
لبنى تعيط
نورا / هو انتى مش مامتك اسمها ميار زعلانه ليه ما تزعليش بكره مامتك تجبلك بابا زى بتاعى
لبنى / انا بابا مسافر
نورا / بابا الجديد بيجيب لعب و شيكولاته و فساتين
مازن و زياد يدخلو نورا تفتح شنطتها و تطلع تلت بونبونات تدى واحده للبنى وواحده لمازن و تمسك التالته فى ايدها
نورا / بابا جايبلى بونبونى خدى
زياد / و انا عاوز
نورا / مش معايا تانى
مازن / خد بتاعتى
زياد ياخدها
لبنى / خد بتاعتى يا مازن
مازن / لا فى كتير جوه تعالوا اجيبلكوا
لبنى تقوم و يدخلوا الاربع المكتب و مازن يفتح دولاب و يشد كرسي يطلع عليه يجيب بونبونيره تقع منه تتكسر و البونبونى يتشحطر فى الارض و العيال يتخضوا
////////////////
دموع لبني بتنزل على وشها مازن يقف قدامها و شريف وراه
مازن / البقاء لله
لبنى ما تردش و بتعيط و مش بصاله و عينها على التربه مازن يمشي
شريف / البقاء لله
شريف يمشي
زياد / يلا يا لبنى
زياد يمسك ايد لبنى و يشدها بالراحه تقع فى الارض و الستات اللى حواليها يصرخوا مازن و شريف يبصوا وراهم يلاقوا لمه
..............................
فى شقه مرام
مرام بتتكلم في التليفون
مرام / قالى هيطلع من الدفنه على الشركه و بعدين هيروح العزا بالليل انتى هتروحى ؟
صافى / اه هروح
مرام / كويس
صافى / هتروحى ؟
مرام / مش عارفه بصراحه مش عارفه احس بايه انا لبني دمرت حياتي و كل ذكرياتي معاها وحشه بس ما فيش شماته في الموت و انا اكتر واحده مجربه وجع الفراق على تيته الله يرحمها فاهمه انا عاوزه اقول ايه
صافى / لبني اتصلت بشريف و حذرته انه يلحقك لما عرفت انهم هيسقطوكى انا نفسي لبني اذتنى كتير و خصوصا بعد موت بابا الله يرحمه ما انا حكيالك
مرام /اه ربنا يهديها
صافى / ما تيجي معايا يا مرام نروح سوا
مرام / و ملك هسيبها لمين اكيد مش هاخدها معايا يعنى هى ماما بطه هتروح
صافى / اه هتروح بس البنات لا ممكن تسيبى ملك مع شوشو و رؤي على ما نرجع
مرام / مش عارفه هكلم مازن و اشوف رايه ايه
صافى / فكره حلوه برده
.......................
فى المطار
فريده و ابراهيم خارجين من المطار و فريده لابسه اسود و نضاره شمس سوده كبيره
فريده / تفتكر السنتر هيرجع للبني الفلوس بتاعه العمليه اللى كانت ناويه تعملها الاسبوع الجاى فى لبنان
ابراهيم / يا فريده احنا فى ايه و لا في ايه اذكروا محاسن موتاكوا
فريده / انا بهزر بس و بعدين مش انت اللى قولتلى اخر مره شوفتها الوليه دى من كتر الشد و النفخ اللى بتعمله هيجي عليها يوم و تفرقع قولت و لا ما قولتش اهى فرقعت اهى
ابراهيم / ربنا يحسن ختامنا ماتت خلاص
فريده و ابراهيم يركبوا العربيه
فريده / بس تعرف الموضوع ده هيفرق مع زياد جامد لبني كدا هتاخد البيوتر سنتر و انا هقنعها تنزل تديره بنفسها اهو تتلخم عنه و تسيبه يركز فى شغله بدل ما هى كل يوم و التانى عملاله مشكله
ابراهيم / مش وقته ما تتكلميش مع البنت فى حاجه دلوقت
فريده / صحيح هتعمل ايه مع مازن
ابراهيم / مش عارف
فريده / ما احنا اكيد مش هنقعد حاطين ايدينا على خدنا لحد ما نلاقي مرام دى بقت امر واقع بص ايه رايك لو تكلمها تعرض عليها قرشين
ابراهيم / مش هتوافق
فريده / البركه فى مازن بيه كل يوم و التانى يجيبلها طقم سولتير بالشئ الفلانى صحيح و هو تعبان في حاجه تسيب هى بقي العز ده كله لمين يعني طبيعي ترفض
