في قلبي حروب دامية

البارت الثالث و الاربعون

السلام عليكم و رحمه الله تعالى و بركاته ❤

البارت الثالث و الاربعون

🌺 بقلم ؛ حمامة السلام 🕊 ( عاشقة غوكو ❤ ) 🌺

رسيل

واكفات نحضن ابعض و خايفات من الصوت

مشينه اني و البنات شويه شويه للباب و نشوف دبابات و همرات مليانه الشارع ملي

ضلينه صافنين على مشهد بخوف حد ما حسينه ماما تجر بينه

- طبن يله لضلن واكفات

سألته

- ماما منو ذوله

- معليج بيهم بس فوتي

فتت اني و اخواتي جوه و الصدمه على وجوهنه

سألت سوسن

- منو ذوله الي بالشارع

- امريكان

- و منو همه و شيسون هنا

- جاين يسلمون علينه من كد ما مشتاقيلنه بربج مسكتين هسه

باوعت لرقيه و حجيت

- خايفه

- لا تخافين ماكو شي

- شيسون هنا و ليش بيدهم اسلحه

- لدوخين راسج بس همه ناس موزينين جاين ياذونه

- يعني راح يكتلونه

- لا مراح يسولنه شي اذا ضلينه بعيدين عليهم

ضليت بحضن رقيه خايفه

لما اجتي ماما تمددت و نمت بحضنه

مشت ايام و نسينه الموقف الي صار بذيج الليله

منتهى

كاعده اغسل بالمواعين و اني احاول ما ابجي

من كد ما مسحت عيوني صارن حمر

انتجيت على كاونتر و حاولت احبس دموعي حتى لحد يشوفهن

شويه و حسيت بادين صارت على خصري

بعدني مماسحه عيوني زين

دارني فؤاد عليه

- يااا هاي هم رجعتي تبجين

- لا مدا ابجي

- ترا مبين من عيونج

- انت كلي شسوي و ما خلينه دكتوره مرحناله و نفس الحجي ينعاد

- لعد بطلي روحه لدكتوره علمود سالفه الجهال من الله يريد ينطينه و سمعتي حجي الدكاتره اكثر من مره مبيج شي

- لعد ليش لحد هسه محملت هااا الصوج مني لان اساسا محملت من زوجي الاول

- دعوفي هالسالفه ممرت غيرت سنتين من ازوجنه اكو ناس انتظرت عشر سنوات يله اجاهم لتستعجلين و فوكاه هيجي مرتاحين بله جهال و دوخه ناخذلنه شي سنتين بعد و عود الله كريم