((((السكة شمال 2)))))
#لولو_محمد
الحلقه 153
صافى / ما تحاولش انا بحبك و مش بحب ازعلك بس دا ابنى و بحبه برده و من حقه فى اسم على الموضه قولى حاجه يا ماما بطه
شريف / تمام اللى تعوزيه
صافى / و من غير زعل
شريف / و ازعل ليه عن اذنكوا انا ورايا كام مشوار فى السريع
شريف يمشى
صافى / والله انا مش قصدى حاجه بس اسم عبد السلام قديم اوى ممكن عبد الله عبد الرحمن
رؤى / يا بنتى انتى مكبره الموضوع ليه هو يعنى لو اتسمى على اسمه هيبقى هو الله يرحمه بقى
صافى تقوم تقعد جنب فاطمه فاطمه تبتسملها
صافى / انتى زعلانه منى
فاطمه / انا ازعل منك !!! و عشان اسم النونو ههههههههههههههههه طب والله انتى ما فى اغلب و لا اطيب منك هاتيه انتى بس سليم و معافى و انا مش هعوز حاجه من الدنيا
صافى / بس شريف زعل
................................
فاطمه / لا مزعلش و لو زعل انا هملصلك ودانه احنا كلام الرجاله عندنا بيمشى فى كل حاجه الا فى اسامى العيال الست هى اللى بتختار طب لعلمك بقى انا اللى منقيه كل الاسامى دى
صافى / بجد يا ماما بطه
فاطمه / هههههههههههههه والله يا ست البنات بس بقولك ايه نقيلنا اسامى عربى ابوس ايدك بلاش الاسامى التركى اللى كنتى عماله تخترعيها للبنت دى اه احنا عاوزين اسامى رجالى كدا
صافى / هههههههههههههههههههههه حاضر بس عشان خاطرى كلمى شريف انا مش عوزاه زعلان
فاطمه تبتسم و تشدها فى حضنها و تبوسها
فاطمه / يا بخته شريف بيكى
صافى تبتسم
..................................
فى الاستوديو
شريف يدخل البنت تقابله
شريف / مازن جوه
البنت / ايوه بس قدمه ساعه بالكتير و ينزل
شريف / ساعه كتير كمان
شريف يدخل جوه يلاقى مازن بيتكلم فى التليفون
مازن / كنا افتكرنا مليون جنيه ... ههههههههههههههه هكلمك بعدين سلام يا قلبى سلام
مازن يحط الموبايل على الترابيزه
مازن / الباشا اللى رافع راسنا فى المنطقه تعال اقعد تشرب ايه
شريف / و لا حاجه انا جيت اديك تفاصيل الايفنت الجديد و كمان اقولك ان الابليكاشن بتاع الشيف الصغنن اترفع على الاب استور و البلاى استور
مازن / هو انا بطلت اديك مرتب صح ايه الشغل الجامد ده
شريف يبتسم و يبص الناحيه التانيه
مازن / مالك فى ايه
شريف / مجهد شويه
مازن / لا يا راجل اقعد اقعد احكى فى ايه الدكتوره قالت حاجه
شريف يقعد
شريف / لا كويس الحمد لله ولد
مازن / عرفت
شريف / هههههههههههههههه لحقت
مازن / اساسى يا ابنى
شريف / ماشى يا سيدى
مازن / سيبك بقى من الدخله الهبله اللى انت دخلتها و الابليكاشن و الايفنت كل دى حاجات كان ممكن تقولهالى فى التليفون انت فى حاجه مديقاك صح
شريف / ما تقترح كدا اسم للبيبى
مازن / اسم للبيبى اسم للبيبى مش عارف هى الموضه ايه فى الاسامى اليومين دول
شريف / ايه حكايه موضه الاسامى دى كمان يعنى كل العيال فى الفصل هيبقى اسمهم ادم و لا انس
مازن / انت عاوز تسمى عبد السلام صح
شريف / مش من حقى يعنى
مازن / صافى مش موافقه صح
شريف / مش هنتخانق على الاسم يعنى بس ادايقت
مازن / طب ما سمتش على اسم باباها ليه طب لو كانت بنت كنت هتسميها فاطمه و لا عائشه طب هيبقى اسمه ايه عبد السلام شريف عبد السلام و يجيب عيل و يسميه شريف و يجيب عيل و يسميه عبد السلام و جمعيه و دايره هى بقى
