في قلبي حروب دامية

البارت الخمسون

السلام عليكم و رحمه الله تعالى و بركاته ❤

البارت الخمسون

🌺 بقلم ؛ حمامة السلام 🕊 ( عاشقة غوكو ❤ ) 🌺

لا وچمالة زعلانين
خلي يزعلون !
قابل تنڪَلب بينه ،
صغار صغار ربينه
ڪبروا مارضو بينه ،
هاي الناس مال وداع
محد تنڪسر عينة!

ازهار

- اريد منج تحصليلي اسم الشيخ

- صدك تحجين خاف يلكطوج و الرب يذبحوج

- محد يلكطني انتي بس حصليلي اسم هالشيخ

- خوش من اروح للمره  اسأله على شيخ

- رديلي الجواب بسرعه

- تمام

كمت من يمه و رحت اتمشه للبيت

رسيل

مرت اسبوع من اجتي ذيج المره السمينه

جنت واكفه على اطراف اصابعي اريد اوصل للعلبه مال جكليت الي بالكنتور

- صفيه هاي بعيده مدا اوصلله

- خل نجيب كرسي

- و اذا ماما شافتنه

- لعد شلون

- اوكفي هسه انزله

صعدت على الكاعيه مال كنتور و امد بايدي لرف بلكي توصل للعلبه

كمت امد ايدي حيل لما الرف انرفع من طوله وكع فوكاي

محسيت غير رجلي زلكت وكعت على مقعدي

الغراض كله اطشرت فوكاي

المكياج صاير تراب و الخشبه مال رف واكعه على كاعيه الكنتور و حافرته

الجكليت كله اطشر بلكاع

اباوع لصفيه و عيوني بكصتي

اريد اكوم احس رجليه تفلشن من الوكعه

وخرت الخشبه عني و جايات نطلع ما شفنه غير ماما صارت كبالنه

تباوع للغرفه و ترجع تباوعلنه غراضه نصهن تفلشن و راحن

- هاي شسويتن

فورا عاطت صفيه

- هاي رسيل مو اني

باوعت عليه و حجيت

- مو انتي المساعه توزين براسي اريد جكليت

- كتلج جيبي كرسي بس انتي ما رضيتي و كعدتي تبيعين بطولات براسي و اني انزل و اني

و احنه دا نحجي محسينه غير ماما تجر الحزام المعلك على تعلاكه

- صفيه ركضي

طلعنه من الغرفه نركض ليبره و ماما تركض ورانه و تعيط بينه