ابراهيم / تفتكرى انا ظالم البنت دى زى ما مازن بيقول
فريده / البنت دى عمرها ما هتنسي انك كنت السبب في موت جدتها حتى لو عملت ايه الريكورد اللى احمد الكلب ده سجلهولك ... صحيح يا ابراهيم اوعى يكون مازن مكمل معاها عشان معاها الريكورد ده يا حبيبي يا مازن دا كدا يبقي
ابراهيم / مازن دراعه ما بيتلويش
فريده / بس اكيد مش هيسمح لابوه يتحبس يعني او يتفضح
ابراهيم / لا لا ما افتكرش معاها حاجه لو كان معاها كانت هددتنى بيه او على الاقل حاولت تكسر شوكتى
فريده / امال متمسك بيها اوى كدا ليه غريبه اوى دى ... تعرف انا هكلم ميا اشوف هتيجي العزا و لا لا
ابراهيم / قولتلك قال لا
فريده / يا حبيبي الزن على الودان امر من السحر امال مرام دى وقعته ازاى فضلت تنطله زى فرقع لوز لحد ما شنكلته
ابراهيم / مازن مش عيل صغير عشان البت دى تعرف توقعه
فريده / مازن دراعه ما يتلويش مازن مش عيل مازن مازن مازن هو فى حد ورطنا الورطه دى الا مازن
ابراهيم يبصلها تتكلم في التليفون و تعمل متاثره
فريده / ايوه يا حبيبتي سمعتى اللى حصل للبني
ابراهيم يبص قدامه
....................
فى الفيلا فى اوضه لبني
لبني نايمه فى السرير بتعيط و زياد ماسك في ايدها بيدعكهالها
زياد / تفتكرى مامتك مبسوطه بحالتك دى يعني
لبني تغمض عينيها و تعيط في صمت
زياد / هى فى مكان احسن دلوقت على الاقل ارتاحت من القرف اللى عايشين فيه
لبني تبصله
زياد / شوفتى كميه الناس اللى كانت فى الدفنه
لبنى / مش دول الموظفين بتوع الشركه لازم يقوموا بالواجب طبعا عاشت وحيده و ماتت وحيده
زياد / وحيده ايه بس دى كانت كل يوم و التانى حفله ان ما كانتش عندها كانت تبقي عند اى حد تاني من الشله
لبنى / خيله كدابه زى اللى حوالينا بالظبط شوفت حد من الشله اللى بتقول عليها موجود هتشوفهم بالليل في العزا هتشوف دموع التماسيح و القرف كله بالليل هتشوفه
زياد / يا بنتي ليهم مش لينا المهم انها استمتعت فى حياتها سافرت و لفت الدنيا و عاشت دى كانت عايشه عيشه احنا نفسنا مش عارفين نعيشها
لبني / هنعيشها ما تقلقش هعيش كل اللى عاشته و اكتر كمان ما انا بنتها
زياد / ظروفك غير ظروفها
تليفون زياد يرن يطلعه من جيبه احمد
زياد / ثوانى يا قلبي ... ايوه يا احمد ازيك ... و نعم بالله ... اللى حصل بقي موته ربنا ... كويسه الحمد لله
زياد يشاور للبنى تهز راسها لا
زياد / لا والله يا احمد مش قادره تكلم حد خالص انت عارف الصدمه و كدا ... تنور يا حبيبي طبعا .. فى حفظ الله في حفظ الله
زياد يقفل و لبني بتبصله
لبني / جاى ؟
زياد/ اه هيركب الطياره و جاى
لبني تعيط بشكل هستيرى
لبني / ما تخليهوش يجي ابوس ايدك و رجلك ما تاخليهوش يجي هنا
زياد / يا حبيبتي
لبني / هعيش خدامه تحت رجليك بس خرجه من حياتنا ابوس ايدك ابوس رجلك خرجه من حياتنا ارجوك
زياد يبصلها و مش فاهم و هى منهاره من العياط و ماسكه في ايده برجاء باب الاوضه يخبط
زياد / مين
صوت امانى / فريده هانم و ابراهيم بيه تحت بيسالوا على حضرتك
زياد / جاى حالا
لبني / انا تعبانه و مش قادره اقعد مع حد
زياد / هنزل اقولهم انك نايمه انتى كمان حاولى تنامى و ترتاحى ممكن
لبني تهز راسها اه زياد يمشي تقعد تعيط بحرقه
.......................
