في قلبي حروب دامية

البارت الثامن عشر

السلام عليكم و رحمه الله تعالى و بركاته ❤

البارت الثامن عشر

🌺 بقلم ؛ حمامة السلام 🕊 ( عاشقة غوكو ❤ ) 🌺

ازهار

- شبيك عمو احجي شصاير

- لا كلشي ماكو سلامتج بس شويه تعبان

حسيت بحلكه اكو حجي بس غلست و مهتميت مالي خلك اله

لشويه اجتي هدى و جايبتلي وياه كاسه مي

حجت هدى

- عمو شبيك ضايج صاير شي

- لا بنيتي بس شويه تعبان

- انت روح ارتاح و اني ابقه يم ازهار يله عمو

- تمام اني راح اكعد مكابيل الغرفه خاف تحتاجون شي مني

- ماشي عمو

طلع عمو و بقينه بس اني و هدى

شكد حسيت روحي تعبانه بس مجان جايني نوم

حتى هدى مضلت هواي يمي

حد ما صارت الساعه عشره و عيوني ما اجاهن نوم

دخلت هدى و بيده الطفل

هسه اني حايره بروحي لو احير بهل فكر الي اجاني

- شوفي جبتلجياه لحد هسه انتي مشايفته

- جان بقيتي نايم ليش جبتي

- غير حتى تشوفي

- بعدين اكدر اشوفه مو اله شرط هسه

حطته بحضني و اني مطايقه حتى اسمه

اباوع عليه صغير و احمر و عيونه مطبوكات حيل

هدى

اباوع عليه شلون شايله ابنه من ورا خشمه

عفته و طلعت يم عمو

سالني

- هاا شلونه

- بخير لا تخاف عليه

- امه مراح تجي تشوف بته

- وصلته خبر بيد اخوي و بعد ما ادري و لو ما اظنه تجي بعد ما تعاركت ويه ازهار

- ليش تكعد الخاتون ابوه مريض و تتعارك

- خليه سكته عمو انت شايف شلون تباوع لبنه تكول جايبي من الشارع و شامري عليه

- مدري عليمن طالعه بعرامته و كاحته قبل الزواج مجانت هيجي شنو الزواج خبله

- طبعا لان يحيى حيل متساهل وياهه و ماخذ راحته مو مثل عمتي جانت تكومه بكتله و تكعده بكتله فما جان يطلعله صوت هسه من ازوجت ماكو رجال عليه يلزمه و يضبه لان يحيى بالجيش اذا غاب القط العب يا فار

- عرفت بيه هاي البنيه مو مال زواج بس كلت ميخالف تزوج و تعقل

- يا تعقل عمو الشيطان يعقل و هي متعقل