في قلبي حروب دامية

ملخص الجزء الاول من القصة

السلام عليكم و رحمة الله تعالى و بركاته ❤

لاحظت الاكثرية ناسين القصة لان من زمان مكاتبة عنه شي و اذكرت اني من زمان ضامه ملخص عن القصة بالحافظة فسويت نسخ و لصق و الي ناسي القصة خل يقرة الملخص علمود يعرف شلون يقرة احداث الجزء الثاني من تنزل مو يكون ناسي كلشي

ملخص الجزء الاول

السلام عليكم اسمي يحيى من مواليد 1964 محافظة بغداد جبير اخواني امي جانت تكرهني كره مو طبيعي اني و ابوي و مجانت اطيق نفر بينه مجنت اكدر اسويله شي لان بالنهاية اضله امي من صرت ثالث متوسط توفه ابوي و هو بغير محافظه و امي بوكته طلعت عنه اشكال حجي انو هو سكير و عليه سوالف مكسره و هو مصار كم يوم من توفه و هيجي صرت وحدي بعد ما مات ابوي اخواني طلعوا مثل امي ما يحبوني و لا يطيقون سيرتي بعد ما توفه ابوي امي جانت تجبرني اترك الدراسة و ابيع جكاير و شفته منها اشكال التعذيب حتى بيوم حبستني بالحمام و ربطتني بالبواري و ضليت ايام محبوس لا اكل و لا شرب و ابو بريص يصعد على جسمي و كل هذا ما اكدر اسوي شي المهم خلصت الثالث متوسط بشلعان الكلب و رحت التحقت بالجيش حد ما صار عمري عشرين سنة قررت ازوج بت عمي ( ازهار )  و صدك ازوجته بس مجانت سهله جانت تبين مره مو هينه وراها هواي مشاكل راح تجي بس صبرت عليه رغم هي طول اليوم مناكر ويه امي و البيت ميخله عمره من المشاكل اختي الصغيرة اخر العنقود منتهى زوجته امي لواحد زنكيل و حسب حجي امي تكول مرتاحه بس مجنت مقتنع و جنت دوم اسئل منتهى راضيه بزواجج جانت تكول اي مرتاحه مع انو مجنت احس بهل الشي صار عندي ثلاث اطفال ولد واحد و اثنين بنات ياسر و رقية و سوسن و بيوم جنت راجع من الجيش تلكتني اختي منتهى و هي تكلي مرتك تخونك بنص البيت و ادخل زلمه لغرفته مجنت مصدك الي تكوله و رحت شايط للبيت اساله لا تكون اختي فاهمه غلط و اضلمه بس هي عينه كويه و منكرت و ترادد فوك مصيبته شبعته كتل و هي لسانه ما سكت بس جنت خايف اساله هذولي جهالي و تكولي لا بس تشجعت و سالته و هي تكول ما ادري منو ابوهم مجان شي ابيدي غير اوديه لاهله و اطي خبر لابوهه انو حطلكه بس ثاني يوم وراه ما كتله حطلك بتك صابته الرجال جلطه و توفه و رغم هذا ازهار ما انكسرت عينه و طالبت بالجهال و مكدرت احرمهم منها لان الجهال متعودين عليه اكثر مني و يضلون بس يبجون عليه فنجبرت اطيهه الجهال و بيوم جنت مار اشوف الجهال شفتهم كاعدين بالشارع و الجو بارد و ملابسهم مشككه و كاتلهم الوصخ رحت اخذتهم و مريت على بيت اهل ازهار اشوفها ليش عايفه الجهال هيجي و اتفاجأ بامه تكلي هربت من البيت و عافت الجهال و مجان مني غير اخذ الجهال و اربيهم عندي و جانت تربيتهم صعبه و اني اكثر الوقت ما متواجد بالبيت بحكم شغلي فبيوم شفت وحده من كرايبنه و عجبتني من خلقه و اخلاق و حسن شايلته فقررت ازوجه بس امي جانت رافضه حد ما هددته بالجذب انو اعوف البيت و اعوف الجهال يمه تتبهذل بيهم و هي صدكت و انجبرت تخطبلي البنيه و جان اسمه مروه و صدك طلعت بنيه فقيره و ماكو منه و جانت متحمله امي و تسكت و لا