في قلبي حروب دامية

البارت الواحد و الستون

السلام عليكم و رحمه الله تعالى و بركاته ❤

البارت الواحد و الستون

🌺 بقلم ؛ حمامة السلام 🕊 ( عاشقة غوكو ❤ ) 🌺

‏بيش يموت ..؟
الضم عمره ولڪَاه مبيوڪَ
بيش يموت ..!

- ناصر البدري

الياس

و اكثر من مره جبت اهلي و خطبتهه و جان الرفض مرافق موضوعنه

عندت و عاندت وياهه انو ما تصير لغيري شما يصير

كاعد يم جدي و يحاجيني

- دبطل يا وليدي جلبت ادري كحط بنات خلصن شكد رحنه و خطبناهه و مقبلوا رحت اني و الشيوخ موكفت بعينهم و رفضوا بعد قابل شنسوي دعوفهه يا ابني

- ما اعوفهه اذا مصير الي اموت روحي

كام على حيله و يصيح

- تموت علمود بنيه

- اي علمودهه

- انت تخبلت من كل عقلك دتحجي هيجي خلصت النسوان و لازكت بهاي

- اي خلصن لان ما اشوف غيرهه

- لا انت من صدك تخبلت و بعد الحجي ميفيد وياك

درت وجهي عنه و حجيت

- رايح احضر جنطتي لازم ارجع التحق

- روح روح تاليته تموت من ورا بنيه

ايڤان

حطيت الكلينس على راسي شفت وكف الدم

هاي تاليته عندت ازوجه اخذتلي كتله مرتبه

مبيه مجال هذولي ما منهم امل يقبلون

حسيت بيهم ناموا فتحت الكنتور علكيف

طلعت جنطه صغيره لامه بيه ملابسي

شلت الجنطه و طلعت امشي على اطراف اصابيعي

بديت افتح بالسركي مال باب شويه شويه بس دا يطلع صوت

حد مسمعت عيطه

- هاااااااااااااااااي منووووووو

من الهبطه جريت السركي قوي بعد هاهيه سمعوا الصوت مبيه مجال اتراجع

طلعت اركض لباب الحوش

نوب القفل مال باب مينفتح مزنجر

شمرت الجنطه بلكاع و صعدت على باب جان يشوفني اخويه و يعيط

- بتتتتتتت الكلب وين تشردين

محسيت غير وكعت من فوك الباب على الصبه مال بيتنه

احس ايدي تفلشت

كمت اركض بالشارع و لازمه ايدي و اخوي مثل المخبل يركض وراي هو و ابوي