شريف / هههههههههههههههههههه يا ابنى الموضوع ان
مازن / هو انت لو ما سمتش اسمه يبقى مش بتحبه لا بتحبه عادى يعنى ما يمكن ابنك يكبر و يقرر يغير الاسم هتمنعه ازاى نقيله اسم يحبه اسم زيه زى ولاد جيله عشان ما يكرهش نفسه لو كل الناس كانت فضلت تسمى على اسامى ابهاتها كان زمان اسمك امون و انا خفرع جدد نفسك
شريف / مش لايق عليك خفرع على فكره
مازن / اللى جه فى بالى و بعدين مين اداك الحق تختار الاسم اصلا
شريف / مش ابنى و لا ايه
مازن / شايله فى كرشك و لا ايه
شريف / البنت امها بتسميها و الولد ابوه بيسميه
مازن / دا قانون عندكوا يعنى
شريف / لا كل الناس بتعمل كدا
مازن / انتوا ليه ما اتكلمتوش فى الموضوع ده فى الخطوبه
شريف / احنا ما اتكلمناش فى اى حاجه فى الخطوبه
مازن / ههههههههههههههههههههه اتعلموا من مرام يا ابنى كل النقط محطوطه على الحروف من اول يوم شوف انا لسه بقول بسم الله الرحمن الرحيم عاوز اخطبك هنسمى ولادنا ملك و مالك و مليكه وشه كدا
شريف / هههههههههههههههههههههههه
مازن / طب هى عاوزه تسميه ايه
شريف / ما اعرفش دى بتقول للدكتوره هعمل ايه فى اسامى البنات اللى اخترتها بس بينى و بينك الحمد لله انها جت ولد كانت كل يوم تطلعلى باسم شكل مره اليف و مره اوزلام والله لسه اول امبارح عاوزه تسمى ايبرو
مازن / انت الاول عارف معنى الاسامى دى ايه
شريف / و نسميها ليه اصلا انا اسمى بنتى اليف ليه هى حيوان
مازن / اليف يعنى اللهب يا ابنى مش حيوان اليف
شريف / يا ابنى احنا شعب سفاف يعنى اى اليف هيقولوا حيوان اليف و ايبروا هيقولوا ليبروا و اوزلام هتبقى اقزام
مازن / ما دام انت عارف اننا شعب سفاف هتسمى ابنك عبد السلام يقولوله يا عبده و عبوده و لا يا عبسلام و تيى تيى تيت
شريف يبصله بطرف عينه
مازن / زى ما فكرت و اللشت على اسامى البنات امال هيعملوا ايه فى اسامى الولاد و بعدين ما تبص لابوك نفسه سماك على اسم جدك كان زمان اسمك فرج دلوقت كنت هتبقى مبسوط يعنى دا ابوك و امك بسم الله ما شاء الله مسمينكوا على الفرازه
شريف يبص الناحيه التانيه
مازن / بص يا ابنى انا لو منك اللحق انقيلى كام اسم حلو قبل ما تلاقى مراتك جايه تقولك ايه رايك فى اسم هاكان و سركان و هافان و بتنجان اللحق نفسك
شريف / هههههههههههههههههههههههه
مازن / ايوه كدا فكها
مازن يبص فى ساعته بقولك ايه لو فاضى و لسه مقفول انا عندى ايفنت تعال ضيع وقتك
شريف / تؤ هروح
مازن / هاتلها حاجه حلوه بقى و خلى عندك دم البت حامل و بتحبك يا لوح ما تنكدش عليها على حاجه هبله
شريف / والله ابدا انت عارف كويس انى ما اقدرش اغصبها على حاجه
مازن / جدع يلا عشان ما اتاخرش ما احناش ناقصين مشاكل انا مش طايق نفسى خلقه
مازن يقوم يلم حاجته و شريف يقف و هو مستغرب
شريف / ليه فى ايه
مازن / انا عارف يا عم ابويا اللى مش هنخلص من حركات العيال بتاعته دى يكلم مونى فيديو زى الفل و يكلمنى يستموت لما ما عدتش عارف اصدق مين ابقى لسه قافل معاه الاقى مونى بعتالى فيديو كول سجلتهوله عمال يدحك معاها و يقول نكت و يحلفلها انه زى الحصان
شريف باصصله و رافع حاجبه و ساكت
مازن / يلا يا ابنى يلا
مازن و شريف يمشوا
...................................
