في قلبي حروب دامية

البارت الرابع و الخمسون

السلام عليكم  رحمه الله تعالى و بركاته ❤

البارت الرابع و الخمسون

🌺 بقلم ؛ حمامة السلام 🕊 ( عاشقة غوكو ❤ )

‏تايهين ..
بلا محطات وسفر
والفرح مَر بينه صدفة وإنكسر!

سوسن

اول مره اجذب و اول مره اهرب بيه من فرضي

حطيت راسي على رجل بابا و صرت اباوع ويه على تلفزيون

و لو بالي ابد مو يم التلفزيون بس هم شي ما ابقه وحدي اخاف

شويه و سمعت ماما اصيحني

كمت و اسحل بجسمي للمطبخ

- هاج شربي هذا الدوه خل تنزل صخونتج

اخذته منه و جريت كلاص مي و شربته

احس جسمي دا يصرخ من الوجع مااي خلك و راسي صاير طبل مند كد ما يوجع

- ماما معندج براسيتول

- ليش

- راسي دا يوجعني

- خل اشوفلج

شويه و جابتلي الشريط اخذت منه حبايه و شربته

- اذا مصرتي زينه احجي مو تغلسين

- ماشي

رجعت كعدت يم بابا حد ماكام و راح ينام

كله بدت تكوم و اني خايفه اكوم وياهم انام

مبقه احد غيري مكام

جريت النفس و كمت للغرفه

اباوع لخواتي و ارجع اباوع لسكف

ما اريد انام ما اريد اشوفه

احس طبول الحرب تندك براسي

صداع مو طبيعي و بردانه بشكل رغم الجو حار

لحاف و بطانيه و ارجف

كمت طفيت البنكه و رجعت بمكاني و هم البروده لازمتني

حد ما سمعت صوت رقيه

- هاي شنو طفت الكهرباء

كامت شافت الكلوب مشتغل و البنكه طافيه

همست بصوت تكدر تسمعه

- لا تشغليه فدوه بردانه

- راح نموت من الحر شنو مفكتج الصخونه

اشرتله براسي بمعنى لا

- راح اشغله على واحد و هسه اجيب مي و اسويلج كمادات و تكشفي لضلين متغطيه هيجي

شويه و اجتي بطاسه مي و بدت تسويلي كمادات

بس راسي من الوجع ما هدا تعبانه و عيوني تريد تقفل بس راسي دا يركص ركص

الوجع مو طبيعي جان

بدت رقيه تختفي من كدام عيوني و ماكو غير ضلام اسود و بس