في قلبي حروب دامية

البارت الرابع و السبعون

السلام عليكم و رحمه الله تعالى و بركاته ❤

البارت الرابع و السبعون

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

جان اسمعه تحجي

- اريد منك تجي و تجيب بناتي وياك اريد اشوفكم و تبرولي الذمه قبل ما اموت

- شدا تحجين

- اذا متدري اني صار بيه عجز بالكله و اني ايست من حالتي و اعرف مباقيلي شي و اموت فكل الي اطلبه منك تجي و تجيب بناتي وياك خل يبرولي الذمه قبل ما اموت

- بالنسبه الي اني مراح اجي و اذا على البنات اني اسألهن اذا ما رضن مراح اجبرهن على شي

- اتوسل بيك لا تسوي هيجي اعرف هواي غلطت بحقك و شما تحجي حقك ... لا تخليني اعيش اخر ايامي بعذاب الضمير معندي غير هالطلب تعال وياك البنات اريد اشوفهن لاخر مره لا تحرمني منهن

- خلصتي

- لا تحجي بهل اسلوب عيط احجي عاتب بس لتخليني اتعذب بسكوتك هذا

- انتي انتهيتي من زمان بالنسبه اليه فلا تتوقعين مني اي شي اما بخصوص البنات كتلج راح اسألهن بس اذا رفضن اني مالي دخل بهل شي مراح احاول اقنعهن او اجبرهن على شي اذا ميريدن يشوفنج فكله من ايدج

و قبل ما اسمع ردهه سديت المبايل

رجعت لسبحتي و حاولت ما افكر بموضوعه هواي

رسيل

دخلت للبيت و عيوني لازكات بلكاع

اعرف بس ارفعهن راح الكه خزره من الموجودين

اسمع التبسبس مالتهن

ادري ما يبس حلكهن من كد ما حجن عليه

دخلت للغرفه و كعدت على جربايه و جنطتي ما انهدت من ايدي

شفته راح للمجر و طلع المبايل

- هذا الي مضوجج

محجيت شي بس ضلت عيوني مركزه عليه و على مبايل

ما احس غير رفع ايده و ركع المبايل بلكاع

اباوع شلون تفلش المبايل و صار وصل

- هذا الي جان مضوجج كسرته

- لا عبالك خلصت السالفه من كسرت المبايل

- يعني لحد هسه ممقتنعه اني تغيرت

- الايام الجايه تحكم

راد يحط ايده على وجهي

فورا سحبت روحي منه

- راح اضل انتظرج حد متقتنعين انو صدك تغيرت عن قبل

- نشوف

اول ما طلع من الغرفه رحت الملم بقطع المبايل المتكسره