بيوم حتي تشكي من عده عدا جانت تسهر على جهالي و بيوم باتت بالمستشفى على بتي رقيه لان طلع بيه ربو ربتهم احسن من امهم الف مره الي قررت تفلت فصار عندي من مروه اثنين ولد توم ايهاب و مهاب و بيوم مروه جانت تتعارك ويه امي اجتي امي دفعت جدر بيه مي يغلي و شمرته على الجهال و انحركت رجل واحد من التوم رغم شكد عصبت بس مجان ابيدي اسوي شي و لا اكدر اطلع بيت ثاني لان فلوس مجان عندي جنت مجبور اعيش هالعيشه و اعيش مروه بيه و بيوم اجتي اختي منتهى تصيح طلكوني من زوجي و تشتكي من ضربه الها و خياناته المستمره و الشرب و العربده مالته جانت ساكته طول الوكت على امل انو يتغير بس مكدر تتحمل و صدك طلكته ضلت المشاكل مستمره بالبيت حد ما امي طردتني اني و جهالي من البيت و جان عندي ثلاث جهال من طليقتي و هسه عندي ولد توم و ثلاث بنات من مرتي الثانيه معرفت وين اروح بيهم فانجبرت اسكنهم ابيت خرابه صح جبيره بس شكله و مظهره عمرهم ما يطمنون الواحد و دوم جهالي جانوا يشتكون انو يشوفون شغلات غريبه بهل بيت واحد يكمز على السياج لو ظلال و اشكال حجي بس كلت جهال اكيد يتخيلون و معدنه غير مكان نروحله و بهل فتره ورا ما طلكت اختي منتهى من السكير تزوجت ابن عمتي و جانت عايشه وياه و مرتاحه بس اجتي زعلانه للبيت انو تريد تطلك من زوجه لان ما تخلف و متريد تحرمه من الجهال رغم هو راضي بهاي الحاله بس هي جانت معانده الا تعوفه بس بفتره زعله و محاولته انو يقنعه ترجع طلعت منتهى حامل و رجعت لبيته اما بخصوص هالبيت الي كاعد بيه صرت اسمع من الجوارين انو صدك بيه شغلات و ناس تشوف واحد يكمز بالسطح لو على السياج و اكيد مكدرت اعوف جهالي بهيجي بيت و بفلوس جانت عندي اشتريت بيت ملك و فتحت سوبر ماركت و تحسنت ظروف معيشتي من الخرابه الي احسن حال و الحمد الله ابني ياسر من طليقتي التحق بالشرطه و الولد التوم ايهاب و مهاب عافوا المدرسه و صاروا يساعدوني بالمحل حد ما خطبت بتي سوسن الي من مرتي الاولى لواحد من الساده و هنا عمامه لسوسن مقبلوا ازوجه للغريب رغم هي راضيه و مقتنعه بس صارت مشاكل و طلايب و كطعت علاقتي وياهم جان اهم شي عندي راحة بناتي و بهل اثناء رجعت طليقتي ازهار مزوجه و عده جهال حتى تسوي مشاكل علمود راح تزوج بته من غريب و ما سمحت اله بهل الشي بعد غياب كل هالسنين جايه تريد تصير ام عليهم بس فتره و هي عافت شغله سوسن و ارتاحيت بس لاحظت بتي صايره تعصب و تعيط بس تشوف خطيبه و تتهجم على الكل عدا صايره اضوج من الاذان و القرآن هنا عرفناهه مسحورة و اخذنا لكذا شيوخ يله تعالجت و كدرت تزوج و وحده من كرايبنه عرفت منو سوت هالسحر جانت ازهار مسويته لبته حتى ما تزوج ضمينه موضوع منوا مسوي السحر لسوسن حتى ما نكبر مشاكل و تطلك سوسن بعد ما بلكوه حلينه هالمشاكل بس ازهار مكعدت راحت لسوسن تقنع بيه انو اني حرمتهم منها و ضلت تحش بيها لحد ما دكت عليه سوسن تكلي بعد ما اريد اشوفك حرمتني من امي ما تحملت و رحت حجيتله كل الي سوته الي ما تسمه امه و من كد ما جنت معصب رجعت للبيت و كلت لبتي رقيه لمي غراضج و روحي لعند هاي امج ازهار  و هي