في قلبي حروب دامية

البارت السبعون

السلام عليكم و رحمه الله تعالى و بركاته ❤

البارت السبعون

🌺 بقلم ؛ حمامة السلام 🕊 ( عاشقة غوكو ❤ ) 🌺

مصطفى

ما حسيت غير ادين تسحبني من قميصي

- انت شلون تروح و تخطب رسيل هااا خلصت البنات و ضلت بس هي حتى تاخذهه

- شنوه ... و انت منو حتى تحاسبني

- ابن عمه

- هنا السالفه لعد ... بس هي قبلت بيه لو جانت تفكر بيك مجان وافقت

- انت شدا تحجي رسيل مترضه بهيجي شكول اكيد ضاحك عليهه

- اول شي عوف قميصي  و احجي عدل لا افلشلك حلكك فجر عدل و احجي مثل الاوادم

- و منو انت حتى تحاجيني هيجي

بعدني ما حاجي ما احس غير نومني بكاعي

و نزل دوس عليه

ما خله الي مجال اشوف كبالي و هو صاير فوكاي و يضرب

مديت ايدي على شعره و كمت اجر بيه و اضرب راسي براسه بلكت يفك عني

- لا تحلم اخليه الك اني متأنيه كل هالسنوات تكبر علمود اتزوجه تجي انت بكل سهوله تاخذه مني

- مكتوب عليه اسمك قابل مسجله بنفوسك ... اها عرفت شنو الي مضايقك الي مضايقك قبلت بغريب و مقبلت بيك ...

ما كملت كلامي ما اشوف غير ضرب راسي بلكاع

الوجع احسه صار يمشي بشرايني

رفعلي ضغطي و ما تحملت

فجريته من ملابسه و ضلينه نضارب و الموظفين يسحبون بينه

معفته حد ما ورمتله عينه يله ارتاحيت

حد ما سحبوه مني صار يعيط

- لا عبالك اخليك تزوجه اذا ما اخربه ميطلع اسمي ايهم

- اذا رجال سويه و لا تقصر

بلكوه طلعوه بره و هو يزامط بين اديهم و يعيط و هو متوعدلي بتهديد اكبر من راسه

كعدت الكط نفسي و اعدل ملابسي الي انشكن

سواني فرجه بالشركه

- متستحي على طولك رجال مشورب تالي عمرك تنضرب و تنسحل من ورا راس مره

- اكول ليش متسد حلكك احسلك

- اي مو حجينه الحق

- صاير حقوقي و تحجي مو انت نفسك الفارتك النسوان بالملاهي

- كم مره نحجي و نكول هذني بس واحد يتسله بيهن بس مو نكعد نتعارك لخاطرهن شوف وجهك شلون صار خريطه علمود وحده ...

كاطعته

- اياك تكمل ما مسموحلك تمسه بحرف واحد انتبه لا يجي الدور عليك