في قلبي حروب دامية

البارت الواحد و العشرون

السلام عليكم و رحمه الله تعالى و بركاته ❤

البارت الواحد و العشرون

🌺 بقلم ؛ حمامة السلام 🕊 ( عاشقة غوكو ❤ ) 🌺

سمعنه صوت عياط

- ازهااااااااااااااااار

لبست دشداشتي على سريع شلون مجان

- هسه اني وين اروح

باوعت بالغرفه مطلع كدامي غير الكنتور

- ضم روحك بالكنتور يله بسرعه

دفعته بالكنتور و هو بعد ملابس

شمرت عليه ملابسه و سديت الكنتور و قفلته

عدلت شعري و ضميت الداخليات مالتي جوه الجربايه شلون مجان

و فتحت الباب و طلعت

طلعت شفت عمتي واكفه يم الباب

- شكو تعيطين

- منو بالبيت

كلبي هبط من حجت هيجي

- منو اكو بس اني

- لعد هذا الحذاء الي كدام الباب المن

باوعت كدام باب المطبخ شفت حذاء منير

بلعت ريكي و حجيت

- هذا حذاء يحيى

- شنو اجه

- لا عمه بس طلعته علمود انظفه شفته وصخ بعدين كلت خل اعوفه الباجر و بقه هنا

- هاا لعد تعاي اخذي الجهال للغرفه نوميهم

- لا عمه تعبانه اريد اروح اكمل نومتي

- دا اكلج تعاي اخذيهم

- تمام لتعصبين

اخذت الجهال و كلبي نار من الخوف لا انكشف

اخذتهم للغرفه و خليتهم همه يغسلون و يبدلون لان كبار

ضليت واكفه اترقب عمتي اطب تنام حتى اخلص من الفضيحه الي بالكنتور

بحدود الساعتين ضلت كاعده و كلبي كاعد وياهه

حد مطبت و نامت و اني انتهيت من خوفي

دخلت للغرفه و رحت فتحت باب الكنتور

جان يطلع منه منير

- هاي وين صرتي دفرتيني هنا مصلخ و رحتي

- غير لما انتظرتهم ينامون

- و عليش قفلتي باب الكنتور عليه اختنكت

يحجي و هو يلبس بالبنطرون

- اعرف بيك تطلع و متبقى لحظه بالكنتور نوب يجي احد يدخل للغرفه و يشوفك و نوب اتبهذل

- لحظه موو شو هنه ساعتين اختنكت من البوخه تكلي لحظه

جان معصب و يحجي من ورا خشمه