تعيط و تصيح ما اريد اروح فسكتت على قهري و رجعت سوسن تعتذر مني على الي سوته فسامحتهه  بالاخير اضل بتي و ما اكدر اخذ على خاطري منه و فتره و دخلت مشروع و تاليته انباكت الفلوس و وكعت بديون ماله اول و لا تالي و كل يوم يدكون بابي يطالبون بفلوسهم و اني فلست انسد محلي و مو كادر اشتغل و الشرطه ادك بابي قررت اروح عند اخواني مرتي بالكوت بلكت احصلي شغل بدل ما اني كاعد هنا و ما لاكيلي شغل عفت البيت و رحت عندهم اشتغل و ادز فلوس لعائلتي منه الي يضمون منه ادفع بيه الدين و منه الي يصرفون بيه على روحهم مرت علينه ايام من القهر و العوز و بيوم جنت كاعد ويه اخوه لمرتي و جان عده اخوه ثاني بس مو بعقله من سالت عليه كالولي هذا جان هم بالجيش و جان يحب وحده و من خطبه اهله رفضوا لان اهلهه جان عدهم طائفية و ميرضون بالشيعه و هو ضل يلح يزوجه و اهله رافضين حد ما بتهم هربت من البيت بس لازميه و كاتليه و عايفين جثته بالبيت و هربانين و هو بالجيش من سمع صاير بيه شي راح هرب حتى يروح عده هناك يعيط باسمه و من واصل لهناك يم البنيه وصلت الشرطه و لزمته عبالهم هو الي كاتله و ماخذي و معذبيه بالكهرباء حد ما فقد عقله و صل لهاي الحاله ايام و اشتغل و ادز فلوس لعائلتي بس الي ديطلع فلوس قليلات اقلها احسن من الماكو الي عرفته انو جهالي التوم ايهاب و مهاب صاروا يشتغلون و ياسر ابني من طليقتي ازهار من عرف بيه عفت البيت تا اشتغل زعل و راح يم امي (بيبيته) و مينطي مصرف لخواته و عايفهم بالفقر و العوز جنت مجبور اسمع كل هذا و ارجع اشتغل رغم حالهم كاسر ظهري حد ما سمعت انو داخلين تفتيش على البيت علمود يدورون عليه و مخوفين البنات واحد من هذولي الجاين يدورون عليه بالبيت شايف بتي رسيل و رايح خاطبهه من ياسر و تعارك وياه حد ما انسجن ياسر و بتدخلات من العمام نقلوا الضابط هذا و طلعوا ياسر من السجن و من طلع راح ماخذ طابوا البيت و مسلمه لواحد من الناس الي يطلبوني فلوس و مجذب على الناس و كايللهم بتي رسيل هي الي منطيه الطابو اله و لازميه و مشبعبه كتل هنا متحملت لان كلسي و لا بناتي خط احمر رجعت لبغداد عسا ما اعرف راح انسجن ما اكدر اعوف بناتي بعد اكثر ينهانون فرجعت و بلكوه حصلتلي شغل و كعدت احاول اصبر الناس تنتظر فلوسه بالنسبه لاختي منتهى فزوجه تمرض بالخبيث و متاخرين عليه لحد ما مسويله العمليه وراهه بفتره توفه و عاف وراه ثلاث جهال عياله لمنتهى ممر وكت و كالوله انتي ارمله و كاعده بين عيالج لازم تزوجين حماج هي مرضت و راحت ماخذه الجهال و راجعه كاعده يم امي و مرت فتره احنه من ايجار لايجار و ما استقرينه بسبب سوايه ابني ياسر و فد يوم اجوي خطابه لبتي رسيل بس جان الولد مزوج و مرته حامل فرفضت انطب بتي الهم كلها كم يوم و تجي بتي رسيل من المدرسه تبحي وجهه و ملابسه املخات طلعن كرايب الولد الي خاطب بتي ويه رسيل بالمدرسه و ضايجات لان جاي يخطب رسيل فلازماته و كاتلاته دكيت على اهل الولد و حذرتهم يوصلون لبتي مره لخ و تعدي فتره و اجوي خطابه لبتي رقيه و سالت عن الولد طلع خوش ولد و رقيه موافقه عليه فدزينه موافقه ما