في قلبي حروب دامية

البارت الخامس و الثلاثون

السلام عليكم و رحمه الله تعالى و بركاته ❤

البارت الخامس و الثلاثون

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

متمدد و بصفي الجهال نايمين

اباوع لسكف فرحان

حتى النومه مجايتني

فزيت من شرودي على صوت رقيه و هي تكح

- بابا مي

- دقيقه ضلي بمكانج هسه اجيبلج مي

كمت رحت جبت مي و كعدت اشرب بيه

و هي بس تكح

- اوف يبنيتي مخليت دكتور ما ينعتب عليه و كلشي ماكو على حالج تكحين كلشي مفادج

اجتي حطت راسه على صدري و ضلت تكح و هي لازمتني من الفالينه

ضليت ادك على ظهرهه و افرك بجسمه بلكي تتعب و تنام

لا دكاتره فادت و لا علاجهم فاد

ضلت تكح لما غفت

ضليت منومه على صدري و اباوع لسكف

بس هالمره اباوع بقله حيله على حال بنتي

كعدت سوسن باوعتلي و حجت

- بابا اني هم اريد انام بحضنك

- تعاااي بنيتي تعالي

اجتي دحست روحه بحضني و نامت

ياريت لو يتوقف الزمن بينه و نضل هيجي نضحك لصبح

ياريت نبقه و احبابنه بين ادينه

ياريت

و ياريت ابد متتحقق

نمت و هنه بين اديه

الي ما عنده بنات ما حس بطعم حنيتهن و خوفهن و دلعهن كلشي بيهن حلو

كعدت الصبح صليت و طلعت للحديقه

رغم انه صغيره بس حلوه

طلع ياسر من الباب و هو يفرك بشعره

- ياسر تعال هنا

صحته

انتبه عليه

دار وجهه عني و رجع دخل

هاي حاله دائما داير وجهه عني ميحجي وياي

شكد ما اريد اتقرب منه يحط هاي المسافه بينه و يبتعد

محبيت بيوم اضغط عليه بخصوص هالموضوع راح يجي يوم و تنمسح هاي المسافه

كمت رحت لشغلي و ........

مر شهرين على هذا الروتين الطبيعي

حددنه موعد العرس يصادف يوم 8 يوليو

بدت تجهيزات الحنه و من هالسوالف الي تريد جيب متروس يصرف