فى شقه مديحه
مروه / و ليه لا انتى مش خلاص بقيتي شيف
مرام / مريول ايه اللى اللبسه ناقص اللبس البرنيطه الطويله اوى دى
مروه / هى طويله اوى كدا ليه صحيح
مرام / هههههههههههههه والله ما اعرف
مديحه / بس مروه ليها وجهه نظر برده يا مرام انك تبقى بروفشنال كدا
مرام / يا عمتوا انا بعلم البنات الطبخ مش بدرس فى مدرسه فندقيه
مروه / بنات مين دول اللى بيتعلموا الطبخ معظمهم كانوا جايين ياكلوا و يتصوروا
مرام / ههههههههههههه و احنا خسرانين ايه
مديحه / على رايك
مرام / المهم بقى يا عمتى الابليكاشن اللى مازن قال عليه ده هيخلى الناس تحجز الوجبات اونلاين زى ما بيعملوا مع مازن كدا و بكدا نرجع شغل الوجبات تانى على تقيل بقى
مديحه / ايوه بقى عاوزين الفلوس تجرى فى ايدينا تانى زى الاول
مروه / هو احنا برده هنحضر الايفنت ده كمان يا مرام
مرام / انتى مش عاوزه تيجي و لا ايه هتسبيني لوحدى
مروه / ليه ما البركه فى اخوات شريف و صافى
مرام / ايه الكلام ده
مديحه / مروه زعلانه عشان حوار الحضانه
مروه / كدا يا ماما
مرام / ليه يا مروه
مروه / مش زعلانه عادى يعنى
مرام / طب قوليلى عملوا ايه يعنى
مروه / و انتى يعنى هتغلطيهم
مرام / طب احكى و نشوف
مروه / هو مش محمود و سعد متربين سوا زيك انتى و محمود كدا
مرام / اه و اكتر من الاخوات
مروه / و مش انا و رؤى هنسكن فوق بعض و هنبقى جيران
مرام / ان شاء الله
مروه / طب دلوقت سعد يكلم محمود و يقوله عندى مشروع و لما محمود يتحمس يبص يلاقى سعد بيقوله دا مازن و شريف هيشيلوا كتر خيرك انت
مرام / انا متاكده ان سعد ما عملش كدا
مروه / مش بالظبط بس هو ده اللى حصل
مرام / لا يا مروه بخصوص الحضانه هى اصلا مشروع رؤى هى قالت هى اللى هتدير حتى كانوا فى الاول قالوا ان التراخيص هتبقى باسم شريف لحد ما رؤى تخلص دراسه و بما ان شريف مش هيتابع فهتبقى ماما فاطمه المديره
مديحه / و هى فاطمه قادره تتحرك و لا تحط رجل و لا تنزل سلم ما كفايا عليها خدمتها فى مرات ابنها اللى مرقدينها فى السرير و بيخدموها طول الوقت
مرام / احنا مالنا هو احنا فاضين للحضانه احنا داخلين على شغل تقيل اوى بعد الابليكاشن ما ينزل الطلبات باذن الله مش هنلاحق عليها و انتى بقى يا ست مروه ناويه تسيبى اختك و تروحى لسلفتك لا بجد ما كانش العشم
مروه تبص لمرام
مرام / يا بنتى دا انتى ايدى و رجلى هنا طب ايه رايك بقى انك هتطلعى معايا الايفنت الجاى
مروه / انتى بتهزرى يا مرام هطلع ايه مرماطون الطباخ اقشرلك التوم و اقطعلك البصل
مرام / يا هبله لا هتبقى مديره اعمالى و فى ضهرى و تنظمى الدنيا
مروه / مديره اعمالك
مرام / لو مش قدها قولى
مروه / لا طبعا قدها و نص انا بس اتفاجئت ما كنتش عامله حسابى يعنى
مديحه / و هتعملى حسابك ازاى بقى يا سياده مديره الاعمال
مروه / اول حاجه لازم اشترى طقم فورمال لحسن يستعيلونى
مرام / اهم حاجه الهيبه هههههههههههههههههه
مروه تبص لمرام و تدحك
.................................
