في قلبي حروب دامية

البارت الرابع و الاربعون

السلام عليكم و رحمه الله تعالى و بركاته ❤

البارت الرابع و الاربعون

🌺 بقلم ؛ حمامة السلام 🕊 ( عاشقة غوكو ❤ ) 🌺

حال فؤاد

‏‏شتريد مني ..!
إلمن عفتني عدل ..
ما تدري بيةهَ بدونڪ شڪَد متت..!

حتة بوداعڪ حسستني بنقص ..
چنت أبچي وأنتَ تباوع ع الوقت..!

حال منتهى

‏وأنتَ تدري
تدري ڪل ليله
بغيابڪ ينهدم ثلثين عمري..!

حال يحيى

- أريد أفهم دفهمونا؟
- خسرناگم ، خسرتونا؟
- ياهو البينا ظل مرتاح؟
- ياهو الـ نامت عيونه؟
- إنتم ، إحنا ، حاچونا..!

نديمه

رجعت من بيت اهلي و لكيت عمتي متمدده بلكاع

اول محست بوجودي

حجت

- هااا شصار

- بابا كال هسه ادور و اشوفلكم

- خوش لعد

رجعت راسه للكاع

اني هم كعدت بصفه و انتجيت للحايط

حد ما ثاني يوم الصبح اجه بابا و لاكينه بيت ايجاره زين

بدينه اني و عمتي نجمع بغراضنه

و بابا ساعدنه نشيل غراضنه بسيارته

و رحنه للبيت الجديد ...

و بهل فتره انجبر عمر انو يقبل سالفه كعدتنه ابيت ايجار

مروه

2004م

بعد ما سقط النظام رخصت مواد البناء حيل فاستغلينه هاي الفرصه و بدينه نبني بالقطعه الي جان مشتريه يحيى من سنه

جنت منتجيه على جربايه و صفيه نايمه بحضني

مغمضه عيوني و تعبانه من الشغل

حد ما فزيت من سكوني على صوت عياط بالبيت

وخرت صفيه على كيف من حضني لا تكعد

لميت شعري و سديت الباب و طلعت اشوف شصاير

و الكه يحيى دا يتعارك ويه ياسر

أسمع يحيى يحجي

- انت ناوي تموت روحك و تموتني وياك

ياسر مشه و طلع بدون ما يحجي

اجتي سوسن على صوت العركه

سألتني

- شصاير

- ما ادري انتي فوتي كملي شغلج و اني اشوف شصاير

- خوش ماما