في قلبي حروب دامية

البارت الواحد و الخمسون

السلام عليكم و رحمه الله تعالى و بركاته ❤

البارت الواحد و الخمسون

🌺 بقلم ؛ حمامة السلام 🕊 ( عاشقة غوكو ❤ ) 🌺

‏مرّات فتره ويحِن
مرّات يوميّه ،
مرّات حتى بحلم
يستثڪَل الجيّه!

ازهار

حجت ام فاطمه

- ينام ويه المره الي تريد تسوي هيجي سحر

- مو مهم اهم شي مضمون

- مضمون بس

- بس شنو

- باعي هيجي سحر خطير يمكن يوصل بتج للموت راح تعرفين شقصد اذا قاريه او سامعه عن السحر الاسود

- لا قاريه و لا سامعه بس اهم شي يفيد

- اني كتلج يفيد و نتيجته مضمونه بس حيل مؤذي

- ايمته اكدر اروح لهذا الشيخ

- اول شي لازم تحجزين يمه و تاخذين موعد بس قبل لتحجزين دبري امورج

- شتقصدين

- مثلا حصلي شي من بتج مثلا صور لبتج ويه خطيبه هيجي شي حتى تكون امورج ماشيه لما تروحين لشيخ

- مين اجيب صور اله و لخطيبه اني

- دبري روحج خيتي اني الي عليه جبتلج الاسم و استفسرتلج من المره الباقي عليج انتي تسوي

- مقصرتي ممنونتلج

- و لو تدللين

طلعت ام فاطمه من يمي و بقيت اني حايره شلون احصل شي من سوسن صوره اله ويه خطيبه هي هاي هم حيره شلون بله

مددت رجليه بلكاع و كعدت اكرز بالحب و بالي مشغول شلون احصل الصوره

عقلي انشل و اني ما ادري شلون

ماكو غير انو اروح لبيت يحيى و اخذ الصوره بيدي بس شنو العذر الي لازم اطلعه

صفنت اريد بس الكالي عذر بس ماكو عقلي صفر

- شسوي هسه اني شسوي شسوي

احاجي روحي و ما ادري شصاير يمي

جان اباوع و اشوف الجهال يتعاركون على تلفزيون

اثنين ولد و بنيه وحده

اكبرهم معتز سبع سنوات

وراه يجي اكرم ست سنوات

و اخر العنقود سما اربع سنوات

صفنت بيهم شلون يتمالخون على تلفزيون و اني مالي خلك افاككهم

اخر شي كمت شلت ماعون الحب و تمددت اباوع ويه الجهال على تلفزيون

الكه عذر مو صعبه اهم شي ما ابقي سوسن بيد واحد غريب اله اخربه

سوسن