في قلبي حروب دامية

البارت التاسع و الخمسون

السلام عليكم و رحمه الله تعالى و بركاته ❤

البارت التاسع و الخمسون

🌺 بقلم ؛ حمامة السلام 🕊 ( عاشقة غوكو ❤ ) 🌺

حال ياسر

‏بَعدين إفتهمت السڪتة مَوضوع
وسڪوتك ع الرسايل هَم رسالة .!

رسيل

كاعده اني و اخواتي بالصاله منتظرين ماما تصب العشه

بعدهه ماما ما ماده السفره جان يحجي بابا بصوت بيه كسره و ضعف

- لحكوني واكع بشده

اخوي ياسر عاف الريمول من ايده و التفت على بابا

امي شمرت السفره و اقتربت من ابوي

و احنه صافنين و على وجوهنه الف علامه استفهام شصاير و هيجي بابا مهموم

جان يحجي ياسر

- احجي بابا شصاير

- اي يحيى كول شصاير صالك فتره مو على بعضك

- اي و الله حطيت فلوسي كلهن الجواي و الفوكاي بمعمل مال طابوك و شراكه ويه اربع نفرات واحد من عدنه باك الفلوس و المعمل و شرد و ما ندري وين اراضي

الصدمه بانت على وجوهنه

ياسر وجه صفر و ميدري شيحجي و يكول

كام يفرك بوجه و العصبيه باينه عليه

ما قطع صدمتنه غير صوت وكعه ماما بلكاع

انهارت من طوله بله حراك

كمنه نتهافت عليه هذا الي يصيح جيبوا قولونيه و هذاك الي يصيح جيبوا مي انخبصنه من صدمتنه

مددناهه على جودليه نريدهه تصحه بس ماكو فاقده على اخير

حد ما شويه شويه بدت تستعيد وعيه

اجتي رقيه تركض بجهاز الضغط

كعدت تقيس بضغط ماما الصاعد و تحاول تهديه

و بين كل هاي الدوخه اجه سؤال من ياسر ابد مو محله

- شكد مطلوب

هذا السؤال خلانه نرجع لصدمتنه

بس الصدمه الاكبر جانت من حجه ابوي

- سبعين مليون

رقم منكدر نتخيله شكد مهول علينه

ماما من الصدمه متنطق فاكه حلكه و تضرب بكصته

محد بينه كدر يحجي اكتفينه بالصمت لان ماكو شي يكدر يعبر عن صدمتنه وكته

ماما شكل ضغطه

و ياسر ضل منتجي على حايط بس يتأفف

تخورسنه و منعرف شنسوي