في قلبي حروب دامية

البارت الاول

السلام عليكم و رحمه الله تعالى و بركاته ❤

البارت الاول

🌺 بقلم ؛ حمامة السلام 🕊 ( عاشقة غوكو ❤ ) 🌺

ديسمبر سنه 1979م

بغداد_شارع فلسطين

- شوف هاي اخر مره اكلكياهه هذا الولد تبطله من الدوام شغله يروح للمدرسه و يخلينه نصرف عليه هاي واكفه كلش

- لا تحطين كورج ويه كور الولد حلي عنه شرايده منه اني دا اصرف عليه لا انتي مقريته و لا شي

- هذا الحجي ميمشي عندي يا رجال هذا الولد يبطل و مو مشكلتي لا اهد هذا البيت على راسك

و اني واكف يم الباب اريد اعرف نهايه هالنقاش وين

جنت هستوني راجع من المدرسه و اسمع نقاشهم

جنت خايف لا تجي تضربني

دائما جانت معاديه روحتي للمدرسه و تشوفه شي غلط

- موضوع ميخصج ابني و اني اريده يداوم مالج دخل بيه و سدي هذا الموضوع احسلج

- شنو احمد مالي دخل هذا ابني و اني هم الي حق اقرر مصيره

- مثل ما هو ابنج هو هم ابني

- شوف يا رجال انت دائما بره و ما ترجع الا بليل و اني مبتليه اروح اشتري و اخيط و اتعب لهذا الولد مالي دخل كلت يبطل و هاي اخر كلمه انطيه

- و اني هم حجيت الي عندي راح يدوام و مالج دخل

عافه بابا و راح

و اني فورا فلتت لا تلزم بيه و تكتلني

كلما ارجع من الدوام تلزمني دك رزايل و كتل

ابد مجانت راضيه انو اروح و اتعلم

نزعت ملابسي بالغلسه و غسلتهن و شريتهن و نظفت حذائي

بعدني مدخلت للغرفه

ما حسيت غير تسحلني من شعري و تجرني بلكاع

- ماما فدوه عوفيني

- فكر ما شفت منك اي خير يله كوم جيبلي باكيت جكاير يله

اخذت منه الفلوس و طلعت اجيبله باكيت جكاير

و رحت رجعت ادرس

اقره و عيني على باب لا تجي تكتلني

من اطك فيوزاته مو بعيده عليه تجي تسحلني لشارع

ضليت اقره بالخلسه و ميت جوع

خلصت قرايه

رجعت الكتب جوه الدوشك

و رحت لغرفه ماما

اشوف منتهى نايمه

عمره سنتين

بيضه و حليوه

كلما ارجع من المدرسه لازم اشوفه و اداعبه

كل شوي اباوع للباب