فى شقه شريف
شريف يدخل شايل علبه ورا ضهره يلاقى صافى نايمه على السرير و فى ايدها التاب اول ما تشوفه تقوم تقعد يطلع العلبه
شريف / كنت معدى قولت اجيب شيكولاته من اللى بتحبيها
صافى/ بترشينى
شريف / تؤ بحبك
صافى تبتسم
شريف / انا فكرت فى اللى قولتيه العيل ده مش ابنى لوحدى من حقك تشتركى معايا فى اختيار الاسم بس الاسامى التركى دى بلاشها
صافى / ايه رايك فى عابد
شريف / عابد
صافى / انا لسه بدور بس لما شوفته علق معايا و ممكن يامن او يوسف
شريف / انا بحب اسم يوسف جدا
صافى / و يس
شريف / هو كلو ي كدا
صافى / ما عابد ع
شريف / هههههههههههه طب تعالى نقعد ننقى الاسامى سوا احنا عاوزين اسم ناشف كدا عشان الواد يطلع ناشف زيه
شريف و صافى يقعدوا على السرير
صافى /ايه رايك فى ناسك
شريف / ناسك السلحدار غيره يا بنتى غيره
صافى / مش هخلص معاك طب نقى انت
شريف / سيف
صافى / حلو مش وحش بس اللى انا نقيتهم احلى
شريف / ايه رايك فى يوسف
صافى / ما انا لسه قيلاه
شريف / مش قولتى يس
صافى / و قولت يوسف
شريف / طب و عابد
صافى / بقولك ايه ما توجعش دماغى لما يتولد هيجي باسمه
صافى تفتح علبه الشيكولاته و تاكل منها
شريف / ايه الاسلوب ده طب هاتى الشيكولاته بتاعتى
صافى / اتصادرت دى بقت بتاعه عابد خلاص
شريف / طب ايه رايك انه هيبقى يوسف بقى
صافى / يبقى زى ما يبقى الشيكولاته حلوه اوى يا شريف
شريف / طب هاتى حته طيب
صافى تمسك واحده كبيره و تسيبها و تمسك واحده صغيره
صافى / خد دى بالكراميل ما ليش فيها اوى
شريف / اصيله يا ام رحاب مش كنت روحت الفرح مع مازن كنت كلت جاتوه بدل الكراميل ده
صافى / مش عجباك هاتها
شريف / اتصادرت
شريف يقوم يقلع البدله و صافى قاعده تدحك
شريف / الله يرحم يا ست صافى ايام الكالويز و المالوريز و هتفسد اخلاقى يا شريف هطخن يا شريف
صافى / كنت فكراك بتحب البت المالوظه يا شريف
شريف يروح جنبها
شريف / بحبك انت يا مالوظ
صافى تتكسف و تبص الناحيه التانيه شريف يخطف واحده كبيره من العلبه
صافى / ايه ده
شريف يلعب حواجبه و يحدف الشيكولاتايه لفوق و يشقطها و صافى بتبصله شظرا و فجاه تدحك
.......................
