في قلبي حروب دامية

البارت الثاني و السبعون

السلام عليكم و رحمه الله تعالى و بركاته ❤

البارت الثاني و السبعون

🌺 بقلم : حمامة السلام 🕊 ( عاشقة غوكو ❤ ) 🌺

رسيل

وكع المبايل من ايدي ...

تراجعت ليوره و اني ما مصدكه الي تشوفه عيني

يا ربي اني بحلم شنو هذا الدا اشوفه

افتر بالغرفه و ماكدر اسيطر على اعصابي

ما تحملت و رجعت اكلب بالمبايل و اقره بالرسايل و تغزله بالبنات

كلام جريء مينحجي بيه

اقره و احس ما ضل شعر براسي مملخته

اقره و اكطع بشعري

وجهي سبح بالدموع

عيوني مدا يصدكن الي دا يشوفنه

مستمره بالقرايه رساله رساله و كلبي ينعصر الف عصره

مكدرت اتحمل اكمل شمرت المبايل و كعدت احاول استوعب الي جنت اقراه

معقوله الي شفته صح

انتجيت على حافه الجربايه و اضرب براسي

- جذااب كل حجيك و كلامك جان جذب تحملت اهلك المعفنين لخاطرك بلاخير تطلع هيجي متستاهل كل الي سويته

نسيت وراي امتحان و لازم اقره و ضليت اتهزز بمكاني مثل المرجوحه

مدا استوعب الي جان يسوي

ماكو رقم بنيه مداخل بمبايله

شكد قريت رسائل بس من كثرهن ما خلصن

اقره و انصدم بيهن يطلب منه يجي للملاهي

كلما استمر بالقرايه احس الدم وكف يمشي بشرايني

مدا استوعب هذا شجان يسوي

مو بس علاقه ويه الف بنيه و بنيه لا نوب مكضيه ملاهي و شرب

بعد ما استحملت اقره لا انصدم بزايد هذا شمصخم بروحه و مصخمني وياه

حطيت اديه على راسي 

من الوجع احسه راح ينفجر

ما اسمع غير صوت عياط

- ولج رسيل رحتي و فلتي و عفتي الشغل عليه تعاي نظفي

رحت سديت الباب و قفلته

ما اريد احد يجيني و لا يوصلني

شمرت روحي على جربايه ابجي

- ليش هيجي ياربي ليش طلعت قسمتي يم هيجي بشر ... ليش مكاتبلي ارتاح بعيشتي هاي لايمته اتحمل

جان اسمع صوت الباب يندك

- صخام ولج رسيل شكم مره صحتج تنظفين شنو شايفتنه خدم نشتغل يمج يله فتحي هذا المهجوم و طلعي