تمر كم ساعه و اهل الولد جاين يتعذرون مني انو همه بالاصل جاين يخطبون رسيل و خطبوا رقيه بالغلط متحملت اللعب مالتهم و كتلهم ما عندي بنات الكم ضل الولد يخطب برسيل كل يوم و جنت متفاجأ من اصراره و هو ما يعرف بتي حتى سالت رسيل اذا تعرف الولد نكرت اي معرفه بيه ضليت رافض طلبه انو بتزوج بتي خاف تبقه بنفس رقيه انو هو خطبه بالاول بس راح ياخذ اخته حد ما رقيه اجتي و كالتلي انو ما عده مشكله اذا ازوج اخته فسالت رسيل اذا موافقه على الولد و انطت رفضه بس كله كم ساعه اجتي مغيره رايها و منطيه موافقه و الخطوبه خلصت مشاكل بمشاكل مبين اهل الولد مراضين و مغصوبين على بتي و ابن عمه لبتي جان يريده من زمان و هي رافضته فكعد يدز تهديدات لخطيب رسيل حد ما اخرته استعجلنه بالعرس و انزفت بتي اله بدون حنه و بدون ما تكون مرتاحه كل على الطايره بس ضلت ساكته ما حجت مر اول شهر على زواجه صارت تشكي من شوفه عبد اسود يجي يخنكه بالغرفه وديناهه لكومه شيوخ بس مفاد ويه حالته و كله كم شهر ادك رسيل عليه تكلي تعال اخذني و البجي ماخذه تفصال رحت اخذته و حجتلي كلشي عن زوجه انو لكت عنده مبايل و يراسل بنات و عنده سوالف السكر و السهر فكتله اهدي و من يجي افتهم من عنده و اذا احد من اهلج سالج كليلهم مشاكل ويه العيال و صدك بنفس اليوم اجاني يحاجيني و يحفلي انو هاي الشغلات جانت قبل الزواج بس بتي جانت رافضه ترجع وياه و متثق بحجيه عدا مشاكل ويه عياله لان لحد هسه ما حملت و مصارله خمس شهور من تزوجت فرحت طلبت من زوجه تحليل يثبت سلامته و صدك طلع زوجه ما يعاني من شي و ضل القرار يم رسيل ترجع لحد ما بالاخير رجعت اله و انطته فرصه و صدك جان كد هلي الفرصه و مرت فتره و حملت بتي و الامور مشت تمام وياهه و بيوم دكت عليه طليقتي تكلي انو صار بيه عجز كلوي و مضل كم يوم و تموت و تريد تشوف بناته و تطلب السماح منهم قبل ما تموت و محد من بناته رضن يشوفنه و ماتت و هي تتحسر على شوفتهن اما بتي رسيل زوجه تمرض و سوه عمليه و ورا ما تعافه طلعه ابيت وحده بعد ما كثرت مشاكل عياله و سنين تمر بين حلوه و مره لحد سنه 2019 اسمع خبر عن امي واكعه بالحمام وضعه خطر و ماكو امل انو تعيش و تطلب شوفتي قبل ما تموت ما كدرت ارفضله هالطلب و رحت اني و مرتي و بناتي و سامحناهه على كل سواياته و ماتت بعد كم يوم و بعد موته رجع ابني ياسر يحاول يصلح العلاقه وياي بعد كل عمايله ما كلت لا انطيته الفرصه انو يصلح غلطه و هذني اخر سنتين تمر عليه شبعنه بيه موت بدايه ويه اخو زوج رسيل حركته مرته بالزيت بس ضل عايش و بعده وفاه حماة بتي سوسن وراهه اعرف بتي رقيه صار بيه عجز كلوي مثل الي صار بامها ازهار وراهه وفاة اخو مرتي مروه بسكته ورا ما ابنه انسجن بسبب عركه و مرته و بناته كاطعات عنه الاكل حد ما ميت عدا انو اصلا واحد من اخوان مروه توفه بعركه لان ولد راكعيه بالطابوكه فاجتها صدمه من موت اخوه الثاني و بعده مطلعت من اول صدمه و توفه اخوه الثالث بكورونا و توفت اخته بالسكر كل ذني الصدمات اجني عليه وحده ورا الخه .......

الكاتبة ؛ حمامة السلام 🕊 ( عاشقة غوكو ❤ )