فى مستشفى فى دبى بعد فتره
فريده / حضرتك ليه بتماطل الحاله بتسوء يوم بعد يوم
الدكتور / انا كدا ما فعلا ما عدش قدامى غير انى احجزه فى المستشفى مهو كدا مستحيل تكونوا ماشيين على التعليمات لان الحاله بتزيد عند حضرتك كمان يا فريده هانم
ابراهيم / نبدا ندور على متبرع يا دكتور
الدكتور / واضح كدا ان ما فيش مفر من التدخل الجراحى احنا جربنا كل حاجه
ابراهيم / احنا ضيعنا وقت كتير على العموم مش مشكله اى كانت النتيجه مش مشكله
فريده تمسك ايد ابراهيم يبصلها
الدكتور / عن اذنكوا ثوانى
الدكتور يطلع بره
فريده / انا قولتلك نروح المانيا
ابراهيم / ما حدش بيموت ناقص عمر يا فريده و انا حاسس ان نهايتى قربت
فريده / بعد الشر عنك ما تقولش كدا ياما دقت على الراس طبول محنه و تزول زى غيرها انت فايتر يا ابراهيم عمرك ما استسلمت و مش هتستسلم المرادى كمان
ابراهيم / انا هرجع كل حاجه لمازن و هسيب الورث يتقسم بشرع ربنا و ما تقلقيش على زياد انا هكتبله الشركه فى مصر تبقى بتاعته
فريده / ما تاخدش اى قرارات فى لحظه انفعال لا ده الوقت و لا المكان المناسب اننا نتكلم فى حاجه زى دى
ابراهيم / ما عدش فى وقت يا فريده
فريده / انت عارف انا اتصلت بمازن كام مره يوم ما بيحن عليا و يرد ما بيهتمش يا ابراهيم
ابراهيم / هو مش مصدق انى عيان انا كدبت عليه قبل كدا و جه على ملا وشه هو فاكرنى بضحك عليه هو بيكلم مونى طول الوقت يطمن عليا
فريده / ايه اللى بتقوله ده
ابراهيم / مونى طول الوقت بتتصل بعد كل مكالمه مع مازن بتتصل
فريده / لان مونى بنتك و بتحبك يا ابراهيم و بعدين يا حبيبى انت ليه بتتكلم بالطريقه دى يا حبيبى انت هتخف و هتقوم بالسلامه
الدكتور يدخل ووراه ممرضه
الدكتور / انا بلغتهم و هما هيستقبلو حضرتك و يعملوا اللازم
فريده / تمام يا دكتور شكرا انا هوصلك الاوضه و اروح البيت اجيبلك اى حاجه هتحتاجها تمام
ابراهيم يهز راسه و يمشى مع الممرضه و فريده جنبه
.............................
فى فيلا زياد
زياد بيعبى هدومه فى شنطه
لبنى / ما ينفعش تحجز فى المستشفى كدا مصر كلها هتعرف
زياد / يومين تلاته بالكتير يمضى الورق و نخلص منه خالص
لبنى / ورق ايه ده
زياد / الورق اللى هيخلى كل ده بتاعنا
لبنى / و هتعمل كدا ازاى هتخليه يمضى ازاى
زياد / هيمضى يعنى هيمضى بالزوق بالعافيه هيمضى
لبنى / طب افرض مات قبل ما يمضى يا زياد هتعمل ايه اصلا لما يموت هتعمل ايه مع مازن
زياد / سيبى كل حاجه لوقتها و ما تفكريش و ساعدينى
لبنى / انا هاجى معاك
زياد / مش هترتاحى مستشفيات و قرف خليكى هنا احسن
لينى / و دا بقى رايك و لا تعليمات فريده هانم
زياد يبصلها
لبنى / تاخدوا كل حاجه و ابص الاقيك باعتلى ورقتى مش كدا
زياد / يا بنتى بطلى الكلام الاهبل ده
لبنى / مش كلام اهبل قولت هاجى معاك يعنى هاجى معاك
لبنى تطلع هدوم ليها من الدولاب و تحطها فى الشنطه و تبص لزياد و تحط ايدها فى وسطها يهز راسه موافق
..........................