فى الشركه
شريف / يعني مرام هتروح
مازن / اه هتروح
شريف يبصله و يبص الناحيه التانيه
مازن / انا كمان عاوزها تروح عاوزها تظهر جنبي فى كل مكان عاوز الكل يشوفها فى الصوره
شريف / فهمتك
مازن / كدا كدا كلنا هنبقي حواليها ما حدش هيقدر يدايقها
الباب يخبط و محمود يدخل
محمود / صباح الخير
مازن / قول مساء الخير ايه يا عم كل ده تاخير
محمود / ما انت عارف ان ورايا سيكشن خلصته و جيت جري
مازن / هتروح العزا بالليل
محمود / عزا ايه يا عم انت كمان ما تروحش مش روحت الدفنه كبر مخك بقي بلا قرف داهيه تاخدهم كلهم
شريف / محمود
محمود / اروح اعزى اللى قتلوا جدتى و حمايا انت بتهزر يا شريف
شريف / مش لبني
محمود / و مش لبني اللي جابت رجالتها لمرام في المستشفي عشان يجبروها تبوس رجلها مش هى دى اللى خربت عليك يا مازن باشا مش هى دى اللى بهدلت مراتك قبل كدا و حاولت تعريها قدام الناس يا شريف بيه و لا انت مش عارف انها عملت كدا
مازن و شريف يبصوا لبعض و يسكتوا
محمود / على فكره انا ممكن اكمل كلام من دلوقت للصبح على البلاوى اللى عملتها بس احنا ممكن نستغل الوقت ده في حاجه احسن من انى اضيعها فى سيره واحده شمال زى دى قال اروح اعزيها قال
محمود يحط رجل على رجل و هو منفوخ
مازن / صافى و مرام رايحين
محمود يبص لمازن و يتعدل فى قعدته
مازن / هما اللى عاوزين يروحوا
محمود / و انتوا مش هتمنعوهم ؟؟...طب انتوا حضرتوا الدفنه و خدتوا الثواب شويه النفاق بتوع العزا دول و قلبي عندك يا حبيبتي دول لزمتهم ايه
مازن / اهلى كلهم هيبقوا هناك
محمود / و انت بقي هتقدر تحمي مرام وسط كل دول طب ما اخدتهاش السبوع ليه ما دام انت جامد اوى كدا و معدى و لا هى في الفرح منسيه و فى الهم مدعيه
مازن / ما كانتش هتقدر تسافر ما كانتش هتستحمل و خد بالك من كلامك انت مش هتعرف مصلحه مراتى اكتر منى ماشي
محمود / معاك حق انا بس عليا النصيحه ما انا برده خدت بالى منها سنين قبل ما انت تيجي عن اذنكوا ورايا شغل
محمود يمشي مازن يبص لشريف
شريف / لو كان عندى كلام اقوله كنت قولته و هو قاعد
مازن يتنهد و يبص الناحيه التانيه و يفرد ضهره على الكرسي
....................
