في قلبي حروب دامية

البارت الواحد و الاربعون

السلام عليكم و رحمه الله تعالى و بركاته ❤

البارت الواحد و الاربعون

🌺 بقلم ؛ حمامة السلام 🕊 ( عاشقة غوكو ❤ ) 🌺

رسيل

اقتربت من شباك المطبخ و اشوف قزم اسود يكمز على سياج

وكع الكلاص مني و جان يتبده المي من عده

الكلاص صار طشار بلكاع

دست على الكزاز بالغلط من خوفي و بس انداريت شفت ظل اسود يمر من غرفتنه و يختفي

وكعت بالكاع من خوفي

صرت ازحف على كاعيه المليانه كزاز و ابجي من الخوف

وصلت لنهايه المطبخ و جان اشوف وجه اسود لازك بالجامه و يضحك

من الخوف كمت و رجليه يصبن دم و اركض للغرفه وصلت للباب اريد افتحه ماكو مسدود

صرت ادك اباب الغرفه و ابجي بجي مصاير

انداريت وراي و جان اشوف الظل واكف يم الدرج الي يودي لسطح

تسودنت من الخوف و الرعب

اعيط و ادك بالباب و اني اباوع لظل

حد ما انفتح الباب

مدري منو طلعلي بس فورا تشبتت برجله

- رسيل شبيج احجي شكو تعيطين

من سمعت صوت اخويه ياسر احس روحي ردت

معت من الخوف و جمدت

شالني اله و اني معولت الزم بفالينته

- شبيه رجليج شو تعاي

دخلني للغرفه

كلهم نايمين و محد كاعد غير ياسر

كل هذا العياط و محد سمع

حجيت و الدمعه بطارف عيني

- اسود اسو ..... اسود .... ظل ...... يم الدرج واكف

- كلشي ما افتهمت ظل شنو

- جان اكو ظل واكف يم الدرج و يتمايل

- شتمسلتين بعز هالليل كلشي ماكو

- جان اكو واحد واكف .... واكف يم جامه المطبخ و يضحك و الله شفته

- لتحلفين و رجعي نامي

راد يكوم مني صحته

- لتعوفني اخااااف

- رايح اجيب كلينس انظف رجلج باعي شصاير بيه

من الخوف محسيت برجليه

ضلت دموعي اصب و اني بس اتلفت بكل زاويه من الغرفه

اخواتي غاطات بسابع نومه و اني جسمي بس يرجف

حد ما شويه فكتني الخوفه حسيت بالوجع برجلي

جاب الكلينس و صار يمسح برجليه