فى دبى
فريده / انا اتكلمت مع مدير المستشفى و فهمته الوضع احنا مش عايشين الاسهم اسعارها تنزل فى السوق لما الناس تعرف انك عيان
ابراهيم / كلمتى مازن
فريده / ما ردش تحب اتصل على موبايل مرام
ابراهيم / عاوز اشوف ملك قبل ما اموت قوليله يجي و يجيب ملك معاه
فريده / مرام مش هتخليه ياخدها معاه و يجيلك
ابراهيم / ما تتعبنيش يا فريده ناولينى الموبايل اما اكلمه
فريده تبص الناحيه التانيه
ابراهيم / ناولينى الموبايل
فريده / سمعت طيب انا اتكلمت مع مدير المستشفى فى ايه فكرت اصلا تسمع انا بحاول اقولك ايه
ابراهيم / اكلم مازن الاول و بعد كدا يحلها حلال انا عاوز عيالى حواليا فى اخر ايامى
فريده / ما تبطل شغل العيال ده ما انا عندى نفس المرض و قاعده جنبك مش مشغله مارش الجنازه و عماله اتشاهد على روحى فى ايه يا ابراهيم
ابراهيم / انا حاسس ان نهايتى قربت انا تعبان
فريده / اسمع يا ابراهيم انا اتفقت مع الدكتور هنجهزلك فى البيت اوضه مجهزه و هتتعالج من البيت
ابراهيم / انا متاكد ان المستشفى احسن لو حصل اى حاجه يلحقونى
فريده / براحتك انا بس قولت مش عاوزين الناس تقلق عشان السوق و الاسهم
ابراهيم / اعملى اللى تعمليه بس ارجوكى ريحينى و كلمى العيال عاوز اشوفهم يا فريده
فريده / الموبايل عندك اتصل باللى انت عاوزه
فريده تدى لابراهيم الموبايل و تسيب الاوضه و تطلع بره
فريده / ابقى قابلنى لو حد عبرك بقى
..................
فى المطار
لبنى و زياد خارجين من المطار مانجين تقابل احمد خارج تتفاجئ
احمد / ايه المفاجاه الحلوه دى
زياد / اهلا
احمد / ما يبقاش قلبك اسود بقى هى الدنيا كدا هات و خد ازيك يا لبنى انا اسف جدا ما قدرتش خالص اكلمك اسال عنك بعد اللى حصل
لبنى / ما كانش فى داعى
احمد / امال عربيتكوا فين انا عربيتى هناك اهى تحبوا اوصلكوا
زياد / ما فيش داعى العربيه زمانها جايه
احمد / يبقى اكيد هنتقابل
زياد / ما افتكرش عن اذنك العربيه وصلت
عربيه تيجى تركن و سواق ينزل يجرى ياخد الشنط احمد يفتح للبنى الباب و هو مبتسم تبصله و تركب احمد يقفل الباب زياد يفتح الباب التانى و يشاور لاحمد سلام احمد يحيه براسه و هو مبتسم زياد يركب و يقفل الباب و العربيه تتحرك
احمد / سلام يا حب
احمد يروح ناحيه عربيته و يركب
............................
