في قلبي حروب دامية

البارت السادس و الثلاثون

السلام عليكم و رحمه الله تعالى و بركاته ❤

البارت السادس و الثلاثون

🌺 بقلم ؛ حمامة السلام 🕊 ( عاشقة غوكو ❤ ) 🌺

مروه

- شنو

- الطفله عده ربو مزمن

الدنيا افترت بيه من كالت ربو نوب مزمن هي وينه وين الربو كله على بعضه عمره 4 سنوات

كملت الدكتوره حجيه

- لازم تبقى فتره هنا علمود تتعالج لان وضعه ابد مو زين

باوعت عليه من بين الدموع الي بعيوني

راح الدكتوره و بقيت كاعده اباوع لعمتي

و قبل لتحجي عمتي كتله

- روحي انطي خبر ليحيى

- و انتي راح اضلين هنا وحدج

- اي عادي يله روحي عمه

- خوش لعد

راحت عمتي و بقيت اني كاعده ابجي على حال رقيه

هي اشافت من عمره حتى تشوف امراض و مستشفيات

ضليت كاعده و الدوخه لازمتني من التعب  ريحه الادويه بالمستشفيات

كمت رحت طببت لغرفه رقيه

اباوعله شلون نايمه و معلكيله مغذي

اقتربت منه و كعدت بصفه العب بشعراته و جهه

شويه يله كمت و رحت كعدت بره

مدنكه راسي و ما احس بالدنيه

مغوشه عيوني و راسي مسطور من الدوخه و نفسي بس تلعب

حاطه ايديه على راسي

شفت رجلين واحد تتحرك و تدخل الغرفه مال رقيه

رفعت راسي شفت عمتي كعدت بصفي

ما عولت تجي حطيت راسي بحضنه

اجتي تمرر اديه بشعري

بس نزلت ايده على ظهري

حسيت بالوجع و هو يكطع ظهري

وخرت منه على سريع و رجعت انتجيت على حايط

- شلون صرتي

- حمد الله عمه

- بس ممبين عليج زينه وجهج صاير كركم

- بس تعبانه

- كومي روحي للبيت

- لا ما اريد خليني ابقه هنا

- بكيفج بعد

ضليت منتجيه على حايط اريد استوعب الي ديصير برقيه

ضليت كاعده شوي و مغمضه عيوني بتعب

حد محسيت بايد تنحط على جتفي