فى الفيلا
لبنى قاعده على السرير فى دنيا تانيه و فريده رايحه جايه فى الاوضه بتقلب فى الهدوم
فريده / كل الهدوم دى و ما فيش حاجه مناسبه دا مامتك ما كانش فى احلى من دولابها كل قطعه فيه كانت بدولاب من بتوعك دول لوحدها و فالحه بس تصرفى على براندات براندات براندات اها اخيرا حلو اوى الدريس ده و مناسب للعزا تحفه خديه اللبسيه
فريده تحط الفستان جنب لبنى على السرير و تروح تقلب فى الحاجات اللى على التسريحه
فريده / انتى كنتى لابسه ايه الصبح فى الدفنه صحيح ... وات ايفر الحمد لله ان ما كانش فى ناس كتير و الا كانت بقت فضيحه لا تكونى فاكره ان الناس هتقدر و تقول مامتها ميته دا انتى طيبه اوى هيسيبوا كل حاجه و يبصوا للبسك و شكلك
فريده تبص للبنى
فريده / قومى خدى شاور يلا و تعالى اعملك شعرك و هروح اشوفلك طرحه و نضاره شمس حلوه من عندى انا لو اعرف ان حاجتك بالمنظر ده كنت جبتلك معايا من دبى ...انتى فاكره شيما سعاده اللى كنا علاطول بنالس على لبسها دلوقت جابلتها ستايليست و دلوقت بقت حاجه تانيه خالص ... انا مش فاهمه حاجتك راحت فين بس .. لبنى لبنى انا بكلمك
لبنى تبص لفريده
فريده / فين لبسك و اكسسواراتك يا بنتى
لبنى تسيبها و تدخل الحمام و تقفل الباب
فريده / دا انتى لو بتاجرى الهدوم تلبسيها مره و ترجعيها برده مش هيبقى ده منظر دولابك و حاجتك
فريده تروح تخبط على باب الحمام
فريده / ما تطوليش الناس على وصول هروح اشوفلك حاجه من دولابى
فريده تمشى و لبنى قاعده بهدومها على ارض الحمام بتعيط
.........................
فى الشركه
محمود شغال فى مكتبه الباب يخبط و مازن يدخل
مازن / انا همشى هتعوز حاجه
محمود / لا شكرا انا كمان قربت اخلص و هروح
مازن / انا اكيد مش جاى اقولك انى ماشى يعنى
محمود يبصله و يدحك
مازن / ما تزعلش منى انى اتعصبت عليك انت عارف انا مضغوط قد ايه
محمود / خدت على جنانك خلاص جتتى نحست
مازن يدحك و يروح يقعد
مازن / مرام اللى عرضت تروح و انا عايزها تبان جنبى وسط اهلى عاوزها تبقى امر واقع و الكل يلغى اى خيالات فى دماغه ان ممكن اقبل باى واحده مكانها او ان فى احتمال واحد فى المليون انها تمشى
محمود / تمام
مازن / بكره ملك تكبر و هتبقى فى النص بين مرام و كلامها عن جدها و بين جدها و كلامه عن مرام و انا هبقى بين الاتنين لا هقدر امنع بابا عنها و لا هستحمل اسمع عنه كلمه وحشه فاهمنى
محمود /فاهم
مازن / عشان كدا انا مستعد ادفع نص عمرى و العلاقه بين مرام و بابا تتصلح باى تمن باى شكل حتى لو قدام الناس و ملك و بس انا عاوز بنتى تتربى فى جو هادى من حقى تتربى فى جو هادى
محمود/ معاك حق
مازن / طب اعمل ايه
محمود / بص خليك جنب مرام طول الوقت و اسندها و هى هتعمل الباقى
مازن / بعمل والله بعمل
محمود / هتروح امتى
مازن / هروح اخد مرام من البيت و نطلع على العزا
محمود / تمام ربنا معاك
..........................