فى المستشفى
فريده / ما حدش فيهم رد عليك قولتلك مونى عندها امتحان الصبح و عملاه صامت و مازن باع طوبتك خلاص ملخوم مع الست مرام بيجهزوا للايفنت الجديد بتاعها سمعت اللى حصل نزلها ابليكايشن و مسمييه الشيف الصغنن عليه قال ايه كل الفيديوهات و الوصفات بتاعتها مصوره و تقدر منه تشترك فى الايفنتات او تشترى الكتاب اونلاين و طبعا اول باول جميع اخبار مرام هانم عمل منها بابليك فيجر بنت السباك دا بيعاندك رسمى انت تقوله بموت و هو بيطلعلك لسانه
ابراهيم / حتى كامل ما بيردش
فريده / انت عاوز منهم ايه على فكره لبنى و زياد وصلوا دبى و زمانهم فى الطريق بس فى مشكله زياد هيبقى يحكيلك عليها مش عارفه بقى فيك حيل تحلها و لا هنعمل ايه
ابراهيم / فى ايه
فريده / على قد ما فهمت من زياد عبد المجيد الصياد عامل مشاكل و مش عاوز يمضى عقد بيع شركه المحروقات بيقول السعر مش عاجبه بيقول كل حاجه غليت و الاتفاق عدى عليه وقت و انتوا بتماطلوا و عاوز يزود السعر
ابراهيم / هو الراجل ده ما عندوش دم انا قولتله انى عيان و مش هقدر اسافرله يخلى عند اهله دم
فريده / ما حدش عنده دم يا ابراهيم انا بقول ترجع فى البيعه و تسبله شركته يغرق بيها بقى
ابراهيم / انا هكلمه امسح بيه الارض هقوله مستعجل تعال غير كدا مش هزود جنيه
فريده تناوله الموبايل يتصل بحد يرد
ابراهيم / و لا سلام و لا كلام جرا ايه يا عبد المجيد انا ابقى محجوز فى المسنشفى و انت بدل ما تيجي تسال عليا عاوز تزود الاسعار ... مماطله ايه هو انا هحجز نفسى فى المستشفى منظره عيب الكلام ده احنا مش صغيرين ... تعال هنا و انا همضيلك العقد حالا ... انت اللى محبكها قولتلك ابعتها امضيها و ابعتهالك انت اللى مصمم نمضى قدام بعض ... و هو عشان اتنصب عليك من غيرى تعاملنى كدا ليه ... تنور يا عبد المجيد تنور يا اخويا ... فى انتظارك ... مع السلامه مع السلامه
زياد يدخل ووراه لبنى
زياد / الف سلامه عليك يا بابا سلامتك
لبنى / مالك يا بابا خضتنا عليك
ابراهيم / انا الحمد لله كويس يا ولاد ... زياد ... اسمع عبد المجيد هيوصل بكره على طياره خاصه تروح تستقبله فى المطار بنفسك و تجيبهولى نمضى العقود و يرجع بلدهم على نفس الطياره مش عاوز حوارات و لا مماطله
زياد / و الفلوس يا بابا
ابراهيم / مالها
زياد / حضرتك عارف ان السيوله مش هتقضى انا قولت لحضرتك نماطل شويه فى موضوع القريه الصناعيه قولتلى كامل مش هيسكت هنعمل ايه دلوقت
ابراهيم / انا هصفى شغلى اللى فى روسيا و اسيل الفلوس انا كدا كدا صحتى ما عدتش جيبانى اروح و اجى و كمان الناس هناك ولاد كلب لو ما كنتش واقف على راسهم ياكلوك
زياد / فكره حلوه جدا بس اكيد هتاخد وقت على ما نلاقى مشترى
الباب يتفتح و احمد يدخل لبنى و زياد يتفاجئوا
احمد / الف سلامه يا ابراهيم بيه الف مليون سلامه
ابراهيم / اهلا يا احمد ازيك
زياد يبص لاحمد و احمد مبتسم
ابراهيم / احمد هيسيلى الشغل اللى فى روسيا اقعد معاه و جهزوا العقود و خلصوا النهرده عشان تخلص بد المجيد بكره
زياد / تحت امرك يا بابا
احمد يبص للبنى و يبتسم تبص الناحيه التانيه فريده متبعاها تبص على احمد
.........................
فى شقه مازن
مازن نايم موبايله يرن يقوم يبص على مرام و ملك نايمين جنبه
مازن / افندم
زياد / انا اسف انى بتصل بيك فى وقت زى ده بس
مازن / انجز
زياد /ابوك محجوز فى المستشفى
مازن / انا جايلك
زياد / هحجزلك التزكره و ابعتهالك
مازن / ما فيش داعى ما تشيلش همى
زياد / دا اخر كلام عندك
مازن / مع السلامه
زياد / سلام
مازن يقفل و يقوم يطلع شنطه من الدولاب و هو بيتصل بحد مرام تصحى
مرام / فى ايه يا مازن
مازن / ايوه يا شريف انا عاوز اسافر دبى حالا ان شالله فى طياره خاصه .. زياد كلمنى قالى بابا تعبان ... يلعب بقى ما يلعبش انا تعبت انا لازم اسافر و اطمن بنفسى ... سلام
..............................
