في قلبي حروب دامية

البارت الثالث و السبعون

السلام عليكم و رحمه الله تعالى و بركاته ❤

البارت الثالث و السبعون

🌺 بقلم ؛ حمامة السلام 🕊 ( عاشقة غوكو ❤ ) 🌺

رسيل

- شبيج عمه صلي على نبي توني عروس و ادورين حمل و انت تدرين بيه اني و ابنج هالفتره مكضيه مشاكل مين ترديني احمل

- هالحجي ميمشي عندي و اذا طلع الصوج منج و متخلفين اخلي ابني يضيع عمره على وحده عاقره

- لا حول و لا قوه الا بالله عمه انتي صايرلج شي مين دجيبين هالحجي لا اطلعيني من طوري و خلي همج بجدريتج و حلي عني ترا اني مناقصني

جان تسحبني من ايدي قوي و تحجي

- لسانج هذا اكطعه تجرين عدل احسلج لا تخليني اعيد حجيه تروحين هسه و تبدلين و اذا ملكيتج جاهزه خلال ربع ساعه كتبج ذني الي تتعززين بيهن احركهن فاهمه لو اعيد الحجي

و جان تدفعني قوي

مبين الحجي ما يفيد و لا راح يفيد فاحسلي ابدل و اروح وياه لا تسوي بيه عمل

رحت غسلت و بدلت و اني ممقتنعه بهلي حجي

ماخذته حجه علمود تبليني بمشاكل

لو ابنه ماخذه وحده من بنات عمه لو اضل سنه متحبل مراح تفك حلكه بس عليه سارطتني سرط

اخذتني وياهه و كل الطريق بس ادردم اريدله جاره ماكو

كساع و تشكي لابو التكسي عن حالي و شلون متعبتهه و مشيبتلهه راسهه و مسودنتهه

و هو الفطير مصدك و يتأفف كلما يباوع عليه

مو زين من السياره ما ادعبلت بينه من كد الجذب الي شمرته عمتي

دخلنه للمستشفى و ماخذتني كل ساعه لدكتوره و نفس الحجي

جنتج مبيه شي

بس هي متريد تقتنع بالموضوع

ورا ما كسرتلي رجليه من الفره لدكتور لدكتور جان تعيط بيه

- راحت فلوسي عليج نوب يكولوني كلشي مبيه قسما بالله دكاتره العراق ماكو واحد بيهم يفتهم

و الله ماكو غيرج الي ما يفتهم

بس كون تسمعني غير تفصخني بنص الشارع

احس تعبت من كد ما رزلت بيه مو من الفره

رجعت للبيت هلكانه لا ماكله شي و لا قاريه

مستعجله على خلفه جنه مشايفه جهال

الي يكول ابنه الخ ممخلف شو متروس البيت جهال و كاعده ادور

بلكوه الي خلك اكل

سكت الجوعه الي ابطني و رحت لفيت راسي انام