في قلبي حروب دامية

البارت التاسع و العشرون

السلام عليكم و رحمه الله تعالى و بركاته ❤

البارت التاسع و العشرون

🌺 بقلم ؛ حمامة السلام 🕊 ( عاشقة غوكو ❤ ) 🌺

هدى

- شنو ماكو

- كعدت لكيته ماكو حتى ملابسه ماكو عايفه الجهال و رايحه

- وين تروح يا عمه

- ما ادري ما ادري

كامت تضرب براسه و تملخ بشعرهه

- عمه على كيفج اهدي

- شهده ولج راح تخبلني صخمت وجهي و لطمته بلكاع شكول لعمامه هااا اكللهم بتي جانت تخون رجله و هسه عافت جهاله و شردت بيا عين اطلع كدامهم

- عمه انتي كلشي ممسويه فعلى شنو تخجلين كومي عمه كومي باعي حالتج شلون صايره

شلته و كعدته على جودليه و هي بعده تبجي

- عمه يا اسكتين يا اصيحلج يحيى

- لا لا هايني سكتت كافي الرجال اكل ضيم بتي نوب هسه يحير بيه هاهيه سكتت

- هيجي من الاول جري عدل

عفته منزله راسه و كاعده تمسح بدموعه

اجه محمد من الطوبه

- ماما شبيج تبجين

مجاوبته ضلت منزله راسه تمسح بدموعه

- زعلانه لان اختي راحت

رفعت راسه و سألته

- و انت مين تعرف اختك راحت

- بليل شفته تاخذ ذهبج الي ضامته بالكنتور اشرتلي اسكت بس من طلعت من الغرفه شفته شالت جنطته و طلعت

- ايا مصخم و شبيك متحجي ليش مكعدتني

- هي كالتلي اسكت

لزمت بدشداشته و كامت تكطع بيه

- ااااااااااااااااااااااااخ

اباوعله تعض بشفايفه و حاطه راسه بين ركبه و تون

كطعت روحه تكطع بس سمعت ذهباته راحن

اخذته بحظني و هي كاعده تبجي

- راحت و اخذت ذهباتي هالعار راحت و اخذت هديه ابوهه الي و راحت

تضرب برجليه و تصيح راحن

محمد بس شاف امه هيجي دخل للغرفه و بعد مطلع

ضليت امسد على راسه و هي بس تبجي

شككت دشداشته اشكك

- عمه كافي فدوه شوفي شسويتي بحالج

- اااااااااااااااااااااخ هدى اااااااااااااااااااااااااخ حتى من راحت حركتلي كلبي اااااااااااااااااااااااخ