السلام عليكم و رحمه الله تعالى و بركاته ❤
البارت الاربعون
🌺 بقلم ؛ حمامة السلام 🕊 ( عاشقة غوكو ❤ ) 🌺
يحيى
ضليت صافن على كلام نجوى
حجيت
- تكدرين تبقين ويه الجهال علمود اروح هناك
- عادي تكدر تروح
طلعت من البيت و صرت اركض ركض لبيت عمي
اول موصلت هناك لكيت الامه مكلوبه ناس طالعه و ناس طابه و الجوارين مكاتل على باب
جعصت روحي بينهم و دخلت
البيت متروس ترس
حد مسمعت صوت عياط النسوان
لكيت عمتي خالديه واكعه بين اديهن وجهه احمر و بلكوه تتنفس
و كل شهكه منه توجع كلبي
مكدرت اقترب منه و حشد النسوان كاعد بصفه
شويه و شفت وحده نايمه على جسم عمو و متدثره بعبايته
هاي العبايه اني جبته اله
عرفته بسرعه و من دون ما اتردد كعدت بصفه
بس شافتني شمرت روحه بحضني و تبجي بجي يكطع اوصالي
" الموت " جمل اسود يركع كدام كل باب
شويه و رفعت راسه و حجيت
- اني راح اروح عيب كاعد منا و النسوان طابه طالعه
- خوش
رحت طلعت بره ورا ما اطمنت عليه
اذكر منظر رجليه المزلغات
جايه حافيه لهنا
غسلوله و جفنوا و حطوه بتابوت و طلعوا
رقيه
ضلت خاله نجوى كاعده ويانه و هي تبجي و احنه نباوعله بكل سكون
مجنه نفهم معنى الموت او انو احد يفاركنه و يعوفنه
لحظات الوجع الي جنه نشوفه كانت بسيطه و محسينه بيه الا من رجعت ماما ورا 3 ايام يعني ورا مخلصت الفاتحه
جنت اشوفه شلون كاعده تباوع لسكف و دموعه بعينه ضلت خالتي ويانه اكثر من اسبوع و هي ادارينه مع انو هي مجانت اقل حاله من ماما
اول حادثه موت نشهده جانت غريبه علينه و تأثرنه رغم اول مره نعيشه
حتى ياسر ابو كلب الجامد تاثر بهاي الحاله
ياسر الفرد الوحيد بالعائله الي حياته على صامت بس مجان ابد ياذينه يبتسملنه ببرود و يدير وجهه عنه
غيمه السواد و الحزن ضلت فتره بعائلتنه بسبب موت جدو
بس جان مبين انو الحزن مجان راح يفارقنه
أنت تقرأ
في قلبي حروب دامية
Mystery / Thrillerرجل بسيط يعاني من قساوة عائلته و مرارة الحياة رواية حقيقية بقلمي ؛ حمامة السلام 🕊 ( عاشقة غوكو ❤ )
