في قلبي حروب دامية

البارت الثامن و الاربعون

السلام عليكم و رحمه الله تعالى و بركاته ❤

البارت الثامن و الاربعون

🌺 بقلم ؛ حمامة السلام 🕊 ( عاشقة غوكو ❤ ) 🌺

‏لابد يردون باچر
سوي نفسڪ ما شفتهم ..!
بالڪ يحسون بيڪ تذڪرتهم !!
أثڪَل شويه يـ ڪَلبي ..
مره خليهم محطة وأنت سافر !!
أنتَ والدخان وصبرڪ والمطر ..
أدري بيڪ تريد تبچي 
أبچي وحدڪ آنه سآڪت..!

- مظفر النواب

مروه

رفعت راسي و جان اشوف يحيى واكف يم الباب

- احجن شبيجن سكتن شمسوي ياسر

- بابا هسه انت اكعد اكيد تعبان

- سوسن احجي شصاير

دايخه و ما اعرف شلون اكله ابنك راح يشمر روحه بنص الموت بدون متدري

كعدت من شرودي على صوته و هو يحجي وياي

- مروه احجي شصاير

اباوع لسوسن و ما ادري شكول

حد ما حجت سوسن

- بابا ياسر قدم بالشرطه و راح يبدي يداوم

منتهى

صافنه على يحيى شلون كاعد و رافع راسه ليفوك وجهه احمر و النفس بلكوه ياخذه كل شوي يسأل على ياسر شو ما رجع

عفته يرتاح بالغرفه و طلعت كعدت يم مروه

حجت

- منزل ضغطه

- توني قسته منزل حتى شويه

- شلون وكع من طوله بس سمع ياسر راح يشتغل بالشرطه

- بعده صغيره ميعرف الوضع يخوف ما صدكت يحيى خلص من الجيش هسه اجه الدور على ياسر

- قبل يختلف الوضع جان التجنيد الزامي هسه محد جابره ينظم شمره روحه هناك ميدري الوضع صعب و ميدبره و هو بعده صغير يروح يشمر روحه بنص الموت

- اسم الله ان شاء لله يعوف هالشغله هسه غير هو يبين

- ميعوف يا عيني شكد حجيت وياه حد منكطع لساني و هو ميبس راسه و معند الا يداوم

- وينه وين جروخه شاف روحه طب بالعشرين و نفخ ريشاته عود اني كده شو هي يا ما زلم مشوربه انهد حيله من هالشغل نوب هو

- طاح لساني و اني اكله شسويله خو ما اجبره يكعد بالبيت مثل النسوان

- الله كريم

- صدك نسيت اسألج ليش رحتي للمستوصف خو ما مريضه بيج شي

- لا الحمد الله ماكو شي لا تخافين

- حمد الله

شويه و دخلت علينه سوسن

حجت مروه