في قلبي حروب دامية

البارت السابع و الاربعون

السلام عليكم و رحمه الله تعالى و بركاته ❤

البارت السابع و الاربعون

🌺 بقلم ؛ حمامة السلام 🕊 ( عاشقة غوكو ❤ ) 🌺

حفرة ضيقة، وظلمة دامسة، وغربة موحشة، وسؤال، وعقاب، وعذاب، وإمّا جنة أو نار .

يحيى

حد ما صارت الدنيه ظهر رحت لبيت عمتي حنان

- اي البارحه جنت بالفاتحه و شفت مروه هناك شكد ملخت روحه بالفاتحه موتت روحه من البجي

- شنسوي بعد امر الله

- الله يرحمه بناتك شلونهن

- زينات و مشتاقاتلج لان صار فتره مجايه يمهن

- شسوي هالفتره حيل تعبانه و رجليه موتني من الفره و هم تدري بناتي مو يمي حتى يشتغللي و صرت بعد جبيره بالعمر

- سلامتج ان شاء لله

- الله يسلمك

بقيت شويه يم عمتي نوب رحت للبيت اخذت الجهال للفاتحه

اول ما شافوا امهم كمزوا بحضنه يبجون و هي على صامت تباوع بالوجه و ساكته

طلعت و عفتهم يمه

شفت منتهى كاعد و تساعدهم بالشغل

- شلون صرتي

- احسن

- متاكده

- اي شبيك هو مغص و راح ماكو شي ليضل بالك عليه

- مو خاف اضمين و متحجيلي

- و الله راح بعد حلفت تمام

- هسه تمام

عفته و رحت كعدت يم عمي فيصل

حجيت

- صايرين منشوفك

- و الله حايرين بهل دنيه شلونه مروه

- شلون ممكن تكون مره تكعد تملخ روحه و مره تبحي بسكوت

- تهون تهون كلشي يهون ميضل شي على حاله

- ان شاء لله انت هسه كوم لضل كاعد كوم خل نشوف وصلت العالم

- كايم كايم ليش خليتنه نكعد و نرتاح اجيت و لحكتني على كعدتي

- عادي شوراك كوم تحرك لا بعدين اصيح اخ مفاصلي

خلصت ال 3 ايام مال فاتحه و كله تعب بتعب

الساعه 9 بليل

- ضليتي 3 ايام شسوين اضلين بعد اكثر من هيجي

- ما اريد ارجع اريد اضل هنا

- كافي عناد تبقين متبقين مراح يرجع هالشي امج يله كومي بناتج بلكوه باقيات بالبيت لان انتي مموجوده رجعي لخاطرهن