في قلبي حروب دامية

البارت الثالث و العشرون

السلام عليكم و رحمه الله تعالى و بركاته ❤

البارت الثالث و العشرون

🌺 بقلم ؛ حمامة السلام 🕊 ( عاشقة غوكو ❤ ) 🌺

منتهى

شفت رجال بالظلمه يدخل غرفة ازهار

كلبي كام يرجف

منو هذا

من الخوف السجينه زلكت من ايدي و كعت

ضليت بمكاني ارجف من الخوف

شنو هذا حرامي لو شنو

معقوله دا اتوهم

لا جان شكله حيل واضح

خفت ابقه وحدي

رحت للغرفه و رحت لماما فورا اهز بيه

- ماما كعدي يله

عاطت بيه

- اووووووو شكو دنيه ليل متعوفينه نايمين

- اكو رجال بالبيت

- رجاليش

- شفته بالظلمه ماما

- وين شفتي

- جنت بالمطبخ و شفته يطب لغرفه ازهار

كامت فركت عيونه و حجت

- انتي شدا تمسلتي

- و الله شفته

- شو وخري

كامت على حيله و لبست نعاله و راحت لغرفه ازهار

وكفت يم الباب اشوف شراح يصير

ازهار

جان منير ماخذني بين احضانه و يبوس بيه

جنت مندمجه وياه حد محسيت يده الباب دا تتحرك

و عمتي تصيح

- فتحي الباب ولج شضامه بالغرفه

وكف كلبي من الخوفه

همست

- كوم للكنتور طب و اني ادبر الموضوع

راح طب للكنتور و اني قفلته عليه و رحت فتحت الباب بالمفتاح

فاتت عمتي تعيط

- ليس قافله هالمهجوم

- حريه شخصيه حتى بهاي مدخله

- شضامه بالغرفه

- مضامه شي

- لعد ليش قافله الباب

- انتي شعليج

سحبتني من زندي قوي و حجت

- اذا شفت هذا الباب مقفول مره لخ يا ازهار متلومين الا روحج

عافت ايدي و كامت تباوع بالغرفه بتمعن

نوب طلعت

انتظرته حد مطب لغرفته يله رجعت قفلت الباب و طلعت منير من الكنتور