في قلبي حروب دامية

البارت السادس و الستون

السلام عليكم و رحمه الله تعالى و بركاته ❤

البارت السادس و الستون

🌺 بقلم ؛ حمامة السلام 🕊 ( عاشقة غوكو ❤ ) 🌺

مصعب

- اكلك مكافيك شرب صالك اسبوع على هاي الحاله

رفعلي ايده و صاح

- عوووو ...... فني خليني اشرب بلكت انساهه

- احنه شكنالك مو حذرناك و كنالك فرح لا توصل يمه شوف شصار بيك من وراهه

- هاهيه بعد حبيته و .... و خلص متوقعتهه تطلع هيجي

- شتتوقع يعني منه تكون شريفه و مال تزوجه و تصير ام بيت علمودك مشوف رقمه موجود يم كل الولد برأيك هاي وحده تروح تخطبه باختصار وحده بايعه نفسه

- اكول انت جاي ازوده عليه لو شنو مكافي الصدمه الي اني بيه شدراني تطلع وحده رخيصه هيجي شفته واكفه بالباب و عجبتني شدراني كل وحده تتملزك بالباب هيجي تطلع

- احنه شكنالك مو كنالك هالبنيه عوفه كلت لا اني بس اريد اتونس بيه شكتلك بوكته هي راح تتونس بيك و هاك استلم شوف شلون خلتك تحبه و تغرك بيه و تشوفه بنيه زينه و هي بالملاهي تلكاهه اول الناس

- التوبه بعد اذا فكرت ازوج

- لا مو لهل درجه

- لا بعد قفلت ما اريد اسمع بسيره الزواج لو مدري شيصير

- هسه دكوم و عوف هالزقنبوت من ايدك شلون راح ترجع لشقه

- معليك بيه اني ادبر روحي انت روح و عوفني ويه وحدي ويه المشروب

- تدري بروحك حيل مصخته سويته مناحه على وحده ساكطه

- تكوم منا لا افلش الشيشيه براسك ترا واصله حده

- كايم بس احسلك لضل تشرب ترا هواي هملت الكليه و مستواك صار بنازل

- لتصير براسي فهيم و تنطي نصايح و مواعظ لا تنسى روحك و شنو طينتك

- حجيت علمودك

- كلشي ما اريد تسوي علمودي

- مثل متريد

مهاب

- مهاب ما لزمته

- اصطبري ترا كلشي ما يبين

جان تصيح عليه رقيه

- انتبه لا تعضك انت هم

ما اشوف غير ايهاب جر الكرك من عندي و بكل قوته ضربه بالكاع

- هااا كتلته

رفعت راسي جان اشوف راس الحيه مكطوع و جسمه يتحرك بين الكواني

يجي ابالي المنظر و اني اشوف رجل بابا تقطر دم

عضته برجله و ضمت روحه بين الكواني الجوه الدرج