في قلبي حروب دامية

البارت السادس

السلام عليكم و رحمه الله تعالى و بركاته ❤

البارت السادس

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

مر يومين و الوضع هادي بالبيت بشكل حيل يخوف

جانت الدنيه عصر و ماما كاعده اباب المطبخ تسوي بالباميه علمود العشه

اندك الباب

و راحت نهله تفتح الباب

ضلت واكفه نوب اجتي

- يحيى هذا عمو فيصل يريدك

ماما بس سمعت اسمه كامت طبت جوه

رحت طلعت شفته منتجي على عامود مال كهرباء

- هاا عمو

- شخبارك

- حمد لله و انت

- على الله كون اعترضتلك امك بهل يومين

- لا اصلن متحجي وياي و لا تباوع بخلقتي

- ليش جانت قبل تباوع حتى كطعت هسه

- ههههههه شلونه عمتي

- زينه و تسلم عليك

- الله يسلمه

- اجيت اخذك لسوك

- لسوك ليش

- مو وراك دوام بالمعهد تحتاج ملابس جديده شنو تريد تروح بهاي ملابسك و اداوم بالمعهد

- ما اريد احملك مصاريف

- تحجي صدك انت ابن اخوي و امانته عافه وراح جا اعوفك تايه يم نجلاء

اخذني لسوك و اشترالي الي يحلالي من الملابس و قمصان و احذيه مقصر سوه الي جان يسوي لجهاله

تغدينه كص بره فد يم مطعم و على عشه نزل كباب و كعدنه ناكل و نفتر و نشتري

اشترالي العطر و الساعه و كلشي من دون ما اطلب نسقلي كلشي على ذوقه

عدا مصاريف ملابس الدوام اشترالي ملابس مال بيت و طلعه هم عدا الفالينه و الشورت و جددلي كلشي من فرجه لسنون

حتى كصلي شعري يم الحلاق

بكد ما تونست بهل طلعه بكد ما تعبت بيه

رجعني عمي بسيارته للبيت و اني محمل جياسه
نزلتهن و طبيت جوه

و اخواني صافنين على العلاليك و على شكلي

حيل تغيرت

رحت رتبت العلاليك كله و رحت نمت و اني متأمل انو توكف المشاكل لهذا الحد

لان حصلت الي اريده و خلص راح اكمل دراستي

و مباقي شي اسبوع و نص و يبدي الدوام