في قلبي حروب دامية

البارت الحادي عشر

السلام عليكم و رحمه الله تعالى و بركاته ❤

البارت الحادي عشر

🌺 بقلم ؛ حمامة السلام 🕊 ( عاشقة غوكو ❤ ) 🌺

ازهار ودعته و رجعت طيران على بيت سديت الباب

شفت بابا واكف يم باب المطبخ يباوع عليه

- وين جنتي

- هاا ... جنت اريد اجيب خبز لريوك بس لكيت المحل معزل

- لا اطلعين بهيجي وكت لا تنخطفين و يصير بيج شي

- تمام

راح طب جوه و اني كلبي نار

زين منفضحت

منير هو ابن صاحب محل بالفرع الي بصفنه

من جنت اروح للمدرسه صارت بينه نظرات اعجاب

جنه نلتقي هواي من جنت بالمدرسه و كال من اكون روحي و اجمع فلوس اتقدملج

بس من تركت المدرسه قليل ما صرت اشوفه و جنت اشوف بنهايه الفرع من اهلي يكونون نايمين اشوفه شوي و اطب و كانوا ماكو شي

رحت طبيت للغرفه شلت الفستان و شمرته بالكنتور و رحت نمت

يحيى

كمت على اذان الصبح رحت لجامع صليت و قريت قرآن و رجعت للفراش

صح جنت نعسان بس ما جنت اكدر ارجع انام

حطيت منتهى بين اديه و حاولت انام

حد مكعدت هي اني يله كدرت انام

مر الاسبوع الثاني بشكل عادي و ما يخلو من المشاكل

تركت يم عمي ادريس فلوس يصرفوه على احتياجات العرس و رحت التحقت

جانت ايام صعبه رجلنه بالموت

و كل يون نشف فواجع ميحجيه لسان وله يتصوره عقل

شفنه الموت يمر كبال عيونه

شباب ماتت بابشع ما يكون

كل يوم اعتبره فاتحه على ايامي الي دا اصرفه هنا

و العجيب ماكو اي تقدم ولو بسيط مجرد خسائر بالشباب و اقتصاد البلد و مضيعين عمرنه

شهر واحد و احنه نشوف كل يوم فاجعه جديده

الم جديد احزان جديده

بس ماكو تقدم جديد

جنت كاعد يم النار

اجه مهيمن كعد بصفي

حسيت بيه شي مو طبيعي

- مهمين بيك شي

- هستوني شفت ابن عمي هنا وصلي رساله و راح

- راسلتيش

- الوالده مريضه و سكره صعد