في قلبي حروب دامية

البارت الثاني

السلام عليكم و رحمه الله تعالى و بركاته ❤

البارت الثاني

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

سمعت عمي و هو ينطق كل حرف منه

تجمدت بمكاني

وكعت الجنطه من جتفي

و رحت اقتربت يمه

باوع عليه و نزل راسه

لزمت من قميصه و حجيت

- كول جذب ماكو هيجي شي موو

محجه شي

- ابوي ما مات و انتو كلكم اجذبون

عفته ياخته و دفعته بعيد عني

و رحت للغرفه و اني اباوع عليهم

دموعي تنزل بدون ما احس

رحت كعدت بالغرفه افرك بشعري

و دموعي تصب بدون ما احس

اباوع بره الغرفه بعدهم يحجون

مو معقوله كل الي كاله صدك

قبل يومين بابا جان زين مبي شي

شصار

اكيد جذب

لا مو معقوله الي ديحجي عمي صحيح

مسحت دموعي و كمت رحت يمه

- منو جذب عليكم و كالوك ميت هااا جذب بابا ميروح و يعوفنه لضيم وحدنه

- اسمعني

راد يحط اديه على اجتافي

وخرت منه بسرعه

فرك راسه بشعره و ضل صافن وجه محتقن

- لو بيدي اكولك جذب بس ابوك صدك مات

احس الدنيه افترت بيه

ما ادري مين اتلكاه

وين راح و عافنه

دموعي نزلت بكل هدوء

و اني تحت تاثير هالصدمه

بعدني ممستوعب

بهاي اللحظه ماما راحت طبت جوه بدون متهتم

رفعت راسي شفته عاكد حواجبه و يفرك بشعرهه

و عمي الخ و اكف يم الباب

سالته

- شلون مات

- رايح للبصره و داعمته هناك سياره ميت و باقي بالمستشفى 3 ايام و من المستشفى معرفت اهله او كرايبه دافني بالصحراء يم معامل البصره

احس الدم وكف براسي و كلشي بعد ما اكدر اسمع

كتمت دموعي و شهكتي و سالته