فى دار المناسبات
احمد متسند على عكاز يسلم على ابراهيم ابراهيم يسلم من غير نفس
احمد / البقاء لله
احمد يعديه و يسلم على زياد
احمد / البقاء لله
زياد / و نعم بالله
احمد / لبنى عامله ايه
زياد / حالتها صعبه اوى
احمد / عاوز اشوفها اعزيها دا لو ينفع طبعا
زياد / مش وقته هى مش طايقه حد و لا طايقه نفسها
احمد / مقدر طبعا الموضوع جه فجاه و هى ما لهاش حد غيرها
زياد / اجلها هنعمل ايه يعنى
احمد / انا فى نفس الفندق بتاع كل مره حاول تلاقى فرصه و تعدى عليا نتكلم شويه فى الشغل
زياد / تمام ما فيش مشكله
احمد يمشى
ابراهيم / هو الكلب ده مش كان لسه مسافر روسيا ايه اللى رجعه و ليه عين يجى يسلم عليا كمان
زياد / اهدى يا بابا الناس و بعدين يجي يروح يولع ما لناش دعوه
ابراهيم / كان بيقولك ايه
زياد / كان بيتكلم فى الشغل انا اصلى ناوى افض الشراكه اللى بينا التعامل بينا بقى مش مريح بعد اللى عمله مع حضرتك
ابراهيم / احسن انت الكسبان
زياد / فى ناس جايين
ابراهيم يسلم على الناس
....................
عند السيدات
مرام تدخل و وراها صافى و فاطمه تسلم على فريده
مرام / البقاء لله
فريده / و نعم بالله انا مبسوطه اوى انك جيتى انتى بقيتى واحده مننا خلاص و لازم ننسى اللى فات و لا ايه
مرام تهز راسها و تروح تسلم على لبنى الحزن مالى وشها
مرام / البقاء لله
لبنى تبصلها
مرام / انا عارفه ان الموقف صعب بس الوجع هيروح او هتاخدى عليه الحياه هتمشى و هتستمر
لبنى / لو اى واحده غيرك كنت قولت جايه تشمت فيا
مرام/ ما فيش شماته فى الموت كلنا كدا كدا هنموت و ما حدش عارف هنموت ازاى و لا امتى ربنا يحسن ختامنا جميعا
لبنى / امين ما جبتيش ملك معاكى ليه كنت عاوزه اشوفها
مرام / سبتها فى البيت مع شيماء
لبنى / هتسمحيلى اشوفها و لا هتخافى ائذيها
مرام تعدى لبنى و لبنى عينها معاها و صافى تسلم عليها
صافى / البقاء لله
لبنى عينها على مرام راحت قعدت بعيد
صافى / البقاء لله
لبنى تبص لصافى و تسلم عليها
لبنى / و نعم بالله
صافى تمشى تروح تقعد جنب مرام
فريده / انا معتمده على ربنا ثم حضرتك تكلميهم و تحننى قلبهم على ابوهم دا مهما كان راجل كبير
فاطمه / ربنا يقدم اللى فيه الخير
فريده / حضرتك ست محترمه و ليكى مكانه خاصه عندهم و احنا كلنا بنقدرك
فاطمه / تعيشى
فاطمه تروح تسلم على لبنى
فاطمه / البقاء لله يا بنتى شدى حيلك
لبنى / ميرسى اوى يا طنط
فاطمه تروح تقعد جنب البنات
..............................
عند الرجاله
مازن يدخل ووراه شريف ابراهيم يحضنه
مازن / حمد لله على السلامه يا بابا
ابراهيم / الله يسلمك كويس انك جيت عاوز اتكلم معاك فى موضوع
مازن يبص حواليه
مازن / ممكن وقت تانى
ابراهيم / انا مش هقعد فى مصر انا مسافر بكره بالليل
مازن / تمام هعدى على حضرتك بكره الصبح فى الفيلا
ابراهيم / هات ملك معاك
مازن / سبها لله حضرتك عارف
ابراهيم / هات ملك انا مش هاخد اذن من مرام عشان اشوف حفيدتى
مازن يبص يمين و شمال و زياد كمان يبص
زياد / اهدى يا بابا الناس بتبص علينا
ابراهيم / هستناك انت و ملك بكره لو ما جيتش انا اللى هجيلك و ما ترجعش تزعل منى اتفقنا
مازن يبص لشريف
مازن / تمام
مازن يعدى زياد و يدخل و يسيب زياد مادد ايده
شريف / البقاء لله يا ابراهيم بيه
ابراهيم / و نعم بالله يا شريف يا ابنى اتكلم معاه هو بيسمعلك عرفه ان ابوه له حق عليه و ان اللى بيحصل ده ما يرضيش ربنا
شريف / تمام حضرتك عن اذنك
شريف يعدى زياد و يروح يقعد جنب مازن
..............................
