في قلبي حروب دامية

البارت السادس و الخمسون

السلام عليكم و رحمه الله تعالى و بركاته ❤

البارت السادس و الخمسون

🌺 بقلم ؛ حمامة السلام 🕊 ( عاشقة غوكو ❤ ) 🌺

مروه

صافنه على شجره التكي الي بالحديقه

صبريه مراح تسكت الا تخربه

حقه هم ابنه و متريده يتأذه ما اكدر الومه بس طريقه بالحجي ابد معجبتني

شويه و رجع الباب يندك

كمت فتحته جان يدخل يحيى و هو شايل سوسن بين اديه

اباوعلهه

الوجه ذبلان و على مدار عيونه السواد مغطي و الحلك ابيض

دخلهه جوه و مدده على جودليه الي بالمطبخ

- عود علساس صارت زينه وجهه ذبل بزايد

- غير ضاله بدون اكل من تكعد حاولي تخليه تاكل حتلوا تجبريه ميخالف اهم شي تاكل

- ماشي

راح صبله استكان جاي وكف يم الباب يشرب

اخذتني عيوني لسوسن النايمه بسكون جنه جثه

وين جانت قبل مربربه و بيضه

هسه وجه اصفر و ضعافنه بشكل

كعدت يمه امسح على كصته

مصخنه حيل كانوا مطلعيه من التنور

كعدت اسويله كمادات و احطه على جسمه بلكي تنخفض حرارته

منو وصلج لهيجي حاله

يا هو الحاقد عليج هيجي و يريدج تموتين

اذا ما فكر بيج ما فكر شيكول لربه

مبين نسه و تناسه

سوده عليه

ممنتبه البنات واكفات و يباوعن لاختهن و هي شلون دا تذبل يوم بعد يوم

للعصر كاعده اظفر بشعر رسيل

و اباوع لسوسن منتجيه على حايط و عيونه مرتكزات على حديقه

جان يندك الباب

- اويلي منخلص اليوم رقيه كومي فتحي هذا الباب

- جايه

راحت فتحت الباب و جان يدخل اركان

اجه سلم عليه

- شلونج عمه

- بخير حمد الله انت شلونك

- على الله

- اجيتي تحاجيني بموضوع امك موو

- شنو ليش شبيه ماما و احاجيج بيه

عرفت بيه ميدري امه جايه هنا و حاجيه

- لا ماكو شي

- عمه صاير شي