في قلبي حروب دامية

البارت الخامس عشر

السلام عليكم و رحمه الله تعالى و بركاته ❤

البارت الخامس عشر

🌺 بقلم ؛ حمامة السلام 🕊 ( عاشقة غوكو ❤ ) 🌺

ازهار

- مبروك عليج طلعتي حامل

مدري شصار بيه من سمعت حجيه

ما اظن اجتني الفرحه مثل اي وحده تسمع هيجي خبر

لان اساسا اني ممزوجه بقناعتي

عمتي جانت فرحانه و تباركلي و اني داخله بعالم من الجمود

ما اظن روحي مستعدة لهيجي خطوه اربي طفل

زعجني الموضوع بدل ما فرحني

كل هاي العيشه انجبرت عليه

مجان اي شي برضاتي

و هسه هذا الطفل الي ما اعرفه ابو منو

اخاف لا يطلع ابو منير نوب اوكع بيه

وصلت للبيت و عمتي اموته روحه من الفرحه عداي اني الي زعجني موضوع هالحمل

يعني سواء اكان هذا ابن منير الكل راح يظن انو ابن يحيى و خلاص بعد ارتبطت عيشتي بهل مخلوق و اذا ابنه فهم نفس النتيجه متغيرت

سالتني عمتي

- هاا شطلع بيج عوجه عدله

- لا عدله عمه

- يعني رحتي على خالي بلاش لدكتوره و اخر شي مطلع بيج شي موو

- لا طلع بيه شي

- انتي مو تكولين عدله و هسه تكولين طلع بيه شي احجي عدل

- طلعت حامل

رفعت حاجبه و مهمه الموضوع

سالتني

- اذا اني ميهمني انتي حامل لو لا انتي شعندج كالبه جهرتج

- عساس ميته عله ابنج و هلكد رايده منه طفل

عوجت حلكه و رجعت تفلس بالخضره

ضليت طول اليوم اشتغل و اني مال خلك و خلكي ضايك من ورا سالفه الحمل

هسه مين طلعتلي هالشغله

خلصت شغلي كله منا لليل رحت لسطح مثل موعدي ويه منير

ضليت انتظر شويه لما اجه

اخذني بحضنه و هو يهمس باذني كلمات اشتياقه و حنينه الي

كالي

- شبيج كالبه جهرتج صاير شي متعاركه

تاففت و كعدت على الطابوكه الي بصف الباب مال بلكونه

- منير

- هاا

- اني حامل

- و شكو بيه