في قلبي حروب دامية

البارت الثامن و الخمسون

السلام عليكم و رحمه الله تعالى و بركاته ❤

البارت الثامن و الخمسون

🌺 بقلم ؛ حمامة السلام 🕊 ( عاشقة غوكو ❤ )

وين چنه ؟
و وين صرنه ؟
ڪَبل من أحچايه نزعل
هسه متنه و ما زعلنه !

يحيى

- شنو ليش تحجين هيجي بنيتي

- جان سألت روحك هالسؤال من حرمتني من امي هاهيه بعد ما اريدك توصل الي طلكت امي و حرمتني منه بعد مثل ما حرمتني منهكله هاي السنين راح احرمك من شوفتي

و جان تسد المبايل بوجهي

ضليت متصنم بمكاني

ما توقعت طول ال 44 سنه اسمع الي سمعته هذا اليوم

ضليت واكف بمكاني ما اعرف شنطي من رده فعل على هذا الموقف الي انحطيت بيه

تالي عمري اطلع اني الغلطان و الحارمهم من امهم

طول هالسنين ما زرف كلبي مثل ما زرفتني حجايتهه

كعدت من شرودي على صوت رسيل و هي اصيحني

- بابا ما تجي تباوع وياي

- لا اني راح اطلع

اخذت سويج السياره و طلعت

و بوجهي لبيت سوسن

ادك بالباب و كلبي وياه يدك بقوه

الدنيه و افترت بيه

كلبي انعصر من ورا حجايته

علمود امج الساقطه هيجي تحاجيني

اول منفتح الباب طلعلي حماها لسوسن

سلمت شلون ما جان و دخلت

اول ما شافتني حجت

- شسوي جاي هنا اني مو كتلك لا تجيني بعد و لا تخابرني شكو جاي

- بويه خل احجيلج هذا الحجي و بعده ركعه وجهي ما اشوفينه اني طلكت امج لان جنت بجيش و انسجنت بسجن و جانت تخوني ويه واحد طلعت من السجن و عمتج جان تكلي مرتك هيجي و هيج و هاي سوالفهه و من عرفت بيه رحت واجهته و ما نكرت هالشي وديته لاهله و خليتكم يمه و ما حرمتكم منه و انتو تلوبون عليه ليل نهار و مسكتون جنت اروح و اشوفكم وصخين و بالشارع مشمورين بالبرد تلعبون اموت باليوم الف مره من القهر و من كالولي امكم شردت للعماره و عافتكم اني متحملت لميتكم و جبتكم يمي رغم ما عندي بس كسرت ظهري علمودكم و ازوجت مره علمود تعتني بيكم و الحمد الله ربتكم و كبرتكم و انطتكم حنيه امكم ما انطتكم ياهه هسه امج اجتي من تالي اذكرتج من بعد هاي سنين و كالت عندي بنيه بس يابويه الظاهر تعبنه انذب بشط و اني بعد ابوج معتب بعد اذا خليتج تشوفيني من بعيد بس صدكي

خليت و طلعت ما بيه اسمع ردهه

رجعت للبيت و الهم تارس كلبي و مشيبه