في قلبي حروب دامية

البارت الواحد و الثمانون

السلام عليكم و رحمه الله تعالى و بركاته ❤

البارت الواحد و الثمانون

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

عدلت التراب باديه و اني اباوع لكبرهه

نزلت دموعي و اني اشوف بيتها الجديد

جنتي بالطريق ازورين

ردتي ترجعين لبيتج و طلبج ربج

مسحت وجهي و حطيت راسي على ترابهه ابجي و الغصه واكفه ابلعومي

- مراح تكوم

رفعت راسي و حجيت

- لا عوفني و روح اريد اضل يمه وحدي

حجيته لعمي و رجعت راسي للتراب و غمضت عيوني

اني بعد وين اروح

جان حظنج بيتي

عفتيني بدون بيت و رحتي

مو اني ضعت بلياج

حضنت ترابه و كعدت ابجي

شكد وكعت و طحت و حسيت بضعف بس مثل هالمره ما حسيت

ريحتهه ترست التراب ترس

صرت اشيل ترابهه و اعبي جيوب دشداشتي

بلكت اخذ من ريحته وياي ما دان جسمه و روحه فاركتني

رسيل

- ليش مكتولي حتى اروح وياه

- يا بنتي انتي شسوين تجين متكليلي ناقصج قهر و فوكاهه حامل و وضعج خطر

- نفس الشي ماما هنا لو هناك خليني اشوف كبرهه

- تشوفيهه على سنه جايه لتلحين يا يمه فكري بالروح الي جواتج على ساعه اخاف تسقطين مكافي بيبيتج حنان توفت نوب توكعين انتي و نتبهذل ترا ابوج مناقصته هموم ... انتي بس اهدي ترا مراح يفيدج البجي اذا صار على بنتج شي

- اذا ضامه دموعج علمود ما اشوفهن و ابجي فغلطانه اني اعرف شكد مقهوره

- عوفينه مكلتي شبي زوجج مطكع

- مطكع

- اي شنو صار بي بهاق

- اي هاي ورا العمليه هيجي صار بيه

- و ليش ميعالجه

- الرجال تعب و بزعت روحه من الادويه و هالسوالف فالموضوع عادي عنده

سكتت و مجاوبت شي

- ليش مرحتي ويه بابا

- مرضه كال اريد اروح وحدي و اني ملحيت عليه بس جدج حميد راح وراه ليصير بيه شي لا سامح الله و محد وياه

- زين سوه

- اي و انت هم زين سوي و ابقي كاعده هنا و لضلين تلحين بطلعه