عند الستات
هيا و اسيا و ميا يدخلوا يسلموا على فريده و لبنى صافى توطى على مرام توشوشها
صافى / ميا اللى كنتى بتسالى عنها هناك اهى بتسلم على لبنى
مرام / انهى واحده
صافى / استنى
البنات يدخلوا يقعدوا قدام مرام بالظبط صافى توطى توشوش مرام
صافى / ميا اللى فى النص
ميا / هاى صافى
صافى / ازيك ميا عاش من شافك هاى اسيا هاى هيا اعرفكوا مرام
اسيا / غنيه عن التعريف شوفنا صورك على النت بس انتى فى الحقيقه احلى كتير
مرام / شكرا
ميا / انتى اخر واحده كنت متخيله اشوفها هنا بصراحه
مرام / ليه
ميا / يعنى انتى فاهمه علاقتلك بالكل
ميا تشاور بصابعها لفوق دايره
اسيا / ميا
ميا / ايه انا ما اقصدش حاجه
مرام / فى الاول و الاخر احنا نسايب و انا ما جيتش هنا لوحدى جيت مع جوزى انا هبقى دايما فى المكان اللى هيبقى فيه جوزى اتمنى ما يكونش وجودى تقيل على حد
هيا / تقيله ايه بس ما تقوليش كدا احنا فى الاول و الاخر اهل و بكره تتعرفى علينا اكتر مازن بالنسبالنا اكتر من اخ احنا متربيين سوا و اصدقاء من زمان يمكن ما جاتش مناسبه نتعرف قبل كدا بس صدقينى لما هتعرفينا هتحبينا حتى اسالى صافى
مرام / من غير ما اسال انا مش بتكلم عليكوا انتوا على راسى و اى حد يحب مازن و يتمناله الخير على راسى انا بس بتكلم على اللى وجودى تقيل عليه انا لو منه ادور على مكان تانى عشان انا هبقى هنا علاطول ان شاء الله عن اذنكوا معايا مكالمه تليفون مازن
مرام توريهم الموبايل مكالمه مع مازن و تقوم تقف فى جنب بره
مرام / الو
مازن / خلصتى نمشى
مرام / ياريت
مازن / تمام انا واقف بره اطلعوا
مرام تبص
مرام / شوفتك ثوانى هجيب حاجتى و هاجى
مازن /تمام
مرام تقفل و تدخل
مرام / هستاذن عشان مروحين نبقى نتقابل ان شاء الله مره تانيه فى ظروف احسن من دى عن اذنكوا
فاطمه / خدينا معاكى يا بنتى
مرام / تعالى يا ماما فاطمه
صافى / عن اذنكوا
صافى و فاطمه و مرام يمشوا يسلموا على لبنى و على فريده
فريده / هاتى ملك و تعالى اتغدى معانا بكره احنا محتاجين نتجمع سوا اديكى شايفه الموت بيجي فجاه ما ينفعش نسيب الخلافات تكبر اكتر من كدا
مرام تبص للبنى
مرام / هقول لمازن عن اذنكوا
فاطمه / البقاء لله
فاطمه و مرام و صافى يمشوا و فريده و لبنى واقفين و ميا و اسيا و هيا عينهم على مرام
ميا / تقوليش الملكه فيكتوريا و الحاشيه ماشيه وراها
اسيا / اتلمى احنا فى عزا
ميا / شوفتى كلمتنى من طراطيف مناخيرها ازاى دا انا لولا عامله حساب لمازن
هيا / لو كنتى عامله حساب لمازن ما كنتيش كلمتيها بالطريقه دى من الاول
ميا / و كالعاده ميا هى اللى وحشه و انتوا ملايكه
اسيا / و كالعاده ما فيش فايده من الكلام يبقى هنسكت و نسمع القران ده احسن
ميا / سيبهالكوا خالص
ميا تقوم تروح تقف جنب لبنى و تمسك ايدها و اسيا و هيا عينهم عليها و يرجعوا يبصوا قدامهم تانى و يتنهدوا
........................
