في قلبي حروب دامية

البارت الرابع عشر

السلام عليكم و رحمه الله تعالى و بركاته ❤

البارت الرابع عشر

🌺 بقلم ؛ حمامة السلام 🕊 ( عاشقة غوكو ❤ ) 🌺

ازهار

بقيت شويه ويه منير بالسطح و نزلت

جان البيت حيل هوسه

ضل دمي طول الحفله محترك حركه من هاي التمام اخاف لا احد شافني نوب يشكيني لبابا لو اليحيى

خلصت حفله الخطوبه و راحت المعازيم كله و بقيت اني الم بوصخهم

عوذا يعرفون بس يوصخون بس ميعرفون ينظفون وراهم

و نهله اول مخلصت الحفله طفرت يم امه يباوعن لذهب

مبين هذا كاعد على بنك

الذهب من هذا الجبير الي وزنه حيل ثكيل

اني بعرسي حتى المحبس جان حسره عليه تزوجت واحد و لا بيه اي خير معيشني بالفكور

بس ضلت ابالي شغله منو جان يم السطح

ضلت الشغله تلعب لعب ابالي خايفه لا انفضح

جان المفروض اسد الباب قبل لا يجي احد و يشوفني

و هاي اني ضليت طول اليوم اكل بروحي لا صدك شافنه احد

يحيى

مبقه غير اسبوع واحد على نزلتي

احس فنيت سنتين من حياتي هنا بالهوه

محسيت بقيمتهن او اي انجاز سويته بحياتي

دراستي الي تعبت بيه روحي راحت على خالي بلاش

الحرب اخذت احلامنه و دمرته

اخذت منه هواي شغلات غير الي خسرناه من ناحيه الماديه او بارواح المقاتلين

خسرنه شوفه اهالينه

خسرنه سنين عمرنه

خسرنه دراستنه و شغلنه

هواي شغلات متنعد بس احسلله اضل مدفونه بالقلب

مراح يفهم وجعنه الا الي حس بيه

نزلنه اني و مهيمن سوه و ضلينه طول الطريق نمشي بدون منحجي شي

وصلت للبيت ودعته

وصيت منتهى انو بعد احسلله متنتضرني لان الوضع مو مال توكف بره بالحوش لا يجي احد و يخطفه

دخلت لكيته كاعده تلعب بالحديقه

كامت من الحشيش و اجتي تركض بتجاهي و حضنتني

- هالمره هم تاخرت

- شسوي هو لو بيدي اساسا ابقه يمج و ما اروح

- لعد لتروح محد راح يدري انك مرحت

- لا راح يدرون و يودوني لسجن