في قلبي حروب دامية

البارت التاسع و الثلاثون

السلام عليكم و رحمه الله تعالى و بركاته ❤

البارت التاسع و الثلاثون

🌺 بقلم ؛ حمامة السلام 🕊 ( عاشقة غوكو ❤ )

يا صديقي الضائع في شتات الماضي الحزين

اجمع نفسك قبل ان يستغلك المارون

و اقبل بكل عزم نحو حلمك الممنون

و لا ترهقن نفسك باحاديث المجنون

و لا تضيقن كاهلك بارضاء الساخرون

فكل الناس الى ربهم مغادرون

الذين اما ارتضوا لنفسهم ما يوعدون

او اصابهم البلاء و هم فيه مشفقون

فلا تكونن من الخاسرين

فتصبحن على ما فعلت من النادمين

و لا ينفعن ندمك يوم الحشر المبين

فكن على يقين

ان لا رجعة لك الى هذه الدنيا يوم الدين

رسيل

فتحت عيني على هاي الدنيا وعيت على شغلات هواي من صغري

احد هاي الشغلات الظلم من بيبيتي الي دائما اباوعله و هي ادلل جهال عمي و من اجي يمي تضربني و تكوم تسحلني بلبيت

يمكن صغر سني خلاني ما افتهم ليش بيبي تعاملنه هيجي

جنت ما اكول لماما على يصير لان تتعارك ويه بيبي و بيبي تلزم التوثيه و تضرب بماما مع انها حامل

فجنت اضم روحي جوه الميز

انزل الجرجف و اكعد ابجي بصمت

و على نفس كلام ماما المعهود

" انتظروا ابوكم لما يصير عنده فلوس نأجر بيت و نطلع منا "

بابا بوكته صار عنده فلوس اشتره الكهوه من صاحبه قبل لتنباع و صار يشتغل بيه بدل ميخسر شغله

سنه 1999

مستحيل انسه هذا اليوم من حياتي او امحيه ابد

شكد جنت صغيره بوكته بس انحفر المشهد حفر بذاكرتي

الدنيه ظهر

و ماما طالعه و تخبز و اني كاعده بصفه

طلعت بيبي و كامت تعيط

- مرررروه

- ها عمه

- تعميج ان شاء لله شو مخابزه هااااا

- و الله عمه ملتهيه بالجهال و يا دوب دا الحك هسه اخبز

طلعت بيبي لشارع تعيط

- ولكم مره يحيى تغلط و تسبني ترضوها يا عالم

اجتي امي وكفت يم الباب و اني لازمه بدشداشته و نسمع عياط بيبي بالشارع و هي تعيط